Ka Nupepa Kuokoa, Volume XL, Number 3, 17 January 1902 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA KUMAU

 

Hui Alahao ame Aina o Oahu

Mahope aku o Ianuari 1, 1902

MANAWA HOLO.

 

Wahi                            Na la apau       Na la apau       Na la apau       Na la apau       Na la apau

Hoolulu                       koo ke                                                 koo ke

Ma Honolulu               Sabati                                      Sabati

        aku

                                    a.m.                 a.m.                 p.m.                 p.m.                 p.m.

Honolulu                      7:10                 9:15                 11:05               3:13                 5:10

Pearl City                     8:02                 9:48                 11:40               3:47                 5:30

Ewa Mill                     8:32                 10:08               12:00               4:05                 6:10

Waianae                                              10:@0                                     4:45

Waialua                                               11:55                                       5:10

Kahuku                                               12:32                                       6:15

 

Mai wahi mai              Na la apau

a i @@Hoolulu           koo ke            

Ma Honolulu               Sabati              Na la apau       Na la apau       Na la apau

 

                                    a.m.                 a.m.                 p.m.                 p.m.

Kahuku                                               5:35                                         2:08

Waialua                                               6:10                                         2:50

Waianae                                              7:10                                         3:55

Ewa Mill                     5:50                 7:45                 1:35                 4:32

Pearl City                     6:15                 8:02                 1:30                 4:52

Honolulu Plant            6:50                 8:32                 2:05                 5:26

            G. P. DENISON, Luna

            F. C. SMITH, Luna Kaui Palapala Holo.

 

LYLE A . DICKEY

@ai na Mokupuni mai.

@@ hookoia na hana pili kanawai ana

@ihi o Alanui Bet@la me Moi.  Pa@@

 

 

 

 

 

 

 

METROPOLITAN

(@@@i Kuai Pipi @@@rro politan.)

J. WALLER (Waia) – Luna N@@

108 Alanui Moi

@e Kuai a Hoolako i na Moko

Me

@na Io Pipi, Hipa a Pela’k@

Loaa mau ana na Manu ame na @@ mano I hoohu’ihu’iia Moko a ka Hao

Makepono ke Kuai I na I’o Pipi mae

@LEFONA HELO                @@

3786-@@

 

KOKO MAEMAE

OIA KE KUMU O KE OLA KINO MAIKAI . . . . . .

A AYER SASAPARILA

Ka mea e maemae ai ke koko, ikaika @aa-lolo, ono ka ai, pau ka poluluhi, @@aikai maoli ke ola.  He mau tausani @@a kanaka i hoike no ke ola o ka @@u Sasaparila a Ayer.  Ke hoea inau @@ nei ka lakou mau palapaia ma kela @e keia eke leta.  Aohe keia he laau @@ ka hoao wale ana.  Ke hooia mai @@ kela poe leta apau, “Ua ola au i ka @u Sasaparila a Ayer.”  O kekahi

 

WAHINE NAWALIWALI

@@le a pili mau ka ili i ka i ela moa, hoohia i ka ma’i papalahu ai ili, i e hoi a wiwi, a pela hoime ka ma’i hoohia mau: ai lakou na wahine, ka@@ mai ia oia no kona ola loa ana. @@ makamake oe e hoopomaikaiia oe @a pomaikai i ikeia e kela poe, a @@ la oe ke ola kino maikai i ikaika @@la. e inu oe i ka laau hoomaemae @@o a hooikaika kino hoi.

 

@a Laau Sasaparila a Ayer

@@ makaala loa no na laau hoohalike@@ kumukuai emi.   Ka inoa o keia @@ oia ka AYER SARASAPARILA keia ana keia inoa mawaho o ka @@@i, a maloko nohoi o ke kino e @@ ame keia omole.

@@UAALE A AYER          I u@iia me ke ko, @@ ono ka @@ ana

 

 

KEAHA

I Hookawelewe le loa aku ai oe I kela

Anu, Kunu Puu Eha?

@@ kaulana loa ka LAAU KUNU @  @@R (Ayer’s Cherry Pectoral_ iloke @@ makahiki he aneane 60, ma ka @@ ana i na Ma’i o ka Puu ame k@ @@mama, ke Anu, ke Kunu, ka Mai’i @@Rippe, ame ka Ma’I Ma@a o ka paie @@@@, a he olalo ke ola.

AYER’S CHERRY PECTORAL

@@@@ @@ia mai ea Hoikeike Nui o ke Ae

 

@@we i @@ Laau Emi I Hooha@kela me k@@@

HOLLISTER DRUG CO., LT.

