Ka Nupepa Kuokoa, Volume XL, Number 6, 7 Pepeluali 1902 — Page 2
| This text was transcribed by: | Megan Tipping |
| This work is dedicated to: | To Kumu Patrick |
Ka Nupepa
KE KILOHANA POOKELA NO KA LAHUI HAWAII.
NUPEPA KUOKOA FEBRUARI 7, 1902
KA
NUPEPA KUOKOA
No ka Makahiki $2.00
No Eo@o Mahina .00
Kuike ka Rula
@UKA 1 2 3 1 2 @ 1
ANA Pule Pule Pule Mal. Mal. Mal. Mak.
Iniha $1.50 $2.00 $2.50 $3.00 $5.00 $6.75 $12.00
2 Iniha 2.00 2.75 3.50 4.00 7.00 9.00 18.00
3 Iniha 2.50 3.50 4.50 5.00 9.00 12.00 24.00
4 Iniha 3.00 4.00 5.00 6.00 11.00 13.00 30.00
5 Iniha 3.50 4.75 @ 7.00 12.00 15.00 36.00
6 Iniha 4.00 5.50 7.00 8.00 18.00 16.00 42.00
O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A I NA AOLE, AOHE NO E HOOKOMOIA.
O na Dala a pau o ka Pepa nei e hoouna pelo lei mai i ka HAWAIIAN GAZETTE COMPANY.
HOOPUKAIA E KA
HAWAIIAN GAZETTE CO.
Hookomo@a ma ka Hale Leka o Honolulu, Pa nalaau, o Hawaii, m a ke ano mea o ka Papa Elua.
A.W. PEARSON, Luna Nui D KANEWANUI, Lunahooponopono
Honolulu, Oahu
POALIMA : : FEBRUARI 7, 1902.
E like me ka hoi ana mai o na po pouli pela e hoi mai nei na powa e hana i ka lakou mau hana. E makaala i ka hele ana i ka po, hele no me ka makaukau oiai eia kakou ua like me na kulanakauhale nui o ke ao nei ka piha i ka maikai ame ke ino pu.
Eia mai ka moolelo hou a kakou ma kahi o Leone i haawi i kona ola no ka pomaikai ame ka noho'na maluhia o kana mea i aloha ai. E heluhelu i ike i ka nani o ka puuwai maemae o kekahi kaikamahine i hoowahawaha ia ame ka mihi ana hoi o ua ipo hookano nei no kana mau hana aloha ole o na la i hala.
Ma ke kii ma ka aoao ekahi e hoike ana kela barela nui i ka nui o ke ino a na paa hana kakaikahi e hoao nei e kinai, a ina aole e loaa aku na lima kokua hou aole loa e haule ana ma kela aoao o ka pali. Ke hookuu nei kakou na ka poe kakaikahi e paio a e pepehi keia ino o na ino a ke ku aku nei kakou nana. E haawi i kou lima kokua!
E heluhelu i na manao naauao i hoike ia ma kekahi wahi o ka pepa e pili ana no na ma'i lepera. Heaha ke kumu e pee nei o na ma'i mai ka maka mai o na makai? Heaha la ke kumu e imi ole ia nei ke ola. Heaha la ke kumu e mau nei. ka ikaika o keia ma'i ma Hawaii nei? He mau ninau ano nui keia a ua hoao ae o Kauka Alvarez e hoike i ka haina o kekahi o lakou.
Ua noho ke kau kiure. Ke hauoli nei makou i ka noonoo ana ae e hele ana na kiure i kupono e nana ia ,.;;;; na kiure Nieniele Kiekie e huli pono i na wahi i kupono e nana ia. Hauoli hoi makou ina lakou e nana ana i ka ninau waiona, Iwilei, ame na ino oia ano e kolo nei maluna o ka lepo o Hawaii. He mana ko oukou i oi ae mamua o kekahi mau mana, a aia hoi ma ko oukou mau poho lima he laau e kinai ai i keia mau inoa, hanai ia me ka maka'u ole ame ka hoopilimea ai ole hoi.
Aloha konohi kakou. O Ianuari ekahi keia ma ka helu a na Pake, a ke hauoli nei hoi lakou i ko lakou makahiki hou. E hauoli pu kakou me ia mau hoa'loha o kakou i ka loaa hou ana ia lakou o keia makahiki hauoli. Ma ka nana aku o keia ana ka makahiki nana e hoohamama ae i ka puka o Kina a komo aku ka malamalama o na aupuni naauao ame ka pono e hapai ana ia lakou iluna. O Kina kekahi o na aupuni naauao o ke ao nei i kona mau la, aka, ua ku malie iho lakou, a hookuu aku i na aupuni okoa e nee imua. Ke manaolana nei makou e hiki mai ana ka la e lilo ai o Kina kekahi o na mana aupuni o ke ao nei.
