Ka Nupepa Kuokoa, Volume XL, Number 15, 11 ʻApelila 1902 — HOIKE KULA SABATI O KAWAIAHAO. [ARTICLE]

HOIKE KULA SABATI O KAWAIAHAO.

E like me ka mea i hoolahaia ai, ua malama ia ae ka Hoike o na Kula Sabati o Kawaiahao ma ke kakahiaka Sabati, 16 o keia mahina. O ka hora 9:45 ka manawa i hoopaa ia ma ka Papa Kuhikuhi, aka mamuli o ka ulolohi o kekahi mau apana, aole i hoomakaia na hana a hiki i ka hora 10:15. Ua hoomakaia ka hoike me ka himeni 196 Hoku Ao Uani a mahope mai ka pule i haawiia e Rev. H. Manase. Maa nei i komo mai ai ka heluhelu haawina a mahope iho ka himeni nui, "Na {illegible e Hoola." O kekahi keia o na himeni i unuhi ia e Prof. Theo Richards i kokua ia e Rev. S. Kapu ame Iosepa Kalaina a e puka mai ana ma ka Buke Himeni hou e paʻi ia nei. Mahope o kela himeni, ua hoomakaia

ka hoike o ke Kula Hanai o Kawaiahao no lakou ka heluna o 43 haumana. {illegible} na hana o keia papa aole hoolololahili a ua pau ka lakou hana iloko o ka manawa pokole me ka maikai. O ka lua o na papa hoike oia no ka papa Pokii o Kawaiahao malalo o ke alakai ana a Mrs. May Wilcox. O keia ka papa nui hookahi i hiki aku ka heluna i ke 90 haumana. Mama no na hana o kela papa e ua hoike la mai ka ikaika o ka hana i hanaia e keia lede iwaena o na pokii a me ka ae oluolu ana mai o ka uhana Mana o ke akua e kokua iaia ma ke alakai ana i kela mau pulapula o ka lahui Hawaii ma ke ala e loaa ai na pomaikai uhane ame ka noho maluhia ana ma na home. Mahope aku o kela, ka papa kula sabati o Pauoa, aka mamuli o ke noi ana o ka Mea Hanohano W. R. Kakela ua hookomoia mai ka Papa a Kakela ma ia wahi, oiai nae, aia ko lakou wahi i hookaawaleia ai ma ka helu 8 ma ka papa kuhikuhi. He 9 no haumana o kela papa, he poe iae oo wale no, a o ka haawina i waiho ia mai ai e lakou oia no ka Buke o Ioba. He haawina waiwai nui keia ma ka hoomaopopo pono ana o ke kanaka i ka manao nui i hoike ia ma keia puke, aka o ka hewa wale no pau loa ka manawa i ka lilo i ka mea hookahi a haule hope na hana. Ee, he mea pono e noonoo i ka manawa a e noonoo iho hoi he poe hoa a pu kekahi e kali aku ana! Mai keia papa mai ua hoomaka na hana hoike eloloiahili, hui pu me ka manawa i hoo maunauna ia i ka hoomaka ana, hala loa na hana hoike i hope. He mea keia e aʻi mai ana i na alakai kula Sabati e malama i ka manawa a e hoonui olelo ole hoi ma ka lawelawe ana i na hana. O na kula Sabati nui e like me Kawaiahao e pono e malamaia keia rula i mea e hoiopono ai na hana a e pau ai hoi na mea i hookomoia ma ka Papa kuhikuhi. I ka pau ana o keia papa, hoike ka papa Kula Sabati o Pauoa. Ua alakai ia keia papa Kula e Miss Kaaumoana, kekahi o na opio wahine i hoonaauao ia ma ke Kula kaikamahine o Kamehameha. Pau ia papa, o ka apana mai o Manoa. He 10 no haumana o keia papa a nui no ka waiwai i loaa mai mai ka lakou hana mai. He mau pua kekahi o Kina i ike ia aku ai e mohala mai ana Hoomau e Manoa i ka noho hoolauna ana me kou hoa kanaka. S. K. N., Maikai na hana o keia papa, a ua hoike ae ke anaina i ko lakou hauoli ma ka paipai ana. O kekahi kumu i maikai ai oia no ka malama ana o keia papa i ka manawa a ua pau iloko o ka wa kupono. He 21 ka nui o na haumana o keia