Ka Nupepa Kuokoa, Volume XL, Number 13, 28 March 1902 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

2   NUEPEPA KUOKOA  MARAKI 28, 1902

 

 KA

Nuepepa Kuakoa

No ka Makahiki - - $2.00

No Eono Mahina- -  1.00

 

 Kuike ka Rila.

PUKA   1   2   3   1   2   3   1

ANA.  Pule. Pule. Pule. Mal. Mal. Mal. Mak.

1 Iniha  $ 1.50 $2.00 $2.50 $3.00 $5.00 $6.75 $12.00

2 Iniha  2.00  2.75  3.50  4.00  7.00  9.00  18.00

3 Iniha  2.50  3.50  4.50  5.00  9.00  12.00  24.00

4 Iniha  3.00  4.00  5.00  6.00  11.00  13.00  30.00

5 Iniha  3.50  4.75  6.00  7.00  12.00  15.00  36.00

6 Iniha  4.00  5.50  7.00  8.00  13.00  16.50  42.00

 

O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A I NA AOLE, AOHE NO E HOOKOMOIA.

 

O na Dala a pau o ka Pepa nei e hoouna polo lei mai i ka HAWAIIAN GAZETTE COMPANY.

 

 HOOPUKAIA E KA.

HAWAIIAN  GAZETTE  CO

 

Hookomoia ma ka Hale Leka o Honolulu, Pa nalaau o Hawaii, ma ke ano mea e ka Papa Blua.

 

A. W. PEARSON,  Luna Nui

D. KANEWANUI,  Lunahooponopono.

 Honolulu, Oahu

 

POALIMA : : : MARAKI 28, 1902

 

 Mahea kakou ma na kaa hapaumi popopo lepo a i ole ma na kaa nani o ka hui kaa uila?  Ma ke kaa uila no ka hoi paha, sua kela.

 

 He mau wahi manao namu olalau kekahi o ka Nupepe Kuokoa Home Rula o ka pule i hala.  No ka maopopo ole paha o na manao o ka Lunahooponopono ma ka lelo Hawaii ke hoao mai nei i ka olelo Beretania.

 

 Ua holo ka bila wai o Kohala i hana ia e Lunamakaainana Powers o ka Mokuaina o Maine, aole o ka bila wai i hookomoia e ka Elele Wilikoki e like me ka hoike wahahee a kona wahaolelo ma Hawaii nei.  Aole i like keia mau bila ma na ano apau.

 

 Ma ka hookuku ana a na keiki o ke Kula o Kamehameha me na keiki o ke Kula o Punahou ma ka heihei ame na hoike ikaika ua haule ino loa o Punahou.  I ka makahiki i haia ua oi o Punahou he hookahi, aka ua ae pu ia na kumu o Punahou e hookuku.  I keia makahiki he 70 i loaa ia Kamehameha a he 34 helu i loaa la Punahou.  He hookuku mau keia mau kula i kela ame keia makahiki.

 

 Hauoli makou i ka paa ana o ka Paele Paahao Woods i mahuka mai ka laina paahao mai.  Ua hoopaa ia ola a pau ke ola ma ka Halepaahao, a aole oia e hooponopono mai ana i kana mea e hana ai maluna o ke kane, wahine, a keiki paha e loaa ana iaia.  Ma kana hoike ua holoholo oia ma ke Kaona nei i kekahi mau po, a laki ka lehulehu i hulawai me ia i ka hoopoino ole ia ana.

 

 Ina aole he loaa pono aku o na ..upepa e kukau poloei mai ma ka inoa "Hawaiian Gazette Co., i loaa i ko makou mea hoouna pepa a nana e huli pono ke kumu o ka loaa ole ana aku. E, hoouna mai i na dala pepa ma ka inoa "Hawaiian Gazette Co.," a e hoike moakaka i kou wahi noho ame ka manawa e hoomaka ai kou lawe ana i ka Nupepa, a ina he mau helu kahiko kekahi i makemake ia e hoike pu mai.

 

 Ma kekahi ahaaina i haawi ia e kekahi mau pake ua noi ae o Lunakanawai Gia e inu lakou no "Ka Holomua o ka Hewa" a i ka ninau ana ia aku o ke kumu o kona olelo ana pela, ua hoike ae oia ina aole ka nui o na lawehala aole e loaa ka Lunakanawai Ekolu o ka Aha Kaapuni.  Ina e hooko ia keia iini, e piha ana kakou ina lawehala a e loaa ana he umi Lunakanawai e like me ka mea nana ka olelo no ka hoolohe ana i keia mau hihia

 

 Ina hoi e oluolu na kakauolelo o na Aha Huii Kula Sabati ame na Aha Hui Euanelio o na Mokupuni e hoopokole i ka lakou mau hoike i hiki ai ia makou ke hookomo ma ke kino o ka mupepe i ka manawa e loaa mai ai me ka lawe ole he mau kolamu holookoa.  Ua loaa mai nei ia makou he kope o ka 'Moolelo o ka Aha Hui Euaneilo o ka Mokupuni o Hawaii" i piha he 16 aoao pepa.  Ua nui loa keia a aole i lawe ia ma na mea ano nui.

 Ma keia hope aku e hoomanao i keia i hiki ia makou ke hooko i ko oukou makemake.

