Ka Nupepa Kuokoa, Volume XL, Number 7, 14 February 1902 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, FEBERURI 14, 1902

 

KA NINAU WAIONA

(Mai ka aoao 3 mai.)

 

he PIA ko loko e kuolo ana.

  Aole he Manawa oi aku o ka lehulehu o ka poe in waiona e like me keia a’u I ike ai iwaena o na kanaka Hawaii ame kekahi mau lahui e, he oi keia.  Eia kekahi mo’olelo a’u I lohe ai no kekahi wahi wahine.  Aole no I mamao loa aku mauka o ka Hale pupule, kahi a kekahi wahi wahine I noho ai.  “O kana mea makemake loa oia no ka PIA, o ka PIA kea o, a o ka PIA ka po, amake wale aku la no I kea mau la aku nei.

  Penei kakahi mea e akaka’I ka nui o ka poe makemake I ka inu waiona.  Iloko o na hoahanau o na hoomana like ole e ku nei maluna o keia Pae Aina, he kakaikahi loa o lakou, he poe hole waiona, aka, o ka hapanui o lakou he poe inu waiona.  He inu waiona PAKIKO ko kekahi poe, he inu waiona HOONOONO ai ko kekahi poe, he inu waiona LAAU ko kekahi poe, he inu waiona, MALAMA KULANA ko kekahi poe, he inu waiona LA HANAU ko kekahi poe, he inu waiona LA KAUMAHA ko kekahi poe, he inu waiona mau  LA NUI ko kekahi poe, he inu waiona piha makahiki ko kekahi poe.  A mawaho ae o keia mau inu waiona eia kekahi mau inu waiona a kekahi poe.  He inu waiona HOONALONALO HILAHILA ko kekahi poe, he inu waiona LEALEA ke kekahi poe he inu waiona NAMU HAOLE ko kekahi poe, he inu waiona HOLOHOLONA ko kekahi poe, he inu waiona KA MAKE LOA ko kekahi poe.

  Aole I kana mai ka nui o ka poe inu waiona, a ina e hoohui ia keia poe iloko o na hoomana like ole, me ka poe mawaho o na hoomana, aole io o ka nui a lehulehu o ka poe makemake I ka inu waiona, nolaila o ka nui o na hale inu waiona, oia ka lawa o keia poe  inu waiona.  Oia kekahi kumu maopopo loa o ka lehulehu loa o na hale inu waiona.

  E na makamaka e ninau ana I keia mau ninau, ua maopopo paha ia kakou kekahi mau mea I mahuahua a lehulehu loa ai na Hale inu waiona aka, o ka ninau I koe.  Pehea la e hoemi ia ai na Hale inu waiona.  1.  E kauoha ia na Lunamakaainana amen a Senatoa o keia Kau Ahaolelo ae e kiki mai ana, e hana I kanawai e hoomahuahua ana I ka UKU o na LAIKINI kuai waiona.  Ua lohe au, o ka uuku loa o ka UKU o na LAIKINI oia kekahi mea I lehulehu loa ai na Hale inu waiona aka, I na hoomahuahua ia a hiki I ka $10,000 ko ka laikini, alaila, aole paha e nui ka poe makemake e kukulu I Hale inu waiona ma kela ame keia wahi, a kela ame keia e makemake ai, koe wale no paha ka poe hui, aka, e like me ka hiki ole I ka poe e  a eke kukulu no ka nui loa o na dala o ka laikini, pela no e maopopo ai ia kakou ua hoemi ia ka nui o na Hale inu waiona.

  O ka poe kulana koikoi ma ka hoemi ana I na Hale inu waiona ma keia kumu I hoike ia maluna oia no ka poe kuleana I ke koho balota.  E pono no ia lakou e koho I na Lunamakaainana a me na Senatoa I maopopo loa ko lakou ake e hoemi I keia moonihoawa e make ai ka lahui ponoi o ka aina amen a lahui e.

  O ka pane hope no keia ninau.  Oia no ka hoolilo ana, ae ana, a hooko oiaio ana o na hoahanau apau o na hoomana like ole, e lilo lakou apau I poe hole waiona aiaio, mawaho, a maloko; I lipine bolu mawaho o na Kuka, a I lipine blou iloko o ka naau.  O Iesu Kristo ka lipine bolu a ka hoahanau e hoopaa ai iloko o ka naau.  Ina aelike na hoahanau apau o na Hoomana like ole, I keia manao, alaila, oia iho la no kekahi hoike o ka hoemi ana.  Amawaho ae o keia, e lilo kakou, i poe hoopaa amai I ko kakou mau hoa’loha, e holo ana iloko o ka inu waiona, I ole lakou e inu waiona e hoopaa kakou ia lakou me ke aloa ma ko kakou mau home, me na olelo a’o aloha. E hoopaa ia lakou, ma ko kakou mau haipule ohana, e hoopaa ia lakou ma ko kakou mau anaina haiple, e hoopaa ia lakou me he mea la o kekehi no ia o ko kakou mau ohana.  E hoopaa ia lakou ma ko kaou mau hale Heluhelu Buke, e hoopaa ia lakou ma kekahi mau hana maikai e loaa ai ko kakou ola.  A I hana na haipule ia hana alaila, e hiki mai ana no ka Manawa, e pani ku ia no na Hale inu waiona ma ko Hawaii Pae Aina.

