Ka Nupepa Kuokoa, Volume XL, Number 24, 13 Iune 1902 — Na Mea hou o Hana [ARTICLE]

Na Mea hou o Hana

Mr. Lunahooponopono. Aloha:—E oluolu e hookomo iho' ma j kahi kaawale o kau pepa i kela mau ! mamala olelo e'kau ae la maluna. | Ma ka la 1 o lune, 1902, ua malamaia ka hoike hui o na Kula Sabati o'Maui Hikina. ma Wananalua, Hana, a ua hiki mai ko Kaupo, Kipahulu, Keanae a he nui na makaikai i hiki mai e nlana i na hana o ia la. O na hana i hanaia, oia no na haawina ame na himenl.no | ka hoike hul ma Lahaina i ka mahina ae nei o lulai. Ua mele mai ka Papa 0 na keiki he elua himeni ame ka Ia- I kou mau haawina, a o ka papa hoi o ] 1 na makua, he ekolu himeni ame ka lakou mau haawina; ma ka nana ana 1 na hana i hanaia, fne he la, ua hiki no ke olelo ia ae "lawe a lilo o Maui Hikina i na hana o ka la ma Lahaina." Ua loaa he mau olelo paipai e olelo ana, e paa i ka makia o Maui Hikina, oia hoi ka "oioi o Maui Hikina," a o ke "Kila Uhalu ole." E paa e na oplo o Maui Hikina i ka hanohano o ka apana, a o ka hele ana imua, oia ka mea nana e ike mai ia oukou, a e hookoia no kela olelo "I noho ka hanohano iloko o ko kakou aina." Na ke Akua e kokua mai. He nui ka wela o keia mau la o Hana nei, aole pela mamua aku nei; he mau la ma-u-u-ia, aka, ke hoi mai nei o "Kaneaiakala," a he inu hou aku koe i ka wai opunui o ke kaha. Ma k'a la 3 iho nei, ua ola iho la ka makapehu i'a o Hana nei, mamuli o ka hoopuni ana o Kilinahe Kaleo ma ke awa o Kauiki, i kekahi puni akule nui, nona ka huina i manaoia, maluna o ke kini a i ole malalo iki paha, no ka mea, o ka haawina o na kanaka hana e haawiia ai, ma ke eke huluhulu, uhao a piha ku'i no hoi. O ka 'lua iho la keia 0 na puni i'a nui loa i ike ia, i ka makahiki i hala, a o keia iho la, a eia no ka i'a a ke ku hou mai nei. Ke liuliu mai nei ka hana e pili ana 1 ka hale wili hou o Hana nei. Ke manaoia nei i ka wa e pau ae ai ka wili ana, o ka wa no ia e hemo ai o na pono kahiko, a o ke komo no ia o na mea hou. He hdike ana mai keia, aia no ma ke kulana maikai ka nee ana o na hana i hanaia o keia mahiko, aole hoi pela o Makaalae i nalo. lune 6, 1902. MEA KAKAU. *+> Ku ka hoi ka ee o ka lepo o na alanui o ke kulanakauhale nei i ka po Poalua iho la i ka ua mea o ka lele liilii i ka hana a na kaa pulumi o ke Aupuni. Maemae nae i ke kakahiaka ana ae. Moe ka hoi kaoo o na kaa hapaumi no Kapiolani Paka i ka la o Kamehameha iho nei a ohuohu no hoi i na ohua.