Ka Nupepa Kuokoa, Volume XL, Number 11, 14 Malaki 1902 — NA MEA HOU O HILO. [ARTICLE]

NA MEA HOU O HILO.

Eia no ka ino ke hoomau nei a hoi wale no makou e pa'i. Aole i kanahai mai. E holo ana ke kaa-ahi no MaUNA Kilohi i keia la. O ka holo mau aku la no ia. Ua hoike mai kekahi ohua ia makou aneane loa ka moku-ahi Kinau e holoai'a mawaho ae o Papaaloa. Nui io no ka ino. Iloko o hookahi pule i ua ai ua hiki aku i ka 48 iniha ka hohonu o ka wai i hooma-u iho i ka lepo ma Kukaiau, Hamakua. Ke hana ia mai nei na pou o ka uwapo e hoomoe ia aku ai maluna o ka moanawai o Waiolama malalo o ka hoohana ana a Kimo Lui. Nui ka ulu o na hana pono iwaena o kekahi mau Kula Sabati ma na apana kua aku nei. E loaa no ma ke kau wahi o ka pepa o keia la. Ua hoopalau kekahi mau opio o keia kulanakauhale a i na la omeo mua o keia makahiki ae e hoohui ia ai laua Me e no ke kali ana o ka ono a hiki ia manawa? Ua ulaa ia e ka ino nui o kela mahina aku nei kekahi mau uwapo o na Kona. Aia no ke kaikoo ke paluku la i na lae pohaku o ua aina kupolua la. Nele ko kakou makeke i ka i'a ole iloko o keia mau la ino. I ahona i kahi kamano paakai ame kahi i'o pipi pokaokao. Ua ahiu ka i'a i keia mau la ino ua hoi a kaehu noho mai. Ke pii mau ae nei ka oluolu o ke Kahu o Haili. Ina e oluoluloa ae ana kona ehaeha e hele hoomaha aku ana oia. no Honolulu ame na Kona. Aole i lilo na luuluu o ke kumakena no kana lei aloha he keiki i mea e hooi ia ae ai kona pilikia, aka, ua kaomi iho oia ia mau kaumaha iloko o kona puuwai. Ua haawi ae o Mrs. J. L. Richardson he hookipa hauoli "Ma ka Home" ma kona home noho ma ke Kuono Reed i ka Poakahi nei no ka hanohano o Miss L. T. Arrot ame Miss Alice Jones. Aole i lilo ka ino a ka ua me ka makani i mea e kaohi ia ai ka hiki ana ae o na lede maka palupalu o keia kulanakauhale. Nui ko lakou hauoli a hoi wale no iloko o ka ua. He wahi paina hoomanao la hanau ka Mr. me Mrs. Ai i haawi ae i ke ahiahi nei no ka laua hanai kaikamahine, ka piha ana hoi o ka eono makahiki o kona hiki malihini ana mai i keia ao a hanu i na ea oluolu. Maikai

ka papaaina a lehulehu na hoa'loha i kipa ae e haawi i na hoomaikai ana i ka oplo wahine nona ka la. Ua inu ia ket ola a pela makou e kanaenae ae neK e hooloihi ia mai kona ola ana i hli moopuna kona mau kahu hanai. — He lehulehu ka poe e loaa ana i ke anu ! keia manawa o ka nWkahiki. O ke.anu iloko o ka umauma ka mea polno ina aole e nana pono ia i ka manawa e hoomaka ae ai. O ka hana pono wale no e pakele ai oia ka hele ole i anu ame ka lawe ana i ka J,aau Kunu a Chamberlain. He loaa kpk»* ka oluolu i kf»ia laau a ina e lawa ia i ka manawa kupono e pale ia ana iia pilikia apau e hiki mai ana mahope aku. He maikai ke ola kino mahope o ka lawe ana i kola laau. He ola mau. a he haule oie kona mana ho«>la. E l»aa ma na Hale Kuai Laau apau. O Benson Smith & Co., na aKena no Hawaii nei.