papa o ka hapa nui no aia iwaena o na pokii a me na opio Ola no o Pauahi Alii! Pau ia komo mai o Kamoiliili. he 38 ka nui o na haumana o keia papa a i noho alakai ia e Pilipi Naone. Maikai na mele o keia papa a mamua no hoi na Haawina. O waikiki mai me 26 haumana. Maikai no ka hana a keia papa, a ua malama no i ka manawa, aka, o ka pilikia, ua haule mua ka manawa i ka hoomaka ana no o na hana. Mahope aku o keia ka papa o Kewalo me kona heluna o 21 haumana. Maanei i hooi loa ia mai ai ka pii ana o na paipai lima ana ame na hehihehi ana o na wawawe, e hoike ana i ka manao mahalo no na hana i hanaia mai. He mea maikai no ka paipai lima ana, aka o ka hehihehi ana, aole i pono e hanaia aka, aole i papa mai ke alakai o na hana hoike i keia mau hana, a ua pii hou ae he mau kekele hou i ka wa i ku mai ai ka papa o na Kilipati mahope o ka mele ia ana o ka himeni hui. "O kona Auamo he olu mama," kekahi hoi o na himeni e puka mai ana ma ka buke Himeni Hou. He 24 ka nui o na haumana o keia papa, a he eleu ka lawelawe ana o Mr. Isaia, he kanaka Samoa i naauao maoli ma ke kamailio ana i ka olelo Kilipati. Maikai na hana o keia papa, a ke aʻo mai nei ke alakai o keia papa ina alakai papa Kula Sabati e makaala a e eleu ma ka lawelawe ana i na hana hoike kula Sabati. Nui ka paipai ia o keia papa ame ku hehihehi ia, a maanei i hoomaopopo loa ia ai ke kupono ole o ka ae ia ana o na hana o keia ano ma na hana hoike kula Sabati. he ano like ka hana ia ana me ko na hale hana keaka, ka paipai ana ka hehihehi a me ke kani {illegible} o ka pi. Ee, e aʻo kanaka hoi kakou e pono ai! Mai hoolilo i Kona hale i hale Keaka, ame Kana hana i hana lealea wale no. I ka pau ana keia papa, akahi no a ike ke alakai o ka la, aole i hiki iaia ke paa iho i ka manamana kuhikuhi hora o ka uwati nui e kau ana ma ka paia mahope, a ia wa i hoomakaia ai ke oki ana i ka {illegible} kuhikuhi. Mahope aku o ka papa o na Kilipati, o ka papa o Lunalilo Home eia nae oki ia iho la, a kikoi aku la i ka papa o Maunakiekie, he papa mahope aku o Lunalilo Home. Maikai no na hana o keia papa. He 13 haumana. Nui kela. Pau keia papa komo mai ka papa o Puaikalani i noho alakai ia e Hon. E. K. Lilikalani, ka hope kahukula Sabati o Kawaiahao, a alakai nui hoi o ka la. Maikai no na hana o keia papa. Maikai na himeni. Manei i komo mai ai ka papa o Kawaiahao S. S. C. E. (Ahahui Hooikaika Pono Karistiano). He 22 ka nui o na haumana o keia papa, a he poe opio u'i wale no a pau. E like me ko lakou mau kulana pela no na hana i hanaia mai. Ua alakai ia na ninau e Hon. E. K. Lilikalani, a o na himeni a James Hakuole, he opio i puka maikai mai ke kula mai o Kamehameha. Ola hou no o Pauahi Alii! Mahope aku o keia, na olelo hoolaha ka himeni hui ame ka pule hookuu a Rev. H. Manase. Ua malamaia no he lulu dala a ua loaa mai he $18.85. O kela kekahi o na hoike i ike ia ai ke ala nui mai o na apana, a ua hauoli ka manao ina hana i hana ia, a o ka hewa wale no o ka ulolohi loa o ke alakai ana a ke kahukula Sabati ame ka hoonuinui olelo no hoi. Minamina na papa i haule aole mamuli o ko lakou hemahema, aka mamuli o ka lawelawe ia ana o na hana. He hana luhi moli no ka hoomakaukau ana.