Eia i Honolulu nei ko makou hoa'loha, W. K. KINO, ka Lunahooponopono o "Ka Elele Hawaii". No eono makahiki ua hoolilo oia ia Hilo i Home nona, a malalo o kana hookele ana @a ike mau ia keia nupepa maluna ae. Ua hiki loa ia makou ke olelo ae, o ka "Elele Hawaii" kekahi o na nupepa maikai, a ua pomaikai na makamaka e heluhelu ana i na manao naauao. Ma kana hoike mai hoohala ana oia he elua pule ma ke kaona nei a hoi hou aku no Hilo-ua-nui. Ke hauoli nei makou i kona kipa ana mai, a i kona hoi ana aku e hoike aua ana oia ina kini lehulehu ma Hawaii nui a Keawe i kana mau mea hou e ike ana ma ke kaona nei.
O ka hanai puaa, hanai moa, ame na holoholona oia ano kekahi mau hana hoowaiwai i ke kanaka ina nae e hookele ia me ka naauao ame ke akahele e like paha me ka mea i hoike ia ma kekahi wahi o ka kakou pepa. Aole o ke ake i ka nui koke mai o na loaa, aka e hoomanao ua kolo mua oe mamua o ka hiki ana ia oe ke hele, a i kou hoomaka ana hoi e hele he paa mua aku i ka noho alaila hele, a mahope mai hiki ke hele, a mahope loa aku mama i ka holo@ Pela iho la no ka hoala ana i na hana imi waiwai, e hele me ke akahele ame ka hoomanawanui e hiki i ka loaa ana o ke kumupaa kupono, alaila nui mai ka loaa. E hoomakau@@@, e hana me ka manao kuio, e hoolilo hoi kou mau noonoo maikai apau maluna o kau hana alaila lei i ka lei dala. Aole he paiupaiu ka imi ana o ke dala, aka e like no me ka nui o ka hana o ka eli ana iaia mai ka lepo mai, ame ka hoomaemae ana pela no ka nui o ka hana o ka imi ana a komo iloko o kou eke.
O ke like o ka manao, ame ke aloha aku o kekahi i kekahi ka mea i makemake nui ia ma keia ola ana. Aia no ka hiki ke aloha a lokahi a kamaaina kekahi me kekahi a paio like hou no ka mea i makemake ia. Eia, ua hoaia ia ae kekahi mau hui e kekahi mau Hawaii o kakou no keia hana, oia hoi ke kokua ana aku o kekahi i kekahi. Eia ka Hui Aloha o Hawaii, i hoololi ia ae nei o ka Hui Kau i we Aouli. Eia ka hui o na opio Hawaii, a he mau hui aku kekahi i maopopo ole na inoa ia makou. He hana maikai na kakou ke komo ana a hoolauna ia kakou me kakou Hawaii, a hoao hoi e kokua aku kekahi i kekahi.
KA MANA KOHO LAULA.
Ke lohe mai nei makou eia kekahi poe ke hoao nei e kaupalena ia mai ka mana koho o ke kanaka Hawaii. Ina he oiaio keia lohe e lohe ia mai nei alaila ke hoike nei makou i ko makou kue ikaika loa no ia ano hana. He aina o Amerika i makemake e loaa ka lanakila ame ke kaulike i kona mau kupa, ame ia ano ua haawi mai lakou ia kakou, na Hawaii, i keia mana koho laula. Aole loa lakou e kii hou mai ana a kaili ae me ka loaa ole o kekahi kumu maikai loa no ia hana ana. He oiaio ua hupo ka hana a na Lunamakaainana o ka aoao Home Rula i ke kau ahaolelo i hala, a ua hoohilhila aku hoi lakou ia kakou oiai ia lakou ka hapanui, aka, ke manao nei makou aole keia he kumu kupono na Amerika e kaili ae ai i keia pono, a aole no lakou e hana mai ana pela. Ina paha e hoomau ana kakou i ka hoike ana i na manao kue i na ilikeokeo ame ka hana ana i na hana kupono ole i ka noho'na maikai e like me ka makemake o na Amerika oiaio malia paha o hiki mai ka ia e hana i'o ia mai ai ia hana.
O ka makou e kau leo aku nei, e hoike aku kakou ia Amerika ma na hana naauao ame na manao laula, ua waiwi ko lakou haawi ana mai i keia mana koho, a ke manao nei makou aole loa e loaa ia kakou na poino, aka, e hooi ia mai ana na pomaikai. Ina kakou e hoomau ana ma na hana alunu, uhauha wale i ka waiwai o ka lehulehu, hoohaia wale i ka manawa waiwai ma na hana waiwai oie, a noonoo wale no i ka auhau o na ilio, alaila, ua pono i'o no e hoonele @a kakou i keia pomaikai , aka, ke manao nei makou aole loa e hiki mai ana ia la.
Ke olelo nei na Home Rula na na Repupalika e hoao nei kaili ae ka mana koho laula o na Hawaii. he mau olelo wahahee ia , a oiai he hana maa ia na lakou ka pelo ame ka imihala, ua waiwai ole ka hoolohe ana aku i ka lakou. Aole loa i malama ia kekahi halawai e na Repupalika a hooholo ia e noi aku ia Amerika e kaupalena mai i ka mana koho o na Hawaii. Aole loa nohoi he makemake o na Repuplika e hana ia la hana, oial ke ike nei lakou i ko lakou kulana ikaika, a he mau balota hoi ia no lakou. E hoolei wale ana anei lakou i ko lakou pono iho? Ke manao nei anei na Home Rula Hupo e loaa hou ana ia lakou ke kakoo ana mai na Hawaii mai mahope o ka ike ia ana o ka lakou hana ame ko lakou hooko ole ana hoi i ka makemake o ka poe mana lakou i hoohanohano aku?
