Ka Nupepa Kuokoa, Volume XL, Number 24, 13 Iune 1902 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IUNE 13, 1902

 

KA HOIKE HUI O NA PAEAINA.

PAPA HOONOHONOHO O NA HANA HOIKE HUI O NA KULA SABATI O KA PAEAINA, MA LAHAINA, MAUI, IULAI, 1902, HORA 9:30 A.M.

Hon. J. W. Kalua, Lunahoomalu o ka la.

Poakahi, July 7-Hoike na Kula Sabati Oahu ame Kauai.

Himeni Wehe-H. E. 34, 2 p. Buke 1.

Pule Wehe-Rev. E. S. Timoteo.

Haiolelo-Rev. J. Ezra. Hope Peresidena.

Hoike Kula Savati Kawaiahao, Kaumakapili, Kalihi ame Moanalua.

Haiolelo Pokole-T. Richards ame S. Keliinoi.

Himeni Hui-H. E. 58, 2 p.

Hoike Kula Ewa, Waianae ame Waialua.

Haiolelo Pokole-R. H. Makekau ame J. K. Hanuna.

Himeni Hui-H. E. 44, @ ame 3.

Hoike Kuka Hauula, Waikane, Kaneohe ame Waimanalo.

Haiolelo Pokole-J. H. S. Kaleo ame T. S. K. Nakanelua.

Himeni Hui-H. E. 26, 2 p.

Hoike Kula Haena, Wainiha ame Waioli.

Haiolelo Pokole-Rev. M. Kuikahi ame D. Alawa.

Himeni Hui-H. E. 103, 2p.

Hoike Kula Kilauea, Koolau ame Anahola.

Haiolelo Pokole-Rev. E. M. Hanuna ame D. Keliipio.

Himeni Hui-H. E. 17, 2p.

Hoike Kula Kapaa, Kihue ame Koloa.

Haiolelo Pokole-M. O. Waiwaiole ame J. Samoa.

Himeni Hui-H. E. 46, 2p.

Hoike Kula Hanapepe ame Waimea.

Haiolelo Pokole-P. N. Kahokuoluna ame D. Kahaulelia.

Himeni Hui-Lulu H. E. No. 104, 2 p.

Lulu Dala-Hon. W. C. Achi ame S. M. Kanakanui. Na manao paipai. Revs. W. M. Kincaid, O. Nawahine, S. Kapu, D. Kaai, J. Kaalouahi, S. K. Kaailua, Hon. W. H. Rice ame Hon. J. B. Atherton.

Himeni Hookuu-H. E. 100, 2 p.

Pule Hookuu-Rev. S. Kapu.

Ma ka po iho, wehe aha mels, 7:30 p.m.

Poalua, July 8-Hoike o na Kula Sabati o Maui ame Molokai.

Himeni Wehe-Lei Alii 8, 2 p.

Pule Wehe-Rev. M. Kuikahi.

Haiolelo-Rev. S. W. Kekuewa.

Hoike o na Kula o Maui Hikina, Keanai, Nahiku, Wananalua, Kipahulu ame Kaupo.

Haiolelo Pokole-J. K. Nahale ame Rev. C. M. Kamakawiwoole.

Himeni Hui-Lei Alii 93, 2 p.

Hoike o na Kula o Makawao, Huelo, Haiku, Paihiihi, Paia, Maunaolu, Pokela ame Keokea.

Haiolelo-Rev. W. M. Kalaiwaa, J. W. Moanauli ame S. W. Kaai.

Himeni Hui-Lei Alii 48, 2 p.

Hoike o na Kula o Maui-waena-Kahakula, Waihee, Waiehu, Wailuku, Waikapu, Kahului, Keawakapu ame Kanaio.

Haiolelo-Z. Paakiki, Revs. C. W. P. Kaeo ame J. Kauhane.

Himeni Hui-Lei Alii 90, 2 p.

Hoike o na Kula o Molokai-Pelekunu, Wailau, Halawa, Waialua, Honomuni, Kaluaaha, Kamalo ame Kaunakakai.

Haiolelo-T. K. A. Amalu, S. Lazaro, W. Hudy ame W. Ellis.

Himeni Hui-Lei Alii 64, 2 p.

Hoike o na Kula o Maui-Komohana-Olowalu, Wainee, Lahainaluna, Kaanapali ame Honokohau.

Haiolelo-W. Kamau, D. Kahooio ame S. Oili.

Himeni Lulu-Lei Alii 13, 1 ame 2.

Lulu Dala-John Richardson ame D. W. Napihaa.

Na manao paipai-Revs. E. S. Timoteo, F. W. Damon, J. Leadingham, W. D. Westervelt, C. Hill, A. V. Soares, E. W. Theving, O. Nawahine, S. L. Desha, Hon. H. P. Baldwin ame Hon. J. W. Kalua.

Himeni Hookuu-Lei Alii 146, 2 ame 3.

Pule Hookuu-Rev. S. Kapu.

Ma ka po iho, wehe aha mele hora 7:30 p.m.

Poakolu, July 9-Hoike o na Kula Sabati o Hawaii.

Himeni Hui H. A. N. 110, 2 p.

Pule-Rev. S. L. Desha.

