Ka Nupepa Kuokoa, Volume XL, Number 20, 16 Mei 1902 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, MEI 16, 1902          3

 

HOOLAHA KUMAU

 

Ka Hui Alahao ame Aina o Oahu

 

@AWA HOLO

 

Makope aku o Ianuari 1, 1902

 

MAI HONOLULU AKU

 

            @                                Na la                            Na la                            Na la                            Na                   Na la

                                                apau                             apau                             apau                             la                     apau

            @                                koe ke                          ke                                koe ke                          apau

                                                Sabati                                                              Sabati

 

                                                a.m.                             a.m.                             a.m.                             p.m.                 p.m.

@ . . . . . . . . . . . . . . . . . . .      7:10                             9:15                             11:@5                         3:13                 5:10

@ . . . . . . . . . . . . . . . . . . .      8:00                             9:48                             11:40                           3:45                 5:30

@ . . . . . . . . . . . . . . . . . . .      8:32                             10:08                           12:00                           4:05                 6:10

@ . . . . . . . . . . . . . . . . . . .      ----                               10:50                           -----                              4:45                 ----

@ . . . . . . . . . . . . . . . . . . .      ----                               11:55                           -----                              5:40                 ----

@ . . . . . . . . . . . . . . . . . . .      ---                                12:32                           -----                              6:15                 ----

 

MAI WAHO MAI

 

HALE                         Na la apau                   Na la apau                   Na la apau                   Na la apau

                                    koe ke                          koe ke

@LULU                     Sabati                          Sabati

 

K@ko                         ----                               5:35                             -----                              2:08

Wa@alua                    ----                               6:10                             -----                              2:50

Wa@anae                    ----                               7:10                             -----                              3:55

@ Mill                         5:50                             7:45                             1:05                             4:32

Ma@a@a                    6:15                             8:03                             1:20                             4:52

Honolulu                     6:50                             8:35                             2:05                             5:28

 

@ P. Dennison.                                                                                                                                   F. C. Smith

     Luna Nui                                                                                                                                 Luna Kuai Kihiki

 

Kakela me Kuku

 

[KAUPALENAIA]

 

Poe Kalepa ma

            ke Komisina

 

A HE

 

POE LAWELAWE KOPAA

 

POE AGENA NO NA MAHIKO

LEHULEHU.

 

UA MAALAHI I KEIA WA

 

            HE HIKI KE HUKI A HOOPIHAIA NA NIHO POPO ME KA EHA OLE maialo o na paahana ana o keia au naauao e kapiliia ai i ka io o ka papa @.  Aohe hanaia i ka laau hoohiamoe.

            O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a nana paha e hiki ole ai ke ikeia ke an@ e mai ka niho maoli ae, a e paa no ia no umi makahiki malalo o ka hoo@ ana, me ka IOAA OLE O KEKAHI HUNAHUNA O KA EHA, He POE WALE NO I HOONAAUAO A HOOKUU MAIKAI IA na poe lawelawe, he p@ i lawelawe mua ma keia oihana mai ka 12 a i ka 20 makahiki, a he loaa ma ke poo o na mahele like ole o keia oihana.  E kipa mai io makou nei, a e ike no auanei oukou i ka oiaio o ka makou e hoolaha nei.  E hoike mua aku no makou ia oukou i ka nui o ke oukou lilo i ka wa e NANA MUA AI ME KA UKU OLE.

           

            Paa Niho Ku'i   -   -   -   -    $5.00

            Niho Gula -   -   -   -   -   -   - 5.00

            Hoopiha ana me ke Gula  -   1.00

            Hoopiha ana me ke Dala  -     .50

 

New York Dental Parlors.

 

                                                                                                                        Room 4.  Elite Building.

                                                                                                                                                Alanui Hotele.

 

He mau kokuawahine no kekahi no na wahine.

 

Metropolitan Meat Co.

 

[Hui Kuai Pipi Metropolitan]

 

G, J. Waller,  -   -  Luna Nui

 

Poe Kuai a Hoolako i na Moku me na

 

I'O PIPI, HIPA, ETC.

 

E loaa mau ana na MANU a

me na KAMANO i hoohuihuiia

iloko o ka Hau

 

Makepono ke kuai i na I'o Pipi

maanei.  Hele mai hookahi

hele mai no apau.

 

TELEPONA     :     :     HELU 65

 

            Ka laau ohana kaulana loa o keia au!  Ina e eha kou puuwai e ola ana i ka Pain Killer me kekahi wahi wai u@ku iloko o kou puu a e loaa no ia oe ka maha ame ka oluolu.  He mea maikai e hoomanao la he maikai ka laau Pain Killer no ka lawe ana maloko a mawaho hoi.  O ka mea nui wa le no nae oia ka nana pono ana i na laau pololei ole oiai he hookahi wale no laau pololei a oia ka laau Pain Killer a Perry Davis.  He 36 ame 50 kene@a ke kumu kuai.

 

Geteruda Wina

 

Ke Kaikamahine il ko o ka Hoiooia

 

Mar@ia no ka waiwai aole no ke aloha

 

            Me ka maopopo loa he kanaka pa'i i@i oia, a maila paha ua hele aku kekahi poe wahine u'i iaia e pa'i kii ai oiai oia e hana ana ia hana i kona mau ia opio, a malia paha na kekahi wahine u'i o lakou i kaili i kona puuwai.

            Me he mea la aole oia i hoomaopopo eia oia he ano elemakule loa aku nei, a malia paha ua luahine pu aku la no me ka wahine ana i aloha ai; a eia nae, i na manawa like ole a pau e aia mau ae ana ka noonoo iloko ona no na la loihi i aui ae.