Na ke Akua e malama ia Hawaii.

“NA KEKAHI MAKUA.”

 

Mahuka mai ka Halepaahao aku

 

KOKUAIA LAUA E KA WAHINE A KA LUNAPAAHAO – HE PALEKANA NO KA MANAWA

 

Loaa Aku Ina Makai Kiu Oiai e Hooikaika Ana e Kaawale Aku mai ka Halepaahao a Laua I Haalele iho ai me ka Makau Ole I ka Lima o ke Apuni.

 

  Na nanupepa Kaleponi makou I ike iho ai I kekahi mo’olelo walohia o ka mahuka ana o kekahi mau keiki, he kaikuaana ame ke kaikaina, mai ka halepaahao mai mamuli o ke aloha ana o ka wahine a ka lunapaahao ia laua.  Ua hoopaa ia laua ma ka halepaahao a pau ko laua ola no kekahi hewa a laua e olelo nei aole laua I hana, aka, he mau mea okoa aku ka mea nana I hana, a mamuli o ko laua hokie ana aku I ka wahine a ka luna paahao I ko laua hoopaa hewa ana ia ame ko laua auomo ana hoi I ke koikoi o kekahi hana I hana ia e na mea okoa, ua aloha mai la keia wahine ia laua a ae mai e kokua ia laua a hiki I ko laua pakele ana.  A I ka pakele ana hoi o keia mau keiki ua holo pu aku keia wahine me laua mamuli o kona kaka’u I kana kane amen a mana aupuni.  Ua loaa aku lakou I na maka, a ke moe ala lakou ua aneane e make mamuli o na poka pu I loaa aku ia lakou oiai e holo ana mai ka mana aku o ke kanawai.  Ua manao wale ia no alole loa e ole ana kekahi o lakou, a e make like ana hoi lakou a hui like aku ma kela aoao.

  He mau makahiki loihi I hala aku nei ua hopu ia keia mau keiki no ka hewa pepehi kanaka, mahope mai o ko laua hopu ana ia no ke powa.  O John Biddle ka inoa o ke kaikuaana a o Edward Biddle hoi ka ino ao ke kaikaina.  Ua hookolokolo ia laua o hoopai ia e paa ma ka halepaahao a pau ko laua ola.  Oiai laua iloko o ka hale paahao e hana ana I ka laua hanau a hui mau laua me ka wahine a ka luna paahao a iaia laua I hoike piha aku ai I ko laua pilikia.

  Ua hoike aku la laua he mau keiki ino I’o no laua, ua powa no laaua a ua hana no ikekahi mau hana ekaeka, aka o keia hewa o laua I hopu ia ai a hoopai ia, aole loan a laua I hana aka he mau mea okoa aku na mea nana I hana.  Ua hopu ia laua mamuli o ka ike ia o ka laua amau hana hewa aku mamua hoopai ia me ka maopopo pono ole ko laua hewa.  Pela ko laua hoike ana a hike I ke aloha ana o keia wahine ia laua.  Ua hoike pu aku la hoi laua ina he mea hiki ua makemake laua e hookaawale ia laua mai keia wahi aku.

  Ua ae mai la keia wahine e koua ia laua, a mai ia Manawa mai ua nanan like lakou I Manawa maikai no laua e puka ai.  Ua kii aku keia wahine I kekahi mau pahiolo a olo ia ka pa e paa ana o keia mau paahao a hiki I ka loaa ana o kahi maikai e puka ai I ka makaukau ana o na mea apau ua pua aku la laua a hui me keia wahine mawaho o keia pa paahao.  Ua ike iho la keia wahine I ka hewa o kana hana I hana ai a hooholo iho la haalele I kana kane ame ka laua mau keiki a e holo up aku me na paahao ana I hoopakele ai.

  Mai ia po ko lakou holo ana a hiki I kekahi hale he mau mile ka mamao mai keia wahi aku.  I ko lakou hiki ana aku I kekahi hale ua komo aku la akou e noi I wahi no lakou e nho ai, a oiai ua hoolaha koke ia ma o a maanei ko lakou mahuka ana mai ua ike koke ia mai la lakou e na makamaka.  Ua kipe koke aku la keia mau keiki ia lakou e noho malie, oiai ne mau dala no ka laua I huna ia a loaa aku ia lakou.  Mai keia wahi aku ua hoomaka hou aku la lakou e holo Loaa aku kekahi lio amen a moemoe holo iluna o ka hau hoomaka lakou e holo.