@@ Agema me ka Paeaina Haw@

 

 

LEONE NOEIA

Ke Kaikawahine a ke Kaua ka Mai@ai

            “Ke haawi aku nei au i ka’u oleia hooana ia oe, iloko o na la pokole@ e hike mai ana ka hopena o kou mau pipilikia apau,” i olelo aku ai ke kaunawahine.  “A no, e Mariana, e haawi mai i ka hilinai ana apau maluna o’u.  Manao au aole oe i ai i kou aina kakahiaka i kaia kakahiaka.”

            Ua laau aku ia ke kaunawahine i kana kaikamahine e uwe ana, a honi iho la iaia..

            “E haawi mai i kau hilinai ana,” i olelo hou aku ai ola: “e hiki mai ana ka manawa e pono ai o na mea a pau.  Ua makemake au e ike aku ia oe e inu mai ana i kekahi pola kope.”

            Ua hookani koke aku la ke kaunawahine i ka bele a kauoha aku ia i kekahi kauwa e lawe mai i pola kope; a i ka lawe ia ana mai ua koi ikaika aku la oia i ka Lede Mariana e inu alaila honi hou aku la oia iaia.

            “Ua ike no anei oe i ke ano o ka hopena e kihi mai ana?” i olelo aku ai oia me ka oluolu.  “o keia uwe ana, o ka hookeai ana ame kela ehaeha ana? Ke hoonawaliwali loa nei oe ia oe iho, alaila aole loa e hiki ana ia Lance ke kala iaia iho.  E noonoo me ke, akahele, a Mariana, a e waiho mai i na mea a pau me a’u.

            Aka mahope o ka haalele ana iho o ke kaunawahine iaia, ua oi loa iho la ke ano nawaliwali o ka Lede Mariana; ua hoao mai la ola e hele mai kona lumi komo lole mai a i kona lumi moe, eia nae ua hiki ole iaia, a puiwa ae la oia i ka hiki ana mai o kana kauwa wahine, oia kona wa i maule iho ai a haule ana ilalo o ka papahele.

            “Ua kahea koke ia aku la ke kauka, a hoea mai la oia ke kauka no nana oia i lapaau mau i kona mau ia kamalii a ua hoike mai la kona helehelena i ke kaumahi i kona wa i lohe aku ai i ka maule ana o ka Lede Mariana.  Ua noho iho la oia ma kona aoao e kamailio ai iaia no kekahi manawa loihi.

            Ua manao anei oe ua nawaliwali loa ia au, e ke kauka,” i ninau mai ai ka Lede Mariana.

            A pane aku la, oia: 

            “Aohe no ou ano maikai loa, e ku’u Lede Sanadoa aloha,”

            “Pehea la kou manao, e make ana anei au?”

            “E hoomaikai aku kaua i ke Akua, aole keia o ka ma’i e make ai,” i olelo aku aia ke kauka.  “Nolaila, ina oe e ae mai ana ia’u aole oe e pihoihoi ana, @laila hai aku au ia oe i kekahi mea,” a kulou iho ia oia ilalo, a hawanawana aku la i kekahi mea iloko o kona pepeiao.

            Ua ike aku ia la ka hoholo ana ae o ka ulu maluna o kona mau papalina a hoike mai la kona helehelena i ka hauoli, ua piha kona mau maka i ka olioli.  “O kou manao anei ia? He mea oialo anei ia?” i ninau mai ai oia.

            “Oia maoli ka mea oiaio; aka e hoomanao oe aia no maluna ou ka hilinai ana o na mea a pau;” a hoi aku ia ke kauka, me kona waiho ana iho mahope ona i kekahi puuwai i piha i ka pihoihoi, i ka olioli, i ka ehaeha, i ka manaolana ame ka minamina.

            Nolalia o ka manawa elua iho la keia a ke kaunawahine i imi aku ai i kana keiki.  No kona helehelena kuoo, kona mau maka huhu ame kona ano pihoihoi o ia ka mea nana i hai aku iaia ua haia ka manawa o na nana hoomakeaka.

            “Lance,” i olelo hoohuhu mai ai keia lede.  “he kanaka oe ua oo i keia manawa.  Aole hiki ia’u ke lula aku maluna ou elike me kau i hana ai oiai oe iloko o kou mau la piopio.”

            “He mea oiala kela, e ku’u makuahine, aole hiki ia oe ke lu@a mai ia’u.  Heaha ke kumu o kou olelo ana mai la ia’u elike me kela ke ano?”

