Ka Nupepa Kuokoa, Volume XL, Number 7, 14 Pepeluali 1902 — Ke Kaa U a no Waikiki KE HOOMAKA IA NEI KO LAKOU ALANUI E HANA I KEIA MANAWA. [ARTICLE]

Ke Kaa U a no Waikiki

KE HOOMAKA IA NEI KO LAKOU ALANUI E HANA I KEIA MANAWA.

Ke hoomaka ia nei ke alanui o ke kaa uila e hoomoe aku no Waikiki i keia manawa a ma ka nana aku aole loa e loihi niai keia manawa aku e holo kaa uila ana kakou no Waikiki. Aole lakou e hoomoe ana i ka lakou aianui ma ke alanui Moi, oiai ua haiki loa ia alanui ke holo pu me ke alahao o ke kaa hapaumi, a nolaila ke hana ia nei he alanui okoa loa no lakou. He kanaono kapuahi ke akea o keia alanui e hana ia nei i keia manawa, a i ka manawa e paa maikai ai o keia alanui ia manawa e hoomoe ia aku ai ke alahao.Aole no e paa koke ana keia alanui no kekahi manawa aka i ka ma nawa e paa ai o«keia alanui, aole e loihi loa mahope aku o ia manawa e moe ana ke alahao no Waikiki. O kekahi mea aka loa oia ka hooikaika o Mr, Pain o ka hui kaa-hapaumi e kuai i na aina ma I?ahi e hoomoe ia aku ai o keia alanui me kona makemake e alai mai, i ka hana a keia hui kaa uila. Ua ike oia i ka manawa e hiki loa ai o na kaa uila i Waikiki e hiki mai ana ka la hope o kona men kahi kaa popopo, a nolāila ke mi nei oia ma na ano apau e alai i ka hana a keia hui a hiki i ka noho hou ana o ka ahaolelo o keia. kau aku, me kona manaolana e holo ana ka bila a na Home Rula e kokua ana iaia ma keia mua aku, a e ae ana hoi iaia e hoomoe i alahao kaa uila a e hooholo i kana mau kaa uila. He oiaio o ka hui kaa.hapaumi ka mua ma keia kulanakauhale aka aole loa lakou i hooikaika e imi i ka pono o t

ka lehulehu, a ua hoomau no lakou i ka hooholo i na wahi kaa popopo me na wahi hoki wiwi. I ka ike ana aku nei i ka holomua o na kaa maikai o ka hui kaa uila ke makemake nei oia e hooholo i mau kaa. uila. Ina oia i hana mua i keia hana maikai, me nei ua kokua aku makou laia ma kana hana, aka, ua waiho oia na hai e hana mua ka hana, a ke hoao nei e keakea. E pomaikai ana ko Waikiki poe, e like me ka pomāikai o ko Kalihi poe i keia manawa, i ka manawa e holo ai o na kaa uila no Waikiki. Pau ka ike ana i na wahi kaa lepo o ka hui kaa hapaumi, aka, he mau kaa nani, iloko 0 ka olu a hiki ana i Waikiki.' Aple o lakou wale, aka, o ka lehuiehu no e manao ana e holo no Waikiki, e hanu 1 na ea oluolu.