  Ina paahao e holo ana me ka mama ua hooholo iho la lakou ina lakou e loaa I na makai kiu ua oi ae ka maikai e lawe lakou I ko lakou mau ola mamua o ka hoi ola ana aku iloko o ka Halepaahao.  Aole no nae lakou I manao mua e loaa ana lakou I na makai.  Ia lakou e holo ana me ka manao ua palekana, aia hoi I ka huli ana mai I hope ua ike mai la lakou I na makai kiu e holo aku ana me he mau ilio hae ala e uhai ana I ka lakou mea I makemake ai.  Ua nawaliwali ko lakou lio, a aohe wahi maikai e holo aku ai a pakele mai na makai mai. Ua pau ae la ka manaolana.  He hookah wale no a lakou hana maikai I koe oia hoi ke kali ana kau a hiki mai na makai ki aku ia lakou i ka pu oiai ua lako laua I na pu maikai.

  I ka ike ana mai o na makai kiu I ka lakou mau paahao ua maopopo mai la ia lakou he poino ke loaa ana ia lakou ina lakou e holo pupule mai ana, nolaila ua ku mai la lakou a kali o ka loaa aku o ke kani o ka pu a ka enemi.  I ka loaa ole ana a kokoke maikai ua hoomaka aku la na makai kiu e ki I ka lakou pu, ame ka eleu nui ua kani mai la ka pu a ua mau keiki nei.  Ua like iho la ia wahi ia manawa me ke kahua kaua.  Aole nae I loihi ua ike ia aku la ka hina ana aku o ka wahine e holo pu ana me keia mau keiki.  A aole iloihi mai hina, aku la kekahi o laua, a mahope aku kekahi.  Ua ike iho la na makai ua ku ka lakou mau paahao I ka pu ame ka eleu holo mai la e law aku ia lakou no ko kakou mau kaa a hoihoi aku no ka hale paahao a lakou I haalele aku ai.

  I ka hiki ana mai ua loaa aku la ua ku keia wahine I ka pu ma kekahi o kona mau waiu a pka ma kekahi aoao, ua ku keia mau keiki ma kekahi mau wahi e ola ole ai.  Hoihoi koke ia aku la lakou no ka Halema’I kokoke loa ilaila a malaila lakou kahi I malama ia ai.  Hoike ia aku la ka lohe I ka hale paahao ua loaa na paahao.

  I ka nana ana ia e na kauka ua ike iho la lakou aole loa e loaa ana ka oluolu I keia mau aahao.  O ka wahine ka mea aloha loa, oiai ua haawi oia I kona ola malalo o keia mau keiki.  I kona manawa nawaliwali loa ua noi mai la oia e kii ia aku kana mau keiki e ike oia mamau o kona make ana.  Ma ka hoike a keia mau keiki ma ko lakou moe make mai pakele laua ina aole I holo up keia wahine me laua, aka, aole laua I makemake e haalele iaia oia nana laua I hoopakele.

  I ka hiki ana mai o ka lon hope loa e moe like ana lakou ma ka hale ma’I ua aneane e haalele like mai I keia ola ana.  Ua loaa mai nae ke kauoha e hoihoi aku ia lakou no ka halepaahao me ka nana ole I ko lakou ola.  Ina no ka make a make ole e lawe ia aku.  Ua maopopo loa alole he loihi o ko lakou mau la I koe maluna o ka ili o ka honua.  O Mrs. Peter K. Soffel ka inoa o keia wahine, a mai ka halepaahao aku o Alagehene lakou I mahuka ai.

  Ke olelo nei keia wahine nana ponoi no ia I ki iho I ka pu mamauli o kona ike ana aole e hiki ana ia lakou ke pakele a e hoihoi ia ana hoi I ka hale paahao.  Pela no keia mau keiki e olelo nei, aka ma ka nana pono ana ia e na kauka ua loaa aku la kekahi mau hoailona moakaka loa e hoike mai ana aole lakou I make mamuli o ko lakou lima iho wale no, aka ua loaa pu aku no I ka pok a na makai kiu.

 

HE MEA MAIKAI NOU AME AU KE LOAA.

 

  Aole I maopopo ia makou kekahi hana I oi ae o ka maikai a makou e hana aku ai na ko makou poe heluhelu mawaho ae o ka hoike ana aku ia lakou I kekahi mea e loaa ai ia lakou na pomaikai.  No keia kumu ua makemake makou e hoike aku ia lakou I kekahi laau maikai loa no ke kunu, kea nu ame kela ma’I I maka’u nui loa ia oia ka eha iloko o ka puu ame ka paa mau I ka male.  O keia laau oia no ka laau kunu a Chamberlain.  Ua haoa makou I keia laau iloko iho o ko makou mau home no kekahi manawa loihi a ua hiki ole ke hoonele ia ka home I kelalaau.  Mamuli o ka inu ana I keia laau I ka manawa kupono ua pakele mai na keiki mai ka eha o ka puu I hoike ia maluna ae.  Ke hoi ke ia aku nei keia mau mea mai ka makou mau makamaka heluhelu e malama ala I keia laau ma na home, oi loa aku no nae ka poe he mau keiki kda lakou.  Camder (S) Laweola.  E loaa no keia laau ma ka Hale Kuai Laau o Benson Smith & Co., na Agena Kua Nui.

 

Ka Laau Tua-Tua no ka Ma’I Lepera

 

NUI KA POE E MAKAHEHI NEI I KEIA LAAU ILOKO O KEIA MAU LA.