He mau olelo wale no keia e hoao ana e hhoino mai i ka aoao e imi ana i ka pono o Hawaii aloha, i kumu e puni aku ai na kanaka mahope o lakou a loaa hou ka lakou manawa e hoohilahila ai ia kakou, a e hapuku ai hoi i na dala o ka waihona. Ke imi nei lakou ma na ano apau e hoino i ka aoao Repupalika, aka, ua maopopo i na Hawaii i keia manawa oia wale no ka aoao e loaa ai ka pomaikai ia lakou, a ua kuni ia ka lae o Home Rula ma me kekahi kuni Moakaka, "O Bila Ilio Makou, O Pauaka ma, O Hapuku ma, o ko makou Pono ka Makou e Imi nei."
Aole loa he makemake o na Repupalika e kaupalena ia ka mana koho o na Hawaii a ina ke hana i'o ia nei ia hana e kue ikaika loa ana lakou. Oia kekahi o na hana e noonoo ia aua ma ka haiawai makaainana nui e haawi ia ana i ka po o ka la apopo ma ka Hale Paikau, a malaila hoi'e lohe iho ai na pepeiao o Home Rula ma ina manao naauao o na Repupalika ame ko lakou makee hoi i ka pono i loaa i la Hawaii. Aia ko kakou pono ma ka aoao Repupalika a ina no kakou @ @@ni hou ana i na @elo ana o na Home Elua e holo hou ana hoi kak@@. Imua e na Repupalika, a e nana i ka pono o ka lehulehu, aole i ka pono o na ilio ame ke kaa-hapaumi hoopomaikai ia lakou ma.
PEHEA LA E PAU AI?
Ke ninau mau nei kakou, "Pehea la e pau ai ka inu ana o na kanaka i ka waiona?" i kela ame keia makahiki, aka, aole he loaa iki o k haina maikai no keia ninau. Ma ka nana ana i ke kulana o ka oihana kuai waoina i keia manawa ma Hawaii nei, ua pii mahuahua ae e hoike mai ana hoi ia kakou, aole i waiho aku na kanaka i ka waiona, aka ke pau loa aku nei i ka inu iaia, a ulu hou mai no keia ninau, "Pehea la e pau ai?"
Aole makou e olelo ae ana ua loaa ia makou ka laau maikai e ola ai keia ma'i ahulau, aka, e hoike ana makou i kekahi mau manao maikai i loaa mai kekahi poe mai i noonoo nui i keia ninau. Aole no makou ponoi iho keia mau manao, aka, ua like loa ko makou manao me keia a nolaila ke lawe nei makou a hoike aku.
Ma ko makou nana ana, o ka hana maikai loa a ka poe hoole waiona e hana ai oia ke kukulu ana i mau hale inu o na ano wai e ae apau loa koe na wai i loaa ka alakohola . E kukulu ia keia mau hale ma na kihi alanui e like me na hale inu waiona e ku nei, e hoonani ia me na kii maikai, e hana ia no a like loa me ka hale inu lama koe wale no ka ae ana ia e inu na kanaka i kekahi kulu alakohola. I ka huli ana i na kii e kapae ia ae nohoi kekahi mau kii e kapae ia ae nohoi kekahi mau kii e ike ia nei ma na hale inu lama, a o na kii maikai oia ke wae ia mai. E hana ia i mau hale aina, i mau wahi e noho ai elike me ka loihi o ka hiki iaia ke noho ma ka hale inu waiona.
E papa loa ia na kahunapule ame na poe e makemake ana e hoohulihuli i ka hele ana aku e hana i ka lakou hana maloko o keia wahi elike me ka hiki ole ia lakou ke komo aku ma na hale inu lama. Ina e piha kekahi mau kihi o na alanui nui o kakou nei i na hale nani o keia ano, manao makou poino ka poe e lawelawe ana i ka oihana waiona ma keia hope aku. Aole no paha e pau loa ana ka inu ana o na kanaka i ka waiona, aka, e emi mai ana ka nui o na kanaka e komo ana ilaila a e oi aku ana ka nui o na kanaka e komo ana iloko o keia mau hale inu hou i kukulu ia ai, e inu i na wai maikai a kena na puu.
