Ka Nupepa Kuokoa, Volume XL, Number 15, 11 ʻApelila 1902 — Page 4
| This text was transcribed by: | Bonnie Christensen |
| This work is dedicated to: | Seychelle Brainard |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUO KOA, APERILA 11, 1902
He Lei Doimana ma Koni o'i
__________
I ko kakou haalele ana i ka kakou moolelo i ka pule i hala e noho ana no ka kakou Amber iloko o ka malu o ka hale paahao a ke aloha ole, e uwe ana ola i kela ame keia la, e imi ana hoi ma na ano apau i wahi nona e pakele ai mai kela wahi mai, aka aole loa he wahi hoaliona o ka lanakila i loaa laia. Aole i hele ka Haku Mualana e ike lala, aole hoi kahi kauwa nana oia i lawe mai a hoopaahao ma keia hale paahao a ke aloha ole, a ma ka nana aku ke kokoke mai nei ko laua manawa e hele mai ai e ike iaia. O na mea ai apau i lawela mai imua ona aole oia i ai, aka o ka waina kana i ninini iwaho me ka manaolana he kumu ia nona e pakele ai ma keia hope aku. He oiaio ua manao loa keia wahine luahine nana oia e malama ana he inu waina keia kaikamahine a o kana hana makemake loa hoi la a ua hooholo iho ola iloko iho ona ina lakou i makemake e malama i ke ola o keia kaikamahine he hookahi wale no a lakou hana maikai ola ka hoolako mau ana aku laia me kekahi mea hoonoono ai a hiki i kona ae ana mai e ai. Iloko o kela mau la elua ana e noho paahao ana iloko o kela hale aole loa ola i ae e ai, a heaha no hoi ka waiwai e ai aku ai, oial ua kaili ia ka ono o ka ai mamuli o ka ike mau ana i na paia puanuanu ola hale paahao?
Ma ka nana aku iaia me he mea ala oia mau no ka poepoe a mohaha maikai o kona papalina, e popohe mai ana no ka ula oia mau lehua kau a na manu, aka he hoailona o ke kaumaha kekahi e ike ia ana. Maluna o kona lae ua ike ia aku ia kekahi mau laina o ke kaumaha e holke mai ana hoi ua komohia aku oia iloko o kekahi haawina kaumaha iloko o kela mau la pokole ana i noho ai iloko o ka mana o na lima aloha ole o ka Haku o Mualana.
E waiho iki aku kakou iaia, e na makamaka heluhelu, a e nana iki ae hoi kakou i ka hoapalo o ka kakou Amber, o Blanche e noho ana iloko o ka home nani o ka Haku Opio o Kotene. I ko kaua haalele hope loa ana ia Blanche, ua hui aku ola me ka Haku Opio o Kotene a noi aku la iaia e lawe iaia i ke Kaona, oiai ua molowa ola i ka hoho mau ana i kuaaina, a ua makemake hoi e ike i ke kaona. Oiai he nui na hana maikai a Blanche i hana ai no ka Haku Opio, a ua komo iki nohoi ke aloha iloko ona no keia kaikamahine u'i, ua hooko ia aku la kona makemake. I ko laua hiki ana mai i ka hale kulanakauhale o ka Haku Kotene, ua hoonani ia a ua hiki loa hoi ke olelo ia o keia kekahi o na hale nani loa i ikeia iloko o Enelani la mau la. Ua lilo keia i mea hauoli loa no Blanche, aka aole i lawa kona makemake. Ua noonoo mau oia, a ua iini nui hoi e komo iloko o ka pohai o ka poe waiwai a poe hanohano hoi o ka aina a ua maopopo loa hoi iaia o ka Haku Opio wale no ke kumu e hiki ai iaia ke komo a launa me ka poe waiwai. I kekahi la ua Telepona aku la oia i kona kaikunane, Jaspa, e lele mai i ka hale a e kuka like hoi laua i ka laua hana maikai e hana ai Ua loaa aku la iaia a he mau hora mahope mai kikeke ana kekahi kanaka ma kona ipuka. Ua hele ka Haku Opio Kotene i keia manawa nolaila ua loaa ia laua ka manawa maikai e kamailio ai no ka laua mau hana ano nui i makemake ai.
"I kauoha aku nei au ia oe, e ku'u kaikunane maikai, e hele mai kaua e kuka kamailio no na mea e pili ana i ka kaua hana maikai e hana ai ma kela mua aku. Makemake au ia oe e hoike mai i kau e hana nei me kela wahi kaikamahine, Amber.
"He mea hou hauoli ka'u e hoike aku nei ia oe. Ua hele aku au e ike iaia i kekahi aku nei o kela mau la he mea e hoi kona u'i! Aole au i ike i kekahi kanaka a wahine u'i paha e like me Amber i keia manawa. Ua makapo paha au i ke aloha, aka ua hiki loa ia'u ke olelo aku ia oe me ka pololei loa, aole loa au i ike i kekahi kaikamahine u'i mai ko'u hanau ia ana mai a hiki wale no i keia manawa. Ua kukuli aku au imua ona a noi aku iaia e lilo i wahine na'u no keia mua aku, aka aole ola i ae mai. Ma ko'u nana aku eia no ola ke aloha nei i ka Haku opio, a he wahi manaolana nohoi kona e hiki mai ana ka manawa e hooko ia ai keia makemake ona."