 

  E Hoao ia Ana e Kanu a Ulu Kekahi Kumu o Keia Laau ma Kalaupapa Makemake Kekahi Keiki Haole e Hoao I Keia Laau.

 

  Mai ka manawa mai a makou me ka Nupepa Advertiser I hoike aku ai I ke akea I ka maikai o ka laau tua-tua am eke ola ana o kekahi mau ma’I ma Tahiti ame Aferika, ua nui a lehulehu ka poe I hele aku e noi I ka luna nana o na mea kanu e haawi ia mai keia mau laau ia lakou no ka hoao ana maluma o ka lakou mau a’i.  Mawaena o ka lehulehu I hiki aku e noi I keia laau ua hoike ia mai la he keiki haole kekahi I hiki aku imua ona a noi aku la iaia e haawi ia mai kekahi o keia laau iaia oiai ua lohe oia he laau maikai loa keia no ka ma’I lepera, a oiai ua loaa aia I ka ma’I lepera ua makemake oia e hoao I keia laau a ike ina e oluolu ana kona ma’i.  Ua hoike pu mai la hoi oia ua hele aku oia imua o elua kauka e nana mai I kona pilikia a ua hole like mai laua aole oia I loaa I ka ma’I lepera, aka ma kona manao iho no ua loaa oia O ke kumu o kona manao ana ua loaa oia I keia haawina oia ke oolea pu o kon lima I kekahi manawa ame ka eha iloko.

  I Ka loha ia ana o keia mo’olelo kupaianaha e kekahi o na lala o ka Papa Ola ua makemake koke oia e loaa keia keiki iaia a nana pono I kona pilikia.  O kekahi kumu I makemake loa ia ai oia e loaa oia kona olelo ana e hoao ana oia I keia laau, a ua maka’u na kauka o ai naaupo oia me ka hele mau ole imua o kekahi kauka kupono e nana mai.  He laau make ka laau tua-tua ke nui loa ka mea e lawe ia ai, a aia wale no me ke akahele loa ame kahele mua aku a na na kauka e hooia mai ka nui kuponon au e lawe a I, alaila kupno e lawe ia e kela ame keia.

  Oiai ua hooholo ka Papa Ola e hoao ia keia laau maluna o na ma’I ma Kalaupapa ame Kalawao, Molokai, ke ohi nei o C. B. Reynolds ka luna nui o keia mau kahua ma’I e loaa kekahi o keia laau iaia me ka manao e lawe aku a haawi ma ka lima o Kuk Oliver, ke kua aupuni malaila no ka hoao ana I a aku maluna o na ma’i.  Ua makemake hoi oia e lawe pu aku I kekahi maul ala a I ole mau kumu laau opiopio o kiea ano no ka hoolaha ana aku ma Kalaupapa.  Ina e ulu maikai ana keia laau ma ke kahu am’I alaila aole e lawe ia aku mai nei aku, aka ua loaa no ka laau e hoolawa ai I na ma’I malaila.

  He maikai ka ulu ana o keia ano laau ma ka wahi e ulu nei.  Mai kona kanu ana ia iloko o ka lepo he elua a oi makahiki ae nei I hala a hiki wale no I keia manawa aole he malama ia o keia laau aka ua maikai Maoli kona ulu ana.  Aole nohoi I ike ia kona waiwai a hiki wale no I ka manawa a makou I hoike piha aku ai I ka waiwai o keia laau ame kana mau hana I hana ai ma kekahi mau wahi aku, akahi no a nui alehulehu na kanaka e makemake nei e loaa keia laau.  Ma ka nana kau e oneanea ana kona wahi e ulu nei ma keia mua koke aku ina ole e ulu ana ma kekahi mau wahi okoa aku.

  He mea maikai e hoke aku makou I ka pilikia loa o ka hoao ana e ai wale I keia laau me ka nana mua ole ia e na kuka.  Ina ua maka’u oukou ina kauka haole e hele mua I na kauka Kepani, a ina ua maka’u no oukou I na kauka apou koe kou kauka ohana e hele iaia e hoike pnon mai I kea no o ka laau, ame ka nu kupono au e ai ai.  Ina nana e hoomakaukau oi loa aku ia o ka maikai, oiai e kie ana oe ua pau ka pilikia.  Ua maopopo loa he laau make keia a ina e hoopaakikik ana kakou I ka lawe ana ae no a ai me ka maopopo ole ka mea a kakou e hana ana e loaa ana kekahi I ka pilikia.