He mau manao keia i puka mai kekahi mau kanaka naauao loa mai. Ua noonoo maikai ia na aoao apau loa a ua ike ia, o kekahi kumu nui e nui nei ka poe inu lama oia ka loaa ole o kekahi mau wahi maikai na lakou e hele ai i like aku ka hamama ame ka maikai me na hale inu lama. He koko oni ko na opio, a e hele mau ana oia ma na wahi e loaa ai iaia kekahi mau hoaloaha e hoohala ai i na hora loloa o ka po. Aole ona makemake e hele i Murphy Hall e hoolohe ai i kekahi haiolelo a kekahi kahunapule, aole ona makemake e hele ma na wahi e noho malie ai oia a hiki i kona haule ana hiamoe, aka, ua makemake oia e hele ma kekahi wahi e loaa ai iaia ka manawa hauoli, he wahi i hiki iaia ke uwa, a hana elike me kona makemake, a nolaila hele oia ma na Hale inu lama. I kinohi hele oia malaila e hauoli wale ai no me kona mau hoaloha, aka, mahope mai inu liilii a pela a hiki i kona lilo ana i kanaka ona. Aole anei pela? Ina he mau hale kekahi elike me ka makou i hoike ae nei aole anei e hiki ana iaia ke hele aku ilaila me ka loaa ole iaia o kekahi o keia mau haawina ino?
Aole o ke a'o aku ka mea e pau ai, aka, o ka imi ana aku i ka makemake o na kanaka, kekahi mau mea nana lakou e huki nei iloko o keia mau hale, mawaho ae o na waiona. Ina e loaa ana ia kakou kekahi mau mea nana la kou e huki nei iloko o na hale inu lama mawaho ae o ka alakohola ame na waihoomalule kino a oni i ka lepo, manao makou oia mau mea ka kakou e waiho aku imua o lakou a e pau mai ana kekahi o lakou i ke komo ilaila a waiho i na hale inu lama. O ka kakou ia e olelo aku nei he ino ka waiona, mai komo oukou iloko o na hale inu lama o pau na kenikeni a oukou a oni i ka lepo, eia nae ke nui loa aku nei ka poe komo ilaila. He waiwai ole ka olelo, aka o ka hoolawa aku i ko lakou makemake me ka hoolei ana ae i ka ino, oia wale no ka hana makou e manao nei e make ai ka oihana kuai waiona iloko o Hawaii aloha nei.
Aole o ka inu a ona ka na kanaka e makemake nei ma na Hale inu lama, aka o ka hui hauoli ana me na hoa'loha me ka loaa ole o kekahi mea nana lakou e keakea mai. O ka loaa o kekahi wahi maikai e nanea ai me ka hele ole mai o kekahi mea a olelo mai, "E ua hewa oe e ku'u keiki, e huli mai oe o iho oe i ka lua ahi o Kehena." E hopu i ka pahikaua a oki ae i ke poo o keia Dimona, aole o ke ku aku i kahi e a olelo aku, "Inu he pahikaua ka'u moku ko poo?"
KE HOOMAKAIA NEI KA HANA ANA
Kohoia he Mau Komite e Hui aku me na Poo o na Hale Hana Nui
Elike me ka Nui o ke Dala e Loaa Mai Ana Pela e Maikai ai ke Kahua Paani no ka Hoomanao Ana ia Makinale.
He mau helu ae nei i hala ua hoike aku makou i ka hana e lawelawe ia nei ma Hawaii nei no ka hoomanao ana i ka Peresidena Makinale i haalele mai. Ua hoike pu aku nohoi makou ke makemake ia nei e hoolilo na dala e loaa mai ana mai keia hana mai no ke kuai ana i kekahi kahua paani maikai no na keiki a kakou.
I ka Poalua o keia pule i heomaka ia ai e kipa ma na hale hana o ke kaona nei no ke noi ana aku i ka lakou mau kokua ana no keia hana maikai. Ua koho ia he ekolu komite, oia o Andrew Baraunu, ka luna wai nui, J. A. McCandless, ka mea nana i hoala keia hana, ame Roy H. Chamberlain. O ka lakou hana oia ka hele mua ana ma na hale hana nui loa o ke kulanakauhale nei a ike i ka nui o na kokua e loaa mai ana mai ia lakou mai, a malaila e ike ia ai ka lawa o ka huina i makemake ia ame ka lawa ole. Ua makemake ia e loaa he $25,000, oia ka haahaa loa a ina nohoi e oi aku ana mamua o keia oi loa aku ka maikai.
Ua manao ia ina e nui mai ana ka haawi ana a keia mau hale hana nui o kakou e nui pu ana no ka haawi ana a na hale hana liilii mai, a hui pu aku hoi me ka kela ame keia e haawi ana e loaa ana keia huina i makemake ia a oi aku paha. O ke kumu o ka makemake ia e loaa ke kahua iwaena nei o ke kulanakauhale, a he pipii loa hoi na aina o ke kaona nei.
Aole o na makua wale ke lawelawe nei i keia hana aka o na keiki pu kekahi. Ma kekahi mau kula ke hookaawale nei kekahi mau keiki he hapaumi i kela ame keia manawa e loaa ai ia lakou no ka haawi ana aku no keia hana maikai. Oiai o lakou ana ke pomaikai loa ma keia hana oiai e loaa ana ia lakou kahi maikai e paani ai a e hoolana ai hoi i ke koko, ua kupono loa ko lakou kokua ana mai. Ua lohe mai makou e haawi ana kekahi mau keiki, ma keia mua koke aku, i kekahi ahemele a i ole kekahi mau hana oia ano e loaa ai ia lakou kekahi huina dala no ke kokua ana ma kela hana. He nui na kula e hoouna mai nei i na kenikeni i loaa mai na keiki mai, a ma kekahi mau kula ua loaa he mau palapala hoohanohano lehulehu no na keiki i uku mai i ka hapalua i makemake ia no keia hana.