            “Oia maoli i’o no paha ka mea pololei,” i pane ano e aku ai ka Haku Sanadoa.

            “Ua makemake au  e ninau pololei aku kekahi ninau mamua ou,” i olelo aku ai ke kaunawahine.  Ua manao anei oe he hana waiwai ia au e hoopilikia wale nei i ke aloha mae ka hauoli o kau wahine, ka hoohapala ana i kou inoa maemae, ka inoa o kou mamo, kou kulana, ame na mea a pau au i ike ai he pono?  Ua manao anei oe he hana waiwai keia au e makemake nei e hele i @elina e hoohala ai i ekolu mahina i wahi nou e hiki ai ke ike pinepine ia Madame Vanira i na la apau?”

            Ua nana pono aku la ka Haku sanadoa i kona makuahine, a pane aku ia oia:

            “Oiai ua nunau mai la oe ia’u i ka ninau, ke haawi aku nei au i ko’u ae, me ka hookamani ole.”

            Ua kuemi ino aku ia ku’u lede ihope me he mea la ua halawai pu aku ia oia me kekahi puupuu ikaika, a olelo mai ia oia i kana keiki:

            “Hilahila maoli mau ia oe.”

            “A owau no kekahi, e ku’u makuahine, uahilahila au i ka hana hohe wale a’u i hana ai; aka aole au he kanaka hehe wale i keia manawa.”

            ‘Ua hiki anei i na waimaka aame na leo uwalo ke kokua mai i ka hoohuli ana ae i ka manao o ku’u keiki?” i ninau ae ai ka Lede Lanasawe@a; a o ka haina oia keia:

            “Aole.”

            Alaila ua pio iho ia ka manao i ku’u lede no ka naha ano nui mawaena o kana keiki ame kana wahine, a hoopaa iho la oia i kona manao no ka hele ana e imi i kekahi ahiahi i ke kumu o kahi e ala mai nei keia mau hana koloke – na ka Madame Vanira ponoi no keia mau hana.

            Aole loa i hoopoino ia ko ke Kaunawa hine o Lanasawela manao mamua elike me keia wa ana e hoi nei.  Ua hoole mai kana keiki i ka hoolohe ana i kana mau olelo a’o a pau; aole lia i maka’u aku  iaia a nohe mea e ae a ku;u lede i ike ai aka o ka hilahila wale no imua o lakou.  Ua papahi mau ia kona oia me ka lanakila ame ke kuonoonoo aole hiki iaia ke hoomaopopo i kekahi mea okoa.  O ka lini nui a kona puuwai i lini ai oia hoi e lilo kana keiki i Na@ta no kekahi puali, aka i kona lohe ana, e haalele ana oia i kana mau hana apau. i kona home ame kana wahine a hele mahope o ka hoolohe ana i ka olelo a kekahi mea himeni, oiai nae oia nohoi ka mea himeni mua loa iloko o Europa, e lilo ana ia i mea nona e make ai.  E poino ana kona lia ana ma keia ao.  Ua hilahila aku ku’u lede iaia iho me ka haaheo mawaena o na makuahine o kekahi poe keiki e ai’ a ua ike la ia kona pomaikai ame kona kuonoono, oiai kekahi poe i haule makope o ka lakou hooikaika ana: a pehea la e hoomau ana anei oia i kona noonoo ana ua hoopioia kona mano!  Auwe, aole!  Ua hoike pu mai nohoi ka Lede Mariana i kona manao ina e hele i’o ana ia Haku Sanadoai Belina, aole loa oia e ae hou ana e ike @ala a i ole ia kamailio hou aku a ua ike ku’u lede e malama ana oia i ka huaolele a kona waha.  Ina e hoomau ana ka Haku Sanadoa i kona manao no ka hele ana i Belina, e hoopii ana kana wahine i ke duke, a malia paha e koi ikaika mai ana oia e hoi aku i kona hale, alaila o ka manawa iho la ia o ka ohana hoiookoa e keia ka ia mai ai.  Alaila e oleloia mai ana aia ka Lede Sanadoa, ka wahine i hoenaehaia, ka wahine i haaleleia, me ka @@ke kahi i noho ai:  a aia hoi ka haku Sandadoa i ka aina e kahi akaaka hele ai elike me kekahi kanaka puniwale i na hoopunihei ana.