"Pehea? Eia no ola ke aloha nei i ka Haku Opio. Ina he oiaio kena, e ku'u kaikunane maikai e nana pono loa kaua o hui laua i kekahi manawa. Ina e ike ana ka haku opio i kena u'i au e hoike mai la manao au pau ka loaa ana la oe o Amber, a pau hoi ka loaa ana la'u o ka Haku Opio."
"Manao au aole loa laua e hui, no ka mea he hilahila loa kela kaikamahine ke ike mai i ka Haku Opio, mahope o keia nalowale ana no kekahi mau makahiki. a---."
"He @ no paha ia aka ina aole kaua e nana pono ana e hui ana laua i kekahi manawa ma ke alanui a i ole ma kekahi halepule paha, ua ike ia aku."
"Ae, he hana maikai ia na kaua ka nana pono loa ana la laua, aka ke manaolana nei au aole loa e loaa ana la pilikia. O ka'u wale no e makemake nei ia oe e hana oia kou hooikaika aku a loaa la oe kela Haku Opio. No'u iho ua noi aku au ia Amber, elike me ka'u i hoike mua aku nei ia oe, a ua pane mai oia e haawi aku au laia i ekolu pule e noonoo ai, a ma ko'u manao e imi ana ola Hoko ola manawa ina he aloha ko ka Haku Opio ke manaolana nei au e lilo ana oia la'u."
Maikai, maikai loa ina e loaa ana la oe. O kela wahi kaikamahine wale no ka'u e maka'u nei o komo mai niawaena o maua. Ina aole ola e ola nei manao au lilo mua la'u kela wahi kanaka. Aka, ua pono ae la e hana oe i kau hana a e hana hoi au i kau. Ke makemake nei au e kmo iloko o ka puai o ka poe hanohano o ka aina, a e hooikaika ana au e haawi ka Haku Opolo i kekahi anaina hoolauna ma kela mua aku i loaa ai la'u ka manawa maikai e hui ai me lakou. Aia hiki mai ia manawa Kono aku ia oe o hele @
Me kela mau huaolelo mawaena o laua ua haalele mai la kona kaikunane iwia a hoi aku la no kona hale. He mau @ mahope iho ua lohe aku la o Blanche i ka nakeke mai o ka huila @ o ka Haku Opio a maopopo ae ia hoi laia ua hoi mai ia kana mea e lini @ nei. Ua hoi mai la ka Haku Opio @ hele pololei aku la no no kona lumi. He mau minule mahope o kono komo @ aku iloko o kono lumi, ua lohe aku la ola i ka hele ana mai o kekahi mea @ kikeke ina ka ipuka o kona lumi @. Ua maopopo ae la ao iaia e Blanche keia a @ aku la laia e komo mai @.
"E kala mai oe ia'u e ku'u kaikunane (ohana) maikai no keia hele ana mai e hoopau wale i kou manawa hana, aka ua makemake nui au e noi aku ia oe i kekahi mea," wahi a Blanche me ka mino aka ana iho.
"O kou mau makemake apau oia ka'u e hana aku ai, nolaila mai maka'u oe i ke noi mai. Heaha keia makemake e ku'u Blanche?"
"E kala mai oe ina ua nui @ ka'u mea e makemake nei, a ua hala loa aku hoi mawaho o ka palena kupono, a--."
Mai noonoo oe no ia mea, ua hoike aku la au la oe o kou makemake ola ke hanala ina he hana hiki ia ke hana ia, a nolalia e hoike mai me ka maka'u ole. Ua makemake anei oe i ke kala, a i ole he mea okoa aku paha? Ua loaa mai nei anei kekahi mau leta pilikia? Heaha la, e hoike mai ia'u mai hilahila oe?
"Aole he kala ka'u e makemake nei aka ua makemake loa au e ike i keu poe hoa'loha, a e hui pu hoi me lakou, a e hoolilo ia lakou i poe hoa'loha no'u, a ua manao au o ka hana maikai wale no a kaua e hana ai oia ka haawi ana i kekahi aha hulahula a i ole aha hoolaulea paha o kekahi ano okoa aku, a e kono ia hoi kou mau hoa'loha apau i loaa ai ia'u ka manawa maikai e hui ai me lakou."
"Maikai. Ua noonoo nui au no kena mea mamua aku nei o keia manawa, a ua hoike aku au i ko'u mau manao ia Mrs. George. Ua hoolala maua no ka hana ana i kena hana i keia pule ae, noiaila ua hauoli loa au i kou hele ana mai la a hoike mai i kou iini e hui me ko'u mau hoa'loha a e hoolilo hoi ia lakou i poe hoa'loha nou."
