Ka Nupepa Kuokoa, Volume XL, Number 14, 4 April 1902 — Lohi loa Oia a holo ka Moku me kana mau wahi Kenikeni. [ARTICLE]

Lohi loa Oia a holo ka Moku me kana mau wahi Kenikeni.

I ka Poalua nei i haalele mal ai ka moku pea Amerlka Mar>' L- Cushing ia Honolulu nei no Kapalakiko. He mau hora mamua o ka liolo ana o kela moku ua noi aku la ke Keiki Lawelawe, he wahi kepani, e ae ia mai oia e hele i ke kaooa e kii i kona mau lole i haa\vi ia i ka pake e holoi. I ka hiki ana aku i ke kaona ua hui aku la oia me kekahi o kona mau hoa'loha a poina ka manawa holo o ka moku. I kona noonoo ana ae o ka la keia e haalele ai o kona moku ia Honoluiu nei ua holo mai la oia me ka mama i loaa iaia no ka uwapo, aka i ka hiki ana mai ike aku la oia 1 kona moku e holo ana, ua aneane ioa e hala aku mawaho 0 ka poehele. I kona ike ana i keia pilikia ua hoomaka koke ae la oia e u-a me ka ikaika i loaa i kona ki leo me kona manaolana e lohe mai ana ke Kapena o keia moku a hoi hou mal e kli iaia, aka ua hala ioa aku ma kela aoao o ka lohe, a aoie i hoi hou mai keia moku e kii iaia. Aole oia i haawipio aka ua hoomau no ola < ka u-a ana a hiki i ka piha ana o kahi ana e ku ana i na kanaka i hele mai e nana owai la hoi keia e u-a nei. I ka ninau ana ia aku o keia wahi Kepani i ke kumu o kona u-a nul e Uke me kela ua hoike mai la oia 1 kona pilikia, me ka olelo pu ana mai ala maluna o keia moku iloko o kona lumi he hookahl haneri me kanalima kala m& ke fruia, a ua makemake !oa oia e kau iluna o keia moku. I ka lohe ana o ka poe e kuku ana ma ka uwapo i kona piiikia ua noi mai la kekahi wahl kepani nana e lawe a kau iluna o ka moku me ka ninau pu ana mai heaha la ka keia wahi kepani e uku aku ai iaia ina oia e lawe ana iala. Ua hoike ia aku he elima kala, a luliluli mai la ke poo o ua wahi kepani nei. Koi mai la oia 1 iwakalua kumamalima kala alaiia oia ae e hoe l keia kepani a hiki i ka loaa ana o ka moku, aka aole i ae ia kana noi, a nolaila ua noho no ua wahi kepani nei malaiia e nana ai \ keia moku ona a hiki waie no i ka nalo ana aku mai ka ike aka maka. Aloha no ka hoolohilohi ana a haule mahope.