Ka Nupepa Kuokoa, Volume XL, Number 3, 17 Ianuali 1902 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Na Hunahuna Mea Hou

 

            Nui na wahi e powa la mai nei.

 

            Ke ku-e nei na Hawaii me na haole in a limahana Asia.

 

            Ua holo aku ke Komisina o na Aina Aupuni no Wasinetona.

 

            I ka la apopo e lawe ia ae ai o Keoki Rosa imua o Lunakanawai Wilikoki.

 

            Ke lohe ia nei ka leo o ka Bana Lahui i keia mau la. Hauoli lakou ma Hilo.

 

            Kokoke e holo na kaa-uila no Waikiki. Ke hoolala ia nei no ka hoomoe ana i ke a@ahao.

 

            E haawi ana o Mrs. R. W. Wilikoki he ahaaina i kela ahiahi ma kona home ma Puowaina, no kana keiki.

 

            Ua make ke Kahunapule Paele ma Wailuku, Maui. He hookahi makahiki wale no kona noho ana ma Hawaii nei.

 

            Ke hauoli nei o Willie Simerson no ka loeaa hou ana o kekahi malihini uuku ma kona Home i ka Poaha o ka pule i hala.

           

            Aole makemake o Mrs. V. M. Fitsimmons, he ma'i lepera e ae @a kana kane e hoi aku ma ke kahua ma'i ma ke ano he kokua nona.

 

            Mai poina i ka hele i ka Ahamele ma ka Halemele Hou i keia  po Poaono. Malaila e lohe ia ai ka leo o na kaikamahine o ke Kula o Kamehameha.

 

            Ua holo hoomaha aku o A. W. Pearson, Luna Nui o kela pepa, ma Hawaii O Mr. C. Crane ma kona wahi a hiki i kona hoi ana mai.

 

            Nui na Poko Riko e hoopaa ia nei ma Kawa no ka hana ole. Ua lawe ia mai no na mahiko, aka, e hana ana ma na Alanui.

 

            HE MEA MAIKAI E IKE KAKOU.

 

            He mea maikai ke ike ole kakou he puuwai ko kakou. He mea maikai no hoi ke ike ole kakou he mau ake ko kakou. Aohe maikai ke ike kakou he mau mikini hana kekahi o kakou o loko. Aole kakou e ike in a he maikai ka hana ana o ke@a mau mikini. I ka manawa mua loa e ike ai kekahi he mau mikini hana kekahi iloko o kona kino e hoike mai ana iaia ua hewa ka hana ana a kekahi o kela mau mikini, a ua loaa ia hoi kona kino i kekahi ma'i. O ka ninau mua loa e komo mai ana oia no kei, heaha la ka pilikia a pehea la e ole ai kela ma'i? O ka hapanui o na ma'i e loaa nei no ka inoino mai no ia o ke koko. O ka laau maikai loa no ka hoomaemae ana i ke koko oia no ka laau a na Ilikini, Sagwa. He laau keia i huli ia e ka noeau o na Ilikini no kekahi mau makahiki loihi a hiki i ka loaa ana a ua hiki loa ke olelo ia ae o kela kekahi o na laau maikai loa i ike ia i keia mau la. Aole hookahi laau i ike ia i keia mau la i oi ae kona maikai mamua o ke@a laau, a e hoike mai no ka poe i hoao i ke@a laau i ke@a mau mea ia oukou. O ke koko oia ke aa e ulu a ke kanaka, a in a ua maemae ke koko aole loa e loaa ana kekahi kanaka i ka ma'i. O keia laau Sagwa he laau hoomaemae keia i ke koko, a i ka maemae ana o ke koko o ka pau loa ae la no @a o ke@a mau ma'i like ole i loaa mai i ke kanaka. O keia iho la ke kumu lanakila o ke@a laau i ka hoola ana i na ma'i i ola ole i kekahi mau laau maikai e ae. Ua hanaia keia laau mai loko mai o kekahi mau lau laau ame na aa laau i hula ia e keia poe Ilikini i noho a make iloko o na ulu laau. Ua ike lakou i kela ame keia lau laau a mai loko mai o loakou koho ia ai keia mau lau maikai no ka hoomaemake ana i ke koko o ke kanaka. He laau keia mai luna loa mai, a in a aole oe i hoao i keia maau he mea maikai e hoao i keia manawa. O kela ame keia kanaka e hoao ana i keia laau e pau ana kona makemake ana i na laau okoa aku a o ke@a wale no kona laau. Aole hookahi laaui like ka maikai ame ka hiki wawe o ka hoola ana e like me ka Indian Sagwa o Hobron Drug Co., na Agena o ke@a laau, ame na laau Kikapoo apau me Hawaii nei.