  Hauoli makou I ka ike ana e hoao ia ana keia laau maluna o na ma’I a kakou.  O ka makou e makemake nei oai ka hiki mai o ka manawa e ae ia ai kela ame keia mea ma’I I lako me ked ala e hoolimlim I kekahi o na kauka akamai o kakou nei e hele aku e lapaau I ka lakou ma’i.  Ina e loaa kekahi kanaka I ka ma’I ma keia mua aku, he hana maikai loa e ae ia kona ohana e imi I kona ola ma na ano apau no kekahi mau makahiki, ina nae lakou e hookaawale iaia ma kehaki kahua maikai I apono ia e ke aupuni.  E kau palena ia I n a manawa e imi ai I ke ola, a ina iloko oia manawa ua maopopo aole he ano maikai mai a aole hoi he mau hiohiona o ke ola mai keia ma’I mai alaila oia hoihoi ia ma ke kahua ma’I e hui aku m e na ma’I malaila.  Manao makou o ka hana mai kai loa keia e hana ia ai.  O ka hoihoi puapuahulu ana I Molokai me ka ae ole ia e imi I ke ola aole loa ia he hana maikai a he hana hoi ia e pee ai o na ma’I mai ka maka mai o ke aupuni.  Ina lakou e ike ana e loaa ana ka manawa maikai ia lakou e imi ai I ke ola e hoi mai ana lakou me ka maka’u ole, a ma ia ano e loaa ana na ma’I apau me ka nui ole o ka hana.  He nui a lehulehu na ma’I e pee mai nei I kiea manawa, a e hoopilikia nei hoi I ko lakou mau ohana mamuli o ka maka’u I ka hoihoi ia I Molokai.  Aole ia he hana maikai na lakou, aka, ua nui loa ke aloha o ka ohana I kona hoihoi ia aku e kanu ola ia ma Molokai, a nolaila ua oi ae ko lakou makemake e huna malu iaia, a hui aku hoi me kona ma’I weliweli.  Ua ike ia keia ma ka Moolele Kaulana o Koolau ma na Pali o Kalalau, a he mau inoa lehulehu aku.

 

E HOI MAI ANA O LILIU.

 

  Ua loaa mai nei kekahi leka I kekahi poe ma Hawaii nei e hoike mai ana, e hoi mai ana ka Moiwahine Liliuokalani I kekahi la o keia mahina ae e hiki mai ana.  E hoi mai ana oia no Kapalakiko a mai laila mai oia e hoi loa mai ai no Honolulu nei.  Aole I hoike ia mai ne ke kumu o kona hoi koke ana mai mamua o ka pau ana o k a ahaolelo ma Amerika aka ua olelo ae kekahi poe e hoi mai ana pahao oia e nana I na hana kalalaina o ka aoao ana e kakoo nei.

 

Ka Makahiki Hou o Na Pake

 

NUI KO LAKOU HAUOLI I KEIA MAKAHIKI – HAUOLI PU NA KANAKA HAWAII.

 

Aole Hookahi Pake I Hopu ia no ka Ona ma Honolulu Nei – Lohe ia ke Kani o na Pahupahu ma na Wahi Apau – Moe Kekahi poe ma na Alanui no ka nui o ka Hauoli.

 

  Ua hiki mai la a hala aku la ka la makahiki hou o na pake.  Ua hauoli ia e lakou mai ka minute mua o ia makahiki a hiki wale no I keia mau la, a e hoomau aku ana no kekahi o lakou I ka hauoli ana no kekahi mau la aku I koe.  Ua maopopo I ka lehulehu o ke Konohi oia kekahi o na la nui loa e ike mau ia nei ma Hawaii nei, a e nana mau aku ana nohoi na Hawaii o ka hiki mai oia ia, oiai ma ia ia e hamama ai ka ipuka hale o na pake, hamama pu me ka lakou mau omole wai “lani” a hauoli pu me ko keia ao.

  O ka mea mua loa nanan I hoike mai ua kokoke mai ka la hauoli o na pake oia ke kani o na pahupahu ma na wahi like ole apau.  O ka manao nui o na pahupahu wahi  a na pake, oia ka hoopuiwa ana a hookuke loa ana aku I na uhane ino o ka makahiki I hala, amen a uhane ino e hiki mai ana, a o na uhane maikai wale no kea e ia e komo mai iloko o ka makahiki hou.  E like no me kea no o na uhane ino ka manawa e lohe ai I ke kakani mai o keia mau pahupahu lehulehu a pau I ka holo a lele pah I ka pali o Nuuanu.

  I ke kakahiaka Poalima nei ua whe ia na hale o na pake apau no na makamak lehulehu, a he lehulehu na kanaka, na haole, amen a lahui e  ae a makou I kike ai e kipa ana e ike I ko lakou mau hoa’loha pake no ka haawi ana aku I na olelo hoohauoli I na la mua o ka lakou makahiki hou.  E like me ka mea maa, ua puka mai kekahi o lakou me na kika puhi e kau ana ma ko lakou mau waha, amen a wawae hoe e haha hele ana I na papa pohaku o na alanui.  He lealea hoi kau!