            Malia paha ua hiki nohoi iaia ke hoakaka pono aku i keia kanaka aole oia ke Getaruda ana i aloha ai ina hoi e hiki ana iaia ke hai aku me ka maopopo lea i mea nona e ike ai he kanaka oia ua elemakule.

            "E oluolu ana anei o Mr. e hai mai ia'u i ka nui o kona mau makahiki?" i ninau aku ai o Getaruda me ka oluolu.

            "Naaupo nohoi kena ninau!  Ua ike no oe he ekolu wale no o'u makahiki oi ae mamua ou," i pane mai ai ke kanaka pupule.

            Ia wa i wehe ae ai o Getaruda i ka mikilima mai kekahi lima ae ona a hoopili mai la i kona lima keokeo ma ka aoao o ka lima alualu e puliki ana iaia.

            "E nana mai oe!" i olelo aku ai o Getaruda, "ua like loa kou lima me ka lima o ke kanaka elemakule, a o ko'u hoi, me ka lima o kekahi kaikamahine opiopio."

            "Ka! he hana maalea hoi paha ia a kuu mau maka," i pane mai ai ua kanaka la me ka ueue ana ae i kona mau poohiwi, oiai kona mau maka i haka pono mai ai iaia.

            "Aku, ua olelo mai nei no ka manawa loihi i hala ae nei----ua olelo pu mai nei nohoi oe no na la o ke au kahiko loa." i hoomau aku ai o Getaruda i ke kamailio ana, aka, ke olelo ala no oia me ka leo oluolu.

            "E hapala ae i ka la a pouli, alaila, ua like ka la hookahi me ka makahiki hookahi.  I ka manawa ou i mahuka mai ai mai Parisa, oia iho la ka wa i pouli ai o ka la mai ia'u aku a ua like au me kekahi kanaka makapo e haha hele ana ma a o maanei mai ia manawa mai a hiki i keia manawa."

            "Ehia makahiki o ka Getaruda i ka manawa ou i pena ai i kona kii?"

            Ia wa ua kanaka pupule la i akaaka mai ai i ka ninau a Getaruda i ninau aku ai.

            "Maalea nohoi oe, e kuu hiwahiwa!" i hooho mai ai oia, "aka, aole hiki ia oe ke hoopunipuni mai ia'u----aole loa oe e pakele ana mai o'u mau lima aku i keia manawa.  Ua olelo mai nei oe, 'o oe no o Getaruda.'  Ae, na'u oia mamuli o ka loaa ana ia'u o ke kuleana o kekahi aloha i hoolaa ia ai.  He iwakaluaikumamalima makahiki o ka'u Getaruda i ka manawa o'u i pena ai i kona nani kamahao, oiai, aole oia i hoike mai i kona ano ua piha iaia ka iwakalua makahiki, he helehelena palupalu a ohaha maikai kona.  A eia nae, ua piha i na manao kaumahaka, no ka mea, he kane hookano a lili ino loa kana iaia.  Ua aloh no oia iaia, eia nae, ua hoike mai oia ma kekahi ala ano e, no ka mea, he alualu mau oia iaia ma na wahi like ole a pau.  He hoomakakiu mau oia iaia ma na kihi alanui, ua hoomoe i mau u-pa umii nona; a o ka hopena i ike ia, ua hoea mai la kekahi la weliweli loa iloko o Ladana----aole anei ou hoomanao ia mea?  Manao au aole oe i poina," i hooho mai ai oia.  No keaha la au e hoopuka hou aku nei i kela moolelo weliweli, he mea wale no ia e hoinoino mai ana i ko'u noonoo a me he mea la, eia ke ahi ke lapalapa nei i ka lolo o kuu poo a ke kahe nei hoi kuu koko me he pohaku pele la ka wela iloko o kuu mau aakoko?  O, ua 'hona kuu make ana no ka makaukau e hoopakele ia oe mai kona inaina mai, e Getaruda.  Ua ahona kuu moe ana malalo o kona mau wawae, a hehi iho oia maluna o'u a hiki i kona lawe ana aku i keia ola ina he mea hiki ia ke hoona ae i kona inaina ia oe.  Aka, ua hala ka manawa kupono; no ka mea, ia'u e aloha pupule ana ia oe, ua lilo iho la ia i hana kuhihewa na'u e hana ai oia au e ola ana, a i ko hoi hou ana mai o ko'u noonoo maikai, ua manao iho la au no ka hele ana mai e hoolaulea, a ia'u i hele mai ai, ua hele oia----a ua hele pu nohoi me oe, a aohe mea hookahi i loaa mai ia'u aka, o kuu kii kamahao wale no."

            "E Mr.," i olelo aku o Getaruda me ka ake'ake'a ana aku i kana kamailio ana, aka, ke olelo la oia me ka leo oluolu loa, "aole anei i hiki ia oe ke hoomaopopo i ka'u mea i kamailio aku nei ia oe?  Ua olelo mai nei oe he iwakalua-kumamalima makahiki o kau Getaruda i kou manawa i pena ai i kona kii.  No'u iho, aole i piha ko'u iwakalua makahiki, a aole nohoi i piha ka makahiki mai ko'u manawa i haalele aku ai i ke kula a hiki i kei manaw.  Malia paha, ua like loa ko'u ano me ko keia lede, aka, ua kuhihewa loa ia oe, no ka mea, aole loa au i ike ia oe mamua a hiki iho la i keia hora; aole loa oe i pa'i mai ia'u i ke kii; aohe a'u 'kane lili' ka mea hoi i 'kiai a hoomakakiu mau ia'u,' a i ole ia, 'hana hoi i kekahi mau hana i mea no'u e popilikia ai, a aohe anu i ike i kela 'la weliweli iloko o Ladana' e like me kau i hoakaka mai nei.  Ua kaumaha loa au i ka hiki ana mai o kela pilikia i ou la: a ina ua makemake oe e hele aku au e nana i ko kii nani, ua hauoli loa au no ka hooko ana aku ia mea i kekahi la okoa aku, ina nae hoi oe e oluolu ana e hai mai i kou inoa."