Haiolelo Pokole-Hon. H. Waterhouse.

Hoike Kula o Kalapana ame Opihikao, Puula ame Olaa.

Haiolelo-Revs. J. B. Hanaike ame G. L. Kopa.

Himeni Hui-H. A. N. 97, 2 p.

Hoike Kula o Onomea, Puuohua ame Laupahoehoe.

Haiolelo-Revs. S. Kaili ame J. Kaauwai.

Himeni Hui-H. A. N. 172, 2 p.

Hoike Kula o Hamakua Hikina, Hamakua Komohana ame Waimea.

Haiolelo-Revs. J. M. Lydgate ame J. B. Haleole.

Himeni Hui-H. A. N. 111, 2 p.

Hoike Kula o Kohala Akau, Kohala Hema, Kekaha, Kailua ame Helani.

Haiolelo-Revs. O. H. Gulick ame M. K. Nakuina.

Himeni Hui-H. A. N. 85, 2 p.

Hoike Kula o Kona-Waena, Kealakekua, Hookena, Kaohe ame Milolii.

Haiolelo-Revs. O. P. Emerson, J. Kekahuna.

Himeni Hui-H. A. N. 17, 2 p.

Hoike Kula o Kau ame Haili.

Haiolelo-E. P. Aikue ame E. K. Lilikalani.

Himeni Lulu-H. A. N. 220, 2 p.

Lulu Dala-J. K. Nahale, S. W. Kaai.

Na manao paipai-Hon. W. C. Achi, Revs. W. N. Lono, J. Davis, J. Nua, S. L. Desha, ame S. M. Kanakanui.

Himeni Hookuu-H. A. N. 264, 2 p.

Pule Hookuu-Rev. S. Kapu.

Ma ka po iho, wehe aha mele, hora 7:30 p.m.

NA OLELO HOAKAKA.

O ka Papa Hoonohonoho Hana maluna ae, oia ke kuhikuhi ame na alakai ana i na hana hoike i hooponoponoia e ke Komite Hooko o ka Ahahui Kula Sabati o Maui ame Molokai.

Ma ke kauoha a ke Komite Hooko o ia Aha.

M. P. WAIWAIOLE,

Kakauolelo.

Wailuku, Mei 27, 1902.

E noho ana ka Ahahui Paeaina o ka Hoomana Naauao ma ka la 21 o keia mahina ae ma ka luakini o ke "Alaula o ka Malamalama."

 

ME HE HANA MANA 'LA IA.

IKE KA MAKAPO A HELE KA OOPA.

O John Hunter o ke alanui Orient, Chico, o ka Hui Butte, Calif. he kanaka makapo a oopa oia, a he kanaka nawaliwali hiki ole ke kamailio. He kanaka pilikia loa oia i ke kupulau o ka makahiki i hala aku nei, a i keia manawa ua ike oia, ua hele, a he hiki ke hana.

Eia kana pane i kekahi o ka nupepa San Fancisco Examiner: Aneane eha makahiki i hala ae nei ua loaa ia iho la au i ka ma'i me ka hikiwawe. Ua nalo ae la ko'u ike apau ame ko'u loaa pu i ka ma'i-lolo ma kuu aoao akau mai kuu puu a hiki i ka wawae, a aneane hiki ole ia'u ke kamailio pono. Mahope koke iho no, uhi koke mai la ka pouli o kuu mau maka a no ia mau pilikia o'u ua waiho ma'i au maluna o ko'u wahi moe. Ua imi nui na kauka i ko'u ola, a hulia me ka malama pono a ko'u kauka ohana aole wahi loaa iki o ka oluolu ame ka maha.

Mahope o ka pau ana o ka manaoiana e loaa hou kekahi pono mai na hoaloha ame na kauka mai, ua hooholo iho la au e hoao i na Huaale Akala a Kauka Wiliama no ka Poe Nananakea. Ua hoike aku wau i ua laau la i kuu kauka, ua ae mai oia ia'u e ai me ka hoapono loa mai. Mailoko mai o ke ano lolo a makapo a maalo aku ka ikaika kino mamuli o keia pilikia, ua pii hou mai kuu ikaika a ua hiki maoli ke hele a hana i na hana liilii like ole o ka pa, ua hiki ia'u ke hele i ke kaona a o ka mea oi loa aku oia ka ike o kuu mau maka, a ua aie maoli no wau i ka Hualle Akala a Kauka Wiliama.

Ua hoomaka mai kuu oluolu i ka pau ana o ke poho mua a hoomaka i ka poho elua. A hoomau mai la no wau i ka ai ana a hiki i ka pau ana. Nalowale loa ka eha o kuu opu, hoi hou mai ka ike o kuu mau maka ame kuu noonoo, a ina ua mahalo kekahi kanaka, e ake ana i kekahi poe e ike i ka waiwai i'o o na Huaale Akala a Kauka Wiliama, o ua kanaka la oia no wau. Ua ike nui ia ko Mr. Hunter ola ana a o kekahi poe oia o Mayor O. L. Clark, o Rev. W. G. White, Mr. A. H. Crew, ka Luna Hale-leka W. W. Wilson, no Chico, Calif. wale no lakou apau.