 

  Ea, hooikaika mai nei hoi na Home Rula ia Kamuela Paka i Kiaaina, heaha ia keia e kakoo mai nei i na Repupalika?  Eia paha na kumu. 1. Aohe he wahi Home Rula kupono i Kiaaina.  2.  Aohe he Home Rula i hiki ke hookohu ia i Kiaaina olai he Perisidena Repupalika a o na Repupalika ke noho ma ia wahi.  3.  Aohe i ike ia o Home Rula ma Amerika, he ole ia he hua poepoe, a nolaila hoi na kokua i ka aoao i ike ia.  Ua hoike moakaka ae lakou i ko lakou waiwai ole, e ike e ka lahui a e huli ma ka aoao Repupalika ka aoao o Kamuela Paka, ka moho Kiaaina a na Home Rula i kakoo ikaika ai.

 

 Ola o Hawaii nei ke loaa he mau keiki Hawaii e like ke ano me ko ka Hope Makai, Chillingworth o Honolulu nei.  He kanaka hoopono ma ka hana a ma ka noho ohana ana, he hooikaika e hooko i ka hana i waiho ia ma kona lima, he naauao, a he wiwo ole ma na ano apau.  I ke kani ana mai o ka pu a ka Paele paahao ana i kii ai e hopu me kona ike mua ole iaia, aole oia i huli ae a holo, aka ua nana aku ia oia i ka enemi, ame ka eleu ua haawi aku la oia i ka hoopai.  Aole i loihi loa aku nei oiai oia me kekahi paahao maluna o ke kaapio ua kau ia mai ka pu panapana imua o kona alo me ke kauoha ia mai e hookuu iaia aka ua hoike aku oia i ka paahao aole loa oia e hookuu ia ana no ka mea e hana ana oia i kana hana ina no no ka make, a oia ka makou e olelo ae nei ola o Hawaii ke loaa hou he mau keiki Hawaii opiopio e like me kona ano.

 

 Ua loaa ia John Kanui ke ala e laupa'i ai o Hawaii nei me na oiwi Hawaii Penei kana mau hoakaka ana ma ka lakou nupepa:

 Ua olelo makou, e kukulu ke Aupuni i elua mau helekula ma kahi kupono no na keikikane a no na kaikamahine i poe keiki Hawaii maoli, aole hoi e noho pu me na keiki koko hapa o na lahui eae, a e a'o ia lakou i ka naauao ma ka Olelo Hawaii wale no ame ka ike i ka malama i na kanawai o ke ola kino, a i ka wa kupono, e hoohui i hookahi manawa, i hookahi tausani keikikane a pela no hoi na kaikamahine.  Eia ka ninau, ehia ia keiki e loaa mai ana mai ko lakou puhaka mai no ka makahiki hookahi.  Ua hiki paha ia kakou ke olelo ae ua like ia me hookahi tausani ke loaa ole he ulia; a ina he umi makahiki he umi tausani no ia.  A ina hoi ua hooholo ke kanawai e kaupalena ana i eha a i elima paha makahiki, alaila ua like me elua komo ana iloko o na makahiki he umi, alaila ho iwakalua tausani keiki ia.  A ina he ka nalima makahiki ka manawa e pau ai keia lahui i ka make e like me ka makou papa konane no na huahelu maluna ae, ehia la poe i hanau mai ia manawa?  O ka haina, he kanahikukumamalima tausani.

 He moeuhane paha keia a i ole he olalau paha?  Pau na keiki a kakou i ka hoopaa ia iloko o na pa, me he mau bipi bulu ala, a paa na kaikamahine a ka poe kaikamahine iloko o kekahi pa, a hookahi manawa e hoohui ia ai he hookahi tausani keiki kane (bipi bulu). me hookahi tausani kaikamahine a ka poe kaikamahine (me ka ae a ae ole o na makua ame na kaikamahine).  Ma keia hui ana, pau e no na keiki i ka helu ia, aohe laau hua ole.  Iloko o na makahiki he "Kanawalu hookeke na kanaka iluna o ka aina.  O ka makou e minamina nei o ka hiki ole paha ia Keoni Kanui ke ola a ike ia la hauoli, ka la a na moopuna ana i helu papa  mai nei e ku mai ai a puana like ae, "E ola mau loa o Olamana Keoni Kanui ka luna pa pipi o Kalaepohaku," ina nae i Kalaepohaku e kukuluia ai ua mau Halekula nei.

 

 AHAOLELO KUIKAWA.

 

 O kekahi o na kumu e makawelawela loa nei na Home Rula ia Kiaaina Dole oia, kona ae ole e kahea i Ahaolelo Kuikawa.  I kela ame keia pule e uwe helu mau mai ana na Nupepa Home Rula no ke aloha ole o ke Kiaaina mamuli o kona ae ole e kahea i Ahaolelo Kuikawa.  E huli ana lakou i mau kumu kupono e hookikina aku ai i ke Kiaaina e kahea i ahaolelo Kuikawa, a ua hoolilo ia kekani mau mea ano ole i mau kumu kahea Ahaolelo Kuikawa na lakou.