            Ua ku malie loa iho la ua pupule la me kona hoolohe ana mai oiai o Getaruda e kamailio ana, e hoike mai ana kona helehelena alualu i ke kanalua, i ka pioo, i ka pilihua, a me ka ahewa ana: alaila, hoomaka mai la e pii ikaika kona inaina.

            Ua oi loa mai la kona puliki ana i ka lima o Getaruda a hiki i ke komo ana o kona poe maiuu loloa iloko o ka i'o o kona lima mai waho iho o kona lole, a maule iho la oia no ka nui o ka eha.  Ua kulou mai la ua kanaka pupule la a kokoke loa iaia a hiki i ka wela ana o kona papalina me he wela ahi la ka hahana i kona hanu wela, a nana pono loa mai la oia i kona helehelena, oiai oia i minoaka ano hoohenehene iho ai.

            "Hoopunipuni oe!" i olelo mai ai ke kanaka pupule me ka leo ku i ka weliweli a h@naka mai la e lia ko Getaruda ili a @ mai la ke anu a me ka haalului "aole loa e hiki ia oe ke hana mai i kekahi hana apuka ia'u.  Ua ike no au he mau makahiki loihi i hala ae nei, mei kela la poeli i hanaia kekahi hana ia'u, a ua hoomanawanui au ia mau ehaeha he nui.  Aka, o oe, me kau mau hana maalea e ae, malia ua ike oe i ka mea huna o @a wa opiopio loa, a ina aole ia aole loa e hiki i kou helehelena ke hoike mai i ka nohenohea.  Aka, o Getaruda no oe.  Ua ike no au ia oe, a e pono oe e hele mai me a'u; e pono oe e hai mai i ko mea huna ia'u; a ua makemake au e hoomaka hou i ke ano o ko keia oia ana, a nou ko'u iini pau ole, alaila, loaa hou ia'u ka hauoli ana."

            Ia wa oia i huli ae ai me he mea la he lilo hihiu hae, me ka mau no o kona poe maiuu loloa iloko o ka io o ka lima o Getaruda, a hele aku la ma ke alahele me ke kaualoko ana iaia mahope ona.

            Me ka pane leo ole ua hele aku ia laua no kekahi mau kapuai loihi me ka halawai ole me kekahi mea.  Aka, ia manawa koke no ua lohe aku la laua nei i ka hauwalaau mai o kekahi poe leo a me ka halulu mai o na kapuai wawae e hele mai ana mamua pono mai o laua.

            Ia wa ke kanaka pupule i ku koke iho a hoolohe pono loa aku la.  Mahope mai ua huki ino aku la oia ia Getaruda mai ke alanui aku a pili mahope o kekahi kumulaau nui.

            "Ina e puai ae ana kekahi leo mai ia oe a umi ia ana oe!"

            Ua maopopo loa ia Getaruda e hooko ana no keia kanaka pupule e like me kana i lolelo mai ai ina aole oia e hoolohe ana iaia, no ka mea, he make ka kona mau maka e hoike mai ana; oiai ua hooholo oia i kona manao e hana ana oia e like me ka mea hiki iaia ke hana.

            Ke hookokoke loa mai la na leo a me na kapuai wawae a laua i lohe ai, alaila, oili mai ana he ekolu poe kanaka.  I ka nana aku, me he mea la e imi ana lakou i kekahi mea, no ka mea, e kiei hele ana lakou ma ka akau a me ka hema a ma na wahi @ike ole no a pau.

            "E kokua!"

            Ua pa pa pono aku la kela leo kahea e kokua, iloko o ko lakou mau puka pepeiao.

            Aka, mamua o ka hiki ana ia Getaruda ke hoopuka hou aku i huaolelo hou, ua paa e mai la kona puu i ka lima o ke kanaka hehena; ia wa oia i ano poniuniu mai ai, pouli mai la ka ike a kona mau maka, e lohe ana kona mau pepeiao i kekahi leo uwo weliweli, a hina iho la oia ilalo i ka honua me ka maopopo ole iaia, aka, e mau ana no ka paa ana a kela lima i kona puu.

            I ka manawa i hoi hou mai ai o ko Getaruda ike a hoomaopopo nona iho ua ike iho la oia aia oia iluna o kekahi noho loihi kahi i moe ai, i kekahi wahi e kokoke loa ana i kekahi wai nani e puai ae aan mai ka honua ae.

            Ua ike ae la oia i kekahi wahine opio Farani ui e kulou iho ana maluna ona, ua piha oia i ke aloha, i ka puiwa a me ka pihoihoi iaia, e lomilomi ana i kona mau lima, a e holoi ana hoi i kona mau maka me ka wai huihui, a i ka nana aku, ua piha maoli no oia i ke aloha iaia.

            "Aia oia i hea?" i ninau aku ai o Getaruda me ka leo haaluiu a e alawa ana hoi kona mau maka ma o a maanei me ka manao o ka ike aku i kela kanaka hooweliweli i umi ai iaia.

