Ka Nupepa Kuokoa, Volume XL, Number 6, 7 February 1902 — KE HOOMAKAIA NEI KA HANA ANA Kohoia he Mau Komite e Hui aku me na Poo o na Hale Hana Nui. [ARTICLE]

KE HOOMAKAIA NEI KA HANA ANA

Kohoia he Mau Komite e Hui aku me na Poo o na Hale Hana Nui.

Elike me ka Nui o ke Dala e Loaa Mai Ana Pela e Maikai ai ke Kahua Paani no ka Hoomanao Ana ia Makinale.

He mau helu ae nei i. hala ua hoike aku makou i ka hana e lawelawe ia nei ma Hawaii nei no ka hoomanao ana 1 ka Peresidetta Makinale i haalele mai. Ua hoike pu aku nohoi makou ke makemake ia nei e hoolilo na dala e loaa mai ana mai keia hana mai no ke kuai ana i kekahi kahua paāni maikai no na keiki a kakou. I ka Poalua o keia pule i heomaka ia ai e kipa ma na haie hana o ke kaona nei no ke noi anā. aku d ka iakou mau kokua ana no keia hana maikai. Ua koho ia he ekolu komite, oia o Andrew: Baraunu, ka luna wai nui, J- A. McCandless, ka mea nana i hoala keia hana, ame Roy H. Chamberlain. O ka laKou hana oia ka hele mua ana ma na hale hana nui loa o ke kulanakauhale nei a ike i ka nui o na kokua e loaa mai ana mai ia lakou mai, a malaila e ike ia ai ka lawa o ka huina i makemake ia ame ka lawa ole. Ua makemake ia e loaa he $25,000, oia ka haahaa loa a ina nohoi e oi aku ana mamua o keia oi loa aku ka maikai. Ua manao ia ina e nui. mai ana ka haawi ana a kela mau hale hana. nui o kakou o ! nui pu ana no ka haawi ana •a na haie hana liilii mai, a hui pu aku hoi me ka kela ame keia e haawi ana e loaa ana keia huina i makemake ia a oi aku paha. O ke kumu o ka makemake ana ia i huina nui oia ka makemake ia e loaa ke kahua iwaena nei o ke kulanakauhale, a he pipii loa hoi na'aina o ke kaona nei. Aole o na makua wale ke lawelawe nei i keia hana aka o na keiki pu kekahi. Ma kekahi mau kula ke hookaawale nei kekahi mau keiki he hapaumi i kela ame keia manawa e loaa ai ia lakou no ka haawi ana aku no keia hana maikai. Oiai o lakou ana ke pomaikai ioa ma keia hana oiai e loaa ana ia lakou kahi maikai e paani ai a e hoolana ai hoi ī ke koko, ua kupono loa ko lakou kokua ana mai. Ua lohe mai makou e haawi ana kekahi mau keiki, ma keia mua koke aku, i ahamele a 1 ole kekahi mau hana oia ano e loaa ai ia lakou kekahi huina dala no ke kokua ana raa keia hana. He nui na kula e hoouna mai nei i na kenikeni i loaa mai na keiki mai, a ma kekahi mau kula ua loaa he mau palapala hoohanohano lehulehu no na keiki i uku mai i ka hapalua i makemake ia no keia hana. Aole o lakou wale ke ike nei i ka pomaikai o keia hana, aka ua lohe wale ia mai o na kanaka opiopio kekahi e makemake nei e haawi i kekahi mau kinipopo ame na paanl oia ano ma kekahi mau wahi e hikl al ke auhau ia. ka poe e komo ana e ike, a o na dala e loaa ana mai keia hana mal e haawi ia ana no ke kuai ana a hoo-

maemae ana i keia wahi paani oiai he pomaikai ia no ka lehulehu ma keia mua aku. f Ma ka nana aku e loaa ana ka huina i makemake ia no keia hana, a aole ola wale ka pomaikai e loaa ana aka e loaa pu mai ana he kahua paani maikai no ka lehulehu e noho nei ma ke kulanakauhale o Honolulu nei.