Aole o lakou wale ke ike nei i ka pomaikai o kela hana, aka ua lohe wale ia mai o na kanaka opiopio kekahi e makemake nei e haawi i kekahi mau kinipopo ame na paani oia ano ma kekahi mau wahi e hiki ai ke auhau ia ka poe e komo ana e ike, a o na dala e loaa ana mai keia hana mai e haawi ia ana no ke kuai ana a hoomaemae ana i keia wahi paani oiai he pomaikai ia no ka lehulehu ma keia mua aku.
Ma ka nana aku e loaa ana ke huina i makemake ia no keia hana, a aole oia wale ka pomaikai e loaa ana aka e loaa pu mai ana he kahua paani maikai no ka lehulehu e noho nei ma ke kulanakauhale o Honolulu nei.
UA LAWE I PILI AOAO.
Hoohuii ma ka Berita Maemae o ka Mare ka Hon. R. Puuki.
Ua ike iho ia makou ua lawe ae ko makou makamaka a hoa'loha maikai, ka Hon. R. Puuki, kekahi o na Lunamakaainana o ka aoao Home Rula i pili aoao nona. He mau pule elua ae nei ka hana ana ia o keia hana aka, aole i loaa mai ka lohe la makoua a hiki mau la aku nei o keia pule.
Ua piha i ka mea hanohano ke kanalima makahiki a oi a akahi no o@@ a mare wahine. Ua manao loa ko@@ mau hoa'loha i ike iaia no kekahi n@@ nawa loihi aole loa oia e imi ana i pili aoao nona a hiki i kona kahea ana ia mai e ko luna poe, aka, he nu hou hoopuiwa keia ke lohe la aku e lakou. Aole loa he hiki i kekahi Lunamakaainana e imi ana i ka pono o ka lehulehu ka paa mai i kona puuwai mai ke kokua ana aku i "kekahi" o ka lehulehu. Iloko o kona makemake e hoopomaikai aku i ka lehulehu ua loaa mai la oia i ka ihe a kekahi kaikamahine o k kai pumahana o Waikiki a poino ka puuwai o ua hoa'loha maikai nei o ma kou. O ka makou e pule nei e hoohauoli ia mai ko laua mau la o ka noho mare ana, a e loaa hoi la laua na pomaikai he lehulehu.
Hoohlaha Mana Hookolokolo
ILOKO O KA AHA KAAPUNI O KA APANA HOOKOLOKOLO KAPUNI EKAHI, O KA TERITORI O HAWAII
CHRISTINE MORGAN
v.
HENRY VICTOR MORGAN
$2. Kuni Aupuni.
KA TERITORI O HAWAII:
I ka Makai Kiekie o ka Teritori o Hawaaii, a i ole ia, i kona Hope, ka Makai Nui o ka Mokupuni o Ohau, a i ole ia kona Hope o ka Teritori o Hawaii.
Ke kauohaia aku nei oe e kii aku ia HENRY VICTOR MORGAN, ka mea i hoopilia, ina e waiho mai oia i ka palapala pane iloko o na la he Iwakalua mahope aku o ka loaa ana o ka palapala kena ma keia hihia iaia, e hele mai imua o ka'Aha Kaapuni i oleloia ma ke kau o Novemaba oia Aha, e noho ana ma Honolulu, Mokupuni o Oahu, ma ka Poakahi, ka la 4 o Novemaba ae nei, ma ka hora umi o kakahiaka, e hoike mai i ke kumu e hiki ole ai ke hookoia ke koi a Christine Morgan, ka mea hoopii, e like me kana Palapala me kau hoike piha maluna iho o keia.
E IKEA ka Mea Hanohano A. S. Humphreys, ka Lunakanawai Mua o ka Aha Hookolokolo Kaapuni Ekahi, ma Honolulu, Oahu, i keia la 23 o Septemaba 1901. (Sila)
(Kakauinoaia)
J. A. Thompson, Kakauolelo.
Ke hoike aku nei au, o ka mea maluna ae he kope oiaio ia o ka palapala kii ma ia hihia, a ua kauoha ua Aha la e hoolahaia ia mea, a e hoopaneeia ka hihia a ke Kau o Mei, 1902, e hiki mai ana o keia Aha.
Honolulu, Oahu, Feberuari, 1902.
GEORGE LUCAS,
Kakauolelo.
HOOLAHA HOOKO MORAKI
I kulike ai me kekahi palapala moraki i hanaia mawaena o John T. Wright ame Lydia Wright, kana wahine, o Honolulu, Mokupuni o Oahu. Teritori o Hawaii, ame Emily C. Judd, o Honolulu, i hanaia i ka la 14 o Iulai, 1900, a i kakau kope ia hoi ma ke keena kope o ke Aupuni ma Honolulu ma ka buke 207. mai ka aoao 407 a hiki i ka aoao 409.