 

NA KAA-UILA NO WAIKIKI

 

KE HOOMAKA IA NEI E HOOLALA NO KA HOOMOE ANA AKU I KE ALAHAO.

 

            Ma ka Nupepe Advertiser o ka Poaha nei ua ike iho @a makou ke hoolala ia nei no ka hoomoe ana aku i ke alahao o ke kaa-uila a hiki loa i Waikiki i heia manawa ua holo loa aku na kaa-uila a hiki ma kela aoao mao @ o ke kula o Punahou, a e hoomoe ia aku ana ke alanui hou mei ke alanui Wilder aku a hiki i ke alanui Alekanekero, a holo aku ma ia alanui a hiki i ke alanui Beretania, a holo ma ke alanui Beretania a hiki i ke alanui McCully a ma ia alanui a loaa ke alanui pololei no Waikiki. Ma kela alanui hou e loaa ana ia lakou he 6,300 kapuai hou, a e pilikia loa ana hoi o Kaa-hapaumi.

            I ke@a manawa aia wale no ke ola o kahi kaa-hapaumi ma kela alanui oiai aole he holo o na kaa-uila ma laila aka in a e holo loa ana na kaa-uila no Waikiki make loa ana na wahi hoki wiwi a Mr. Pain, ame na kaa lepo. E pomaikai ana ko Waikiki poe i ka loaa ana ia lakou o na kaa maikai a pau hoi ka holo ana iluna o na kaa lepo.

            Mamuli o ka ike ia ana o ka hikiwawe o ka hana ana a ka mea nana i hoomoe ka alahao no Kalihi, ame ka maikai pu no hoi o kana hana ua hooholo ia nana no e hana aku kela alanui hou. He loihi kela alanui a he mau wahi hoi kekahi e hoopihapiha ia ana i like ae ai ke alanui me ke alanui aupuni. Aole e loihi loa ana mai kela manawa aku holo kaa-uila kakou a hiki loa i Waikiki, a in a kakou e makemake ae e hele e auau kai aohe kali ana no na kaa lepo o ka hui Kaa-Hapaumi a@a kau no me na kaa-uila a he mau minute helu wale no noho ana i Waikiki.

 

Hoopalau ke Kaikialii Kawananakoa me Miss Abbie Campbell.

(Mai ka aoao i mai.)

 

Campbell âme Mrs. James Campbell e pili ana no keia hoopalau a ua hoole mau ae laua. I keia manawa ua hoike ia ae la i ke akea.

            Ua mare ia, ina he pololei ka hoike a na nupepe, ke Keiki Alii Kawananakoa ia Miss Abbie Wahiikaahuula Campbell i ka la eono o kela mahina, oia hoi ka Poakahi o ka pulei hala.

 

HAUOLI NA HOA'LOHA.

 

            Nui ka kauoli i ike ia ma ke Keena o Kapiolani Estate i ka lohe ana ia mai o ke@a nuhou hauoli. Aole i loihi ua piha koke keia Keena i na hoaloha o ke@a mau opio, e owa@a ana i na Kiaha Champagne ame na wai o ke ola i loaa aku. O Keoni Kolopana ka mea nana i kahea ke ola o na opio. O Jesse Makainai ame Kaulukou kekahi mea haiolelo.

