Ka Nupepa Kuokoa, Volume XL, Number 7, 14 February 1902 — E Holo ana no na Aina E KAUOHAIA OIA E KONA MAU KAUKA E HOLO I NA AINA ANU NO KA HOOLANA. [ARTICLE]

E Holo ana no na Aina E

KAUOHAIA OIA E KONA MAU KAUKA E HOLO I NA AINA ANU NO KA HOOLANA.

Ua Maikai Loa ke Ola o Kauka Walters i Keia Mau La—E Holo Ana me kana Wahine ma Keia Mua Koke iho. I kekahi mau pule i hala aku nei ua hoike aku makou i ka haule ana o kauka Walters, kekahi o na kauka akamai loa ma keia Kulanakauhale, mai luna mai o kona lio ame ka puka ana o kona poo i kā pohaku a mai haalele mai oia i keia ola ana. Malalo o ka malama maikai ana a Kauka Hapaki, kona hoa lapaau a kekahi hoi o na kauka akamai loa o keia kulanakauhale, ua loaa laia ka oluolu i keia manawa. No kekahi mau pule ua manao loa ia e haalele mai ana oia i keia ola ana. O ka eha i loaa" iaia he eha e kaili ae ai i kona ola, ina aole ka nui ike o na kauka nana oia ,i lawelawe ame ka hoomanawanui ino o ka ma'i ia mau la. I ka ike ana iho nei o na kauka ua loaa- i ka iakou ma'i ka oluolu maikai, ua kauoha koke lakou iaia e hoomakaukau no ka hele hoolanā ma'i ana aku ma na aina anu a malia o lōaa iaia ke ola kino maikai e like me mamua o ka loaa ana iaia o keia pilikia. Ua hoike ae laua e holo aku ana laua me kana wahine no kekahi mau mahina loihi e imi i ke ola. E holo mua ana laua no Amen'ka a ina e ike ia ana ke ancy maikai mai o kona ola ma keia huakai a laua alaila e hoomau loa aku ana laua a hiki loa ma Europa a hoi loa.aku paha no Enelani ka aina hanau o ke kauka. O ka makou e pule nei e loaa mai i ke kauka ke ola kino maikai i liiki ai iaia ke hoi hou mai a lawelawe i ka hana maikai ana i haalele iho la mahope nei. I kona manawa e kaawale aku ai mai keia wahi aku e hiki mai ana o Kauka Humphries, ka hope kauka mua o Kauka Hapaki, no ka lawelawe ana i ka hana a kauka Walters i lawelawe iho nei mamua o ka loaa ana iaia o keia pilikia.