 Heaha la ke kumu o ko lakou iini loa e loaa ia lakou he Ahaolelo Kuikawa?  Eia kekahi mau kumu.  1.  I loaa hou he manawa kupono na lakou e hapuku ai i ka waihona o ka lehulehu e like me ka lakou i hana ai i ke kau Ahaolelo i hala.  Aole i poina ia lakou kela mau la hauoli a lakou e hoonuu ana i ka momona o ka waihona o ka lehulehu, na wahi dala a kakou e uku nei no na auhau, a ke pule nei lakou e hoi hou mai ia mau la "pomaikai wale."  Sua Kela.  2.  Ua ike lakou i ko lakou hupo ma ka uhauha wale ana i ka manawa maikai i loaa ia lakou ma ka Ahaolelo i hala ma na bila kanawai ano ole, a ua loaa ole he hua no ka lakou hana e hoike aku ai i ka lehulehu i ke kau koho balota e hiki mai ana, a ke iini nui nei e hooponopono ia, hemahema nui mamua o ka hiki ana mai o ka manawa e koho hou ia ai na Lunamakaainana.  Ke huli pono ia he mau wahi bila kanawai ano ole wale no kei holo ia lakou, ua hoolilo ia ka manawa ma na kukahekahe waiwai ole, ua hoolilo ia ka manawa ma ka Bila Kaahapumi a Pamawaho ma i hooikaika palena ole ai, a ua waiho wale ia na hana no ka pono o ka lehulehu.  I ka hiki ana aku o ka Bila Hoaie imua o lakou, kekahi o na bila kanawai i makemake nui loa ia no ka pono o ka lehulehu, no ka hooholomua ana i kekahi mau hana ano nui no ka pono o ka lehulehu, ua pau ua poe Home Rula nei ka holo e pee i loaa ole ka huina o na lala i makemake ia no ka hooholo ana i keia kanawai.  Ua makemake lakou e waiho i keia Bila Kanawai i maunu e loaa ai ke Kau Ahaolelo Kuikawa aka ua ekaeka ka maunu a he papai maka paa kei hei i ka makau a ua mau Home Rula nei.  I keia mau ia ke koi mai nei e kahea ia i Ahaolelo Kuikawa i hooholoia ai keia bila Kanawai a lakou i holopee ai.

 3.  Ua maka'u lakou o loaa ole ka manawa kupono ma keia hope aku e noho ai ka lakou mau moho ma na nohopulu o ke Kapikala.  Ke nana aku nei ka lahui aohe mea i hana ia koe ka pono o na ilio wahine, a ke ike nei i ke poho o na balota i lilo i keia mau Home Rula Hupo.  Pinepine ka lohe ia o na Hawaii e olelo ana aole e koho hou ana i na Home Rula Hupo, hoopau manawa, a ua hiki aku keia mau olelo i na pepeiao "piha kokuli"  o na Home Rula, a ke ike nei i ka hewa a ke hoao mai nei e palaina puna.

 Heaha ia ke kumu e hooko ole nei ke Kiaaina i ko lakou makemake, a e kahea ole nei hoi i Ahaolelo kuikawa

1.  Ua ike oia i ka manao o na Home Rula, aole no ka pono o ka lehulehu, aka no na dala ma ka waihona o ka lehulehu.  He iii hipa mawaho aka he iliohae oloko, aole nae i nalo.

2.  Ua nui ka manawa i loaa ia lakou he manawa kupono e pau ai ka lakou ma@ hana me ka holopono, e hooholo ia ai na bila kanawai no ka pono o ka lehulehu, aka ua hoolei wale ia, ua uhauha ia ma na bila Kanawai ano ole a ma na bila e hoopomaikai ana ia lakou iho aole i ka lehulehu.  Nolaila, ke ninau nei oia iloko iho ona.  "E hana ia ana anei ka hana no ka pono o ka lehulehu ina au e kahea ana i Ahaolelo Kuikawa?".

3.  He ku-e na Home Rula iaia ame ka pono a ke hoao nei e hookikina e hana i ko lakou makemake.

4. Ua hiki ke lawelawe ia na hana no ka hookele kupono ana ame ka pilikia ole hoi o ka lehulehu a hiki i ka noho ana o na moho e koho ia ana i keia koho ana aku iloko o ka mahina o Novemaba, a ke manaolana nei oia e loaa ana ka poe Senatoa ame na Lunamakaainana naauao e nana ana i ka pono o ka lehulehu ma ia koho ana.

 Ma keia hope aku, i ka manawa a na Home Rula e uwe mai ai no ke kahea ole ia i Ahaolelo Kuikawa e hoomanao ina hoakaka ana maluna ae, a e pane aku.  "He lalau ka uwe ae, ua hala ko oukou manawa, e kali a na na moho o keia mua aku e hana ka hana.  You had better go way back and sit down."

 

 @ KE KANAWAI LEPERA.

 

 Mamuli o ka loaa ana mai o kekahi mau manao mai kekahi mai o ko makou mau hoa'loha e kakoo ana i ka Bili Kanawai Ma'i Lepera a ka Elele, ke hoakaka hou nei makou i ko makou mau manao no keia bila me ka manaolana e ike mai ana ka lehulehu i ke ino a ku-e me ka ikaika.

 Ke hoike mai nei ko makou hoa'loha "O ka hoolilo ana i ka Mokupuni o Molokai, a i ole kekahi wahi oia mokupuni i kahua ma'i no ka Lahui holookoa, he ninau wale no ia no ka manawa, no ka mea i ka manawa e ike ia i ka lawa oie o ke kahua ma Molokai no na ma'i apau o ka Lahui.  Amerika e noi ana kela ame keia Mokuaina ame na Teritori i kahua ma'i no lakou iho alaila o ka pau no ia o ka lawe ia ana mai o ko lakou poe ma'i i Hawaii nei."  Ina o keia ka manao alaila ke olelo nei makou he waiwai ole a he hoonui ilio keia bila kanawai Lepera.  Ina he ninau wale no no ka manawa, e hoouna ia mai ana na ma'i mai Kaleponi mai i Hawaii nei a i ka ae ia ana e loaa ke Kahua Ma'i ma Kaleponi e hoi hoi hou ia ana lakou no Kaleponi.  Ina oia ka manao alaila ua oi ae ka maikai e noi ka Elele e hookahua ia ma kela ame keia mokuaina ame na Teritori i kahua ma'i e malama ia e ke Aupuni o Amerika.  Ina pela ke ano o kana bila alaila kakoo ikaika makou, aka o kana e noi nei e hoolilo ia o Hawaii nei i Lua Hoahu no na ma'i apau o Amerika, nolaila ku-e makou, a e ku-e ana kela ame keia Hawaii noonoo maikai ina oia e noho iho a noonoo.