            Ma ke home o ke Kaiki Alii ua malamaia kekahi luau hauoli no keia nuhou ano hui. He iwakalua a oi i kono la e hui aku, a i ka pau ana o ke keaka a na Paele ua hoi aku la lakou malaila e hauoli like ai.

 

KEIKI ALII KAWANANAKOA.

 

Make o Joe Rosa ma kona Home.

(Mai ka aoao 1 mai.)

hoi ana i ka wanaao Lapule ua ike aku la oia ia Joe Rosa e moe ana iluna o ka papahele iluna o kekahi uluna i hau kae i ke koko. Ua ike aku la nohoi oia i ke koko e kahe ana ma ke lae o Joe Rosa. Aole oia i manao ua nui loa keia eha a noleila ua hoi loa aku la no oia no kona hale. Aka i kona loke ana mai ua make hikiwawe keia Joe Rosa, ua manao wale ae la no oia malia ua make oia mai keia eha ana i kika ai, a nolaila ua makemke oia e hoike aku i na mana aupuni i kana mea i ike. Aole oia i olelo mai ua make i'o mamuli o ka pepehi  @a ana paha, aka o kona ike wale ana no i keia eha kana i hoike aku.

            I ka ninaninau ana ia o Mrs. Joe Rosa, ka wahine a ka mea i make ua hoike mai la oia penei. I ka po Poaono nei ua ulu ae la kekahi hoopaapaa mawaena on a ame kana kane maloko no o ka laua home, a ia laua e hoopaapaa ana ua komo mai @a o Keoki e huli mahope o ka wahine a kue hoi i kona kaikuaana a no keia kumu ua ulu ae la kekahi hoopaapaa mawaena o Keoki ame kona kaikuaana i make. I kona ike ana aku i ka nui loa o ka laua hoopaapaa ana ua maka'u oia a holo aku la e pee iloko o kekahi wahi o ka pa. I ka hora elima o ka wanaao Lapule ua hoi hou aku la oia no ka Hale a iaia i komo aku ai ua ike aku la oia i kana kane e waiho mai ana iluna o ka papahele me kona poo i haukae i ke koko. Ma kona aoao ua ike aku la oia i kekahi  pauku hao i baukae i ke koko ame kekahi pahi liilii i haukae i ke koko.

            Mahope o kona hoomaemae ana i ke koko o kana kane ua kahea ia ke kauka i hoike mua ia ae nei. Ua hana ke kauka i kona ike, aka i ke kakahiaka Poakahi nei ua haalele mai ia kana kane i keia ola ana. I kona make ana ua hele aku la o Keoki rosa a hui mena makua Kakolika no ka ae an mai e kanuia ka mea make ma ka pa ilina o na Kakolika. Ua hoike ia mai la ua a@e lakou i kekahi mea i ka Luakini no ke@a pa a aole e ae ia a hiki i ka uku ana ia aku. Ua uku koke ia @a aku la ke koena i koe iho a lawe ia aku la kana kane a kanu ia malaila. He umi kumamamkahi i hele aku me ia ma kana huakai hope loa.

            I ka pau ana o ka ninau ana ia o ke@a wahine ua ninau ia o Keoki. Ua hoike mai la o Keoki ua hoopaapaa no o@a me kona kaikuaana i ka po Poaono aka aole laua i hakaka. Ua ike aku la nae ka Hope Makai i kekahi mau eha hou loa ma kona lima, a i ka ninau ana ia aku o ke kumu o kela mau eha ua hoike mau la oia i hina oia.

            I ka ninau ana ia o ke keiki, ua hoike mai la oia ua ike oia ia Keoki i ka uhau ana i kona muakane ma ke poo me kekahi apana hao.