            Ua ano kopaka hou ae la ka manao o ku’u lede iaia i hoomanano ae, ai ia mae.  Ua olelo iho ia lia iaia iho he hana keia e hoolilo loa ae ai i ka lauoho o kona poo a keokeo loa, a he mai’i weliweli i kau aku maluna ona i oi ae ke ino mamua o ka ma’i lolo.  Aole hoihoi iki o ka naau o ku’u lede; ua ike maopopo iho la oia i ke ano i kana keiki ua lilo na olelo a’o maikai i mea ole iaia.  Iaia no e noonoo ana no kana keiki ua hoea mai la kekahi wahi palapaia ano kaumaha mai ka Lede Sanadoa mai e olelo ana penei:

            “E ku;u Lede lanasawe@a aloha, - Ina ua hiki ia oe ke kokua mai ia’u no ka hana ana i kekahi hana, e pono oe e hele koke mai.  Ua hoomaka iho nei o Lance e hooponopono i kona ukana i keia la no ka hele ana i Belina.  Ua lohe aku nei au laia e kauoha ana i kaa e kii mai ai i kona pahu lole.  Aohe o kaua manawa e hookaulua ai ina ua hiki ke hanaia kekahi hana no ka hoopakele ana iaia.”

            “E pono wau e hooko koke i kela hana,” i olelo ae ai ke kaunawahine iaia iho me ka manao paupauaho;  Ua waiwai ole na olelo a’o i ku’u keiki.  E pono wau e hele e hui pu me ka wahine a’u i manao ai aia kona aloha ilaila kahi @ hoopunana ai.  Owai la ka mea i hiki ke manao mai a i ole ia ke wanana mai e konoia mai ana wau e hele aku e kulou imua ona, eia nae e hana ana wau ia hana,  ina he hana ia na’u e hoopakele ai i ku’u keiki!”

            Ua hooko iho la ka Lede Lanasawela i kona manao no kona hooko ana aku ia hana.

            I ka auwina la o ia la no u a kakau iho la oia i ko Leone inoa maluna o kekahi palapala, a kauona aku la i ke kaa.  O kona lula maa mau, he mikioi loa oia ma kona komo lole ana ina oia e hele ana i kekahi wahi.  Ikeia la ana e hele nei e ike ia Leone ua komo iho la oia i kekahi lole silika eleele nani loa.

            Ua mino aka iho la ke kaunawahine i kona hele ana a ku imua o ke aniani nana a ike iho la ua u’i kupono oia no ka hela ana i kekahi wahi. He oiaio aole hookahi mea elike me ko Leone kulana e aa mai e keakea iaia no ka hele ana aku ilaila.

            He auwina la malie maikai ia a ku’u lede i hoea aku ai i ka hale nani kahi o Madame Vanira e noho ana.  He auwina la pumehana, ka wa hoi a na manu e himeni mai an ailoko o ka malu o na laau, ka wa nohoi a na meli hana momona e omo mai ana i ka wai momona o na pua, a e lelele mai ana hoi n apuleluhua ma kahi o na pualilia e opuu ana.

            Ua holo pololei loa aku ia no ko ke kaunawahine kaa a hiki i ka hale.  Ua haalele iho la i kona kaa i ka ipuka pa i waho loa a hele wawae aku  la mawaena o ke kihapai pua nani: i kona hiki ana aku i ka hale ua haawi aku la oia i kona pepa inoa i kekahi kauwa, a alakai ia aku la oia a ka lumi hookipa.

            Aole no i loihi loa ua komo mai la o Leone – aole ma ke ano e weliweli aku ai, aole nohoi iloko o ke kulana haahaa aka ua hele mai la oia me kona ano koa no ka mea ua nui ke aloha iloko ona no kana kane, i kona oili ana mai ua like no kona kulana me ke kaunawahine, ka haaheo, ka hanohano ame ka haakei – ka wahine hoi nana i hoolilo i ke ao nei ma kona maukapuai wawae mamuli o kona nani kamahao ame kona leo kupaianaha.

            Ua nee aku la ke kaunawahine imua me kona mau lima e hohoia ana iwaho, a olelo a ku la oia:

            “Madame Vanira, ua hiki anei ia oe ke kokua mai ia’u i kekahi mau minute pokole?  Ua makemake au e kamailio pu me oe i kekahi mea ano nui loa.”

            Ua hookani aku la o Leone i ka bele, a haawi aku la i ka olelo kauoha aole oia e hoohaunaeieia mai.  Alaila nana aku ia a nana mai ua mau lede nei ia laua iho.  Ua ike o Leone ua hiki mai ka wa e hooili ai o ke kaua, aole hiki iaia ke hai ae i ke kumu.