            "A!  ua ola hou ka kede----ua ano maikai iki oia!" i hooho ae ai ke kaikamahine Farani.  "Ua maikai, a o ua kanaka pupule la ua laweia aku oia e keal poe kanaka ekolu.  E uwo ana oia!  E kamailio olalau wale ana no oia!  E imi hele ana kona poe kiai iaia i kela auwina la."

            Ua komo mai la ka weliweli iloko o Getaruda iaia i hoomanao ae ai i kela hana i hana ia ai maluna ona.

            Ua ala ae la oia a noho iluna a lalau aku la kona lima i ke kiaha wai a ke kaikamahine i kii aku ai nona, a inu iho la me ka ma-u maikai o kona puu no ka hookaawale loa ana aku i ke ano poniuniu o kona poo.

            Iaia e inu ana i ka wai ua ike mai la oia i ke kino o kekahi keonimana e hilinai ana i kekahi kumulaau e kokoke loa ana malaila, a i ka nana aku a kiai paa mai ana oia iaia.  Ua hoomaopopo koke aku la no oia iaia ia wa, a no kekahi manawa pokole mahope mai me he mea la e haalele hou mai ana ka noonoo maikai iaia.

            Aohe no ia he mea okoa e ae aka, o Farani Winakalopa no ia----ke kaikunane hanauna o Rose Tela----ana nohoi i halawai mua ai meia i Hiletona.

            Aka, pehea oia i hoea ai ilaila i Parisa, i kela manawa?  No keaha oia i ku ai malaila a kiai aku iaia?  Ua hoomaopopo aku anei oia iaia?

            Ua hoomaopopo mai la ke kaikamahine Farani i ko Getaruda leha hikiwawe ana aku a hoomaka ae la ola e ano puiwa.

            "Na ke keonimana i wehe ae i ka lede maikai mai ka paa ana a na lima weliweli o ke kanaka puple," i olelo mai ai oia, me ka leo uuku.  "Mahope pono no oia o kela poe kiai a me ka makai i ka manawa o kona leo @ pu-a ae ai e kokua; a iaia i holo hikiwawe aku ai mawaena o lakou, ua hopu aku la oia i ke kanaka pupule a kauoha aku la iaia e hookuu i kona paa ana i ke kaikamahine, alaila, haawi aku la iaia iloko o ko lakou poho lima.  A, he ku maoli no i ka weliweli!  Ua manao loa maua ua make ka lede maikai; a, e ke keonimana! eia ka maoli uliuli a kona au lima menemeneme ole i upiki ai a paa ke kakau nei iluna o kona a-i"

            Ua holo ae la ka eha a puni ko Getaruda mau aalolo iaia i hoopapa ae ai i kona puu me kona lima a ua hiki loa iaia ke ike i ka eha iaia e hana la peia.  Aka, ua hoea hou mai @a no i ona la kekahi pilikia e koomaka'uka'u hou ana no iaia ia wa, no ka mea, ua hiki loa iaia ke ike aku ia Farani Winakalopa e neenee mai ana a kokoke loa iaia.

            Ia wa oia i hooholo koke iho ai i kona manao.  Aole o@a e hoike aku ana i kona ano ua ike oia iaia----aole oia e pane aku ana ina oia e hoomaopopo mai ana iaia.  Eia nae malia paha o kamaili@ mai oia i kekahi mau mea ana hoi i makemake ole ai e lohe mai kekahi poe e ae, a he mea @ono iaia ke hookaawale koke mai ke kaikamahine mai i haawi aku i kana kokua lokomaikai ana iaia mamua o ka hoopuka ana aku o ke keonimana i ka inoa ana i maopopo loa ai e hoopuka mai ana oia ia wa pokole no.

            Me ka huli hikiwawe ana ae iaia, ua noi aku la oia iaia me ka leo oluolu, ina e oluolu ana @la e hele e ki@ i kaa nona, oiai ua makemake loa ola e hoi i ka hale a ua hiki ole hoi iaia ke hoi wawae.

            Ua huii mai la ke kaikamahine puuwai oulolu a haawi mai la i kona ae me ka min@ aka ana, a hele aku la oia me he dia la ka mama no ka hooko ana i kana mi@iona, oiai o Getaruda i huii ae ai me ke ano kahaha, a nana aku la i ke keonimana me he mea la aole oia i ike iaia mamua.

            "E ka@a mai ia'u," i olelo mai ai oia ma ka olelo Beritania, me ka wehe ana ae i kona papale oiai oia i nana pono loa mai ai i ka helehelena nohenohea o Getaruda me ka iini nui, "aka aole au e kahea aku ana o Miss Getaruda Livinekona?"

            Ia wa o Getaruda i ano hoolalau ae ai ma ke ano aohe oia i hoomaopopo iaia, a pane aku la oia, iaia ma ka olelo Farani, penei:

            "E Mr. he mea maopopo loa e ulu ae ana ka manao iloko au no'u he wahine au no ka aina hanau hookahi me oe."

            Nolaila ua haawi aku la oia i kana hoomaikai ana no kona kokua aloha ana aku iaia.

            "He hana ia i hanaia e ke kanaka," i pane mai ai o Farani Winakalopa ma ka olelo Farani, ka, ua hoike mai ia nae kona mau maka i ke ano pahaohao, no ka mea, ua ano e iho la kona wahi manao i ko Getaruda hoao ana mai e hoano e i kona leo, ua manao no oia ua hoomaopopo mai no ia he helehelena ia nana i kamaaina.

            "Aole au i hoowahawaha i kau kokua aloha ana mai, e Mr.," i pane aku ai o Getaruda me ke ano hoihoi ole, alaila, hoike mai la oia i kekahi hoailona me kona lima, ua makemake oia iaia e hookaawale loa aku no kahi e mai iaia aku.