            I ka pau ana mai o kela mau olelo ike apau ua kauoha aku la ka Hope Makai Nui e hoopaa ia keia Keoki Rosa ame keia Mrs. Joe Rosa me ka hale paahau, a hiki i ka maopopo ana o keia hihia. Ua hoouna koke ia o Kapena Paka e hele i ka hale o ka mea i make a e hule i ka apana hao i hoike mua @a ae nei ame ke@a pahi hana @a@e. I ka hoi ana mai o Kapena Paka aole i loaa lala kela mau mea i makemake ia aka ua loaa aku la iaia ka uluna i haukae i ke koko, ame ka pale uluna. Ua holoi ia keia pale uluna aka ua hiki loa no ke ika ia iho ke koko.

            Ua hoike pu ia aku la ka lohe i ka Peresidena o ka Papa Ola a hoouna ia aku la kekahi mau kanaka i hilinai ia e huai hou ae i kona kino. Ua lawe ia mai la kona kino make ma ka hale nana kino make o ka Papa Ola, a malaila i huli pono ia ai ke kumu o kona make ana. Na Kauka McDonald i nana kona kina make.

            Ua loaa aku la he mau eha lehulehumaluna o ke kino a ka mea i make aka maluna o kona poo ka eha nana i kaili kona ola. Ma ka aoao hema o kona poo ua ike ia aku la kekahi wahi puka uuku loa, a ua komo loa keia puka iloko o kona lolo. O kekahi mea i ike ia he uuku loa ke@a puka ke nana aku mwaho aka i ka nana ana ia iho o loko ua ike ia iho la ka nui ame ke akea e hoike ana hoi ua owiliwili ia i ke komo ana iloko. Ua manao na kauka ua hou @a kona poo me kekahi pine loihi a wiliwili ia iloko a hiki i ka poina ana o kona lolo.

            O Keoki Rosa kekahi o na keiki hana o ke Keena o na aina Aupuni a he kanaka hoi i kamaaina i ko Honolulu nei. O kona kaikuaana i make aku la, he hoonoho hua pai palapala kana hana mamua aku nei. He 35 ka nui o kona mau makahiki i kona manawa i haalele mai @a. O laua na kaikaina o Antone Rosa i make, kekahi o na loio kaulana loa mawaena o na loio Hawaii o kakou. He hookahi kaikaina okoa aku, aia oia ma Manoa kahi i noho ai.

            Ua kahea ia ke@a kiure: W. C. Wilder, W. C. Snider, G. B. Curles, HermanKubey, W. F. Sabin, ame H. M. Ayer, no ka noonoo ana i kela hihia a penei ka lakou olelo hooholo:

            "Ua make o Joe Rosa ma Honolulu Mokupuni o Oahu, i ka la 1@ o Ianuari 1902, mamuli o kekahi eha ma kona poo, e hoopilikia ana i kona koko ame kona loio, a ua manao ke@a kiure ua loaa iaia keia eha mai kekahi mea oiai mai, ma ka lime o kekahi kanaka i maopopo ole i ke@a kiure."

            A. M. BROWN.

            Korona

            GEO. B. CURTIS.

            WM. D. WILDER.

            WM E SCHNEIDER.

            H. M. AYERS.

            W. F. SABIN.

            HERMAN KUBEY.

            Mamuli o keia olelo hooholo a ke kiure kolonero ua pa ia o Keoki Rosa e ka Makai Nui no ka hewa Pepehi kanaka ma ka Dekere Ekahi. Ua manao ia nana i kaili ae ke ola o kona keikuaana ma ka hou @a ana o kona poo me kekahi hao winiwini.