O na Huaale Akala a Dr. William, ua loaa no, no 50 keneta o ke poho hookahi a he eono poho laau no $2.50, aia ma na halekuai apau a ma ka Hui Kuai Laau o Dr. William, Schenectady, N. Y.

 

Ma ka Luakini o Kawaiahao.

NA HANA MA KE SABATI I HALA IHO LA.

Hoomaka na hana haipule o ke kakahiaka ma ke mele ana o ka papa himeni ame na hana e ae, a mahope o ka lulu dala mahina hou he $65.35 ame ka himeni i meleia ua puunaueia mai ka Mane Lani, "O Oukou ka Malamalama o ke Ao nei, o ke Kulanakauhale i ku ma kahi kiekie aole ia e nalowale." Mataio 5:14. Ua wehe mai la ke kahunapule me ka naauao ame ka mana huki e hoopili mai i  ka naau o na kanaka. He olelonane kaulana loa keia a Iesu Kristo. E olelo ana i na lunaolelo, "O oukou no ka malamalama o ke au nei." Aole o Iesu e hoahewa wale ana i kanaka, o ke a'o aku o ka paipai aku, a o ke alakai ana i na kanaka iloko o ke ola; a kau mai la i ka pono, ka maluhia, ame ka hemolele o ke Akua imua o kanaka apau loa. A pela ko Iesu hoohuli ana i ka wahine o Samaria ma ka Punawai o Iakobo. Ioane 4:7-24. He mea i maopopo mau: o na kauhale maluna o na wahi kiekie, aole loa ia e nalowale ana; nolaila, owai na kulanakauhale i ku ma kahi kiekie? Ua pani ia penei, o na ohana apau ma na home, a i loaa hoi keia mau kulana oiaio o ka pono Kristiano, he maikai, he oluole, he aloha, he noho ma ka pono o ka Haku; he maluhia; e pale ana i na mea hewa apau. Oia hoi, ka makuakane, ka makuahine ame na keiki. He lahui uuku ka ohana, a he aupouni uuku ka home. O na ohana pakahi ma na home pakahi iho, oia ke kahua o ka ekalesia, ka lahui ame ke aupuni honua.

Heaha ka hopena o na ohana maikai? Eia: e malamalama mau lakou. He kiionohi lakou no na kamaaina ame na malihini@ he poe uwao lakou no na mea kaumaha a pilikia hoi. He pohai lakou malalo o ke alakai ana a ke Akua. Maanei, ua hoikeia mai ka moolelo o kekahi mau makua, e noi ana i ka kahunapule., nana i bapetizo i ka laua keiki (bebe) e hanaia i palapala maikai a e kakauia maloko o ia pepa, ka la ka mahina ame ka makahiki i bapetizoia ai ka laua keiki, a hooia ma kekahi aniani, i mea hoomanao i ko ke Akua alakai ana iaia. Pela auanei ke Akua Mana Loa, e hoomalamalama mau ai i na ohana haipule a pau loa i mea e hoomanao mau ai lakou i na haawina maikai i haawiia mai e @a.

Ma ke ahiahi iho no i pu-a hou mai ai ke kahu i ka Mane Lani i ka poe i akoakoa ae. Aia ka olelo ma Mataio 6:9. "E ko makou Makua iloko o ka lani." He olelo hou keia i ka wa i hala iwaena o ka Isaraela, aka, he olelo kahiko no keia ia kakou i keia manawa. O ka mea i maa i na kanaka o ke au kahiko loa iwaena o ka lahui o ke Akua oia ko lakou hoomaopopo i ke Akua he Alii; he mea huhu, he mea mana, he mea kiekie loa, he kakaolelo, he kupaianaha, alii o ka malu, he makua mana loa. U aweliweli loa lakou Nona, no ia mea, ua pane aku lakou ia Moke oiai lakou iloko o ka waonaele, e hele aku no oia e ike i ka Akua, e hui me ia, a e kamailio pu me ia, alaila hoi mai oia a hai mau i ko ke Akua manao, no ka mea, he weliweli loa makou Iaia. Aole lakou i hoomaopopo he makua ke Akua a lakou i makou ai, a no ia mea i kahe ai ke koko o Iesu Kristo ma ka laau kea a make Oia. Ua huhu loa na Iudaio i ka Haku ma Kona olelo ana - Owau a o ka Makua, hookahi maua, aka i keia manawa, ua ike maopopo loa kakou me ka hoohewahewa ole, he Makua oia i piha i ke aloha i kana poe keiki. Aole au e hoole ana i kona ano alii ana a huhu, aka, he makua no oia i piha i ke aloha.

Eia kekahi manao e loaa ana ia kakou ma keia olelo-"E ko makou Makua iloko o ka lani" e hoike ana ka olelo ika pili i ka Makua a ua like ko na keiki me ka makua. O ke ano o ka makua aia i ke keiki, o ka helehelena o ka makua aia i ke keiki a na mea apau o ka makua no ke keiki ia. Nolaila e hele lakou ma na mea e like ai kakou me ka Makua Lani.

