Ka Nupepa Kuokoa, Volume XL, Number 8, 21 February 1902 — Ke Kahua Kaua ma Aferika Hema NUI HEWAHEWA KA LILO O PELEKANE NO KEIA KAUA. [ARTICLE]

Ke Kahua Kaua ma Aferika Hema

NUI HEWAHEWA KA LILO O PELEKANE NO KEIA KAUA.

Ke hoao nei na Bua, ma o ko lakou mau hoa'loha ala, e hoopau ia ke kaua ma Aferika Hema mawaena o lakou me na Pelekane, aka, aole he ae o Pelekane i ka aelike a lakou e makemake nei e hana ia mawaena o kela mau au puni. Ma ka nana aku e hoomau ia ana no keia kaua a hiki i ka haawi pio ana o kekahi aoao. Ma ka hoike a na nupepa ua hooholo ia ka haawina dala no ke kaua ma ka Hale o na Lunamakaainana. Ina e holo ana keia i ka. hale o na Lord (Haku) alaila aohe manaolana i koe e pau ana keia hana a hiki i ka pio ana o kekahi o laua. He* nui ka lilo o Knelani e malama nei i keia mau Bua. Eia malalo o ka lakou malama ana he 27,000 Bua paahao, ame ko lakou mau ohana i hiki aku f ka 150,000. Mawaho ae o keia ke malama nei lakou i ko lakou mau koa ponoi iho no lakou ka huina i hiki aku i ka 237,00« koa, 208,000 lio, ame na miula. He poe lehulehu keia e malama ai i keia ame keia la. Aole f hoopau ka Bia i ke kii malu ana mal e kaua i na Pelekane. E pee mau ana lakou ma na kuahiwi a hiki i ka manawa a iakou i manao ai oia ka manawa kupono e loaa ai ia lakou na koa Pelekane oia iho la ko lakou manawa e puka mai ai. E kiai mau ana lakou i na puali koa Pelekane ma na wahf apau, a i ko lakou manawa e ike ai 1 kekahi puali uuku kupono- ia lakou ke paio ua puka koke mai lakou mai' ko lakou mau wahi like ole mai a hoomaka e hana i ka lakou hana.