            I ka auwina la Poalua nei ua hele hou aku la o Kapena Paka ma ka home o ka mea i make a malaila ua loaa aku la iaia kekahi mau mea i makemake nui loa ia no ka hoikeike ana ae i keia mea i hana ia ma kahi malu. Iloko o ka pa mahope hoi o kekahi pa papa kiekie ua loaa aku la ia Kapena Paka kekahi pahi pate au ole, ame kekahi hao kaha kii winiwini. Ua ike ia kekahi mea eleele maluna o keia hao a i ka lawe ana ia e nana pono ia e ka mea ike ua hoike mai @a oia he koko.

            Ua ninaninau pono ia o Mrs. Rosa e Kapena Paka, a ma keia ninaninau ana ia ua puke mai la kekahi mau mea i makemake nui la. Ua hooku'u ia nau oie mahope o ka pau ana o ka ninaninau ana ia. Imua o ke kiure ua hoike ae keia wahine oia ke kumu o ke hakaka mau o keia mau kanaka. Ua lili kekahi i kekahi. Ma ka nana aku ua hana ia kela hana i ko laua manawa on a, a ua ulu mai hoi kela hakaka mamuli o ko laua aloha i ka wahine hookahi. Ua hoike pu ae nohoi ke@a wahine aohe he hana a kana kane a he ona wale no ka hana a na Keoki lakou e malama nei."

            I ka Poakolu nei ua lawe ia aw o Keoki imua o ka Aha Apana no ka lohe ia ana o kona hihia a waiho ia aku imua o ke kiure, aka ua hoopanee hoi ia a ke kakahiaka Poaono. Imua aku o ka Aha e maopopo ai ka hewa ame ka hewa ole. O J. K. Kaulukou ame A. G. M. Robertson na loio o ka mea i hoopii ia.

 

KO KELA AME KO KEIA LA MAU MEA OIAIO.

 

Ke hoike mai nei no o Honolulu nei i Kona Kuleana--Mai Kawaiahao Mai Keia.

            Heaha la ka mea e lilo ai kekahi mea i mea oiaio? Aole anei @a he hana, a he olelo paha i ikela kona oiaio ana? Heaha la ka mea hoike oiaio e pau ai ke kanalua o ko Honolulu nei kamaaina? O ka olelo anei a kahi kanaka i hana ai ma Texas a ma Kaleponi paha? Ale o makou manao pela; aka, ma ka wa e hoike mai ai kekahi o ko kakou poe kamaaina iho nei, e hooiaioia hoi e ko kakou poe iho nei, aohe mea e kanalua ai no u aolelo la. O keia iho la ka mea a makou e olelo ai, he mau mea oiaio, a he mau mea oiaio e ike@a ana la mau mea i na la a pau. Mai manao oukou i ka makou mau olelo ana aku. Ina kanalua oukou no ka makou mau olelo, alaila, aohe hewa ke ninau i ike@a ai ke oiaio. Aole e hooia wale ana na kanaka ma ka ike ole i ka oiaio oia mau mea.

            Penei ka Rev. J. Nua o Kawaiahao hoike mai ia makou: "Ua loohia au i i ka ma'i ma na puupaa a me he mea la, ua loaa mai ia'u keia ma'i, mamuli o koʻu hapai ana i na mea kaumaha i ko'u wa opiopio. O ka eha mawaena ponoi o ko'u mau puhaka, ma ka kua, oia kahi hoailona o ko'u ma'i. Me he mea la, ua loaa au i keia ma'i i ka 28 o ko'u mau makahiki, a o ke 49 hoi ke@a o ko'u mau makahiki i keia wa. Iloko o ke@a manawa a pau, e eha mau ana ko'u kua. Ua mau ke@a eha ia'u oiai no nae au i kii aku ai i na kauka lapaau he ni, inu ai a kau iho nohoi i na laau he nui. Aole loa he wahi maha i loaa ia'u mai ke@a poe laau mai, elike la me ka maha ame ka oluolu i loaa ia'u mai na Huaale mai a Doan no ke Kikala Haneenee ame na Puupaa. Ua maikai loa au, mai ka wa mai a'u i ai ai i ke@a mau Huaale. Ua ike au, me ka hauol, i ka hopena maikai i loaa ia'u, mai ke@a mau Huaale mai, a e malama mau ana au i mau Huaale ma k@i e loaa aku ai ia'u, o ka oi aku nae, ma ko'u wa e holo aku ai mai Honolulu nei no ka Oihana Misionari ma ka Pakipika Hema. Aole laau like me na Huaale a Doan no ke Kikala Haneenee ame na Puupaa no na ma'i o na Puupaa e pela aku.

