Ka Nupepa Kuokoa, Volume XL, Number 21, 23 May 1902 — KA LUNAHOOPONOPONO O KE "KUOKOA," DAVID KANEWANUI UA HALA. [ARTICLE+ILLUSTRATION]

KA LUNAHOOPONOPONO O KE "KUOKOA," DAVID KANEWANUI UA HALA.

Me ke kaumaha luuluu makou e hai aku nei i na makamaka me na hoaioha a puni keia Paeaina, ua haalele mai i keia ola o Mr. David Kanewanui, ma ka Haukipila ma ka hora 1:30 o ka auina ia Poaha nei Mei 22, mahope iho o ka hoehaeha ana a kela poka pu-panapana lokoino iaia, ma ke ahiahi o Mei 6. ( Ua hanau ia o Mr. David Kanewanui ma ka mokupuni o Kauai, he 26 makahiki i hala ae nei. Puka pono mai ia mai ke Kulanui o Kamehameha, 1894, a mahope koke iho ua loaa iaia he oihana kumukuia ma Oiowalu, Maui, no elua makahiki. Mai Olowalu aku ua hala loa ia no ke Kula Hanai o HHo, ua ao hou no ma ke ano he kumukula no elua makahiki, a mai laila mal a Honoiulu nei, ua lilo i kakauolelo no ke Keena Hooia. t Aneane elua makahiki i hala ae nei, ua hoopomaikai ia ka Hui Gazette, ma ka lawe ana ae iaia i Lunahooponpono no ka nupepa Kuokoa nei, kahi hol ana i malama ai i ka hana me ka pauaho ole, a hiki wale no i ka loaa ana iho la i kela uiia. Ua.pii mahuahua ae ke ohohia nui ia o ka nupepa Kuokoa nei mamuii o kana hookele anā ma ke ano Lunahooponopono, oiai ua hooliio oia i kona manao ame kona ikaika apau no ka ao ana i na mea e hoiomua ai ka aina ame kona lahui. O kona hala ana aku ma kela ao, ua waiho iho ia i kia hoo-

manao na kona lahui oiwi e hoomanao mau ai i kana mau hana maikai me ka poina ole. He hoaloha oluolu oia ma ka launa ana, heahea, a maluna ae o na mea apau, aohe ona hookae—ua iike iaia na mea apau. He akamai ia i ke kinipopo, a oia kahi lala o ka hui kinipopo o ke Kula Kamehameha, a he kapena kinipopo no hoi no ka Hui Kinipopo Hawaiian Gazette. Me ke aloha welenia ka nupepa Kuokoa, "Ke Pookela o ka Lahui Hawail," e haawi aku nei i kona aloha pau ole no ka mea i hala. David Kanewanui, a me ka makuahine, kana keiki i hoo-nele ia i ka makua ole, ka ohana pu i loohia iho me ke kumakena ka welina pau ole. "Hoi aku kona uhane i ka lani, kona kino i ka honua." Aloha no keia keiki ui opiopio i ka lawe koke ia ana o kona ola ma kela ao.

DAVID KANEWANUI.