Eia hou kekai manao e loaa ana ia kakou, e hoolohe i ka Makua Lani. O ke keiki i piha i ke aloha makua aole e nele i ka hoolohe i ka makua, i ka mea a ka makua e pane ai ua hiki mua oia ma ka hoolohe ana. Aole no a'u mau wehewehe hou ana aku ma keia mahele manao o kakou oiai ua ike like no kakou ia mau mea. Aka makemake au e hoike aku i ka hua a ia mau mahele i loaa ia kakou, oia ka malu iloko o ka Makua Lani.

I kuu wa kamalii malalo o umi makahiki, ia manawa e noho ana makou i Koolau o Oahu, a i kekahi la ua noi aku la wau i kuu makuakane e hele au i Honolulu, aole no i ae koke mai kuu makuakane aka mahope mai ua ae mai la oia ia'u e hele i Honolulu; alaila hoomaka mai la wau e pii. Ua kauoha mai kuu makua ia'u aole e noho loihi, aka e hoi mai i ka wa kupono i hiki ao no i kauhale. Ia manawa e ku ana he mau moku iloko o ke awa ku mku o ke kulanakauhale nei, he mau moku kuna holo pili aina a he mau moku kalepa a he mau moku okohala a he hookahi manuwa, he moku kaua. Alaila haalele aku la wau i ke kulanakauhale a hoi mai la no ka home. A like a like paha au ma ko'u alahele me he la ka hapalua like paha ia mai ke kulanakauhale aku, lohe ana au i ka uwa me na olelo hohiki ino e olelo ino ana, a i ko'u alawa ana ae i hope, ike aku la wau he elua mau manuwa e holo mai ana maluna o na lio me ka ikaika nui a kau mai la ka lia o ka makau maluna o'u a ka mai la wau i ka holo o ko'u lio. He ahapalua hora paha ko'u holo ana e like me ia me ka maka'u no iloko o'u a ke aneane e pili mai ua mau manuwa la mahope o'u, nui loa mai la kuu maka'u alaila ike aku la au he wahi kanaka e hele ana mamua o'u. Holo aku la au a pili me ia a hookahi ko maua hele pu ana. Holo mai la ua mau manuwa la a kokoke aohe hana mai, pau loa ae la ko'u makau. O kahu kanaka i loaa aku ai ia'u he makai oia. I ike au ma kahi apana lole ulaula e kau ana ma kona poohiwi, he hoailona ia o ka makai. Aole ia ano me kakou i keia mau la aka, he mau pihi, aole e like me ko ia manawa.

Heaha la ka manao o keia wahi moolelo? Eia iloko o ke ao nei he nui na popilikia, na poino, he mau mea hookaumaha e kau mai ana maluna o ke kanaka me he la e poino ana, he mau mea no hoi lakou i ike makaia, a i ka manawa e pa mai ai ia mau haawina, alaila o ka hiki mu a o na manao e loaa ai oia ke ake e maha e pakele a e kaawale mai ia mau poino aku. E imi ana ke kanaka i hoopakele, e hele ana i ke kanawai, e ike ana i na loio, ina he nawaliwali ma ke kino alaila e hele ana oia i ke kauka; he nui aku kahi e hoonana ai i pau ae na popilikia a loaa mai ka maha.

Ua maikai lakou apau aole au e hoole ana, aka o ke kumu o na malu apau oia no ka poli o ka Makua Lani, oia kahu o ka malu; iloko olaila aole ke mea e puiwa ai a hooweliweli aka, ua noho ka hauoli, ka maluhia, ke aloha ame na ano maikai apau ilaila.

Nolaila, e na makamaka opio, a i hea kakou i Kona inoia, "E ko makou Makua iloko o ka lani," mai poina i ka malama a hoomanao mau i na mahele manao i hoikeia aku nei, akahi e like ke kanaka me ka Makua Lani, elua, e hoolohe Iaia me ke aloha, alaila, o ka hui e loaa ana oia ka malu iloko Ona ko kakou Makua Lani.

 

Na Mea hoi o Hana

Mr. Lunahooponopono.

Aloha: -E oluolu e hookomo iho ma kahi kaawale o kau pepa i keia mau mamala olelo e kau ae la maluna.

Ma ka la 1 o Iune, 1902, ua malamaia ka hoike hui o na Kula Sabati o Maui Hikina ma Wananalua, Hana, a ua hiki mai ko Kaupo, Kipahulu, Keanae a he nui na kaikai i hiki mai e nana i na hana o ia la. O na hana i hanaia, oia no na haawina ame na himeni no ka hoike hui ma Lahina i ka mahina ae nei o Iulai. Ua mele mai ka Papa o na keiki he elua himeni ame ka lakou mau haawina, a o ka papa hoi o na makua, he ekolu himeni ame ka lakou mau haawina; ma ka nana ana i na hana i hanaia, me ka nana ana i na hana i hanaia, me he la, ua hiki no ke olelo ia ae "lawe a lilo o Maui no ke olelo ia ae "lawe a lilo o Maui Hikina i na hana o ka la ma Lahaina."

Ua loaa he mau olelo paipai e olelo ana, e paa i ka makia o Maui Hikina, oia hoi ka "oioi o Maui Hikini," a o ke "Kila Uhaiu ole." E paa e na opio o Maui Hikina i ka hanohano o ka apana, a o ka hele ana imua, oia ka mea nana e ike mai ia oukou, a e hookoia no kela olelo "I noho ka hanohano iloko o ko kakou aina." Na ke Akua e kokua mai.