 He oiaio e malama maikai mai ana no o Amerika i na ma'i a kakou ina e lilo malalo o ka lakou malama ana, aka aia ka pilikia ma ka lawe ia mai o na ma'i o waho a hooke ia na ma'i a kakou i kuono.  A ino o ka manao o Amerika o ka loaa o kekahi wahi e hoahu ai i na ma'i apau, e like me ka bila a Wilikoki, e pau ana na ma'i i ka hoihoi ia i Filipine a i ole i kekahi aina e aku, i ka manawa e lawa ole ai o ke kahua ma'i ma Molokai no ka malama ana ia lakou.  Aia ma Amerika he mau tausani ma'i lepera i keia manawa, a ina e pau mai ana i Hawaii nei e piha loa ana ke kahua ma'i a lawa ole iho.  Aole kakou i paupauaho i ka malama ana i na ma'i a kakou, a ke hoolilo ia nei he mau hausani dala i keia ame keia makahiki no ko lakou pono.  Ina aole i lawa ko lakou mau makemake ua hiki loa ke hooi ia aku ina e noi ia ana.  Ina aia ka hemahema ma ka aoao o ka Papa Ola e hoopau ia lakou a koho hou ia i Papa Ola okoa.  Ina he laau lapaau kekahi i ike ia ke ola o ka ma'i lenera e hoike ae a e hoolawa ia na ma'i lepera e like me ka laau tua-tua e hoao ia mai la,  (Ke minamina nei makou i ka ike he poe ma'i kakaikahi wale no kei ae e lawe i keia laau ma ke kahua ma'i.)

 O ka ekolu o na manao, "Pau ko kakou kapa ia ana mai he hahui ma'i pake," aole he maopopo ia makou o kahi i loaa mai ai.  Ina e hoihoi ia mai ana na ma'i lepera apau o Amerika i Hawaii nei, pau iho la ka ko kakou kapa ia ana mai he lahui ma'i lepera?  Manao makou kau ka weli o na kanaka malihini i ka hele mai no Hawaii nei "Ka Lua Pa'u o na Ma'i Lepera," a oi papakolu aku ko kakou ike ia ma ke ano he lahui ma'i lepera.  Aole loa e holo mai ka poe mea dala i waena o na ma'i lepera, oiai e manao mai ana kekahi poe he poe ma'i kakou apau.  Nui ka nele i ke dala a pilikia na ma'i lepera.  I ka manawa e nele ai i ka poi a i ole i ka i'o bipi e hoike mua ia ana ia poino i Wasinetona mamua o ka loaa ana mai o na kokua.  E noho pololi ana a lohe ia e ko Wasinetona mau Luna Aupnui@ na hemahema.

 Ke manao nei makou he mea maikai e hookaawale o Amerika i wahi no na ma'i lepera ma kela ame keia mokuaina ame kela ame keia Teritori i loaa keia haawina, i kahua maikai no na Ma'i lepera, a e hookaawale ia i haawina dala kupono no ka malama ana i na ma'i a e lilo ka hoohana ana oia mau dala i ka Papa Ola oia Mokuaina a i ole oia Teritori.  Ke manao-nei makou he hana maikai na Amerika ka huli ana i laau no keia ma'i a e hookaa wale ia hoi kekahi haawina dala kupono no ia hana.  Aka, ke ku-e ikaika nei makou i ka bila kanawai a Wilikoki e ae ana e lilo o Hawaii i Lua Hoahu no na Ma'i lepera, a e lilo ka malama ana i ko Amerika mau Luna Aupuni he mau tausani mile ka mamao mai Hawaii nei aku.

 

NO KA LAAU TUA-TUA HOU NO,

 

Ke hoike hou mai nei no ko Tahiti poe i ka maikai o keia Laau malaila.

 

I ka Ike ana o Kekahi Mau Kauka

Farani i ka Maikai o Keia Laau

ame ka Loaa o na Hoailona o ke

Oia maluna o Kekahi Ma'i

ua nui ko Lakou Make-

make i keia laau a e

huli Pono i Kona

Maikai.

 

 Ke hoike hou mai nei no ko Tahiti poe i ka maikai o ka laau Tua-tua no na ma'i lepera, a ke hoike pu mai nei hoi i ka nui o ka poe e makemake nei e hoao i ka maikai o keia laau malaila.  Aole o ka ma'i Lepera wale ke hoike ia mai nei o ka maikai o keia laau, aka ua hoike pu mai nei kekahi wahine me Tahiti i kona mau ohana ma Honolulu nei i ke ola ana o ka Rumatika i loaa iaia mamuli o keia laau.  O Tahiti keia e mele mai nei i ka maikai o keia laau, aka aole loa makou i lohe mai ke kakou mau ma'i maanei e hoike mai ana i ka maikai o keia laau.  Mai Hawaii nei aku ka hoouna ana ia o keia ola i Tahiti, a loaa aku la ke ola ia Tahiti, koe iho la no o Hawaii nei kahi o ka hoomaka ana o keia oia makamae e makemake nui ia nei.  Heaha ia na kumu e nele nei ka ike la o ke ola o keia ma'i ma Hawaii nei?  No ka ae ole anei o na ma'i e lawe i keia laau, a i ole paha no ka like ole o ka hana ia ana, ame ka hanai ia ana o na ma'i a kakou i keia laau me ko Tahiti paha?

