Ka Nupepa Kuokoa, Volume XL, Number 7, 14 Pepeluali 1902 — Ke Kauoha Ikaika a ka Peresidena PAPA LOA IA NA POE E LAWELAWE NEI I NA OIHANA AUPUNI AOLE E HOAO E HOOPII IA AE KO LAKOU UKU E NA LUNAMAKAAINANA. [ARTICLE]

Ke Kauoha Ikaika a ka Peresidena

PAPA LOA IA NA POE E LAWELAWE NEI I NA OIHANA AUPUNI AOLE E HOAO E HOOPII IA AE KO LAKOU UKU E NA LUNAMAKAAINANA.

WASINETONA, lanuari 31,—Ua hoopuka ae ka Peresidena i keia olelo kauoha malalo iho: "O na Luna Aupuni ame na poe apau e lawelawe ana i ka hana malalo o ke aupuni o Amerika, na hana nui ame na hana liilii, e hana ana hoi ma Wasinetona nei a i ole mawaho aku 0 ke Kapikala, ke papa loa ia aku nei lakou, ma o lakou ala iho a i ole ma o kekahi ano okoa aku, aole e hoao e hoonui la ae ko lakou uku e ka Ahaolelo a i ole ma o kekahi mau komite ala, koe wale no mai ka lima mai o ka haku o ke keena ana e noho hana aku ana, a o ka mea' a mau mea paha e kue ana i keia kauoha e kaili ia ae no ka lakou hana." THEODORE ROOSEVELT, Hale Keokeo, lanuari 31, 1902. Ua hoike ia ae o ke kumu o ke leauoha ana o ka Peresidena o Amerika aole e hana ia keia hana oia no ka nui o na Senatoa ame na Lunamakaainana i hiki aku imua ona a hoike ke hookikina ia nei lakou e kekahi poe e lawelawe nei i na oihana aupuni e hoo ikaika e hoopii ia ae ko lakou uku, a ina aole e hoopii ia ae ana ko lakou uku hana e hooikaika ana lakou e paio a haule keia mau Senatoa ame keia mau Lunamakaainana ma keia kau koho ba lota aku e hiki mai ana. He hana kela i maa i na kanaka e lawelawo ana 1 ka oihana aupuni, aole ma Amerika wale, aka, ua ike ia ma Hawaii Ma keia kauoha ikaika a ka Peresidena ua hiki ole ke hana ia kekahi hana 0 keia ano, a ina hoi oe e loaa ana e hooikaika ana no kou pono iho e kaili ia ae ana kau hana mai ia oe mai. He hookahi wale no ala a ka Peresidena i ae, ai, a oia ka hele ana aku o kela ame keia mea hana a ninau aku 1 tyona haku hana ina he mea hiki ke hoopii ia ae kona uku. Ina no oia e hoole mai o ka pau ae la no ia. O kou luna hana ka mea i ike i ke kupono e hoopii ia ae kou uku ame ke kupono ole ma ke ano o kau hana. Ina oia e ike ana ua kupono oia ke kanaka kupono loa e hoopii ae i kou ukvJ. O ka hele ana aku a hooweliweli i na lunamakaainana e hoopii ae i kou uku a ina aole e hoopii ia kou uku e hooikaika ana oe e paio ikaika aku ia lakou ma ke kau koho balota e hiki mai ana, aole ia he hana maikai. Ua like loa ia me kou hele maoli ana aku no a aihue mai i ke kala a ka lehulehuAole e nana na Lunamakaainai a i ka pono o ka lehulehu i na lakou e hooweliweli ia aku ana pela a nolaila he pono haawi no ka lakou ala a o ka lehulehu no ame ke aupuni ka mea e poino ana. He Peresidena o Rusewela i kaulana no. ka paa o kona manao e hana i ka pono ame ka pololei. Ma keia kauoha ana ua hoike hou ae oia i kona nana pono ika pono oka lehulehu. Ua makaukau oia e hoopau aku i kela ame keia e hoao ana e hana aku i kekahi fnau hana kupono ole. O kona makemake oia ka hookuu ia o na lunamakaainana ame na Senatoa e lawelawe i ka lakou hana me ka hooweliweli ole ia aku, a ma ka lakou hana ana e loaa ai ka pono i ka lehulehu, a e nana po-* no ia ana hoi ka pono o ka lehulehu.

Ka laau ohana kaulana loa o keia au! Ina e eha kou puuwai e ola ana i ka Pain Killer me kekahi wahi wai uuku iloko o kou puu a e loaa no ia oe ka maha ame ka oluolu. He mea maikai e hoomanao ia he maikai ka laau Pain Killer no ka lawe ana maloko a mawaho hol. O ka mea nui wa le no nae oia ka nana pono ana i na laau pololei ole oiai he hookahi wale no laau poloīei a oia ka laau Pain Killer a Perry Davis. He 25 ame 50 keneta ke kumu kuai.