He nui ka wela o keia mau la o Hana nei, aole pela mamua aku nei; he mau la ma-u-u-ia, aka, ke hoi mai nei o "Kaneaiakala," a he inu hou aku koe ika wai opunui o ke kaha.

Ma ka la 3 iho nei, ua ola iho la ka makapehu i'a o Hana nei, mamuli o ka hoopuni ana o Kilinahe Kaleo ma ke awa o Kauiki, i kekahi puni akule nui, nona ka huina i manaoia, maluna o ke kini a i ole malalo iki paha, no ka mea, o ka haawina o na kanaka hana e haawiia ai, ma ke eke huluhulu, uhao a piha ku'i no hoi, O ka lua iho la keia o na puni i'a nui loa i ike ia, i ka makahiki i hala, a o keia iho la, a eia no ka i'a a ke ku hou mai nei.

Ke liuliu mai nei ka hana e pili ana i ka hale wili hou o Hana nui. Ke manaoia nei i ka wa e pau ae ai ka wili ana, o ka wa no ia e hemo ai o na pono kahiko, a o ke komo no ia o na mea hou. He hoike ana mai keia, aia no ma ke kulana maikai ka nee ana o na hana i hanaia o keia mahiko, aole hoi pela o Makaalae i nalo.

Iune 6, 1902.   MEA KAKAU.

 

Ku ka hoika ee o ka lepo o na alanui o ke kulanakauhale nei i ka po Poalua iho la i ka ua mea o ka lele liilii i ka hana a na kaa pulumi o ke Aupuni. Maemae nae i ke kakahiaka ana ae.

 

Moe ka hoi kaoo o na ka hapaumi no Kapiolani Paka i ka la o Kamehameha iho nei a ohuohu no hoi i na ohua.

 

PAU I KE AHI MA KA MOANA

Ka Moku Kiaha Hao Fannie Kerr me kona Piha Ukapa Lanahu, ma kahi he 800 Mile malalo aku o Kauai--Pakele ke Ola o ke kapena a me na Luina.

He 800 haneri mile ma ke Komohana-Akau o ka mokupuni o Kauai, latitu Akau 26.15 lonitu komohana 168.30, i loaa iho ai kekahi moku kia-ha Pelekane ma ka inoa o Fannie Kerr. E holo ana oia no Kapalakiko mai kona awa ku moku mai o Newcastle, Auseteralia. Ma ka la 7 o Aperila i haalele ai oia i ke awa me kekahi mau kana nanahu he 3730 no Kapalakiko, oiai oia e holo ana me ka maikai ua halawai koke iho la oia me ka popilikia nui. Ma ka la 29 o Mei i hala aku la i hoomaka ai ka a ana o ke ahi mai ka nanahu ae, ua hoao ke kapena e hoopio i ke ahi me kona mau kanaka aole nae e hiki ke pio. Mamuli o ka hiki ole ke kinai, ua kauoha aku ke kapena Kipikona (Gibbsons), oia ka inoa o ke kapena i kona mau kanaka e hookuu i na waapa me ka eleu loa. He eha ka nui o na waapa o keia moku a o ka ha he wahi waa uuku loa hiki ole ke lanakila maluna o na ino o ka moana. Mahelehele ia na waa o lakou me na ohua kupono ke kau, a penei lakou i hana ai: O ke kapena, kana keiki p onoi ame umi o na kela moku maluna o kekahi waapa, ke alii moku Lockwood me umikamamakahi kela maluna o ka lua o ka waapa. Ka Hope Huli Pahu me eha kanaka maluna o kekahi, a o ka ha o na waapa me na wahi kanaka eha. Hookahi ko lakou holo like ana me ka ehaeha o ka naau no ka nui mai o ke aloha i ka moku. Huli aku lakou i hope e nana i ka mea i aloha ia ua kulu iho ko lakou mau waimaka.

Ua loihi ko lakou holo ana, a lohe aku la lakou i ka pahu ana o ka moku me ka ike pu ia aku o ke ahi ame na apana liilii e lele ana iluna i ka lewa, a na ia mea i hhoi loa ae i ko lakou aloha. Ma ka hora 4 o ka auwina la o ka Poaha, la 29 o Mei i hala i hoomaka ai lakou e haalele i ka moku a au mai i ka moana Pakipika. I ka po ana iho ua loaa lakou i ka ino nui a ua hookauia mai he eha kanaka o kahi waapa uuku loa me ke kapena a pakele keia mau uhane. No elua la ko lakou loaa ana i ka ino a i ka ha mai o ka la ua ano maikai mai ka ino, mamuli no la o ka pa ana mai okekahi makani ma ke komohana mai a ua akakuu mai ke kai.

I ka po mui loa o ko lakou loaa ana i ka ino i hoopakeleia ai na kanaka eha i hai mua ia ae maluna. Mamuli o ko lakou loaa ana i ka ino i ka po mua, ua hookaawale ia lakou mai kekahi ae, a pau no hoi ka halawai kamailio ana. Ma ka loheia mai he waapa nui ko ke kapena me kona kia nui a pea maikai hoi, na keia mea i kaili mai iaia me kona mau kanaka, a hiki ana lakou i Makaweli,, Kauai ma ke kakahiaka nui o ka Poalima la 16 o keia mahine iho nei.