            He mea waiwai nui ke kii ana a loaa na Huaale a Doan no ke Kikala Haneenee ame na Puupaa. Nolaila, e ninau no na Huaale e Doan no ke Kikala Haneenee ame na Puupaa.

            E kualia ana na Huaale a Doan no ke Kikala Haneenee ame na Puupaa e na poe kuai laau lapaau, apau ame ne poe malama halekuai ma ke 50 keneta no ke poho (eono poho no $2.50) a e hoounaia aku nohoi ma ke eke leta, e Hollister Drug Co., Honolulu, no Agena kuai nui no ko Hawaii Pae Aina, ke loaa mai ke kumukuai.

 

Nui na kanaka e kuai nei i na pu panapana.

O KE KUMU OIA NO KA NUI O NA WAHI E POWA IA NEI I KEIA MAU LA.

 

            Ma ka huli pono ia ana ua ika ia aku la ka nui maoli o na wahi e powaia nei i keia manawa, a mamuli paha o keia lohe mau ia o ka powa mau ia o na wahi like ole ua hele nui aku na kanaka e kuai i na pu panapana ame na mea oia ano no ka hoopakele ana i ko lakou oia mai keia mau kanaka powa mai. I ka ninau ana ia o na hale kuai e kuai nei i na pu panapana ua hoike like mai la lakou i ka nui o na pu panapana a lakou i kuai ai. Mai ka hoomaka ana e hoike ia ka powa ma Honolulu nei a hiki wale no i ke@a manawa ua ike ia ka hele mau o na kanaka e hana ana i ka po e kuai i na pu panapana, a aole o lakou wale ke kuai nei aka o na kanaka e noho ana ma na wahi mamao mai ke kulanakauhale nei aku. I ka manawa e iho mai ai i ke kaona nei a hoi aku ike aumoe aole i maopopo ia oe kau mea e hui aku ana ma ke alanui a no kela kumu ke kuai nui ia nei ke@a mau pu.

            Aia he kanawai e papa ana i ka lawe ana ma kou kino i na pu panapana ame na mea make o @a ano, aka, aole paha na makai e hoopilikia wale mai ana i na kanaka e holo ana me ka makaukau in a ua ike la he pilikia i'o mamua ona. O ka pilikia wale no o ka hoohana @a aku o kela mau pu maluna iho o lakou iho. Ina paha ua malama ia no ka hoopakele wale ana no ia oe iho mai ka lima mai o na powa aole loa paha e lawelawe ia mai ana oe e na lima o ke kanawai.

            O kakou o na Hawaii kekahi poe pilikia loa, oiai he lahui kakou i m@@ i noho'na maluhia a aole hoi i maa i ka hele ana me na pu panapana ma ko kakou mau pakeke. He olelo ia na kekahi poe mai na aina mamao mei, ua hiki loa ia lakou ke powa i na kanaka Hawaii oiai aohe a lakou mea make, aka, mamua o ko lakou powa ana i kekahi haole e nana pono mua ana lakou, oiai he maa lakou i ka hele ana me ka makaukau.