 Eia ka hoike a kekahi wahine haole e pili ana no keia laau.  Ua loaa mai nei iaia he leka mai kona kaikuaana mai e noho nei ma Tahiti e hoike mai ana penei.  Ua hoike mua aku au ia oe i ka pii maikai ae o na ma'i lepera e inu nei i ka laau tua-tua.  Mamuli o ka ike ana o kekahi mau Kauka Palani i ka maikai o keia laau ke huli pono nei lakou i kona waiwai lo.  Ua hoao ia keia laau maluna o kekahi wahine Palani, a ua ike ia kona ano maikai mai a no keia maikai ua hele mai keia mau kauka e ninau ia'u i ke ano o keia laau, ame ke ano o ka hana ia ana ame ka haawi ana i na ma'i.  Ua haawi aku au ia lakou i na kuhikuhi i loaa ia'u, a hoike pu aku la ia lakou i ke ano o keia laau e ulu ana.

 Ua nui ka hoihoi o keia mau kauka i ko lakou ike ana i keia laau, a ua hoike mai e unuhi ana lakou i na kuhikuhi o ka hana ana ame ke ano o ka haawi ana i na ma'i o keia laau, a e huli ana hoi ma na ano apau e ike i ka waiwi@ i'o o keia laau ma ke ano he laau.  Ma ko'u nana aku e lilo ana keia laau i hoola no ka lehulehu ma keia hope aku, aole no ka poe wale no iloaa i ka ma'i hookaawale ohana, aka no kekahi mau ma'i okoa aku kekahi.  Mamuli o ko'u ike na he laau hoonoono ai keia ua hoao au e lawe i keia laau ma na kulu liilii loa, a ua loaa ia'u ka oluolu ame ka maha mai ka ma'i rumatika mai.

 O keia maluna ae kakahi o na mea i hoike ia e pili ana no keia laau mai Tahiti mai nei.  Ke ike ia mai ia kona ikaika ma ka hoola ana i kela ma'i ola ole a kakou e ike like nei.  Ke pule nei makou e iho like mai ia pomaikai e ike ia ala ma Tahiti ma Hawaii nei a e loaa hoi ka maha i ka lehulehu i komo aku iloko o ka ehaeha.  Ma ko makou lohe mai mai kekahi mai o ko makou poe kakau e noho nei ma ke kahua ma'i he kakaikahi loa na ma'i e noho nei malaila i ae e lawe i keia laau mai ka lima mai o ke kauka o ke aupuni e noho nei malaila.  Ina he oiaio keia, ua maopopo ole ia makou ke kumu o ko lakou kuemihope ana i ka manawa i hoike ia aku ai ke ola ia lakou.  O ka hoao ka pono, a ina aole e loaa ka oluolu he nani loaa ole no ia ua hoao ia e huli.  Aole mau poino e loaa ana mai ka lawe ana i keia laau a makou e ike nei ua hoike ia ae, a nolaila aohe kumu maikai e kuemi hope ai.  O ke ola oia ka mea nui, a o ka laau ka mea e loaa ai o ke ola i ka mea nawaliwali ke lawe a hook o i na kuhikuhi.

 

 Hooilina o ka Ma'i La Garipa.

 

 KE ANO E PAU AI NA KOENA O KEIA MA'I MAI KE KINO AKU.

 

 Ua waiho iho o Mr. Robata G. Yates, o ke alanui Clark, helu 55, Dubuque, Iowa, iloko o ka nawaliwali mamuli o ka ma'i Garipa, a mai loaa ole iaia ka oluolu ina aole oia i lawe i ka Huaale Akala a Kauka Williams no ka Poe Haikea.  Penei kana i hoike ae ai no kona pakele ana.

 Ua loaa ai i ka ma'i Garipa i ke ahiahi a ao ae Karisimaka, o ka makahiki 1890, a ua mau keia ma'i me a'u no ekolu mahina.  I ka pau ana aku o keia ma'i ua waiho iho oia ia'u iloko o ka nawaliwali.  Aole he hiki ia'u ke moe a e uwe mau ana i ka eha o ko'u mau lala.   Ua emi pu mai la ko'u kino, ono ole mai la ka'u ai, kaea wale mai la no me ka hana ole i kekahi hana, a pilihua i kei ola ana.

 "Ua aneane au e haawipio i ka huli ana i ke ola, aka i kekahi la ua ike iho au iloko o kekahi mau nupepa e hoike ana i ka loaa ana o ke ola i kekahi kanaka e noho ana ma Kansas, mai kekahi haawina ano like loa me ko'u ma ka lewea ana i na Huaale Akala a Kauka Williams no ka Poe Haikea.  Ua hooholo iho la au e hoao i keia laau.  Aole i pau ke poho mua ua ike iho la au i ko'u ana maikai mai.  Ua hoomau au i ko'u lawe ana i keia a hiki i ka loaa ana la'u o ka ouolu.  I keia la, ua piha ia'u ke kanaono kumamaono makahiki, ua loaa ia'u ka ikaika maikai, ua hiki hoi ia'u ke hana i ka'u hana, a ke haawi nei i na mahalo kiekie loa i ka huaale Akala a Kauka Williams no ka Poe Haikea no keia pomaikai.  Ua like ko'u ikaika a me ko'u ola kino me ko kekahi keiki opiopio, ono ka ai, a ua hiki ke moe oluolu i ka po.