Ke hoolamalaha la aku nei ua makeamake o Emily C. Judd i hoike ia maluna ae e hooko aku i keia palapala moraki mamuli o ka uha'i ia o ka aelike, oia hoi ka uku pono ole ia mai o ke kumupaa ame ka uku panee i ka manawa i aelike ia ai.
A ke hoike pu ia aku nei, i ka pau ana o ekolu pule mahope aku o ka la mua e puka ai keia hoolaha, e kuai kudala akea ia ana na waiwai apau i paa ma keia palapala moraki, oia hoi na waiwai i hoike ia malalo iho, ma ke keena kudala o James F. Morgan, Luna Kudala, ma Honolulu, i ka Poaono, ka la 15 o Maraki, 1902, a i ka hora umi-kumamalua oia la.
EMILY C. JUDD,
Ma o kona @oio ma ke Kanawai
F. M. SWANZY
Hanaia ma Honolulu, Feberuari 3, 1902
O ka apana aina i paa ma keia palapala moraki oia kela apana aina ma Kulaokahua, ma Honolulu, i hoike piha ia e like me ke@a mau hoakaka ana malalo iho:
Apana 3, Block B-E hoomaka ana mai kekahi wahi ma ka aoao mauka o ke alanui Kinau, 200 kapuai ma ka Akau-komohana o ka pou pohaku garanaita, e hoike ana i ka aoao akau o ke kihi o alanui Keeaumoku ame Kinau a e holo ana ma ka helu Meridiana na pololei:
Akau 21 o 12', Hikina 90 kapuai e pili ala ma ka apana Ekahi, Block B; Akau 68 o 49', Komohana 50 kapuai e pili ala ma ka apana 22, Block B; Hema 21 o 12', Komohana 90 kapuai e pili ala ma ka apana eha, Block B; Hema 68 o 12', Hikina 50 kapuai e pili ala ma ke alanui Kinau a hiki i ke kiko i hoomaka mai ai, nona ka eria i hiki aku i ka 4,500 kapuai kuea.
Na na mea aku i koe e hui aku me Atkinson ame Judd, na loio o ka mea paa moraki, Judd Building, Honolulu.
2357- Feb. 7-14-21-28.
MA KE KAUOHA
TERITORI O HAWAII, KEENA KA PUUKU, HONOLULU, OAHU.
No na mea e Pili ana i ka Hoopau Noho Nui o ka "People's Ice and Refrigerating Co. Ltd."
Oiai, ua waiho mai ka PEOPLE'S IC REFRIDGERATING CO., LTD., he hui i kaupalenaia i kukuluia a e ku nei malalo o ka mana o na kanawai o ka Teritori o Hawaii, i ka lakou paia@@@ noi no ka hoopau ana i ke lakou noho hui ana malalo o ka mana o ke kanawai, me ka waiho pu ana mai i kekahi palapala hoike i pakui ia, e like me ka makemake o ke kanawai.
Nolaila, ke hoike ia aku nei ka lohe i kela ame kela mea i kuleana mamua aku, a i kuleana hoi i kela manawa iloko o kela hui kaupalenaia, ma na ano apau, e waiho mai i ka lakou mau kumu kue, ina he mau kumu kekahi, ma keia keena i ka la 4 o Maraki, 1902, a i ole mamua aku o ia manawa, a o kela ame keia kanaka i makemake e lohe ia kana mau kumu kue i keia palapala noi, e hiki kino ae me ke Keena o ka Mea Nona ka inoa malalo iho, i ka hora 1@ e ke awakea o ka la i hoike ia ae la maluna, n@ ka hoike ana mai i kana mau kumu kue, ina he mau kumu maikai kekahi, e hooko ole ia ai keia palapala noi.
WILLIAM H WRIGHT,
Puuku o ke Teritori o Hawaii. Honolulu, Ianuari 4, 1902.
Jan. 10 17 24 81- Feb. 7 14 21 88-Mar. 7.
KELA ME KEIA.
Ua nalowale he kaa hehi wawae "Rambler" helu 22892 he eha pule i hala ae nei a ina e loaa i kekahi kanaka e hoihoi mai i ka Lunahooponopono o keia pepa a e loaa no he makana kupono.
E malama ia ana kekahi halawai o ka Hui o Kahana, i ka POAONO, Feberuari 1, i ka hora Elua o ka auwina la ma ka LUAKINI ma Kahana, Koolauloa; no ka noonoo ana i kekahi mau mea e pili ana i ke kumu kanawai o keia hui, ame na hana e ae e hiki mai ana imua oia halawai.
JOHN D. HOLT,
Luna Nui Hui o Kahana.
(Jan. 24, 31.)
HOOLAHA AKEA.
Owau o ka mea non ka inoa malalo iho nei. Ke Hoike aku nei au imua o ka Lehulehu apau e ike mai ana i keia, ua haalele kumu ole mai ku'u wahine mare ia'u, oia hoi o Mrs. Hookohu Kikaha (w), e noho ana ma "Muolaulani" Kapalama, Honolulu a ke noho kaawale nei oia mai ia'u aku; a nolaila, ke papa aku nei au, i na poe mea Halekuai apau o kela ame keia ano, aole e hale ae iaia i kahi mea ma ko'u inoa; a ke papa loa aku nei hoi wau ia ka poe apau i pili iaia, aole e malama iaia, a o ka mea malama iaia e kue ana i keia, maluna iho no ona kona poho, aole nohoi au e malain@ iaia, aia wale no a hoi mai oia me a@@ elike me ko maua berita ia ana.