Ma ko lakou hookomo ana mai iloko o ke awa ua loaa mai ia lakou ka moku Mikahala e ku ana. Holo mai la lakou a kokoke i ka moku a hai aku ke kapena o ka waapa pilikia i ke kapena o ka Mikahala ua loaa ia lakou i ka pilikia, a ua nalowale aku he elua

 

KA LA HANAU O KA NA'I AUPUNI

Mai ka aoao 1 mai.)

Atherton kekahi i akoakoa ae malaila. Ua nui na mea ai na apana palaoa i huiia me na i'o ma kahi o ke tausani a oi, na mea ono ame na omole wai momona he heluna nui e lawa ai ka lehulehu, ua ai na mea apau a lawa ia lokomaikai. He hana maa mau keia na keia Kula Sabati i na makahiki apau o ka hauoli ma ka la hanau o ka Na'i Aupuni a i ke ahiahi hookuu na hana.

Ma ia kakahiaka no hora 9 ma ke kaa-ahi Lanakila, o ka Hui Alahao o Dilinahama ma, i haalele iho ai a holo hoomaha aku ai na haumana o ke Kula Sabati o ka Hoomana Kristiano i ka la'i oka I'a-hamauleo.

Ua aneane aku ma kahi o hookahi haneri ko lakou nui mai na makua, na keiki ame ka lakou mau kumu, a no ia mea, ua haiia hookahi kaa-ahi e lakou, a na ia mea i hoomama aku i ke kaa-ahi e holo ana no Kahuku.

He nani maoli no ke nana aku i keia huakai, oiai, aia no na waihooluu like ole o na hae e welo ana, mai na puka aniani mai, a e paaia ana hoi e na haumana pokii, o na lahui Haole, Pukuku, Iapana, Pake ame kakou no hoi na kanaka Hawaii.

Ua holo aku ke kaa-ahi iwaena o na leo huro o keia poe pokii, e hoike ana i ko lakou hauoli palena ole no ka loaa ana o keia huakai maikai o ka la hanau o ka "Napoleona o Pakipika," "Ka Na'i Aupuni Kamehameha."

Ma kahi noho o ka Mea Hanohano B. F. Dilinahama, ma Polea, Manana, i ku iho ai keia huakai no ka hoohala ana i keia la hoomanao o ko kakou alii ai-moku. Malaila i hohola ia ai kekahi papaina i luluu i na mea ai ono a kena ae @a na makewai a na iho la no hoi ka lua o ka inaina o ua poe pokii la o ka puali lani.

Mahope o ka pau ana o keia nu'a maikai ana, ua hoohalaia iho la ke koena oka la ma na hana hooikaika kino e laa ke kinipopo, lele kowali, kukini, lelele ame ka auau kai. Ua nui ka hauoli o keia poe pokii a ua nui no hoi ka mahalo o na kumu ame na makua i na hana i hanaia aku no lakou e keia Kula Sabati.

Ma ka hora 4:40 p.m., i kau hou ai keia poe pokii ma ke kaa-ahi a no ke kulanakauhale nei ka pahu hopu.

NA LEALEA.

Ma ia kakahiaka, ua piha ku'i kahi hoolulu o Kapiolani Paka i na kanaka o na lahui like ole mai na kamalii, wahine a kane. Ua ikeia aku no hoi na kanaka ma kahi mau wahi apuni ka pa o ke kahua heihei me he mau kolea ia ke kakau iluna o ka pa, o kekahi iluna o na kumu laau e holo-hele ana na kaa ohua, e oloio ana na kaa

 

waapa me kona mau kanaka. Ua manao wale ia no ua kia loa aku lakou ma ka mokupuni o French Frigate Shoals he 600 mile aku mai Kauai, eia ka, ua pae mai la kekahi i Niihau a o kekahi ua hoea ae i Waimea.

Ua lawe loa ia mai keia mea hou maluna o James Makee i Honolulu nei, a i ka lohe ia ana o keia mea hou pilikia ua kauoha koke ia ka mokuahi Albatross e hoomakaukau no ka holo ana e hoopakele i keia mau uhane; i ke ahiahi Poaono aku nei i hala i manao ai e holo, aole nae i holo koke, aka, ma ke kakahiaka ae o ka la pule. Ma ia kakahiaka i komo mai ai ka moku W. G. Hall me ka mea hou a ua hoike mai oia ua pae aku kekahu waapa ma Waimea a o kekahu hoi ma Niihau. A e hoihoi ia mai ana lakou i Honolulu nei me ka hauoli nui, a pakele ae ia ia mau uhane.