  Ma ka hale hui o na pake ma ke alanui Moi, ua hiki aku ka bana lahui e hoohauoli ia lakou a he lehulehu na makamaka hanohano I kipa aku e ike I ko lakou mau poe hanohano.  I ke komo ana aku ua loaa koke mai la oe I na keiki alakai a lawe ia aku la oe no kekahi lumi nui kahi hoi a na luma nui o keia hui e k mai ana me ka makaukau e lulu lima me na makamaka.  He hauoli ko lakou mau helehelena ke nana aku a he pumehana hoi ko lakou mau lima ke haawi mai.  Mahope o kou lulu lima ana me lakou ua lawe ia aku ia oe a hiki I kekahi pakaukau kakau a malaila oe e kakau ai I kou inoa iloko o kekahi buke hoomaao a ka hui.  Haawai ia mai la ia oe kekahi mau pepa uluula he mau pepa hoohauoli no ka la mua o ka makahiki a e hoike ana hoi ka ulaula o ka laki amen a pomaikai oia ka lakou I makemake e loaa mai ia oe.  Mai laila aku ua lawe ia aku ia oe la oe I kekahi lumi I piha I na mea ai ono apau, a malaila e hoopiha ai I ka lua o ka inaina.  Ua lawa ka makemke, mai ka wai a hiki I na mea ai paa.  Hauoli na makamak I kipa aku malaila.

  Aole ma ke kaona nei wale ka hauoli la o ke Konohi aka ua hiki loa aku ka hauoli ma na huaaina aku nei o Oahu nei.  Ua hele aku mai na makuakane a na keiki e hauoli pu me na hoa’loa pake.  Ma Ewa aku nei ua lohe mai ko oukou mea kakau ua lealea kekahi mau elemakule maikai a pau ka ike ana ae I ka la ka mea pumehana a hiki I ka Poaono ae.  O ka laua hoomanao ana no I ke kakahiaka Poaono.  Hauoli no na Olomana, a oiai ke nee aku nei ko laua mau la imua, ua kala ia ko laua hauoli ana.

  Aole o laua wale, aka I keia mau la aku nei no loaa aku ia kekahi wahi elemakule e hikaka hele ana ma na alanui nui o keia kulanakauhale me ka omole uwaina no ma kekahi o kona mau lima.  He nee aku ia he mau kapuai apau puliki I ke pine pa a pau ae ka puana ana I ke ola o na hoa’loa pake, nee aku ana imua.  Hauole konohi na olomana o kakaou.  Aole loa lakou e poina anan I ka makahiki hou o na pake.

  E like me ka makou I hoike mua aku a I, he makahiki keia I piha I na pomaikai no na pake.  I na makahiki I hala aku nei ua puhi ia ae ko kakou mau waiwai apau e kea hi nui o ka ma’I bubonika, a he lehulehu o kakou I hele hoaa aku me ka maopopo ole o kahi e hooluolu ai ko lakou mau poo.  I keia manawa ua lako lakou, ua holomua loa aku kekahi o lakou, a ke nee aku nei ka manawa imua, a ke kokoke mai nei hoi ka la e hamama ae ai o na ipuka o ko lakou aina makua a kom aku ka pono am eke ile o na aupuni nui o ke ao nei.  Ua hike loa ia makou ke nana aku imua a ike aku ia Kina e ku mai ana mawaena o na mana nui o kea o nei, a o kana mau keiki hoi e haaheo ana iloko o ka inoa o ko lakou aina makuahine elike me Iapana e haaheo nei.

 

HE MOOLELO MAIKAI MAI LOKO MAI O KANA HANA LOHI ANA, MA KANA HANA.

 

  “Maikai,” wahi a ke mea malama ma’I Coopernail I ka mea kaukau nupepa.  “He oiaio, ua nui a lehulehu na mea maikai a’u I ike iloko o keia mau makahiki loihi o ko’u lawelawe ana I keia hana.  Ma ka’u hanau a ike aku wau ia loko o na home like ole, a he nui na mea a’u I ike ai e hoike mai ana I ka noho’na home.  He oiaio aia no he aoao kaumaha ma keia hana, aka aia pu me ia he aoao hauoli.

  “Eia kekahi mea nui a’u e hoike aku ai I ka lehulehu e pili ana no kekahi mea I komo mai iloko o ko’u ola ana I kekahi manawa aku nei I hala, aka, he hauoli ka hopena I loaa mai ia’u.  no umi kumamaono makahiki ua loaa wau I ka ma’I pilikia o ka waihona ai ame na ma’I like ole e hele pu mai ana oia ano.  Aole he hem maikai o ko’u hanalepo, ua hele mai la a haikea, e poniuniu mau ana hoi ko’u poo I na manawa apau loa, a e moe mau ana hoi wau a hiki I ka pau ana o ko’u poniuniu alaila hiki ia’u ke hele aku.  Mamuli o keia ma’I ua hiki ole ia’u ke hele aku e hana I ka’u hana ma kea no he malama ma’i.  Ua nui a lehlehu na kauka a’u I hoao ai e hookaawale aku I keia pilikia aka, aole loa I hiki I kekahi o lakou ke hookaawale aku I keia pilikia.  I kekahi la ua heluhelu iho la wau I kekahi buke e pili ana no na hana kupanaha a ka laau Huaale Akala a kauka Williams no ka Poe Hiakea.  U hooholo iho la wau a hoao I keia laau a e ike hoi I ka oiaio o na mea a’u I heluhelu ai e pili ana nona.  Ua law wau I keia mau huaale a ai e like me na palapala kuhikuhi I hoike ia, a iloko wale no o elua mahina ua ike iho la wau I ko’u maikai, a oia ka’u e hoike aku nei I keia ola I kela ame keia e make make ana e loaa ke ola e hoao.  Ua hiki loa I keia laau ke hoola I na ma’I apau I ulu mai ka inoino ami o ke koko.”