Oawu no me ka oiaio,
K. S. M. KIKAHA OUA, 3ts.-
HOOLAHA.
Ke hoike la aku nei ka lohe i kela ame keia, ua kuai ae o S. DECKER ame WM. FERNANDES i na waiwai apau o B. LICHTIG, na kii, na kiihoonui ia, na pihi, ame na waiwai a pau oia ano, a o kela ame keia e makemake ana e loaa aku ko lakou mau kii, mai na kii i waiho ia mai a hiki i na kii hoonui ia, a mau pihi paha, e hele ae e hui me maua ma ka Hale hana o W. W. WRIGHT, alanui Moi, e kokoke ala i ke alanui South, oiai aole mea okoa aku i ae ia e ohi i na dala me ko maua ae ole aku.
S. DECKER,
WM. FERNANDES.
Hoolaha Mana Hookolokolo.
HOOLAHA AINA AUPUNI.
Ma ka POAKLULU, Feberuari 26, 1902 i ka hora 12 o ke awakea, ma ka puka komo mamua o ka Hale Aupuni e kuai kudala akea ia aku ai ka hoolimalima o keia mau aina Aupuni i hoike ia malalo iho.
1. - Kela apana aina i kapaia na aina o Kaapoko, e waiho ala ma ka apana o Hilo, Hawaii, a oia no hoi kela apana aina apau e waiho ala maluna aku a mauka hoi o ke alanui Aupuni. Nona ka eria i hiki aku i ka 160 eka.
Manawa:- Elima makahiki.
Uku Hoolimalima Haahaa Loa:- $520,00 no ka makahiki, a e uku mua ia i kela ame keia hapa makahiki.
2.- Okela pana aina apau e waiho ala ma ka Apana o Koolau, Maui, e hoomaka ala mai ka palena pau ma ka Hikina o ke Ahupuaa o Honomanu, a hiki loa aku i ka palena pau ma ke Komohana o ke awawa o Wailua-iki, a mai ke kai mai a hiki i ka palena o ka aina o Haiku nona na eria i hiki aku i ka 12,500 eka.
E kuai ia ana keia hoolimalima malalo o na hooponopono pili ina aina ulu laau nui.
Manawa: - 21 makahiki.
Uku Hoolimalima Haahaa Loa: - $1,000.00 no ka makahiki, a e uku mua ia i kela ame keia hapa makahiki.
3. - O kela pana aina apau ma ka Apana o Koolau, Maui, e hoomaka ana mai ka aoao Komohana o ke awawa mawaena o ka aina o Kapaula ame Paukea (a i ole o Paakea), a o "Waiaaka" kekahi inoa o keia awawa, a e hoomaka hou ana mai ke kai a hiki i ka palena pau o ka aina o Haiku, a ua hiki aku na eria i ka 6,500 eka.
E kuai ia ana keia hoolimalima malalo o na hooponopono pili ina aina ulu laau nui.
Manawa:- 21 makahiki.
Uku Hoolimalima Haahaa Loa;- $4,000.00 no ka makahiki, a e uku mua ia I ka la 26 o Feberuari, 1902, a mahope
KOPA HOOLA~ILI
Aole mea i oi aku ke kupono @[unreadable word] malama ana ina keiki @@@@ mam@@ @@ hoauau pinepine ia, me ka lawel@@ @ ana i ke kopa maikai. Aole he k@@@ na kope holoi lole no na bebe H[unreadable word] mea aai koloko o ia ano kopa [unreadable] lawelawe la ana he mea ia @ @@@ [unreadable] na puupuu. Ina he hololia na wa[unreadable] ame puupuu, he mea ia e hooi a ka poino. Aole he mau mea h[unreadable] E hoemi mai no ia a e hoopau @@ hoi i na puupuu; a oia ke kopa @ loa no ka hoomaemae ana ina p[unreadable] no ka mea, aia maloko ona keka@@@ mea lapaau nana e hoola. Aole @@@ loaa kekahi poino o ka ili man@@@@ kopa.
Ua oi loa aku kona waiwai n[unreadable] welawela ia ana iloko o ka wai @@@ na bebe. E holoi i ke poo o na b[unreadable] ke kopa Hoola Ili, a aole loa e l@@@@@@
kekahi poino mamuli o na puup@@@@ ke poo a i ole ia na mea ola @@@@@@ i ka poe op@@pio. Mamuli o kon@@@@ laau, ua hoopau loa ia a pale loa [unreadable] na ano mai lele he nui.
O ke Kopa Hoola Ili ola ka mea [unreadable] kai loa no na kanaka makua. O [unreadable] lawelawe mau ia ana ka mae e [unreadable] ka helehelena maikai a e hoopalupa [unreadable] hoomaikai i ka ili. He pomaikai k[unreadable] maimuli o kona lawelawe ia ana. Maimuli o kona hoao ia ana e maop@@@ no i kela ame kela mea noonoo i k[unreadable] ano maikai maoli ma ke ano he [unreadable] lapaau ame auau.
