Ka Nupepa Kuokoa, Volume XL, Number 7, 14 February 1902 — I Repubalika ka Aoao Kalaiaina [ARTICLE]

I Repubalika ka Aoao Kalaiaina

E ka Lunahooponopono o ke "Kuokoa e ae mai ia'u i kau wahi kaawale o kou mau kolamu no ka hoomaikeike ana aku hoi i ko kaua mau hoa'loha e a'o lalauia mai nei i Demokarata a i ole Home Hula Repupalika ka oia na aoao kupono no keia Kau ae, o M. H. 1902. Ina makamaka ame na hoa'loha, na hoa makaainana hoi a puni mai Hawaii a Kauai, e ae mai ia'u e hoolauna iki aku ia oukou ia "Repupaiika no na Hawaii" oia ka aoao Kalaiaina no na kanaka Hawaii. He mea pono ina Hawaii apau e hoomaopopo he poe Amerika kakou apau, a eia kakou malalo o na Rula ana ame na hooponopono ana a ka mana o na Hepupalika, he KepupaIlka ma Amerika. a na ia Peresidena i hoonoho mai i Klaaina Kepupalika

ma Hawaii nei, oia o Kiaaina S. B. Dole i keia la. a ina no e hoopauia mai o Dole alaila e hookohu hou ia mai ana no i Kiaaina R&pupalika hou ma ia wahi elike me Hon. Samuela Paka a me Hon. Geo. R. Carter e hauwawaia nei, he mau keiki hookama laua na Re pupalika ina ke ano HooUina a ma ia ano, ka holo pololei ana o na hookohu Luna Aupuni o keia wa, ma ka lalani; pololei o na poe Repupalika. Nolaila. aole. wa ame ka manawa no Demoka- ' rata ame Home Rula e komo ae ai i neia mau pono hooilina o Repupalika, oiai laua he mau keiki hanauna, aia wale no a make ka hoollina ma ke kauoha. Elike me ka loihi o Repupalika ma Amerika e noho inana ai peJa no ka loihi o Repupalika" ma Hawaii e poho mana ai, Me ne ia mau mea la alalla e lilo anei kakou i Demokarata a i ole i Home Rula Repupalika? Eia hou kekahi. He hookahi no alahele a he hookahi pulakaumaka o na poe apau e kau nui nei i neia mea he Aoao Kalaiaina o ka loaa o ka lanakila o ka aoao i hooikaika ai, me ka lilo pu hoi o ka mana poo o na Oihana Aupuni, alaila mai ia ia mai e loaa ai na hoolawa ana i na poe oia aoao o ka hooikaika ana a hiki ke olelo ae o oe i Lunakanawai, a i Luna Auhau aku hoi oe, a i Luna Makai Nui aku hoi oiala aku, a pela aku, j oia iho la ke kahua ame ka iini o na j poe o na Aoao Kalaiaina, a ina oiaio! iho la na ilni ana. Pehea e hookoia ai ia mau upu ana? O ka hoi ae i Repupalika aole i Home Rula Repupalika ame Ona a'o ana i ka lehulehu pela he mau a'« lalau wale no ia, he mau a'o wale ana noia no na pono ponoi iho, no ko lakou mau pakeke ponoi iho, aole no ka. lehulehu. E mau ana ka noho Peresidena ana o Repupalika a hiki M. H. 1904 ae nei, alaila e Demokarata anel kakou a i ole e Home Rula Repupalika anei? Ina nohoi e holoi o Home Rula a koe iho nohoi o Repupalika aia kuu lulu lima ana me oe e Home Ruia Repupalika o ka noho Kiaaina no ia o kaua a na kaua e Rula o Hawaii, aka, pela no kaua la; e he lapa manu ole wahi a kahiko. I Repupalika kakou e na Hawali Demokarata ame Home Rula Repupalika oia ke Ola! Oia ka Lanakiia a oia auanei ka mau loa nou e Hawaii, alaila nana ae oe nou kela a nou keia, a nou na mea apau. Oiai ka mana iloko o* kou lima i keia la mai hoohēmahema hou aku ia pono a na Amerika Repupalika i haawi mai ia oe e ke kanaka ilihune loa i loaa ina hoomailo ana o ka mai iepera ame ke kanaka ilihune e kuoe ana i ke ala, i keia la ua loaa ia oe ka mana koho Balota laula, a mai hoao e hooniaunauna wale i ua pono la, o poho wale kovjt koho ana. I hookahi puu\Vai, a i hookahi hoi umauma a i hookahi pana ana hui ae me ka lokahi, a Repupalika mai kakou, oia ke ola, oia ka lanakiia oia auanei ka pono o ke kanaka Hawaii. Ina lokahi like ana kakou no ka Repupalika kakou no keia Kau Koho Balota ae alaila hoala mai na Ahahui koho na Luna Nui o ko oukou apana, noko oukou mau halawai, hoomaka na iulu no ko oukou mau {īoolilo, iloko o eha mahina mamua ae o ka la koho, na na ahahui o kela ame keia apana kohof e noonoo a wae, a koho ma ka Balota ina inoa o na moho Senatoa a me na Lunamakaainana no ko oukou mau apana koho, a o na inoa i loaa ia lakou na heluna balota kiekie ma ka hoohuiia ana o na balota oia apana koho o lakou auanei na ®ioho no ia apana koho, alaila koho ia lakou. Ma kela mau kuhikuhi maiuna ae e maopopo ai, na ka hapanui o na poe k»ho i wae ponoi i na moho alakai i ho ko oukou mau halawai hoomaka na oia poe no a oukou i koho ai o lakou no na alakai no ko oukou mau apana koho iho. Me keia mau hoakaka ana ke waiho aku nei wau na oukou e wae a noonoo no oukou lho, no ka pono ame ka pono ole paha a maiia he mau hoakaka ana hoi kekahi i ol ae i keia la mea pono e hoike ae i ke akea no ka pono o na Hawaii, ponoi no'u iho o "Repupalika o na kanaka Hawali" Oia auanei ka inoa o ka aoao Kalaiaina no na kanaka Hawaii o keia kau koho ae e hiki mai ana. Kaupaona me ke'akahele mai noho a puapuahulu, aka, haawi i noonoo o ke akahele no kou pono, a no ko kakou pono o keia mua aku. Owau iho no JOSEPH KALANA, Alapai Lane, Kapalama, Honolulu, Oahu, Feberuari 12th., 1902.