 "Eia kekahi mea a'u e hoike aku, no umi kumamahiku makahiki mamua o ko'u lawe ana i ka Huaale Akala a Kauka Williams, ua noho au iloko o ka ehaeha o ka rumatika, aka mahope mai o ko'u lawe ana i keia laau ua nalo aku keia ma'i eha nui.  He laau waiwai loa keia, a ua hiki ia'u ke olelo ae ua hoopakele mai lakou ia'u mai ka make mai."

 I kela ame keia manawa e hoi mai ai ka ma'i garipa he lehulehu ka poe e loaa ana iaia, a i kona hala ana aku ua waiho iho he poe lehulehu iloko o ka ehaeha i hiki ole i ka ike o na kauka ke hoopau ae.  Emi pu wale mai la no ke kino, ono ole mai la ka ai, hiki ole ke hana i kekahi hana, kaea me ka lawelawe ole i kekahi hana, a hiki ole hoi ke pii i ke alapii, o keia iho la kekahi o na hoailona o keia ma'i e ike  mau ia nei.  Ina e hoohemahema ia keia pilikia a ikaika mai ana ka ma'i a hiki ole ke hoopakele ia ma keia hope aku.  He lehulehu ka poe i loaa i ka ma'i akepau mamuli o ka nana  mua ole i keia mau ma'i liilii i ka manawa hoomaka mai ai.  O ka ma'i numonia kekahi o na ma'i pilikia e loaa ana mai keia ma'i mai ina aole e nana pono ia ana.

 E loaa no ka Huaale Akala a Kauka Williams no ka Poe Haikea ma na Hale kuai Laau apau, a i ole e hoouna pololei ia aku no ia oe i ka manawa au e hoouna mai ai i ke kumukuai, he kanalima keneta no ke poho hookahi, a he Elua dala me ka hapalua no eono poho ma ka inoa o Dr. Williams Medicine Company, Schenectady, N. Y.

 

 KANI KA BANA NO KU@KIAAINA.

 

 I ke kakahiaka Poalua nei ua hiki aku la o Kapena Berger me ka Bana Lahui ma ka home noho o ke Kiaaina ma Alanui Emma no ka paani ana i kekahi mau mele maikai mamua o ka holo ana aku o ke Kiaaina no Wasinetona.  I ka auwina la mai oia ia hookahi no ua hoolealea hou aku la lakou iaia ma ke Kapikala.  I ka holo ana o ka mokuahi Sierra i ka Poakolu nei ua hiki ae ka bana ma ka uapo a hoolealea i ka lehulehu i hiki aku e ike i na ohua i holo aku no Kapalakiko.  Ua holo aku ke Kiaaina maluna o ke Sierra a ke au ala i ka moana i keia hora.

 

Ku mai a holo aku ka Mokuahi Sierra.

 

NUI NA OHUA E HOLO ANA E IKE I KA PONI MOI MA LADANA.

 

 I ke ahiahi Poalua nei i ku mai ai ka mokuahi Sierra i Honolulu nei mai Australia mai ame Samoa a holo loa aku la i ka Poakolu nei no Kapaiakiko.  Nui na Ohua i kau mai maluna o keia moku no ka holo ana aku e ike i ka poni Moi ma Ladana ma keia mua koke iho.  O keia ka ponimoi a Miss Alice Roosevelt i makemake ai e hela e ike, aka ua hooholo hou kona mau makua aole oia i kupono e holo aku e ike i keia ia hanohano no ka mea he opiopio loa oia i keia manawa a ke lilo nei oia i wahine nui a kaulana iloko o kona mau ia opiopio loa.

 Maluna o keia moku ahi i loaa mai ai ka lohe e pili ana i ka ikaika o ka ma'i Bubonika ma Kikane, a ke emi mai nei nae i keia manawa.  Ke hooikaika nei na kauka ame na kanaka malaila e kinai iho i ka ikaika o keia ma'i a ma ka nana aku ua aneane loa lakou e lanakila maluna o ka ma'i.

 Mamuli o keia ma'i aole lakou i ku loihi malaila aka ua holo mai la n@ ka eleu.  Mawaena o na ohua i hoi mai nei ua ike ia o Theodore Wores, ka haole pena kii akamai i holo aku nei no Samoa e pena ai i na kii o na Samoa e like me kana i ike maka ai malaila.  Ua hana iho nei keia haole ma Honolulu nei no kekahi manawa, a ua loaa hoi iaia ke kii o kekahi mau kaikamahine ame kekahi makamaka Hawaii o Kakou.

 

 Ke hoao nei kekahi poe waiwai o kakou e hoala hou i ka hui Telegalapa Uwea Ole i make i keia mau la.  He pomaikai keia no ka lehulehu, lohe ia na mea hou o na Kuaaina i ka manawa pokole.

 

 HOOLAHA HOOILINA WAIWAI

 

 HOOLAHA HOOILINA WAIWAI.

 

 Ua makemake ia na hooilina o na poe Ma'i Lepera i make ma ke Kahua Ma'i Lepera, Molokai, no lakou na inoa malalo nei, e waiho ae ma ke Keena o ka Papa Ola, me na HOOIAIO KUPONO, i ka lakou mau koi no ke koena dala o ka waiwai o na mea i make, iloko o na mahina eono mai keia ia aku, a i ole, e lilo loa no ia mau dala no ka pomaikai o ka waihona o ke Aupuni.