            Aka, oiai kela manawa pokole a Farani Winakalopa i hoomaopopo ai o Getaruda no oia, ua ume koke ia iho la kona puuwai e kona u'i a me kona kulana hiehie.  He heluhelu wale na manawa ona i hoowelawale ia mai ai e kakau leta aku iaia; a he lehulehu wale no hoi na manawa ana i hooholo ai i kona manao no ka hele ana i Livinekona Home a hoao aku e kaili mai i kona puuwai, aka, aohe i lawa kona kulana wiwo ole no ka hooholomua ana i kana mea i manao ai.

            Ua maopopo loa iho @a no iaia ia manawa, ua loaa iaia o Getaruda,a aohe ona manao hou ana aku e hookuu i ka mea a kona mau maka i ike iho la; ua paa kona manao no ka hoola ana iaia iho ina paha o Getaruda Livinekona kana i hoopakele ai mai kela popilikia weliweli mai a i ole ia, aole paha.

(Aole i pau.)

 

            Aole he pono e holo na poe kau Kaa hehi wawae me ka paa ole i omole Laau Chamberlain Pain Balm maloko o ko lakou mau eke mea hana kaa.  He laau maikai loa keia no na eha hou ame na anuu e loaa ana.  He hookahi no kau ana loaa ka oluolu.  E hoao.  E loaa no keia laau ma na hale kuai laau apau.  O Benson Smith & Co., n Agena no keia mau laau ma Hawaii nei.

            Ka Manawa Me ke Dala.----O ka ma'i ka mea e pau wale ai o ka manawa ame ke dala.  Haule wale kou manawa hana a nui kou lilo i na kauka, a ma ia hana ana ua papalua ia kou pohe.  Ua hiki loa ke hoopau ia keia pilikia ma ke kuai ana i kekahi laau i maopopo ka maikai, a ma ka lawe ana i keia laau i ka hoomaka mai.  @a e kuai koke ia i Omole o ka laau Korela a Hoopaa hi a Chamberlain e ike ana oe i ka pomaikai oia kuai ana, no ka mea ma kou makaukau mau ana me keia laau ua hiki ia oe ke ku aku imua o na mea apau e hiki mai ana, a aole hoi e moe ma ka wahi moe no hookahi pule e uwe ai i ka eha.  Aole he nele o ka loaa o ke ola i ke@a laau a he maikai ke lawe.  E kuai i keia la.  Malia o ka laau ia nana e hoopakele i kou ola.  E loaa no keia laau ma na nale kuai laau apau.  O Benson Smith & Co. na Agena no Hawaii nei.

 

HE MOOLELO

 

-----NO KA-----

 

Oihana Lawaia

 

MAI KA PENI MAI A D. KAHAULELIO

 

            HOOMOEMOE MANO, a he hana nui ia na kamaaina kahiko o keia Ahupuaa o Makila, a hiki i ka poe o uka o Kauaula, mai ko makou mau la kamalii mai, a pau aku lakou i ka hala, aole nae i launa aku a hana ko'u mau kupuna a mau makua, mai ko lakou haalele ana ia Honuaula a kanu na iwi i ka lepo o Lahaina.  A o ka mano e hoomoemoe ai he Lalakea, a he mano kihikihi, a o ka upena e lawaia ai, he mahae wauke i milo ia no hoi a paa, he eha a elima kanaka nana e hoolei, a ma ka waa no hoi kekahi, a he ano hoopio iki ka hoolei ana o ka upena hoomoemoe mano, aole hoi e like me ka upena hoomoemoe a'u i hoike mua ae nei, he hoolei pololei no, a pio no hoi e like me ka makemake o ka mea e mele ana.  E Mr. Lunahooponopono, o kahi e hoomoemoe ai ka mano o Pahee i Launiupoko, Lahaina, ke oili aku i kahi lae o Keahuiki, a hooiho aku i kahi alu, a o ke one @ loaa mua ana, a hiki aku i ke kahakai aa e waiho ana, a hiu aku me ke one ma ka aoao hema iho, oia kahi e hoomoemoe ai, aia i kakahiaka nui wale e kii ai e hoala ka upena, he ku ae i uka o kahaone, ahu a lala kukui ka mano, ku no hoi ka pakui, holo ka hohono, hoi mai ia a ko makou awa i Makila, pakahi, palua ka mano a ke kanaka hookahi, ohinu mai ia i ke ahi uahi nui, kaka a maikai, okioki wili mai la a pau, kapi i ka paakai e like me ke kapi ana i ka bipi, iluna o na holowaa papa lo@oa, alaila, waiho hoohio i ka papa i kahe kela wai hohono, a kahi la ae kaulai aku, ke maloo maikai, he ono mai hoi kau, pau pu aku ai i ka ai la, ono io no, a lohe pu ia mai ia no, he ai maka ia no e ua poe nei ka mano, aole nae i ike maka, eia hoi a ia Manu Luna Auhau o Hana, makuakane ponoi no o Mose Manu, kakau moolelo kaulana o Hawaii nei, e noho mai nei no paha i Honolulu, Ewa paha, a i ole @a, aia no paha i Hana i ka aina hanau no.  I ka M. H. 1848, ua hiki mai o Manu (Polapola) ma kahi olelo ana, a o Manu (piapia) ka kekahi, a o Mose Manu pu mai no kekahi, i hoihoi dala auhau mai, a noho pu ma ka home o ko oukou mea kakau, me ko'u papa, a he kamalii loa maua o Mose Manu, a he @ ko'u makahiki ia wa, a pela pu no paha ua hoaloha nei, i ka wa i loaa mai ai ka makou mano, o ka okioki mai la no ia a pau, n@e mai @a no hoi i ka lomi i ka p@kai @ ka wai nui o ka man@ o ka ai mai @a no ia, he ano mai hoi kau i ka makou n@na aku, aole no he ai aku o Moe Manu, a me makou a pau, o ka io kawakawa no ka makou, me kana hai mai i Polapola kona wahi i @imaka ai i ka mano, ua hiki no he ia nae wale no no ke kai.