"Alaila ua hoolala mua no oe e hana i keia hana no'u? O, maikai maoli no oe e kuu kaikunane. Pehea la e hiki ai la'u ke hoihoi aku i keia lokomaikai nui au i haawi mai la ia'u? Ua hana mai oe i na hana apau e hauoli ai au, a aohe loa a'u mea i hana aku ai nou. I na e loaa ia'u ka manawa maikai ma keia mua aku, e hana no au i keia mau lokomaikai palena ole."
Ua makemake loa ka Haku Opio e noi aku iaia e lilo i wahine nana ia manawa, oiai kela mau huaolelo e pumehana ana maluna o kona mau lehelehe, aka ua kaohi ia mai la oia e kekahi mana i maopopo ole laia. Me he mea ala e olelo mai ana kekahi mea iaia, aole oe e hana i kena hana o pilikia oe? Aole oe e hana i kena hana, no ka mea o kou hana ana i keia hana oia no kou hookuli ana i kou makuakane, a e hoi mai ana oia a hoopai ia oe no ia hana ana. Me keia mau noonoo ano e e hoopiha ana i kona noonoo ua maopopo ole iaia kana hana maikai e hana aku ai.
I ka maopopo ana ia Blanche ua ko kona makemake, a e hui ana hoi oia me ka poe hanohano o ka aina, ua hauoli loa oia. Ua kauoha koke aku la oia e hana ia kekahi iole nani loa nona no keia po, a hoomaka iho la hoi e hoomakaukau no keia la nui e hiki mai ana. Aole oia wale no ka mea i hoomakaukau no keia la nui aka ua kokua ikaika loa ia mai la oia e Mrs. George, no ka mea, ua hoomaka aku keia lede maikai e aloha i keia kaikamahine e hoao nei e kaili i ko laua mau puuwai. Mamua o ka hiki ana mai o keia la nui, ua loaa aku la na palapla kono i na ohana kiekie apau o Ladana, o oiai o ka mua loa keia o na aha hoolaulea i haawi ia e ka Haku Opio mahope mai o ka make ana o kona makuakane, ua lilo ia i mea kamailio nui ia. Ua lohe ia aku la ma kekahi mau wahi ua hoopalau laua me keia kaikamahine, a ua hoike ae kekahi poe i ko lakou hauoli no ka loaa ana o kekahi kaikamahine u'i a kulana hanohano hoi i ka Haku Opio o Kotene, ua minamina hoi kekahi poe i kona lilo ana aku i keia kaikamahine a aole hoi i ka lakou mau kaikamahine.
Hiki mai la ka la e haawi ia ai keia ahaaina hoolaulea. Aole i ike ia kekahi la maikai mamua aku e like me ia la. Mai ke kakahiaka a hiki wale no i ke ahiahi ua hoike mai la na lani i kona nani. Ua puka mai la na nupepa e hoike ana i keia la nui, e kaena ana hoi i ka nani o keia home ame ka Haku Opio. E hoomakaukau ana kela ame keia e hele mai i keia hale, i keia po, a o ka poe i hiki ole ke hele mai mamuli o kekahi pilipikia i loaa ia lakou ua nui loa ko lakou minamina, a ua hooikaika hoi kela ame keia i kono ia e hiki mai.
Mamua o ka manawa o ka hui ana aku me keia lehuiehu i kono ia ua iho mai la o Blanche mai kona lumi mai me kona aahu nani. I ka ike ana aku o ka Haku Opio ua manao iho la oia iloko iho ona aole loa oia i ike mua i kekahi kaikamahine u'i mamua aku o keia manawa, a aole nohoi ona manao ua ioa kekahi kaikamahine i like aku ka u'i me kona ma Ladana a puni. I na ola i ike la Amber i keia po, me nei ua hoololi koke ia keia manao ona, aka aole oia i hiki ke hele mai ma keia anaina hauoli, ua paa aku oia iloko o ka hale paahao o ke aloha ole.
I ka hiki ana mai o ka manawa i kono ia ai kela poe ua ike la ka piha mao li o keia pa ina kaa ame ka lehulehu hoi i hele mai maluna o na kaa-ahi. Ma ka ipuka o keia hale nani ua ike ia mai la ka Haku Opio, Blanche, ame Mrs. George e hookipa ana i ka lehulehu. Mahope o ka pau pono ana mai ua hoi aku la lakou no kekahi lanai nui i hoomakuakau ia no ka hulahula oia po. Ma keia wahi i hoohala ai na opio i ka po. O ka poe i makemake ole i keia hulahula ua kono ia aku ia lakou e hele ma kekahi mau wahi okoe aku e lealea ai. O ka poe i makemake e hoonuu i na mea maikai i hoomakuakau ia ua loaa ia lakou me ka hele ole aku oiai e hele mau mai ana na keiki kuene me kekahi mau mea ai mama e ninau i kela ame keia i makemake. A ole loa i ike ia kekahi la nui ma Ladona e like me @. Ua hauoli kela ame keia, a o Blanche ola ka mea makahehi nui loa ia e na opio i hiki mai i keia po. Ua lilo oia i moiwahine no keia po a ilaila hoi ka hapanui o na maka o ka poe opio waiwai i akoakoa mai.