He 25 keneta wale no ke kumu@@ e loaa no ma ka halekuai o KA HUI KUAAI LAAU O HOBR@@@ Mea Kuaii Laau Kuaa a Kuai [ureadable]
aku oia manawa, ma ke Keena o @@@@ Williams ma Honokaa, Hamakua, Hawaii, e loaa no ke noi ia malalo o na Kanawai ana o ka makahiki 1895, n@ ka mana kuai hoolimalima, a i hoike piha ia ma ka hapa VII o ke kanawai Aina i olelo ia maluna ae.
Kela mau aina ma ke "Kaapah@ Tract," Hamakua, Hawaii:
Helu Aina. Eria Kumukuai K@@@
42 19.50 $243.75
43 20.00 $250.00
44 20.00 $250.00
45 20.00 $200.00
46 20.00 $300.00
47 20.00 $200.00
48 20.00 $150.00
49 19.00 $142.50
50 25.50 $190.25
51 25.50 $190.25
59 22.00 $165.00
60 22.00 $165.00
61 21.50 $161.25
62 20.00 $150.00
63 20.00 $150.00
64 20.00 $200.00
65 20.00 $200.00
66 20.00 $200.00
67 20.00 $200.00
68 20.00 $200.00
69 22.00 $275.00
70 22.00 $275.00
71 22.00 $275.00
74 22.25 $278.12
75 21.25 $265.62
76 21.25 $212.50
77 21.59 $215.00
78 25.00 $187.50
79 27.00 $202.50
89 20.00 $150.00
90 23.00 $172.50
91 22.00 $165.00
92 22.00 $165.00
93 23.00 $230.00
94 23.00 $230.00
95 23.00 $230.00
96 23.00 $287.50
97 23.00 $287.50
A ma keia la hookahi no a @[unreadable] aku oia manawa, e loaa [unreadable text] malalo o na kanawai aina ka h[unreadable] lima o na apana aina i hoike ia [unreadable] iho, ke hele aku ma ke Keen@@ @@ Kaelemakule, ma Kailua, Kon@ O@au, Hawaii;
Aina Eria Kumukuai koh@
Papa I 930.00 $930.00
Ke hoolaha pu ia aku nei, o na aina apau i hoike ia ma ka papa kuhihuni malalo iho, e wehe ia ana no ka p@@ e noi mai ana malalo o na kanawai aina o 1895, no na Home hookuonoono i ka la 26 0 Feberuari, 1902, a mahope aku o la manawa.
PAPA KUHIKUHI.
1. - 23 apana aina ma Kaauhuhu tract Hamakua, Hawaii, no lakou na eria pakahi mai ka 5 a ka 10 eka.
2. - 8 apana aina ma Klula tract. Puna, Hawaii, no lakou na eria pakahi mai ka 8 a ka 16 16 eka.
O ka poe e makemake ana i na apana aina ma Kaauhuhu e hei@ kino aku i mua o Chas. Williams ma kona Keena ma Honokaa, Hamakua a o k@ poe e makemake ana i na apana aina ma Klula e hele kino aku imua o @ D. Baldwin ma kona Keena ma Hilo, Hawaii, a malaila e ike ia ai na palapala aina e hoike ana i ka wahi o kela mau aina, ame na mea apau i makemake ia. E wehe ia ana ko laua mau keena i ka hora 9 o ke kakahiaka Poaha, Feberuari 27, 1902.
E loaa no na pea apae e @@@ @@@ i keia mau apana aina ma k@ K@@@@ Aina Aupuni, ma Honolulu, ke @@@@@@ ma ke Keena o E. D. Baldwin, H@@@, Chas. Williams, Honokaa, Hawaii, J. Kaelemakule, Kailua, Hawaii; ame W. O. Aiken, Paia, Maui.
Kakau Inoaia EDWARD S. BOYD.
Komisina o na Aina Aup@ni. Ianuari 15, 1902. (Jan. 24-31-Feb. 7.)
NA WAIWAI MAIKAI LOA
Ua loaa mai nei ia MACFARLAND & CO. (Makapolena Ma) kekahi [unreadable] waina Kaleponi maikai loa i hana @ e na hale maikai loa. Ke kuai [unreadable] no ke kanalima keneka o ke k@@@@ hookahi. He mau waiona e ae n@ @@@ kahi no na kumu kuai kiekie ik@ @@@ Ina ua makemake oe e loaa pa lama maikai e hele aku i ka hale kuai lama o MAKAPOLENA, ka Hale kuai kahiko i kamaaina ia kakou.
(Jan. 17 - 24-31. - Feb. 7.)
HOOLAHA .
O kela ame ke@a e loaa aku an@ @@ ka ae ole ia, maluna o na aina o DR. JAMES WIGHT, e hoopii ia ana oia no ke komohewa elike me ke kanawai.
per. THOS. S. KAY,
Kohoala, Ianuari, 27, 1902. Att. in Fact.
Feb. 7-14.