             19.  LAWAIA KUIKUI A PAHOE ULUA.  O ka lawaia kuikui ulua, aole ia i like me ka lawaia pahoe ulua, a e kamailio mua au ma ka mahele kuikui ulua, a pau @a hoike aku ka mahele pahoe ulua.  Ma na kahakai papali, a kahakai a@ nohoi, na wahi hana pinepine ia o keia ano lawaia.  Ma na kahakai pali o Kahoolawe kahi i lawaia mai ai ko oukou mea kakau ma kahi ahiahi poeleele, ua hele pu au me ko'u makuakane i ka pakuikui ulua, a he puhi paka ka maua maunu, me kahi laau kaukau no hoi, a he aho olona kaakolu nuinui hiki no hoi i kahi e lawaia ai, kukulu no hoi kahi laau kaukau a paa hoolei no hoi ka maunu, noke no hoi i ka pakuikui i ka puhi ma kahi kaheka kai no hoi e kupono ana i ka maunu, he uina ana o kahi laau, i paa aku ka hana pahua ka ikaika o ka makua a hiki i ke kohi ana i ka piko, aneane e lele pu i ke kai, o ka ulua liilii mai no puupa @uka, aka, ina he ulu nnnui, i kaula malino ke kaula e pono ai.  Ma kuu lohe mai, o na mea Hanohano S. W. Kaai, me J. K. Iosepa, a me ka Mea Mahaloia C. R. Lindsey, Lunamakai o Lahaina, oiai lakou e noho ana i Hana, o lakou na pookela.  Mokumoku hoi na manamana lima o na mea hanohano, a mai kauo pu ia hoi o C. R. Lindsey e ka ulua, o ka lakou hana mau ka ia i na po pouli malie maikai, ana, ma ka hai mai a Lindsey i ko oukou mea kakau, o na mea hanohano no ka lehua ma ka pakuikui ulua, a he laukea wale no ka ulua nui ma Hana e loaa ia lakou a he hapa ka ulua lauli.  A o kekahi no hoi, he kiolaola maolu no.  O ka mahele pahoe ulua, maloko a mawaho ia o kuanalu, e hoehoe ai, me ke kapapa no hoi o ka hoe i ka waa, aia no hoi ka maunu mahope e koelo ai me ka pula i mea e honi mai ai ka ulua i ka hauna a apo mai i ka maunu, i kahi manawa laki no, a he nele no i kahi wa, ua hana pinepine @a keia ma Lahaina nei i kahi wa, na Maihui (King) me Kalepa, aka, o Maihui no ka lehua me keia ano lawaia, o kana mau ko'a no pahoehoe ulua mau ai, o Pakala no me Waiokama, mokumoku mau ke aho kaakolu o na halekuai, ina hoi e olelo ia aku e imi aku no hoi i ko'a okoa e pahoe ai, i mai la kela, i makemake no hoi au i kela mau ko'a, he laukea wale no ka ulua, hana io no paha kahi King, mai ka lawaia oio no a ka lawala pahoe ulua.  Ae, huki ka ulua la ea.

            20.  LAWAIA ALALAUWA A AWEOWEO.  O keia i'a ka alalauwa, ua kuluma loa keia ano i'a i ka pepehi alii, mai ka wa kahiko mai a ia Keelikolani iho nei paha la, pau loa, ua maopopo no keia ia kakou @ka Lahui Hawii, ke kue ke alalauwa ma kela wahi keia wahi o ka aina, e puka koke ae ana no ka huaolelo mai na kane a na wahine, me ka olelo ana, owai la auanei ke alii e make ana?  Owai hoi?  Ke pau no ke kau alalauwa, o ka hiki mai la no ia o ka lono kaumaha, o mea ua make mai la, a he wa kanikau ia no ka lahui mai Hawaii a Kauai.  Aole keia he wahi lawaia pohihihi ma ka lawaia ana, ma na uapo o ko kakou kapitala o Honolulu, e piha u ana na kane, wahine, kamalii, me na paeaea, mokoi, i ke ao me ka po, a pela no hoi me na kuaaina, paeaea ma na waa, elua, eha makau a ka mea hookahi, elima, eono kanaka o ka waa hookahi, a he nui na waa ma kela a me kela wahi e muimuia ia ana e na alalauwa, o ka hana iho la ia i kela la a i keia la, ku kaulai, a hookahi palena he make no ke alii, a he pau no hoi no ke ku ana.  Aia a nunui ae ka alalauwa, alaila, aweoweo aku la, ma na po mahina o na Ku, Laau, Mohalu, Kua, Hoku, Akua, me Mahealani, na po aweoweo a ka launa ole ke lawaia, a ma Halawa, Molokai, ko'u ike ana i ka nui o keia mea he aweoweo, oiai ko oukou mea kakau e noho ana malaila i ka M. H. 1889, ma ka home noho o Mr. Kahalahale pili loa no i kahakai o Halawa, a ma kekahi o keia mau po, ua holo aku la kekahi mau opio o ko makou wahi i ka lawaia aweoweo makai koke iho no, aole au i manao ua hala ka hora, hoi mai ana ua poe nei, piha no hoi na poho lauhala a pela no hoi ma Kahakuloa, Maui, aka, ma Lahaina nei, he hapa a uuku kahi mea loaa, aka, ma na kahakai papali a puni ka Paeaina, he nui no, o ka lihi makau o ka lawaia alalauwa me ka aweoweo ua like no.