            Na ke kaunawahine no i wehe mua mia ke kahua kaua mamuli o kona olelo ana mai me ka wiwo ole:

            “E pono paha au e hai aku ia oe, e  Madame Vanira, ua hoomaopopo au ia oe”

            Ia wa o Leone i nana pono mai ai iaia me ke ano hookano.

            “Ke Hoomaopopo nei au ia oe i keia wa ano, oiai ua haule no ka ike anu a ko’u mau maka i ka manawa mua a’u i ike ai ia oe.  Ke hauoli pu aku nei au me oe no ka loaa ana o ka pomaikai ia oe.”

            “Heaha ia pomaikai,” i ninau mai ai o Leone.

            “Eia ka pomaikai, o ka loaa ana ia oe o ke kulana ike hana keaka ame ke kulana ike himeni.  Ke manao nei au ua aie oe ia’u no kekahi mau hoomaikai aloha ana.”

            Aohe i ano makemake loa ke kaunawahine i ke ano o ko Leona leo i kamailio mai aii aka o ka hana pono wale no ana e hana aku ai o ka hoohaahaa aku.

            “Ua hoopahaohao loa mai kau mau hana akamai ia’u,” i olelo aku ai ke kaunawahine, “eia nae, i ka wa a’u i hoomanano ae la i ka halawai mua ana o’u me oe, ua hiki ia’u ke hoomaopopo i kekahi kalena ike ou.”

            “Manao ua, aohe keia o ka manawa e hoopukapuka mai ai no na mea i hala,” i olelo mai ai o Leone: no ka mea aohe ia i lilo i kumu mahalo na kou hanohano.”

            Mino aka iho la ka Lede Lanasawela i ka lohe ana aku ia mea a Leone i olelo mai ai.

            “Aohe kaua e kamilio hou no ia mea,” i olelo aku ai oia.  “Aka aohe ou noi mai ia’u e noho ilalo.  He kiekie ka nani o kou hale e Madame Vanira.”

            Me ka ano ouolu no ua lalau mai la o Leone i kekahi noho a waiho iho ia ma kahi e kokoke ana i ka ipuka aniani a kauoha mai ia i ke kaunawahine i noho ilalo.  Ua nana aku la o’a i keia wahine u’i me ka mino aka ana.

            “Aole anei oe e noho ana lialo, e madame.”  I olelo aku ai.  “Ua oi ka puka maikai o na huaolelo i ka wa e kamalilo ai ina e noho ana na mea kamailio a i elua ilalo.”

            “Pehea oe i hooomaopopo mai nei ia’u?” I ninau mai ai o Leone me ke ano hoohuhu.

            “Aole hiki ia’u ke olelo aku me ka olaio loa ua hoomaopopo au i kou helehelena.”  i olelo aku ai ke kaunawahine nohe no paha ia e lilo ana i mea nau e ano e ai mamuli e ko’u olelo ana aku ina wau i ike mua aole wau e kono mai la oe e hele ae i ko’u hale, a peia nohoi ko’u ae ana aku i ku’u hunona e hookipa mai ia oe.  Ua waiho mai oe ia makou a pau iloko o ke kulana wahahee.  Ua ike no wau o Leone Noela oe i ka wa a ku’u keiki i kamailio ae ai i kekahi mea e pili ana nou.  He mea pono la’u e haawi mou aku i ko’u hoohauoli ana; ua nui kou hooikaika ana me ka hana.”

            “I’a hana@a e oe ka hana me ka holopono,” i olelo aku ai ke kaunawahine ina makahiki @ hala ae nei ua manao mai oe ia’u he wahine manao ino, he wahine paakiki, a he wahine hoomainoino, aka he lokomaikai nae i ka hopena.  Ua loaa ia oe ke kaulana mamuli o kou hooikaika ana. i hiki oie i kekahi mea okoa ke haan mai nou.  Ua oi aku ka loaa ana o ke kulana au e paa nei i keia wa, o’a oi k a moiwahine o ka hapa o na paikini o ke ao nei, mamua o ka lilo ana i wahine na kekahi kanaka ka mea hoi nona ka ohana ame na hoa’loha i makemake oie e hookipa mai ia oe, a e nana koke mai ana hoi oia maluna ou elike me kekahi haawe kaumaha.”

            “Ekala mai ia’u, e ka Lede Lanasewela, ina au e olelo aku ana aoha o’u makemake e lohe hou i kena mau mea au I kamailio mai ia.”