Oiai iakou e holoholo ana ua hele mai la ka Lede Mualana, no ka mea, oia kekahi o na lede i kono i a a noi mai ia ia Rafela, ka Haku Opio, e hele aku me ia ma kekahi wahi, ua makemake oia e kamailio mai iaia no kekahi mea ano nui. Ua hooko i a aku la kona makemake, a ia laua i kaawale aku ai ua hoike mai ia ka Lede penel:
"I kahea aku nei au ia oe no elua kumu. Ua makemake au e haewi aku i na mahalo kiekie loa no keia kono ana ae ia maua e hele mai i keia la nui a o ka iua ua makemake au e hoike aku ia oe i kekahi mea e pili ana i kekahi ohana o'e."
"i kekahi ohana o'u? Owai keia ohana au e hoike mai nei?" wahi a ka Haku Opio i ninau aku ai.
"Ua makemake au e hoike aku ia oe e pili ana no Miss Amber Kotene. Ua hoomanao no anei oe iaia?" wahi a ka Lede Muaiana i ninau mai ai.
"Ae, O, e hoike koke mai oe i kau mea i ike ai nona. Aia oia ihea i keia manawa, a heaha kana hana e hana nei, ku'u Amber, Oh my Amber."
"No aneane elua makahiki ua noho hana oia me a'u ma o ke ano he kumukula na ka'u mau kaikamahine. I kona hiki ana mai i ko'u hale a noi mai i hana nana ua manao au he opiopio ioa oia, a aole hoi i makemake loa e haawi i ka hana iaia, aka mahope mai ua hoao au i aia a ua ike i kona makaukau. He kaikamahine aluhee a pupuka o ia i kona hiki ana mai, aka mahope o kona noho ana me m akou no aneane elua makahiki ua pii ae o ia a lilo i kaikamahine u'i, ua ohaoha maikai kona helehelena ke nana aku, a ua hiki loa ia'u ke hoike aku ia o e oia kekahi kaikamahine u'i loa a'u i ike ai m a Ladana nei i keia la. Ke n'anao nei oe he u'i o Blanche, aka i na laua e hookuku ia ana i keia po, ua like o Blanche me kekahi apana welu lepo e ekaeka ma ka aoao o Amber."
"Alaila he u'i loa i o no oia? I ka manawa e ola ana ku'u makuakane ua hoike mau mai oia ia'u aole loa e loaa ana kekahi kaikamahine u'i ma Ladana nei e like me keia kaikamahine, aka aole au i hilinai i kana mau olelo ana," wahi a ka Haku Opio i o lelo aku ai.
Ah, i na oe e ike ana iaia i keia manawa e hilinai ana oe i ka mea a ko makuakane i o lelo mai ai i a oe ia manawa. Aole loa au i ike i kekahi kaikamahine u'i mamua e like me Amber. Well, ua noho oia me makou no keia manawa me ka maikai, ame ka loaa ole hoi o kekahi mau kuee. Aka, mahope mai ua hoi mai la ku'u keiki. O Balea mai Inia mai. I kona ike ana i keia kaikamahine u'i ua hooplikia ia kona noonoo mamuli o ke aloha iaia. E hele mau ana o ia ma na wahi ana i manao ai e ike lihi aku a na i keia kaikamahine. E ala ana oia i ka po e noonoo ai i kana hana e hana ai i loaa ai iaia keia kaikamahine, a i kekahi la ua hele maoli aku oia imua o keia kaikamahine a noi aku la iaia i wahine nana, a-------"
"A e lilo ana anei oia i kaikamahine nau ma keia mua aku?" wahi a ka Haku Opio i ninau aku ai.
"Aole aole, loa pela e ku'u Haku maikai. I ka hele ana aku o ku'u keiki a kukuli imua ona a noi aku la iaia e haawi mai i kona puuwai ame kona aloha, ua hoole ia mai la oia. Mamuli o keia hoole ana ia mai o kona aloha ua lilo ia i mea hoopilikia loa i ke ola o ku'u keiki aka mahope mai ua hooholo iho la oia e haalele a e hoopau hoi i kona aloha no keia kaikamahine. Ua hele kino mai ia oia imua o maua i kekahi la a noi mai la i a maua e huli aku i wahine nana."
"Alaila a ole loa laua e mare ana? Aia i hea ku'u Amber i keia manawa e hoike koke mai oe ia'u."
"Oia ka mea i hiki ole ia'u ke hoike aku ia oe. Mahope mai o keai mau mea a'u i hoike aku la ia oe, ua nalowale ano e iho la oia, a mai ia manawa mai a hiki wale no i keia manawa aole loa makou i ike hou iala. Aia la oia ihea? Ua manao au ua hoi mai oia i ka hale nei aka mahope mai ua lohe mai la au ua mahuka aku oia me kekahi kanaka opio, a oia ka lohe hope loa i hiki mai imua o'u e pili ana nona. Ua manao au ua hoi mai la oia @ ka hale nei?"