 Ah Pat, (k) no Lahaina, Maui, 50 makahiki, laweia Malaki 22, 1893 make Feberuari 6, 1901.

 Kukuewa (k) no Kona, Hawaii, 30 makahiki, laweia Dekemaba 15, 1898, make Aperila 14, 1901.

 ROBT KAAOAO (k) no Olowalu, Maui, 37 makahiki, laweia Iune 24, 1896, make Aperila 21, 1901.

 HAOE (w) no Nawawa, Hawaii,  55 makahiki, laweia Aukake 17, 1889, make Aperila 11, 1901.

 KAUWAINONA (k) no Waialua, Oahu, 68 makahiki, laweia Mei 23, 1900, make Iulai 20, 1901.

 KEIKI LAWELIILII (k) no Kamalino, Niihau, 20 makahiki, laweia Aukake 13, 1901, make Dekemaba 20, 1901.

 IEHU KALUA (w) no Kahue, Hawaii, 40 makahiki, laweia Feberuari 15, B. 1896, make Okatoba 26, 1901.

 SILVER (k) no Kipahulu, Maui, 42 makahiki, laweia Ianuari 17, 1899, make Dekemapa 12, 1901.

 KEAHO (k) no Kahuluu, Hawaii, 16 makahiki, laweia Iulai 5, 1893, make Ianuari 8, 1902.

 No na mea i koe e ninau i ke Kakauolelo o ka Papa Ola.

   C. CHARLOCK.

 Kakauolelo o ka Papa Ola.

March 28-April 4-11.

 

 KELA ME KAIA,

 

HOOLAHA HOOPAU HUI.

 

 O ka inoa hui i ikeia malalo o ka inoa hui o Kwong Leong Tin & Co., Helu 1017 alanui Aala, Honolulu, Oahu, ma keia la ua hoopauia mamuli o ka ae iike ana o na lala o ka hui.

  YONG CHOY,

  TONG ON,

  KOU MOY,

2903-3ts.

 

HOOLAHA.

 

 E ike auanei na kanaka a pau ma keia, owau o Mr. Alai (Pake) no Honokohau, Maui, T. H. ke papa loa aku nei wau i na poe mea waiwai a pau loa, mai hoale mai i ku'u wahine mare, ia Mrs. Keahi Alai, i na ma kona a ma ko'u inoa paha.  I na hookuli oukou me oukou no ko oukou poho, no ka mea ua haalele kumu ole mai oia ia'u.

  Owau iho no me ka oiaio.

  MR. ALAI (Pake.)

Honokohau, Maui, T. H. Mar. 15, 1902.

(Mch. 21-28.)

 

 HOOLAHA HOOKOHU.

 

 E ike auanei na ano lahui apau o maua o na mea no laua na Inoa malalo iho nei, ua hookohu pono aku maua ia Mr. Abraham Kuhau o Moanalua o Honolulu, Mokupuni o Oahu Teritori o Hawaii, i hope no maua a oia ka mana nana e hooponopono i ko maua mau Kuleana aina apau e waiho ana maluna o Keia Teritori a he mana pu no laia ke hoopii ina ano lahui a pau e paa hewa ana i ko maua mau kuleana aina a he a he mana pu no iaia ka papa ana i na ano holoholona e hele wale ana maluna o ko maua mau kuleana aina apau loa, no ka oiaio o keia ke kau nei maua i ko maua mau  Inoa i kela ia 17 o Maraki 1902.

  KAHIKI KAHULI.

  MR. KAHULI.

 

Hoolaha Mana Hookolokolo.

 

 Iloko o ka Aha Kaapuni Apana Hookolokolo Ekahi o ka Teritore o Hawaii  AMELIA AURNDEL kue ia JAMES AURNDEL  Palapala Kii.  ((Poo Aupuni) KA TERITORE O HAWAII:  i ka Makai Kiekie o ka Teritore o Hawaii, a i ole i kona Hope, ka Makai Nui o ka Mokupuni o Oahu, a i ole i kona Hope, iloko o ka Teritore o Hawaii:

 Ke kauohaia aku nei oe e kii ia JAMES AURNDEL, mea hoopilia, ina e waiho mai ana oia i kana pane i ka-[@@@]

 

KOPA  HOOLA-ILI

 

 Aole mea i oi aku ke kupono ma ka malama ana ina keiki liilii mamua @ ka hoanau pinepine ia, me ka lawelawe @ ana i ke kopa maikai.  Aole he @ na kopa holoi lole no na bebe H@  mea aai ko loko o la ano kopa.  @  lawelawe ia ana he mea ia e ulu @  na puupuu.  Ina he holoiia na wa@  ame puupuu, he mea ia e hoo@ ae @  ka poino.  Aole he mau mea hoop@  a maikai ole iloko o ke Kopa Hoo@  E hoemi mai no ia a e hoopau loa @  hoi i na puupuu; a oia ke kopa ma@  loa no ka hoomaemae ana ina palai @  no ka mea , aia maloko ona kekahi m@  mea hapaau nana e hoola.  Aole loa @  loaa kekahi poino o ka iii mamua o @  kopa.

 Ua oi loa aku kona waiwai no ka @  welawe ia ana iloko o ka wai a@  na bebe.  E holoi i ke poo o na bebe @  ke kopa Hoola Iii, a aole loa e ioaa @  kekahi poino mamuli o na puupuu @  ke poo a i ole ia na mea ola liilii i@  i ka poe opiopio.  Mamuli o kona ano@  laau, ua hoopau loa ia a pale loa ia ana @  na ano mai lele he nui.