            Ua pii ae la ka ula maluna o ka helehelna o ka Lede Lanasawela a olelo mai ia oia:

            “Aole o’u mau manao inaina, o ka’u wale no I makemake ai e hoike aku ia oe aole au i hoo;ilo ia oe i enemi no’u elike paha me kau i manano ai a mamuli o ka hoike ana mai o kona helehelena i ka oluolu, a peia nohoi ka oluolu maikai o kona leo i kona wa i kamalilo mai ai ike keke iho la o Leone ua makemake oia e noi aku i kekahi mea.

            “Ua manao au,’ i olelo aku ai oia, mahope o kona hoomaha iki ana iho,” Eoko o na oiaio apau, e Madame Vanira, e pono oe e aloha mai ia’u.  Mai ike ole oe i ka palena o ke akamai maoli o kou noonoo ponoi ame ka man ina aole oe i li@o i wahine hana keaka akamai loa.”

            “Ua kulike no ka hauoli o ke ola oiaio maoli me ka hauoli o ke ola o ka poe hana keaka,: i pana mai ai o Leone.  “Ua oi aku no ka pono ina aohe i hoopuka mai nei kou hanohano i na mea o ka wa i hala.”

            “I hoopuka wale aku nei nohoi au ia mea no ka mea ua makemkae wau e ike mai oe aole wau I hoolilo ia oe i enemi no’u elike paha me kau i manao ai.”

            “Aohe mea i hiki ke hoololi ae i ko’u manao e pili ana no ia kumu manao,” i olelo mai ai o Leone.

            “Ua manao anei oe o wau kou enemi?” i olelo aku ai ke kaunawahine me ka nahenahe loa.

            He enemi i oi ae ka lokoino, hoomainoino ame ka paakiki i hiki ke loaa i kekahi kaikamahine opiopio,” i olelo mai ai o Leone.

            “Ke hana aku nei wau no ka maikai,” i olelo aku ai ke kaunawahine me ka naau haahaa, mamua o ka Leone me i ike ole ia mamua.”

            “He maikai i oi ae o ke ino.” i olelo mai ai o Loene, me ka piha inaina.

            “Elike no me kau e manao la e Madame Vanira, aohe a’u mea e mihi aku ai,” i olelo aku ai ku’u lede.

            Ia wa na maka uliuli o Leone i a mai ai elike me ke ahi.

            “Owau he hookahi wale iho no wau,” i olelo mai ai o Leone,” o kau hana lokoino nae i hana mai ai ua hoinoino mai oe i ke ola o na mea elua.  Heaha kau i hana aku ia no kau keiki?  Ua hana aku nei anei oe iaia i ka hana hoohauoli i hiki ai ia oe ke hele mai ia nei nei a hooio iho i ka hana au i hana ai?”

            I ka lohe ana aku o ku’u lede i keia mau olelo ua hna aku la kona poo i hope. Auwe, aole, ua ike na Lani aole kana keiki he kanaka hauoli i keia manawa.

            “Leone,” i olelo aku ai oia me ka leo nahenahe, “no ku;u keiki ka’u mea i ma kemake ai e kamailio aku ia oe.  No ka pono o ku’u keiki ko’u mea i hiki mai la ia nei nei – no ka, mea ua manaoio wau o oe kona hoa’loha oiaio loa a he wahine hanohano nohoi o ia kekahi mea o’u i hiki mai nei i’a nei nei,  Leone – o ka manawa mua loa keia o ko’u kahea ana aku i kou inoa – ke hoohaahaa nei au ia’u iho imua ou – aole anei oe e hoolohe mai ana ia’u?”

            Elike no me ka Leone mau huaolelo i hoopuka mai ai ua ano kuemi hope iho la ko ka Leode Lanasawela manao iloko ona.  Aohe nanaina palupalu o kona helehelena i hoike mai ai aohe ahonui aohe nohoi he oluolu;  me he mea ia ua hookahuli aku na olelo hope loa a ke kaunawahine i a Leone a lilo i pahuku.  Ua hele ae la kona helehelena a haikea pu, a opiopio ae la oia i kona mau lima me ka puliki ikaika an aia laua a paa.

            “Ke kapa mai nei oe ia’u he hanohano, e Lede Lanasawela! O oe, o ka mea i hoao mai e hoopaumaele i ku’u inoa meamea; ke kapa pu mai nei oe ia’u he hoa’loha maikai loa no ko keiki, aohe ou hoomanao iho i ka wa ou i kiola ae ai ia’u ma kahi kaawale loa mai ia’a mai, me he mea la aohe i oi ae ko’u waiwai i’o mamua o ka ehu lepo malalo k kona mau kapuai wawai!”