  O Mrs.  Charlotte Coopernail, ka mea nana na olelo mamua ae la I hoohiki ia imua o Noah H. Browing, he notary no ka lehulehu, e noho ana ma ke Alanui Aaku-Elima, helu 40, Hudson, … Y., kekahi o na malama ma’I kaulana.  Oia kekahi o na lehulheu I hoola ia e ka Huaale Akala a Kauka Williams no ka Poe Haikea.  Aole o na ma’I like wale no me kona ke ola I keia ano Huaale, aka o na ma’I no apau I ulu mai ke koko ino ame ka poino o na aa ike.  He ola loa I keia laau na ma’I iloko o na kane o iloko hoi o na wahine elike me ka rumatika, ka eha o ke poo, ka ono ole mai o ka ai, ka haikea wale mai no o ka helehelena, ka ma’I puuwai, ame na am’I no apau oia ano.  Eia kekia laau Huaale Akala a Kauka Williams ke kua ia nei e na Hale Kuai Laau apau loa a ina aole e loaa ia oe malaila e hoouna pololei ia aku no I ka manawa e loaa mai ai o ke kumukuai, he 50 keneta ko ke poho hookah, a he 2.50 ke eono poho.  (Aole he kuai nui ia o keia laau, aole hoi ma ka 100).  E kakau pololei mai ia Dr.  Williams Medicine Company.  Schenecatady N.Y.  E nana pono I na laau pololei ole, oiai aole he ola o ka ma’I ia lakou.

 

Houia he Wahine me ka Pahi

 

Aole I Hiki Iaia ke Hoomaopopo I kona Mea Nana I Hou I ka Pahi – Ua Paa Kona Helehelena I ka Papale.

 

  Ma ka po Paoano o ka pule I hala.  Oiai na pake e hauoli ana I ka hiki ana mai o ko lakou makahiki hou, ua kipaaku la kekahi powa ma ka hale o kekahi pake ma Kalauao, Ewa, a mahope o kona huli ana I ka pahu amen a wahi e waiho ana o ka laua mau mea waiwai ua holo mai la oia me ka hou pu ana aku I ka wahine a keia pake me ka pahi.  Aole I maopopo kona ano a o ka mea wale no I hiki I keia wahine ke hoomaopopo he kanaka nui oia ma ke kino, he lole eleele kona, a he papale eleele I uhi iho a nalowale kona helehelena.

  Ua hana ia keia hana I ka hora eiwa o ka po, wahi a ka wahine a keia pake.  Ua hele aku kana kane he kanalima paha anana mai keia wahi aku a ko laua hale e ku ana.  O ka hale a kana kane I hele aku ai he hale iluna a I lalo, a he lehulehu lakou pake e hauoli ana malaila.  Iloko o ko laua lumi e moe ana kana wahine ame ka laua mau keiki he ekolu.  He elua mau wahi keiki ano mahuahua iki ae a he hookah wahi bebe uuku loa.  Ia lakou e moe ana u aloha aku la keia wahine pake I ke komo ana mai o kekahi mea iloko.  Ua manao ae la no oia o kana kane a aole oia I nana hou mai.  Aole I loihi ua lohe aku la oia I ka nakeke mai o ka pahu, kahi hoi a laua e malama ai I ka laua mau wahi mea waiwai.  Kahea aku la oia.  “Owai kela?”  ma ka olelo pake, aka, aole he pane I loaa mai no kana ninau.  Ua ala koke ae la oia iluna a I ka nana ana aku ka hanau a ike aku la oia I kekahi mea pouliuli e hoao ana e huli iloko o ko laua mau wahi pahu.  Ua hopu koke iho la oia I kekahi o ka laua mau keiki, a hoomaka mai la e holo iwaho.  I kona puka ana iwaho ua “Holina” koke ae la oia e like me ka ikaika I hiki iaia.

  Ua lohe mai la kana kane I knoa leo holina, a maopopo koke ae la iaia me kona mau hoa e lealea ana he pilikia ko ka hale a hoomaka mai la lakou e holo mai e nana.  Ia lakou e holo mai ana, ua maopopo iho la I keia powa e h@@i mai ana kekahi poe I keia hale mamuli o keia leo holina, a ina oia I makemake e pakele me ka ike ole ia mai o kana hana pono wale no o ka hookaawale koke aku iaia.  Iaia I puka mai ai ua ike mai la oia I keia wahine pake e ku kokoke ana ma ka puka e holina ana hoi e like me ka ikaika I loaa I kona leo.  Ua hoonaukiuki loa ae la paha oia, a iloko o kona inaina ua wehe ae la oia I kana pahi a hou aku la mahope o kekua o keia wahine me ke oolea.