 O ke Kopa Hoola Ili oia ka mea maikai loa no na kanak makua,  O k@  lawelawe mau ia ana ka mae e loaa @  ka helehelena maikai a e hoopalupalu a hoomaikai i ka ili.  He pomaikai ke oia mamuli o kona lawelawe ia ana.  Mamuli o kona hoao ia ana e maopopo ana no i kela ame keia mea noonoo i kona ano maikai maoli ma ke ano he kopa iapaau ame auau.

 He 25 keneta wale no ke kumukuai, a e loaa no ma ka halekuai o KA HUI KUAAI LAAU O HOBRON,  Mea Kuali Laau Kukaa a Kuai Liilii.

 

[@@@]

kauia iloko o na la he iwakalua mahope iho o ka hookola ana o keia e hele mai imua o ka Aha Kaapuni @  hoikeia ae nei ma ke Kau o Feberuari o ua Aha la, e malamala ana ma Honolulu, Mokupuni o Oahu, ma ka POAKAHI. la 3 o Feberuari ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a@ Amelia Aurndel, ka mea hoopii, e like me ka mea i hoakakaia iloko o kana palapala hoopii oki mare i pakuiia me keia.

 A e hoihoi mai i ka palapala kii me ka hoike piha o kau mau hana no la mea.

 Ikea ka Mea Hanohano A. S. HUMPHREYS Lunakanawai Ekahi o ka Aha Kaapuni Apana Hookolokolo Ekahi, ma Honolulu, Oahu, i keia la 14 o Ianuari 1903.

 (SILA)

Kakauinoaia)  A. G. KAULUKOU. Kakauolelo.

 Ke hoike aku nei au o ka mea maluna ae he kope oiaio ia o ka Palapala Kii ma ia hihia, a ua kauohaia@ e ua Aha la e hoolahaia ia mea a e hoopaneeia ka hihia a ke Kau o Mei, M. H. 1902, e hiki mai ana o keia Ana.

  GEORGE LUCAS.

 Kakau@

Honolulu, Feberuari 17, M. H. 1902.

Robertson & Wilder Loio no ka me@ hoopii.

6ts-Feb. 21-28.-March 7-14-21-28.

[@@@]

 

HOOLAHA HOOKO MORAKI

 

HOOLAHA HOOKO MORAKI

 

 Ke hoolaha ia aku nei mamuli o ka@  mana kuai i loaa ma kekahi palapala moraki i hana ia mawaena o Willia@ Henry ame Kaipo (w). kana wahine Honolulu, Mokupuni o Oahu, Teritore@ o Hawaii, ame Charles Notley, Sr. @  ka la 23 o Feberuari 1901, a i kaka@  kope ia hoi  ma ke Keena kope o @  aupuni ma ka Buke 221, ma ka aoao 39 a hiki i ka aoao 41, ke makemake nei o Charles Notley i hoike ia maluna ae e hooko aku i keia palapala moraki mamuli o ka uhai ia o ka a@  like oia hoi ka uku pono ole ia mai ke kumupaa ame ka ukupanee i ka manawa i aelike ia.

 A ke hoolaha pu ia aku nei., o na @  waiwai apau, na pono, na aina @  na kuleana apau iloko o na waiwai, paa ma keia moraki e kuai kudala ak@  ia aku ana ma ke Keena Kudala o W. E. Fisher ma ke kihi o Alanui K@  ame Alakea, ma Honolulu i hoike m@  ia ae nei, i ka POAONO, ka la 22@  Maraki, 1903, i ka hora umi-kum@  lua o ke awakea oia la.

 O na waiwai i paa ma keia palapala moraki oia kela mau apana aina e wa@  ho ala ma kekahi alanui ololi ma k@  aoao Akau-hikina o ke alanui Vineyard ma Kauluwela ma Honolulu, a i @  puni ia a hoike piha ia hoi penei @ 

 E hoomaka ana ma ke kihi H@  keia he 149-5-12 Kap. mai ke kihi Hema mai o ko Kamakau aina a e h@  ana Hema 57° Kom. 105 Kap. ma@  Kalaauwalu:

 Ak 57° Kom. 85 Kap. ma Kamake@   Ak. 50° 30 Hik. 91 Kap. a hiki i @  hoomaka'i.

 He 24-100 Eka.

 Oia no kekahi hapa o ka apa@  ke palapala Sila Nui 2101.

 Kuleana 794 ia Naihe, a oia noho@  apana aina i hoolilo ia aku i na m@  nana i moraki mai keia mau apana @  na e ka Papa Kahu o ka Ekale@   Kau makapiii, ma ka palapala ku @  hana ia ka la 27 o Aperila, 190@   kakau kope ia ma ke Keena ko@  ka buke 165, a ma ka aoao 59-6@

 Kala kuike wale no, ma ke kaia @  Amerika.

 Na ka mea kuai na hoolilo o na @  iapala.

 Hanaia i keia la 13 o Feberuari @  ma Honolulu.

 CHAS. NOTLEY, Sr.

No na mea aku i koe e hui aku a@ K@  kila Balaunu.

 

 UA HOOPANEEIA.

 

 Ua kauoha ia mai au e ka me@  Moraki e hoike aku i ke akea a@  panee ia ke kuai kudala o na @  hoike ia maluna ae a hiki i ka Poa@  Aperila 12, i ka hora umi kuma@  o ke awakea oia la ma ko'u keena kudala,

 WILL E. FISHER

 Luna Kudala.

(March 28.- Aperila 4-11.)