            Ua nee mai la ka Lede Lanasawela imua, a olelo mai la oia:

            “Aole anei oe e hoopoina ana i kela?  E hoolilo i ka mea i hala i mea make loa.  O ka’u wale no e olelo aku nei ia oe i keia manawa, ua aaka wau, ua pono ole, a ua lokoino nohoi ia oe; aka ke mihi aku nei wau no ia mau hana a’u i hana ai – aole loa wau i hoopuka i kekahi mau huaolelo elike me kela ke ano manua – ke mihi aku nei wau ia oe no ia mau huaolelo awaawa a’u i olelo ai!  Aole anei oe e lawe ana i ka’u mau olelo mihi?”

            “O kau mau huaolelo mihi, e Lede Lanasawela!  Ua manao anei oe ua kihi i kekahi mau huaolelo kakaikahi ke holoi ae i ka hewa hoomainoino loa a kekahi wahine i hana aku i kekahi?  Ua ike, no anei oe i ka mea au i hana ai? – ua powa mai oe ia’u ame ku’u kane, @@ kanaka a’u i aloha ai; ua hooponalo mai oe i ku’u inoa maemae.  Heaha la hoi au i kou manao i kela manawa au i hokaawale ai i ko maua mare ana ?  O, oe – ua hoehaeha mai oe la’u-ua haehae mua oe i ku’u puuwai, ua kinai iho oe i keia poe makahiki loihi ke hele mai nei oe ia’u, a e manao e hoopio mai ia’u me na huaolelo hoomalimali o ka mihi. Auwe, ina no oe e haawi mai ana i ke koko o kou puuwai, a pela nohoi me kou uhane, aole no ia he mea no’u e kala aku ai ia oe!  Hookahi wale iho no o’u oia. a oia nohoi kau i pakaha mai ai!  Hookahi wale iho no o’u aloha a ua hehihehi iho oe maluna one me kou mau wawae!  Auwe,  no keaha ia wau i kama@@lo ai elike me ia?  He leo wale no na huaolelo e pu-a nei.  Aole, e ka Lede Lanasawela, ke hoole aku nei au i ke kala ana ia oe i keia wa a no a i ole ia ina wa e ae no a pau!  He mau enemi kaua, a e mau ana ko kaua noho ana elike me ia a hiki i ko kaua make ana!”

            “Ua pololei no oe me kahi mea,” i olelo aku ai ke kaunawahine me ka manao kaumaha.  “Ua paakiki loa i’o nohoi au, aka no ka pono wale no o ku’u keiki ka’u i hana ai!  Auwe, e manaolo inai ia’u no kona pono wale no ka’u i hana ai.”

            “No ko keiki.” i olelo mai ai o Leone; “ke hoolilo mai nei oe i ko keiki i puu kalahala no kau hana haakei i hana ai.  O ka hana au i hana ai. E lede Lanasawela, he hana ia e hooia mai ana he uuku loa kou wwahi aloha no kau keiki; ua hookaawale mai oe ia maua me kou ike no ua aloha o’a la’u. mekou @@pu iho nohoi ua haawi mau oia i kona puuwai holookoa a pau ia’u, ua ike no oe he hookahi wale iho no mea ana i makemake ai, a o ia kona noho pu ana me a’u i na ia a pau o kona oia ana; ua hookaawale mai ie ia maua me kou ike no hole loa e kihi ana iaia ke aloha aku i kekahi wahine okoa elike me kona aloha ana la’u @a ike no oe he hana hoopoino kau i hana ai i kona ole, elike nohoi me kou hoopuino ana mai i ko’u.  O ke aloha anei ia e ko keiki i hoala ae ai ia oi ia manawa!”

            “O ka mea a’u i manao@o ai e ia ko’u aloha n o ku’u keiki ame ka malama pono ana i kona kuleana o ia ka mea nana, i alakai ia’u,” i olelo aku ai ka Lede Lanasawela.