            21.  LAWAIA NENUE   Elua no ano lawaia nenue, lawaia upena, a lawaia makau.  I kahi manawa he ku ka nenue, a e hoopuni ia no me ka upena papa, e like me ka lawaia ana i ke kala ku, a i kahi wa ina e ku ka nenue maloko o na kai kohola e like me Lahaina, Molokai a me na wahi kai kohola e ae, e hoopuni ia no me na upena paloa, a i kahi manawa no hoi, e loaa no me na upena hoomoemoe, o ka po, a he nui no hoi ka nenue ke puni pono ma ka lawaia ana a he waa make (piha) i kahi manawa.  Ka lawaia makau, he i'a hanai maoli ia no ka nenue, e like me ka hanai ia ana o na puaa hanai ahuhu, ma na ko'a e noho ai ka nenue, o ka limu no hoi ka mea e hanai ai, o ka Mea Hanohano Lunakanawai o Hana, oia ka mea makaukau loa i keia ana lawaia makau, a hanai ana i na i'a nenue, aia no kana ko'a hanai nenue e pili ala no makai koke iho no o ka puu kaulana o Kauwiki, a me kahi moku o Alaau, a ua lilo ia mau wahi ko'a hanai nenue i aina kakahiaka no ua mea hanohano la, a ua paa no i ka haku mele ia ua ko'a lawaia la.  Penei:

Alaau, alo ka iwi Opele

He pele kani mau @a no Haneoo.

He mea pio ole ka wai no Kumaka

Ahu kapeke ka nalu o Puhele

Ike i na ipu huai lua o Hamoa

He hueu iho @a, he ihu pani no ia nahele

He aloalo kuaua au no Hanalei,

I lei mau ua mau ko'a lawaia ala

E lia mau ai i ke ao a me ka po

E pa wai au a, a e kepa ka ua---e,

Nolaila, i ka hanai mau ana i na nenue, a maopopo no ia oe ka momona, o kau hana no o ka makaukau i kahi waa, hookeo, makau, a o ka hoio no @a lawaia, aole o kana mai ka aapo o ka nenue, hoi mai oe a kaha iho oe i ke alo piko, ua hele ka momona a kohu momona o ka puaa, a ina no e makemake oukou e ike pono i ka oiaio o kela, e kau iho ao ma ka mokuahi Kalaudina a holo i kahi o ua mea hanohano la o Hana, ike pono no oukou i ka momona o ka nenue, e like no hoi me ka ike pono o ko oukou mea kakau, i ko'u noho ana ma ka home nani o ua mea hanohano la, no elua @a wale no ka loihi

            22.  LAWAIA HOOLUULUU HINALEA.  Ma kahi noho o ko oukou mea kakau, ka poe ike a me ke akamai i ka hana ana i kahi upena e loaa ai keia ano lawaia hinalea, a, i ka hala ana aku nei o ko'u kaikuahine i kahi mau o ka honua, pau loa ka poe ike i ka hana a he unu p@hi @ ike ole wale no koe.  O kela wahi upena, he wahi hinai poepoe e like no ka nunui me ka ipukukui Kepani @, me kahi nuku oi@i iki maluna, iniha me ka hapa ke kiekie, a ua hana ia kela hinai me ka inalua, he mea hihi ma ko makou wahi pili kahakai, a nui kela, hoi mai a ma kahi kuakapuloa, e hele kanaka ole ia ana, malaila, e nala ai e like no hoi me ke nala papale ana, a i ka paa ana, alaila, he mau wahi @aau liilii malalo, e like me ka uhaloa, a hau-oi, malalo o ua hinai nei, hoopaa me kahi pohaku hookaumaha, alaila, makaukau, ina eha hinai, eha wahine no ia, a i ole me na kane no hoi.  Makaukau kela mau mea a pau, alaila, o ka mea i koe, o ka hulihuli papai elekuma ma kahakai no o ko oukou mea kakau, a he papai maunu maikai loa la mamua o ka ohiki, o ka hele iho la no ia i ka lawaia, ma na kuanalu, a na awa pae waa, o na la poipoi nalu ole no hoi, a malie maikai, luu aku la no hoi a ma kahi no hoi au i ike ai he maikai ke waiho ka hinai, kukulu aku la no oe, hoi mai oe a kahi kaawale iki mai, mai ka hinai mai, lana aku oe nana, ina no elua minute ka loihi o kou @aawale ana mai, a kii aku oe e hapai mai i kahi wa, elua a ekolu kauna, alaila, he hinai kokomo keia, he hora hookahi no kau e lawaia ai, ua piha ke eke.  O ka hinai komo ole ia, pomaikai ke loaa o kahi kauna hinalea, a he pakalaki ka olelo ana, a @ kekahi no ma ke ano no o ke nala ana o ka hinai, ola mea no ia e nele ai, e like no hoi me kakou ke kanaka ka wae no hoi e nio ai a ka papale maikai, lawe mai la, pela no ka i'a.  I kekahi manawa, ina makau i kaau wale no, alaila, ma ka waa e holo ai e lawaia, alaila, ina hiki i kai, alaila, me kahi aho no hoi e hoopaa ai, a hookuu no hoi, me kahi mouo wiliwili hoolana, lana iho no oe nana i ke komo o ka hinalea a pela iho la e hana ai, ua hele pinepine ko oukou mea kakau ma keia ano lawaia, a ua lilo i mea nanea, a e ola ai ka noho ana, a ina aole ma kela ano lawaia, alaila, ua komo ma kahi o ka lawaia kaili a paeaea, e loaa ai ka hinalea, a me he la e nalowale loa ana kela ano lawaia ma Lahaina nei, a pehea la ma kahi mau wahi e ae o ko kakou aina aloha.  I ka M. H. 1898, ua hiki aku ko'u kaikuahine ma Koloa, Kauai, a hoao i keia ano lawaia malaila, o ka mohihi ka inalua o ka hana ana i hinai, a he mea hou loa ka ia i ko laila poe, a o ke kaikuahine o na Mea Hanohano J. H. Boyd, ame Ed. S. Boyd kona mau hoa o ka au ana i ka lawaia hooluuluu ma kahakai iho no o Koloa a ma kana hai mai ia'u he oi aku la o kahi hinalea nui wale mamua o Lahaina, no ke kuapue no hoi paha kekahi.