  He maopopo ole ke kumu o ka pakele ana o keia wahine mai ka make mai.  He elua wale no kumu ano nui a makou e manao nei, a oia ka nui Maoli o kona maul ole e komo ana, ame ka puapuahulu loa o keia powa I ka hou ana iaiai oiai e holo mai ana ke kane me na pake lehulehu.  Ua puka pu aku la kona mau palule pake he eha e kom oana a loaa pu aku la me kona ili I ka pahi a keia powa, a hina aku la oia ilalo.  O kekahi mea aloha loa oia ka laua bebe e paa ana I ka lima o keia wahine pake.  I ka hina ana o ka makua hine ilalo ua lele liilii aku la keia wahi bebe.  I ka hiki ana mai o ka makuakane ua manao ae la oia ua make kana wahine ame keia wahi bebe, aka, I kona nana pono ana iho aoloe I make.  Ninau aku la oia I kana wahine I ke kumu o keia holina ana a hoike mai la kana wahine iaia.  I kona lohe ana I na mean apau ua mamao loa ka powa mai ka hale aku.  Hoao aku la lakou e alualu iaia aka aole he ike ia aku iloko o ka pouli.

  Ma ka hoike a keia wahine pake, he kanaka puipui o ke kino ma kana hoomaopopo iho, he lole eleele me ka papale eleele.  Ua uhi mai oia I kona helehelena e like me ka makou I hoike mua ae ne.  Aole mau waiwai I lilo aku iaia, aiai ua komo keia wahine I kona mau mea hoonani no ka la makahiki hou.  Ma ka hoomaopopo aku ua komo mua aku no keia kanaka iloko o ko laua hale ma kea no konohi a ua maopopo hoi iaiai kahi e waiho ai o keia pahu dala.

  Ke hoao ia nei e huli keia powa aka aole loa I loaa aku kekahi meheu e hoike mai ana I kona ano.  Ke hele loa aku nei na powa ma na kauaina o kakou I keia manawa.  E noho no me ka makaala loa, oiai aole I ike ia ka manawa e hiki aku ai ua makaukau.

 

HOOLAHA KUMAU.

 

Ka Hui Banako hoahu Malama Dala o Hawaii

KA@YALENAIA

 

Huina I hoahuia                 $250,000.00

 

Peresidena                                         Kikila Barau@@

Hope Peresidena                             W.P. Robikana

Puuku                                                   W.G. Coop@@

 

Keena Hana Nui:

Alanui Papu, kokoke I Alanui Kalep@

Keena Lala ma Hilo, Hawaii

 

-           E LAWELAWEANAIKA –

 

Oihana Banako Hoahu Dala ma Honolulu ame Hilo

 

  E la wela mai no na huina hoahu me ka haawiia o na ukupanee no na @@a@e makahiki ma ka huina o 4 ½ pu-kene@@ no ka makahiki.  E loaa no na Rui@ a me na hooponopono ana ke ninau @@ ma ke Keena Hoahu.  8888-1yr.

 

DR. L. F. ALVAREZ.

 

Keena Oihana a Wahi Noho:

1240 Emma Street.

Na Hora Hana:   8 a 10 a.m.

                                8a 5 p. m.

7a 8 p. m.

Telepona White 211                        287@@@@

 

Dr. T. Mitamura

 

Kena Ohana 1468, Alanaui Nu@@@@

Telepona 152.  Pahu Leta 842.  @@@@

Noho, 524, Alanui Nuuanu.

Na hora keena:  8-10a, n., 6-3 p m koe na Lapule.

Kauka J. Uchida,

HE LOEA MA KA OIHANA LAPAAU           

Keena:  Alanui Beretania, mawa@@@@ Papua me Nuuanu.

Manawa hana, 8 a 12 A. M 7 @ @ P. M.

Telepona helu 1211 White.

 

LEWERS & COOKE.

Ltd.

(LUI & KUKE, KOUPOLENALA.)

 

Na mea Hookomo mai a Kuai I na LAKO KUKULU HALE o kela ame keia ano.

 

Malaila e loaa ai na mea malalo iho:

NA PAPA N. W., NA PAPA HOLE, PILI HALE, NA PUKA, NA OLEPELEPE. AME NA PONO PUKA ANIANI, NA KUI AME NA MEA PILI I KA OIHANA KAMANA, NA PONO PENA.

  NA PENA LIKE OLE, AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.

 

O na kauoha pono hale apau loa e hiki mai ana ia makou e hooko koke ia no me ka eleu amen a KUMU KUAI HAAHAA LOA.

 

LEWERS & COOKE

 

I KA POE KULI: - Ua haawi ae kekahi lede waiwai I hoola la mai kona kuli ame ka halululu iloko o ke poe mamuli o ka pahu hoolohe hanalima a Dr. Nicholson he, $25,000 I hana kula kokua kuli I hiki ai ke loaa @@@@ pomaikai I na poe kuli me ka @@@o oha.  E kakau mai, THE NICHOLSON INSTITUTE,T90, Eighth Avenue, New York 1864.

1 Mak@@@@@ mai @u@@i 1. @@