Ka Nupepa Kuokoa, Volume XL, Number 7, 14 Pepeluali 1902 — No Peresidena Rusavela [ARTICLE]

No Peresidena Rusavela

He mea maa i na kanaka e noho ana ma ke Kapikala ka hoohalike ana i na Peresidena ke komo iiiai me na Eeresidena i noho mua mai ma ia wahi. O kekahi mea e ike ia nei no Peresidena Roosevelt oia kona eleu, kona makemake e hele ma na hana e hooikaika ana i kona kino, ame kona oluolu i kela ame keia manawa, me ka nana ole ae i kona aoao kalaiaina. 0 kekahi o na mea e ike ia nei oia kona makemake loa i ka hele wawae ma na wahi loihi. Mamua aku nei he kakaikahi loa ka ike ia o na Peresidena o Amerika e hele wawae ana. I keia manawa e ike mau ia ana keia Peresidena e hele wawae mau ana ma na wahi like ole apau. Aole oia wale, aka, o ka holo lio. He kanaka akamai loa oia a he hiehie loa hoi ma ka holo lio a e ike mau ia ana oia e holo lio ana ma na wahi apau. 1 ka manawa e hiki aku ai o kekahi mau malihini imua ona, e lele mai ana oia e hookipa maikai ia oe, i kekahi manawa e hopu mai ana i kou lima me kona mau lima elua. O kana mau olelo ke hookipa mai he mau olelo e ike aku ai no ka malihini, he kanaka oluolu oia. I keia manawa ua heie aku na kanaka o na aoao kalaiaina like ole ma ka Hale Keokeo, he hana hoi i ike mau ole ia mamua aku o keia manawa. I kona manawa e ai ai aole ona ai me ke kono ole i kekahi hoa'ioha e heie mai e ai pu me ia. Ma ka hoike a ka poe i maa i kona pakaukau ai e Jke mau ia ana he malihini i kela ame keia la. Ua hele mai kona mau hoa paniolo, kona mau hoa kaua ma na kahua kaua a lakou i hele ai, na loea kalaiaina, na kanaka hanohano hoi o ka aina, a ua like wale no oia ia lakou apau loa. Ua ike ia hoi o kana keiki mua, i kapa ia no ma kona inoa, kona hoa hele mau loa ma na wahi like ole a pau ana 0 hele ai. He punahele loa kela keiki iaia, a he kakaikahi loa ko laua manawa e kaawaie ai kekahi mai kekahi mai. Ua olelo ia he Peresidena mama loa keia i ka hele wawae ana ma na wahi loihi, aka, aoie loa e hiki iaia ke haalele i kana keiki ma ka laua mau wahi e hele like ai. Ua like loa a oi ae no paha ka mama hele o kana keiki mamua ona. O keia paha kekahi kumu o kona makemake ioa e hele pu mau me kana keiki. I kekahi la ua holo aku laua me ke Kakauolelo Root maluna o ke kaa, a i. ko laua hiki ana ma kekahi wahi he ewalu mile ka mamao mai ka Hale Keokeo aku ua kauoha aku ia ka Peresidena i ko laua kalaiwa kaa e hohoi i ke kaa. Ua hoo heie wawae ia mai keia kakauolelo ana e ka Peresidena me ia no keia mau mile ewalu. Aole loa e poina ia hele wawae ana mai a laua i keia kakauoielo kaulana. O kekahi mea e ike mau ia nei oia ka nui o ka poe e hele mau aku ana i mua ona e noi ai i hana na lakou. Mawaena o ka poe i hiki aku imua ona ua hiki aku la kekahi koa ona ma ke kahua kaua a noi aku la I hana nana. Ua maopopo loa i ka Peresidena he

kanaka naaauao oia, a ua kupono hoi i Makai nui 110 kekahi wahi. Aoie oia i ae aku e loaa ana iaia ka hana, aka, ua noho iho la oia a kakau i kekahi mau huaolelo penei, "He kupono oia." Haawi mai la i keia palapala i kona hoa'loha, a kauoha mal la e lawe ia i ka Loio Kuhina. I ka hiki ana aku imua o ka Loio Kuhina ua hookohu koke ia oia i Makai nui no Arizona. O keia iho la kekahi mau mea e Ike ia nel l kona, mau 1& mua o ka noho mana ana aku ma ka Hale Keokeo. He opiopio kona kuiana ke nana aku, he kanaka oluolu, he kanaka naauao, he kanaka puni i na hana e hoolkaika ana i kona ola kino.