            23.  KA LAWAIA LUU WEKE.  O ka upena no o ka lawaia hoauau, ola no ka upena o ka lawaia luu weke, ma Lahaina, a ma Lanai a puni, me Kahoolawe ma ka aoao e huli mai ana i Lahaina, kahi ia a ko oukou mea kakau i hana mau ai me na makua ma keia ano lawaia no kanaha makahiki i hala.  Elua wale no ano weke i ikeia e kakou, he weke-ula, a he weke-au.  O ka weke-ula he noho lakou iloko o na alua a mawaho no hoi, no ka hohonu o ke kai, he uni anana a oi a emi mai no hoi, a he hoopuni no hoi me ka upena papa i kahi wa, ke maikai ka honua olalo i hoomoe ai ka upena, a ina he ino ke kulana o kahi e noho ai, alaila, me ka upena paloa malua no hoi e lawaia ai, o ka lawaia ana me ka upena papa, he maalahi a hapa ka luhi, aka, ina me ka upena paloa e lawaia ai, he hana nui ka luu pinepine ana o na lawaia ilalo e nai ai i ka upena a hui, a ina e puni maikai ka weke-ula, e piha ana no ka waa i kahi wa, a hapa no hoi i kahi wa, a loaa no na kenikeni e loaa ai na pai-kalo o ke au kahiko, a i keia wa o na wahi tini liilii a ka Pake, ke ai aku, ua like me ka ice cream ka huihui.  Ka weke-aa, he lana iluna kela ano weke, a he pono ole ina upena haahaa o na ao (paku) o kahi wale no i pono ai, he weke pipili loa keia ma na awa pae a pau, a kahi wa, ina e onalunalu, a kaikoo, e hoi loa ana kela ano weke iloko, a ua hopuni pinepine la ma ka palekai o ka uapo o Keawaiki, Lahaina, ina wa a pau, a hiki no i kela wa, a pela no hoi ma ke alo iho o kahi o kou mea kakau, a he nui ka mea loaa mai, a mahuahua no na kenikeni loaa mai, a i ole no hoi hookomo no maloko, he pohu mai hoi kau.

            24.  LAWAIA AKULE.  No keia i'a ka olelo ia e ka poe lawaia, hoomamao ke akule i ka hohonui, a i kahi wa no hoi pipili aina kahakai mai no.  O ke kulana o keia ano i'a, he i'a kaapuni honua, a kahi no hoi paha a lakou e manao ai e hoolulu, alaila, o ka noho iho la no hoi ia, ke nana aku oe mai uka aku o ka aina, e ike no oe i ka punohou ula a ina hoi e loaa i ke apu, alaila, akahi no a maopopo i ka poe holona (poe ike ole i ka lawaia), he mau la a he mau pule ke noho, o na wahi hoopuni pinepine la o ke akule, ma ka apana o Lahaina o Unahi ma Olowalu, o Pahee ma Launiupoko, o Keawaiki ma Lahaina, o Kapua ma Kaanapali, a o Honolua Ranch.  I ka mana e ike ai na lawaia i lako i keia mea he upena papa, a me na upena paku, o ka hoolale iho la no @a o na waa, a i ole mau waapa i keia wa, alaila, o ke kii no hoi la e hoopuni, elua mau waa e holo mua, oia na waa me na upena paku, alaila, nana no hoi ke kilo (lawaia nui) a ike no hoi ua kupono, alaila, kahea no hoi me ka lima e peahi ai, a hoomaka ke kuu o na upena paku, aia no ka pono he lele o na paku i kula, a ina no puni ke akule ma @a kuu ana o na paku, alaila, hoomaka koke no ka upena papa e hoomoe, oiai he manawa pihoihoi la o ke akule, ia manawa malu ka walaau, ka nakeke o na waa, a hiki i ka wa e haiki ai na upena, la manawa e nana pono ai ka lawaia, a he manawa ia e ike aku ai oe ka holona, pii ae ke akamai o kela a me kela, aka, o ke poo o ka lawaia i maa a ike, aole e hoolohe ia mau kanikani kumebala walaau wale, a ma kela ano lawaia nae pahua ke akamai o ka poe loea akamai i ka lawaia, oiai i kekahi manawa e hoomoe pu ia ana na paku, a pau ke akule i ka ho@o, a he wahi mea uuku kai komo aku la i ka upena papa, eia nae, ka mea kupanaha, aole no e holo loa ana ke@a ano i'a, ao ae no i kahi @a, e noho mai ana no ma ia wahi, a lawaia no, a e hala ka pule hookhi e ku ai ke aku@ a pela iho la e lawaia mau ai, ! kah!