Ka Nupepa Kuokoa, Volume XL, Number 24, 13 June 1902 — PAU I KE AHI MA KA MOANA Ka Moku Kiaha Hao Fannie Kerr me kona Piha Ukana Lanahu, ma kahi he 800 Mile malalo aku o Kauai—Pakele ke Ola o ke kapena a me na Luina. [ARTICLE]

PAU I KE AHI MA KA MOANA

Ka Moku Kiaha Hao Fannie Kerr me kona Piha Ukana Lanahu, ma kahi he 800 Mile malalo aku o Kauai—Pakele ke Ola o ke kapena a me na Luina.

He 800 haneri mile ma ke Komofib.naAkau o ka mokupuni o Kauai, Akau 26.15, lonitu komohana 168.30, i loaa iho ai" kekahi moku kia-ha Pelekane ma ka inoa o Fannie Ke'rr. E holo ana oia no Kapalakiko mai kona awa ku moku mai o Newcastle, Auseteralia. Ma ka la 7 o Aperila i haalele ai oia i ko awa me kekahi mau kana nanahu he 3730 no Kapalakiko, oiai oia e holo ana me ka maikai ua haiawai koke iho la oia me ka popilikla nui. Ma ka la 29 o Mei i hala aku la i hoomaka ai ka a ana o ke ahi mai ka nanahu ae. ua hoao ke kapena e hoopio i ke ahi me kona mau kanaka aole nae e hiki ke pio. Mamuli o ka hiki ole ke kinai, ua kauoha aku ke kapena Kipikona (Gibbsons), oia ka inoa o ke kapena i kona mau kanaka e hookuu i na waapa me ka eleu loa. He eha ka nui o na waapa o keia moku a o ka' ha he wahi waa uuku loa hiki ole ke lanakila maluna o na ino o ka moan&. Mahelehele ia na waa o lakou me na ohua kupono ke kau, a penei lakou i hana ai: O ke kapena, kana keiki ponoi ame umi o na kelā moku maluna o kekahi waapa, ke alii moku Lockwood me umikamamakahi kela maluna o ka lua o ka waapa. Ka Hope Huli Pahu me eha kanaka m'aluna o kekahi, a o ka ha o na waapa me na wahi kanaka eha. Hookahi 1 ko lakou holo like ana me ka ehaeha o. ka naau no ka nui mai o ke aloha i ka moku. Huii aku )akou i hope e nana i ka mea i aloha ia ua kulu iho ko lakou mau waimaka. Ua loihi ko lakou holo ana, a lohe aku la lakou i ka pahu ana o ka moku me ka ike pu ia aku o ke ahi ame na apana liilii e ieie ana. iluna i ka lewa, a na ia mea i hooi loa ae i ko lakou aloha. Ma ka hora 4 o ka auwina la o ka Poaha, la 29 o Mei i hala i hoomaka ai«lakou e haalele i ka moku a au ma ( i i ka moana Pakipika. I ka po ana iho ua loaa lakou i ka ino nui a ua hookauia mai he eha kanaka o kahi waapa uuku loa me ke* kapena a pakele keia mau uhane. No elua la ko lakou loaa ana i ka ino a i ka ha mal 0 ka la ua ano maikai mai ka ino, mamuli no ia o ka pa ana mai o kekahi makani ma komohana mai a ua akakuu mai ke kai. I ka po mua loa o ko lakou loaa ana 1 ka ino i hoopakeleia ai na kanaka eha i hai mua ia ae maluna. Mamuli o ko lakou loaa ana i ka ino i ka po mua, ua hookaawale ia lakou mai kekahi ae, a pau no hoi ka halawai kamailio ana. Ma ka loheia mai he waapa nui ko ke kapena me kona kia nui a pea maikai hoi, na keia mea i kaili mai iaia me kona mau kanaka, a hiki ana lakou i Makaweli,, Kauai ma ke kakahiaka nui o ka Poalima la 16 o keia mahine iho nei. Ma ko lakou hookomo ana mai iloko 0 ke awa ua loaa mai ia lakou ka moku Mikahala e ku~ ana. Holo mai la lakou a kokoke i ka moku a hai aku ke kapena o ka waapa pilikia i ke kapena o ka Mikahala ua loaa ia lakou 1 ka pilikia, a ua nalowale aku he elua