Ma ke kekahiaka o ka Poalua nei i hiki mai ai i Honolulu nei na kanaka i loaa i ka pilikia ma ka moana me ko lakou kapena Mr. Gibbons maluna mai o ka moku Mikahala. Aia lakou apau ma ka "Home Hooluolu o na Kela Moku" mauka mai o ka makeke, e kali ana lakou o ka loaa aku o kekahi kokua mai ke Kanikela Pelekane Mr. Hoare aku, alaila loaa iki ia lakou ka maha. I ko lakou hiki ana mai ma Honolulu nei aole hookahi o lakou i hoopuka i kekahu mea e pili ana i ka pilikia i loaa ia lakou ma ka moana.

Mahope iho o ka maha ana o ko lakou luhi ua hoomaka mai la ua poe wiwo ole nei ike kukahekahe i ka moolelo o lakou me ke kapilipili aku i ka hewa maluna no o kahi o lakou a hele wale i ka nui. O kekahi kumu no hoi i nauki ai kahi olakou no ka ike ole o ka mea nana e hookele i ka ihu o kawaapa, ina o ka mokupuni o Kauai ka ihu i makemake ia, i hikauhi aku la ka panana e kia ai a napoo ana ka la ilalo, o ka pau ae la no ia o ka ike ana i ke ala ehookele ai. O ka oi loa aku o ka namunamu oia no na wahi kela eha me ko lakou alakai ka Malama Moku Mr. David Longwill. Nui ka hana apiki o keia wahi haole i kona mau kanaka ma ko lakou manawa i haalele ai i ka moku Kerr a pae wale no i Niihau. Ua pau wale no keia mau nakulu ana a ka hekili a o ka malie wale ae ia no ia o ka ua.

O na waapa i hiki ma Kauai aohe a lakou hoohalahala ana i ko lakou alakai, me ka maikai wale no i hanaia ai lakou a hiki ana i ka aina me ka hauoli nui i loaa ia lakou i keia manawa. Na hoolala ana a ko lakou Kapena Gibbons no keia mua aku aole i maopopo ia lakou, a ua manao wale ia no e hoi ana lakou apau loa i Venekoua maluna o kekahi o na moku kalepa e holo ana i ka manawa kupono, a ina aole, e hoi ana ua poe eu nei i Kapalakiko. Aia ko lakou hoi a loaa mai kekahi olelo hooholo mai ke Kanikela Pelekane Hoare mai, alaila hoi nui maluna iho o na hoku o lakou.

 

hehihehi-wawae a piha hauoli na mea apau. O ka Puali Puhi Ohe o ka Lahui kekahi ma ke kahua lealea kahi i hoonanea ai i ka lehulehu me ka lakou mau leo kani kapalili. U ake ia ke ala heihei a akea pono me ka maikai a hiki ke kakelekele i na moho heihei o ka la, ua hoomaemaeia kekahua a he nani ke halawai mai me ka maka.

Ua malamaia na heihei lio malolo o na hooponopono a na luna nui o ka la-W. H. Cornwell peresidena; Edgar Halstead, hope; C. L. Crabbe, kakauolelo; G. P. Wilder, puuku. Komite hooko-ke Keikialii David Kawananakoa, Frank Halstead, S. I. Shaw, ame C. L. Crabbe. Komite hookipa-H. M. Whitney, M. E. Grossman ame W. C. Wilder. Na Lunakanawai A. N. Tripp, Edgar Halstead ame A. Horner. Luna malama papa helu T. V. King. Na luna malama manawa J. L. Torbert, Louis Marks, ame Chris Willis, ame C. B. Wilson ka luna nana e hoomaka ka heihei ana.

Eia na lio i lawe haaheo ae i ka lanakila o ka la:

Heihei 1/2mile o Nulla ka lio G. S. Mackenzie.

Heihei peki me kiau, o Cyclon ka lio o Mr. Quinns.

Heihei o na lio liilii 3-8 mile o Grey Boy ko George C. Potter lio.

Heihei 3/4 mile o ko J. O'Rourkes lio.

Heihei holo peki me kiau oka lio o J. Waldo.

Heihei 1 mile, like a like aole mea i puka o ko na Keikialii lio ame ka lio Del Vista.

Heihei kaa 1 mile o ko ke Keikialii Kalanianaole kaa.

Heihei 5-8 mile o ko J. O'Rourkes lio.

Heihei 3/4 mile o Amarino ka lio o R. Ballentine.

Heihei 1 1/4 mile o Wela (Weller) ka lio o ke Keikialii David Kawananakoa.

 

Ka Hana Bia.

Ma Waikiki i hopuia ai na eepa hana suwaipa e an makai. Ia lakou nei i hiolani ana i ka hana a ka ona bia, komo ana ka malihini, pa ana ke kahea, komo mai e hui lealea ae kakou. Ulaula mai nei hoi oukou. Aohe he ninau ana malaila, e hele mai olu e kamau wahi kiaha. Aole o kena ka maua i hele mai nei. O keaha ka hoi? E hoopaa i na lima o oukou i ka hao kupee gula a ka Emepera Kalakaua.

Laweia mai ua poe eepa nei i ka halewai. A hookolokoloia ma ke kekahiaka o ka Poakolu nei a ninau ia na inoa. Ua hai aku kekahu o lakou he kane, o kona inoa o Kahaniuapo a o kona mau hoa he mau wahine. O Kewea ame Melena ka pookela hoi ma ka hana bia. Puka ka olelo hooholo a ka lunakanawai i ka mea hookahi he $1000. Hoopaneeia ka hookolokolo a noho hou.