"Aole oia i hoi mai. Ua hiki anei ia oe ke hoike mai ia'u i ka mea nana oe i hoike mai ua mahuka aku oia me kekahi kanaka opio? A ua hiki anei ia oe ke hoike mai ia'u i ke ano oia kanaka i hiki ai ia'u i ke hoike aku ina makai kiu no ka huli ana aku ia laua?"
"Ua poina a u i ka mea nana i hoike mai keia mea ia'u, a aole nohoi i hoike pu ia mai ia'u ke a no oia kanaka."
O keia iho la n a mea ano nui i puka ai ma ka iaua kamailio ana. I ka lohe ana o ka Haku Opio i keia mau mea ua lilo ia i mea e hoopoino ana i kona noonoo. Ua aneane loa oia e poina ia Amber, aka i ka hoike ia ana mai o keia mau mea iaia, ua hoi hou mai la ma hoomanao ana o keia kaikamahine i punahele i kona makuakane. Ma na mea i hoike ia mai ia iaia e keia lede maikai oia kekahi o na kaikamahine u'i loa.
Ua komo mai la ka iini iloko ona e ike hou i aia, e hana i na hana apau i hiki i aia no keia kaikamahine. Ua hooholo iho ia oia e kauoha ana oia ina makai kiu kaulana loa e hele aku e huli i kahi a keia kaikamahine e noho nei. Ua pau ae la kona hoihoi i keia aha hoolaulea ana i haawi ai no Blanche. Ke hulahula mai nei ka poe i kono ia, aka ua lilo ia i mea ole i ka noonoo o ka Haku Opio. Ua haikea ae la kona h elehelena a maopopo ole iaia kana m ea e hana ai. O kona makemake o ka pau ae o ka mnawa i kono ia ai keia poe no na hana oia po, a hoi aku, i loaa ai iaia ka manawa maikai e noonoo ai no kana hana e hana aku ai no keia kaikamahine.
No Blanche e hulahula mau ana oia. I ka pau ana ae no o kona hula ana me keia Haku Opio, ua loaa mai la oia i kekahi a e hula mau ana oia i kela ame keia manawa. I ka hiki ana mai o ka manawa e hoi aku ai ka lehuiehu, ua ku iho la ka Haku Opio ma ka ipuka o kona Home a haawi aku la i kona aloha ia lakou pakahi. Malaila no o Miss Blanche Lonale, ame Mrs. George I ka pau ana aku o na lehulehu i ka hoi ua hoi aku la o Rafela ia Blanche i kana mau mea i lohe ai.
"E hoouna aku ana au i na makai kiu e huii iaia mai kela manawa aku a hiki wale no i kona loaa ana. Aole ioa e kau iho kekahi kiko eleele maluna o kona inoa ina he mea hiki ia ke hana ia."
Ua ike iho ia o Blanche i ka poino e hiki mai ana maluna ona ina e loaa ana keia kaikamahine. Ua like loa ka Jaspa mau mea i hoike mai ai iaia me keia mau mea ana e lohe nei. He oiaio ua ulu ae keia kaikamahine a lilo i kaikamahine u'i loa. O ka ike hou ana o ka Haku Opio iaia oia no ka lilo loa ana aku ia Amber. Ua hooholo iho la o Blanche iloko iho ona e hana ana oia i na hana apau loa iloko o kona mana e hoomamao loa aku ia Amber mai keia kanaka aku. A pehea ana ia e hiki ai iaia ke hana ia hana?
(Aole i pau.)
__________
O ka manawa keia a ka ma'i numonia @ kaili aku ai i na oia lehulehu. O ka laau wale no e pakele ai mai keia pilikia mai oia ka Laau Kunu a Chamberlain. He ola mau a he haule ole @ mau hooia. E loaa no ma na Ha le Kuai Laau apau. O Benson Smith @ @ @ @ no Hawaii nei.
__________
He mau Mele Kanikau
no Uilama Olo.
________
Ku'u Kane mai ka malu Hale o Panaewa.
Mai ka makani olauniu o Kapalama.
Ke malama nei no au i ko aloha.
I hoa pili no ka po kane ole e noho nei.
Auwe ku'u minamina ia oe e!
Minamina wale aku no i ke aka kino
makani o ku'u Kane.
Ua hala ka pono a ua lilo aia ia me
Hiiaka i ka poli o Pele,
Me ka Wahine kui lei lehua Olaa-e.
Auwe ku'u minamina ia oe-e.
He ui ninau keia ia oe e ka ua Kuahine o Manoa.
Ua ike paha oe i ka uhane a ku'u kane
i hele iho nei.
Ua ike--Ua ike au aia la i ke kai o
Kohala.
E hooipo ana me Lulana, me ka Waihine
o Kamilokapu-e
Auwe ku'u minamina ia oe e.
He ui ninau ia oe e Ihiihilauakea, e ka
lae o Kawaihoa e au nei i ke kai.
Me ka Pali kau uhu ka'i o Makapuu.
Ua ike anei oukou i ka uhane o ku'u
kane,
Ua ike--Ua ike au aia la i ke kula o
Alelele.
Ku'u Kane i ka Lai a ke Kioea,
Mai ka ia ka wawae o hilia.