 

Hala ia Makuahine

 

            I ke kakahiaka Poakahi nei i haalel@ mai ai o Mrs. Grace Barras Kahalewai i keia ola ana ma ka home o Gustave Rose, kana keiki. No kekahi mau pule kona moe ana ma ka moe ma'i a ua hooikaika kana mau keiki @ oia nei e paa mai i kona ola makamae aka ua hiki oia i ka mana o ke kala ame ka ike o na kauka k@ paa mai i ka uhane ola. O Mrs. Kahalewai kekahi o na makuahine i ike ia a i aloha ia e kakou a @ @@@ mai ana na haawina kuumaha maluna o kela ame kela i ike a i aloha hoi iaia. Ua piha iaia ke kanaha kumamaiwa makahiki i kona manawa i haalele mai la i kela ola ana. Oia ka makuahine ponoi o Mr. Gustave Rose, Mrs. Frank Kruger ame Mrs. Grace Chapman, a kaikuaana hoi o Mrs. James Boyd, Mrs. J. W. Robert@@@ son, Mrs. J. O. Freeth, a kaikuahine hoi o W. M. Green. Ua malama ia kona hoolewa i ka Poalua nei.

 

Halawai a na Poola ma ka Halepaikau

 

Makemake lake e paio like no ke ana i na Limahana Asia.

 

No kekahi manawa i hala @e nei ua ike na poola o keia kulanakauhale i ke kupilikii o ke kulana o ka lakou hana mamuli o ke komo ana aku o na Kepani e lawelawe i na hana i lawelawe ia e lakou ma keia mua aku nei. Ua ike lakou, in a aole lakou e ala ana i keia manawa a ku-e aku ia lakou, e hiki mai ana ka manawa e pau loa aku ai na hana i na Kepani i hiki ke ola no na keneta helu wale no o ka la. No keia kumu ua hoala ae la kekahi o lakou i hui no ka hui ana mai o na poola Hawaii ame na poola haole a kue like aku i na kepani.

            Ua malama ia ka lakou halawai mua loa ma ke kahua pauahi o Kaumakapili kahiko, a ma keia halawai ua hoikeike ia ae ke kulana pilikia o ka lakou hana, a koi ikaika ia aku na poola apau e ku like. Mai ia manawa mai ua mau ka ikaika o kela hui, a ma ka po Poakolu nei ua malama hou ia kekahi halawai nui ma ka Hale Paikau, a ma keia halawai ua kakau inoa aku he 130 kanaka no ka hui ana a paio aku i na Kepani, a aole o lakou wale ana no ke paio ana aka @ia aku no, a ke manaolana nei hoi makou e hui ae ana na poola apau @a ma keia hana.

            Oiai ke paikau ka kekahi o lakou ua kali ka lakou halawai a hiki i ka pau ana o ka paikau a ia manawa i kahea ia ai ka halawai. O ka hana nui wale no i hana ia oia ke koho ana i ko lakou mau alakai. Ua hooholo ia i Peresidena. Hope Peresidena, Kakauolelo, ame kona hope, Puuku ame kona hope, a i luna hooko me kona hope. I ke koho ia ana o na luna nui o keia hui ua lilo o William Kaeo, ka Peresidena, Fred Kauwahi, kakauolelo, John Wide, Hope Kakauolelo, Nika Puuku.

            Mahope o ka pau ana o ke koho ana i na luna nui ua ku mai @a o Mossman a hoi mai la e koho ia i komite o ehiku iaia no ka hana ana i kumu kanawai ame na rula no keia hui, oiai he hana nui a in a e waiho ia ana a haiki ka manawa aole e maikai ana na kanawai. Ua koho ia o J. K. Mossman Capt. Holi, John Wise, Nahore Hipa, Fred Kauwahi, W. Olipau, ame Paulo Hipa.

            E malama hou @a ana kekahi halawai o keia ano i keia Poakolu e hiki mai ana ma ka Hale Paikau i ka hora7:30 o ke ahiahi, a ua makemake ia na poola apau ame na kanaka e makemake ana e kokua i na poola ma keia hana e hele aku ma ke@a halawai.