waapa me kona mau kanaka. Ua manao wale ia no ua kia loa aku lakou rfta ka mokupuni o French Frigate Shoals he 600 mile aku mai Kauai, eia ka, ua pae mai la kekahi i Niihau a 0 kekahl ua hoea ae i Waimea. Ua lawe loa ia mai keia mea hou maluna o James Makee i Honolulu nei, a i ka lohe ia ana o keia mea hou piiikia ua kauoha koke ia ka mokuahi Albatross e hoomakaukau no ka holo ana e hoopakele i keia mau uhane: i ke ahiahi Poaono aku nei i hala i manao ai e holo, aole nae i holo koke, aka, ma ke kakahiaka ae o ka la pule. Ma ia kakahiaka i komo mai ai ka moku W. G. Hall me ka mea hou a ua hoike mai oia ua pae aku kekahi waapa ma Waimea a o kekahi hoi ma Niihau. A e hoihoi ia mai ana lakou i Honolulu nei me ka hauoli nui, a pakele ae la ia mau uhane. Ma ke kakahiaka o ka Poalua nei i hiki mai ai i Honolulu nei na kanaka 1 loaa i ka pilikia ma ka moana me ko lakou kapena Mr. Gibbons maluna mai o ka moku Mikahala. Aia lakou apau ma ka "Home Hooluolu o na Kela Moku" mauka mai o ka makeko. e kali ana lakou o ka loaa aku o kekahi kokua mai ke Kanikela Pelekane Mr. Hoare aku, alaila loaa iki la lakou ka maha. I ko lakou hiki ana mai ma Honolulu nel aole hookahi o lakou i hoopuka i kekahi mea e pili ana i ka pilikia i loaa la lakou ma ka moana. Mahope iho o ka maha ana o ko iakou luhi ua hoomaka mai la ua poe wiwo ole nei i ke kukahekahe i ka moolelo o lakou me ke kapilipill aku i ka hewa maluna no o kahi o lakou a hele wale i ka nui. O kekahi kumu no hoi i nauki ai )cahi o lakou no ka ike ole o ka mea Hana e hookele i ka ihu 0 kawaapa, ina o ka mokupuni o Kauai ka ihu i makemake ia, i hlkauhi aku Ia ka panana e kia ai a napoo ana ka la ilalo, o ka pau ae la no ia o ka ike ana i ke ala e hookele al. O ka oi loa aku o ka namunamu oia no na wahi kela eha me ko lakou alakai ka Malama Moku Mr. David Longwill. Nui| ka hana apiki o keia wahi haole i kona i mau kanaka ma ko lakou manawa i haalele ai i ka moku Kerr a pae wale no i Niihau. Ua pau wale no keia mau nakulu ana a ka hekili a o ka malie wale ae la no ia o ka ua. O na waapa i hiki ma Kauai aohe a lakou hoohalahala ana i ko lakou alakai, me ka maikai wale no i hanaia ai lakou a hiki ana i ka aina me ka hauoli nui i loaa ia lakou i keia manawa. Na hoolala ana a ko lakou Kapena Gibbons no keia mua aku aole I maopopo ia lakou, a ua manao wale ia no e hoi ana lakou apau loa i Venekoua maiuna o kekahi o na moku kalepa e holo ana i ka manawa kupono, a ina aole, e hoi ana ua poe eu nei i Kapalakiko. Aia ko lakou hoi a loaa mai kekahi olelo hooholo mai ke Kanikela Pelekane Hoare mai, alaila hoi nui e ai ke dala a lakou me ke koikoi nui maluna iho o na hoku o lakou.