Mai ke kaha ai ole o Iloli,
He iloli aloha keia ia oe, auwe ku'u minamina ia oe e
Ku'u Kane mai ke kula o Kaiolohia,
Mai ke kai Leo nui o puhi kani.
Mai ka la wela o Maohelala,
Alia oe e Haleolono e alai nei.
I ike aku wau i ka maka o ku'u aloha.
Auwe ku'u minamina ia oe e,
Aia la i ka luna o Mauna Loa,
E hooipo ana me na wahine makakai.
Ano Liula o Mana-e,
Auwe ku'u minamina ia oe e.
Ku'u kane mai ka makani anu o Kahala,
Mai ke kai nehe i ka Iliili.
Aloha ia wahi a kaua e noho ai,
E nana ai i ke kai o Kahalahala.
Hala ka Uhane o ku'u Kane,
Lilo i ka ua Lilileheua.
Me ka Wahine o Kamilokapu-e,
Ua ho-ao laua me Lulana,
Auwe ku'u minamina ia oe e.
Nou ka ka uhane iluna o Hawaiiloa.
E nana ana ia Kupao-a.
Aloha ia wahi a kaua e noho ai,
Me ka makani holouha o ke Kaha.
Kaha ka uhane o ku'u kane
Auau i ka wai o Kanewai.
O ka waiwai iho la no ia o ke aloha,
Auwe ku'u minamina ia oe e.
Nou ka ka uhane e Malaiu.
E hele ana i Kuamooakane.
E nana ana ia Nononoula,
Ka hoa pili o Ihiihilauakea.
Ku'u kane mai ke kai o Hanauma,
Mai ka wai hu'i o Waiakaaiea.
E nana ana ia Wawamalu.
Ua malu ku'u kino i ko aloha e noho
nei,
Auwe ku'u minamina ia oe e.
Ku'u kane mai ka Ua Kanilehua o Hilo
Mai ka ua huki hee nehu a Kaiawai'a.
Mai ka makani hali ala o Puna i ka
wai a ka Manu
E kahiko ana ina Lehua o Kaunukupukupu.
E hoao ana me ka Ulaaihawane,
Me ka manu inu wai Lehua o Panaewa
e
Auwe ku'u minamina ia oe e.
Maule au i ke aloha ia oe i kahi a
kaua e haele ai.
E pili ai me ka lani aloha a kaua,
Pipipili aku kaua o ka nahele o Paieie.
E ake aku ana e hiki i ke one o Kahua
loa.
Iike aku kaua i ke ahi a ka Waine.
Wahine kui pua lei ohelo papa o Puna e
Auwe ku'u minamina ia oe e.
Mapuna wale mai no ko aloha ia'u
Hopu hewa i ke aka kino Wailua.
Ua kuhi no wau o oe ia
Eia ka he aka no ua makani Kaili aloha nei
Auwe ku'u minamina ia oe e.
Ku'u kane mai ka hale Lana i ke kai,
Mai na ale kua Loloa o Kaiele
Mai ke ahe malanai o Puna,
I ka nu'a o ke Kalukalu o ke wa-e
Auwe ku'u kane e aohe kane he hoa
pili no ke anu e.
E nana ana i ka lulu o Moikeha,
I ka hone mai a Mauna Kapu i ka Lai.
I kilohi ana i ka wai halau i Wailua,
He lua ole ka hana a ke aloha e hana
nei,
Auwe ku'u kane e aohe kane he hoa
pili no ke anu e.
Malia i huihui ai ku'u manawa,
Nou ka ka uhane e hooipo ana me Kailiilauokekoa.
Me ka wahine e noho ana i ka Lai o
Hauola,
Auwe ku'u kane e aohe kane he hoa
pili no ke anu e.
Ku'u kane mai ka limu kaha kanaka o
Manuakepa.
Mai ka ua lililehu o Hanalei.
Mai ke one Pua loie o Mahamoku,
Mai ke wai haaheo mai ina Pali.
He Pali nui ka ke aloha e hana nei.
O ke kuko o ka li'a ia oe e
Auwe ku'u kane e.
Aohe kane he hoa pili no ke anu e.
Nou ka ka uhane i niau koloianai aku
nei ka hele ana
Hele mana Pe'a kapu o kukulu o ka
hiki.
Haaluiu aku ia i moaua nui akea,
Holo ka lono ka lohe i Kahakahakea.
Nehe aku la i kuaihelani,
E hoaikane ana me ke aniani ula o
ka lani.
Auwe ku'u kane e
Aohe kane he hoa pili no ke anu e.
ILIKEALII.
Ku'u kane mai ka ua Kukalahale o
Honolulu.
Mai ka makani o launiu o Kapalama.
Ke malama nei no au i ko aloha,
E kui ana au a iawa i lei no'u.
I hoa no ka po Kane ole ke moe iho.
E uwe no--E uwe au-e.
Aloha au o ka Makani Hanapepee o
Kalihi.
Mai ka wai o Maonahele
Aia i ke kula o Kaiwiula,
Hoomaha aku i Niuhelewai.
Me o makou hale i Panaewa,
Maule au i ke aloha o au kane e noho
ne.