 

Ina He Makemake

KOU I KA

Lauoha Maikai

E HELUHELU I KEIA.

Malia paha ke pau nei kou lauoho i ka helelei, a koe kakaikahi. E kau i ka laau mamua o ka pau loa ana i ka helelei, e hana i laau e ulu hou ai. O ka laau

"Laau Hooulu Lauoho a Ayers"

ka mea e ulu hou ai. He nani ka lauoho ke ulu mai, a he nui hoi. Ina he nawali ka ulu ana o kou lauoho, o ka

"Laau Hooulu Lauoho a Ayers"

ka mea e manoanoa ai ka ulu ana, a ke loaa i keia laau pau loa ka helelei ana. I na he piha kou poo ke kepia, o ka

"Laau Hooulu Lauoho a Ayers"

ka laau e pau ai a meamea kou poo. Ke loaa i keia laau e hoi hou ana ka ulu ana o kou lauoho a like me ko kou wa bebe.

Hoomakaukau i e Kauka J. C. Ayer & Company, Lowell, Mass., U. S. A.

E loaa no keia mau Huaale ma ka Hale Kuai Laau o Hollister, alanui Papu.

 

PALAPALA HOOIA HOAHU

Elike me is i Hoopukaio e ka

HUI HAWAIIAN REALTY AME MATURITY

(KAUPALENAIA)

Hoohuia Maraki 30, 1901

HUINA WAIWAI, $50,000

5,000 MAHELE; $10.00 PAKAHI; IKU PAUIA

HEAHA NA KUMU?

1. Aole makou e koi aku ana ia oe e uhaai ikau dala.

2. E haawi ana makou i kekahi alahele palekana e hiki ai ke hoopukapuka a loaa ke dala mamuli o ka heohui i na huina liilii i keia ame keia mahina, a mamuli o ia mea e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mailoko mai o ia mea.

3. O ka nui o na makahiki a me ka oihana a hana a ka mea hoahu, aole loa ia he kumu hoanoe e hooloii, no ka mea, ua hiki i na kane, na wahine a me na keiki ke lilo @ poe hoahu.

HHOIA HOAHU

4. Na makou e kukulu i mau home no oukou, a e hoopuka no hoi makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia o $50 pakahi i hoopili pu ia, a o ka averika no ka puunaue iloko o 19 mahina, a e ohi ana makou i $150, a e loaa ana ia oe he $200. O kou puka he $33.33 no keia a me keia dala pakahi i hoahu ia e loaa ana ia oe he 33-1-3 keneta puka.

5. No ka mea, aole oihana hoopukapuka i ikeia ka oi aku o ka pomaikai mamu o keia. E kakau mai a e kau oha mai i na hoakaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

 

HUI HAWAIIAN REALTY & MATURITY. Kaupalenaia.

Room 3 & 4 McIntyre Bldg. Fort Street, Honolulu

L. K. KENEWELA. Peresidena.

 

HE EIWA MAU KUMU HOOIAIO

No ka Laau Lapaau, Chamberlain's Colic, Cholera ame Diarrhoea.

1. He hiki ke hoopau ika naluea a umii o ka opu.

2. Aole e nele ka loaa o ka olu@@@ mai ka ma'i hi aku.

3. He ikaika kona no ka hoopaa a ka hi mau.

4. Aia hiki mai na ouli kolera oia ka laau e lawe ai.

5. Ua hiki ke hoopau i ke ano ikiik@ a malohai mamuli o ka eha oloko.

7. E loaa mau ana ka oluolu ma ona la.

8. Aohe mulea aka he ono i ka inu ana.

9. Mamuli o kona ikaika hoo@a @@ mui ka poe i oia, oi ae mamua o n@ laau lapaau e ae.

He mau kumu hooiaio keia pili no @ kahi laau lapaau e ae, aka, he m@@ hooiaio e waiho nei me makou e k@@ koo ana i na kumu i halia ae ia maluna.

He mea pono e hoolakoia na h@@@ no ia mea, e kuai ma ka halekuai @@@ o Benson, Smith Ma.

 

HE KIKI PU MAUKA AE NEI O KUNAWAI.

Ma ka Poaono ia 7 i haia aku ia, a ma ka hora 9 o ia po ua lohe ia keka@ kani ana mai o elua pu ma kekahi h@@ kokoke i ko'u hale e noho ana.

Mamua nae o ke kani ana o k@ mau pu ua lohe maua ia aku he @@ mau pu ua lohe mua ia aku he @@@ leo e hoopaapaa ana. He leo na@@ ka mea i inu i ka lama a nolaila @@ ke kumu o keia kuku pu ana. Laki @@ aohe ola i poino. E pono no nae aoia keia mau hana hoopuiwa a hoo@@ hauii o ka pu. Ua lohe pu ia mai @ hapa-haole ka mea nana keia han@ C. K. Kapa.

 

O ke Keikialii David Kawananankoa kekahi me ka Hon. Sam Parker ame kana wahine ka i hele ae i ka pu@@ Kawaiahao ma ke Sabati i hala iho @. Maikai kela o ke laulima pu mai @@ o na hana pono.