E uwe no--E ue au e.
Aloha ka leo i ka i mai e
Apau keia ino hele au,
Hele oe haalele ia makou me ka luhi
a olua.
E uwe no--E uwe au e.
PAALUA.
Ku'u makuakane i ka huikai @ @ @
Mai ka i'a mililima @ @.
Mai ka maiu hale o pahua akaua e noho ai.
Mai ka piha kanaka o halealil,
Aloha ia wahi a kakou e nanea ai.
Me na Haku Lani o Kana i hala aku
nei
Auwe ku'u makuakane hoi e
Hala oe i ke ala polikua a kane
I ke ala hiki ole ke imi aku
Imi wale ana wau o kahi e ike aku
ai ia oe
Aia ka oe i ke kowa makani o Nuuanue
Anu wau e
E nana ana i ka ua apuakea o Mololani
E kahiko ana i ke oho o ke kawelu
Me na pua hala i Kekele e
O oe ka ka uhane e noho ana me na
wahine
Kiai alanui o hapuu laua me Kalaehauola e
Auwe ku'u makua kane e
Aloha ko leo e ka makua i ka pane
mai e
E hoi kaua i ka hale o kakou i imiola e
Auwe ku'u makua kane hoi e.
ANEKALAKA
Ku'u makuakane mai ka uka anu o
Kipapa,
Mai ke kula Loa o Kalae ke hele la
Aloha ia wahi a maua e pili ai
Pili la e kaua ka wai o ke alia
Alia oe e ke aloha e hana nei i ka @ e
Auwe ku'u makuakane hoi e
E kali ae ana wau ia Kaikioe
I ka manu lawelawe ke-o ohilia
Ua hele ka uhane o ku'u makuakane
Aia la liuna o Mauna Loa
E walea ana me na Lehua o Kaana e
Auwe ku'u makua kane hoi e
He kama au he lei na ku'u makua i
hala aku la
Hala ka makua ke @ o ka hale e paa ai
I pumehana ai o ka hele ana a hoi aku
e noho mai ana
Koekoe ka hale ua hala ku'u makua e
I ke ala muku maawe ula a Kan@
Me he ala o oe ia ike kula o Kaiaolohia
E nana ana i na iai elua a ka manu
I ka noho nani mai a hoolehua i ke
kai e
Auwe ku'u makuakane hoi e
KAILIKULANI
Ku'u makuakane i ka la wela o ke
Kaona.
E hoona ae ana i ko aloha pehea la ia
e pau ai
Aole e pau ua hala aia ia me Lilinoe
Me ka wahine kapa hau anu o Maunakea e
Auwe ku'u makuakane hoi e.
E kilohi ana i ka nani o Manaaiole,
I ke kipuupuu ho anu ili o Waimea,
E manao aku ana au e hoi mai ana oe
Ma ka wahine aukai o Hilo.
Eia ka ua inaina manawaino ku'u makua ia'u e
Auwe ku'u makuakane hoi e
Ku'u makua hoomanawanui,
Puuwai piha me ke aloha.
He like wale no kou aloha,
Mai ke kiekie a ka haahaa.
Mai ka nui a ka liilii e.
Auwe ku'u makuakane hoi e.
Aohe makua ua hala aia ia me ka wahine
hele la o kaiona alualuwailiula
o kekaha pua ohai a hiki mai ko
aloha e uwe no au.
Auwe ku'u makua kane hoi e.
NAUAPU.
Kanikau aloha keia nou e Uilama,
Ku'u makua i ka hana a ke Aupuni.
O oe ka makua o makou na keiki,
I hoomanawanui ia e kakou,
Ka Inea oia hale a kakou i noho ai,
Auwe ku'u makua e.
Ku'u makua i ka la o Niu,
Noho au hoomanao ia oe,
I kahi a kaua e hele ai.
Hele oe i ke ala hoi ole mai,
O ka ukana a ke aloha eia i hope nei.
Auwe ku'u makua e.
Ku'u makua mai ka ia'i o Kapalama,
Mai ka malu hale o Haleioke.
Mai ka ua hehi mai i ke kula pili,
I ka pili no kaua a hele-a.
Hala oe ka makua ka ai ame ka i'a,
O ka waimaka o ke aloha kau i waiho
mai.
Auwe ku'u makua e.
KEKAHUNA.
Kanikau aloha keia nou e Uilama,
Ku'u makua i ka ia o ka Lealea ke
@ mai.
La hauoli hoopiha kanaka o Haleola e,
Aloha ia wahi a kakou e nanea ai.
@ Lani ewaiu i ke Kapu e.
@ @kua e.
Hala oe i ke one lau ena a Kane,
Ka makua o ka ai me ka i'a.
Ku'u makamaka o ka hale e kipa aku
ai.
Ku'u alakai ku'u hoikeike o ka hale.
Lau mania Ihiihi a ke kapu i noho ai e,
Auwe ku'u makua hoi e.
Ku'u makua i ka lai o Haleloke,
Mai ka wai huihui o ka mapuna.
Ma na pua hala lei aaia o Uwea e,
Auwe ka mea aloha e.
HAILAMA KUALII.
Kanikau aloha keia nou e Uliama,
Euwe helu mai o Kaiei.
Aloha ino no ku'u keiki,
Ku'u keiki mai ke kai leo nui @ ka hala
Aloha ia wahi a kakou e noho ai,
I noho hoomanawanui ia e kakou.
Na la o ka pilikia, a hala wale aku la
oe.
Auwe ku'u lei e.
Ku'u keiki i ka malu hale o Imioloa,
Ua imi ia e kakou ke ola.
Aole @ he ioaa,
Aole pela ka manao o ka mea nana
i hana ka uhane,
Ua @ mai ia no a lawe @ ia.
Ma ka poli o Apelahama e,
Auwe ku'u lei e.
Hala ku'u keiki ku'u makua e pono ai,
Hala oe ma hiikua hiiaio.
Hemahema kahuwa me Waimea,
Ua hala oe, Auwe ku'u keiki e.
KALEI.
Kanikau aloha nou e Uilama,
Euwe helu mai o Kalua.
Aloha ino no ku'u keiki,
Ku'u keiki i ka hale lewa i ke kai.
Hale kaupokuole a kaua i heie ai e.
Auwe ku'u lei e.
Aloha na ale kualoloa o Alenuihaha,
Haha hewa au i ke kino wailua.
Hala e ka puuiena aia i Hilo e,
Auwe ku'u lei e.
Ku'u keiki i ka makani apaapaa o Kohaia,
Me ka Lae o Upalu e au nei i ke kai.
Kau aku ka manao no Hilo pe,
He ipu kukui pio ole ko aloha.
I ka makani puulena e,
Auwe ku'u lei e.
Ku'u i ei hemo ole i na kau a kau,
Akahi ka hoi @ a hemo.
Nou @ ka uhane i ka uka o Pailuli.
E hooipo ana me Laiikawai me ka hanai
a Waka e.
Auwe ku'u iei e.
KALUA.
________
HOOLAHA KUMAU.
__________
Ka Hui Banako hoahu
Malama Dala o Hawaii
(KAUPAL@)
Huina i hoahuia…………….$@
_____
Peresdena……………….Kikila Bara@
Hope Peresidena………..W. P. Robikana
Puuk@…………………….W. G. Coo@
_______
Keena Hana Nui:
Alanui Papu, kokeke i Alanui Kaiepa
K@na Lala ma Hilo, Hawaii.
--@--
Oihana Banako Hoahu Dala
ma Honolulu ame Hilo
E la@eia mai no na huina hoahu me ka haawiia o no ukupanee no na hoahu makahiki ma ka huina o @ pa-k@ no ka makahiki. E loaa no na Rui@ a me na hooponopono ana ke nin@ ae ma ke Keena Hoahu.
@-1 yr.
______________________________
DR. L. F. ALVAREZ.
K@ Oihana a Wa@ Noho:
1240 Emma Street.
Na Hora Haua: 8 a 10 a m
@ a 5 p. m.
7 a 8 p. m.
Telepona White 211, @-1 yr
________________________________
Dr. T. Mitamura
_____
Kena Ohana 14@8 Aianaui Nuuanu.
Telepona 1@2. Pahu Leia @4@. Wahi
noho, 524, Alanui Nuuanu.
Na hora keena: 8-10 a, n., @-@ p. m.
koe na Lapule.
____________________________________
Kauka J. Uchida,
HE LOEA MA KA OIHANA LAPAAU.
Keena: Alanui Beretania, mawaena o Papu ame Nuuanu.
Manawa hana, 8 a 12 A. M. 7 a 8 P. M.
Telepona Helu 1211 White.
__________________________________________
__________________________________________
LEWERS & COOK
Ltd.
(LOI & KUKE, Kaupal@nolo.)
______
Na mea Hookomo m
a Kuai i na
LAKO KUKULU HAI
o kela ame keia ano.
________
Malaila e loaa ai na me@ malalo iho:--
NA PAPA N. W., NA PA @ HOLE, PILI HALE, NA PU@ NA OLEPELEPE. AME NA @ NO PUKA ANIANI, NA K@ AME NA MEA PILI I KA @ HANA KAMANA, NA PO@ PENA.
NA PENA LIKE OLE, A@ NA HULU PENA, NA ANIA@ NA PEPA HALE, PALE PU@ ANIANI, MOENA, ETC.
______
O na kauoha pono hale apua loa @ hiki ma@ ana ia makou e hook@ koke ia no me ka eleu ame n@
KUMU KUAI HAAHAA LOA.
_______
EWERS & COOKE
____________________________________________
I KA POE KULE:--Ua haawi ae kekahi lede waiwai i hoola ia mai kona kuli ame ka halululu iloke o ke poo mamuli o ka pahu hoolohe hanaiima a Dr. Nicholson he, $25,000 i kana kuia kekua kuii i hiki ai ke loaa keia pomakikai i na poe kuli me ka lilo ole. E kakau mai, THE NICHOLSON INSTITUTE, 7@ Eighth Avenue, New York, @
I Makahkiki mai @ @.
[end]