            “O ke aloha no kau keiki!”  i olelo mai ai o Leone me ka akaaka.  Ua heluhelu no anei oe i ka moolelo o ka makuahine o na keiki mahope i kona paa ana aku ia iaua e make no ka pono o ka hoomana Karistiano mamua o ko iaua oia ana a hoole aku i kona olalo!  Ua heluhelu no anei oe i ka moolelo o kekahi makuahine Pelekane, i ka manawa i ulu ae ai ka maka’u iloko o kana keiki i ka lohe ana aku i ka leo o ka pukuniahi mua, a hooho aku oia.  “E ku’u keiki, mai maka’u oe, o ka make aole e paa mai ana iloko o ka minute hookahi – O ka nani o ia ke ola mau loa.  Ke kapa nei au ia ano aloha a keia mau makuahine i hana ai o ia ke aloha o@alo o kekahi makuahine @o kan@ keiki o ka a@@ ha e a’o aku ano iaia e hana i ka mea o@aio, ina he mea ia e lilo ai no kona ola; e ku me ka wiwo ole, ina e lawe mai ana ka maka u ole, iaia i ka make; e kupaa a e hoopono.  O ka aloha oiaio maoli ia o ka makuahine e hoike la elike me kela ke ano, e Lede Lanasawela.”

            Ia wa i kulou iho ai ke poo hookano o Lucia, ke Kaunawahine o Lanasawela ilalo mamua o keie kaikamahine ka mea ana i hana ole mamua i kekahi manawa okoa e ae maluna o ka ili o ka honua.

            “Heaha ka mea a kou aloha i hana aku ai no kau keiki, e Lede Lanasawela?” i ninau mai ai o Leone.  “Na’u ponoi no anei e hai aku ia oe?  Ua hoolilo aku oe iaia i kanaka kumaka’a, i kanaka hohe wale, a i kanaka hoopunipuni – mamuli nae o kau mau hana hoopunipuni oia kona mea i hookihi wahahee ai.  Ua hoolilo aku oe iaia i kanaka kupaa ole a i kanaka haahaa – a ua hoolilo pu aku oe iaia I kanaka wahahee.  A eia no ke kapa nei oe ia hana ana au elike me kela he aloha!  Eaho au e lawe mai i ke aloha o kekahi makuahine pegana mamua o kou ano aloha.”

            “heaha kau hana i hana aku ai nona?” i hoomau mai ai no o Leone i ke kamailio ana, oiai ke pii ikaika ae la ka huhu iloko one – “heaha kau hana i hana aku ai nona?”  He opiopio oia a he loihi na la e waiho mai nei mamua ona.  Ua hauoli anei oia?  E nana i ke ano o kona helehelena e nana i kona mak maluhiluhi – e hoolohe i ke ano o kona leo i kona wa e akaaka mai ai!  Ua loaa anei iaia ka hauoli, mahope o ko aloha wahahee au i hana aku ai nona?  Ua lawe aku oe mai iaia aku i ka wahine ana i aloha ia, a haawi aku la oe iaia i ka wahine ana i manao nui ole ai ua hiki loa iaia ke haale@e ia wahine i ka la apopo?

            “Me ka oiaio loa ke hoole aku nei au, aole!”  i hoopuka aku ai na lehelehe o ka Lede Lanasawela me kekahi hanu kaumaha.  “Malia paha ina i holopono kou a he noonoo hoopono – e ha@ mai ia’u, e Leone aole anei oe e kokua mai ana ia’u?”

            “Kokua aku ia oe i keaha?” i ninau mai ai o Leone, me ka haaheo.

            Ia manawa ke kaunawahine i wehe ae ai i na lihilihi ame na lipine a-i ae me he mea la na ia mau mea paha e hoao ana e umi i kona puu a puka pono ole kana mau huaolelo.

            “E kokua mai @oi ia’u no ka mea e pili ana i ku’u keiki!”  i olelo aku ai ke kaunawahine: e lokomaiki mai oe ia’u.  He nui wale paha na poe iloko o ko’u kulana e nana mai nei maluna ou ma ke ano he enemi oe no lakou – o wau nae aole.  Ina ua aloha i’o oe i ku’u keiki aole hiki ia’’u ke hoolilo aku ia oe i enemi no’u.

            Ke noi aku nei no wau i kou oluolu ame kou hanohano.  E ano maka’u mai ana paha kekahi poe o lanakila oe maluna o lakou 0 aole au i maka’u no ia mea.  Ke paa nei au ia oe no kekahi emeni lokomaiki.”

            “Heaha ke noi au i makemake ai e no! mai ia’u?  i ninau mai ai o Leone me ka maopopo ole iaia o ko ke kaunawahine manao o ka hiki ana aku, ilaila.

            “Mai hiki ole  mai nei no wau imua ou, e Lenoe o ka hoola ana ae hoi o ko’u manao he wahine hoopono oe,” i olelo aku ai ka Lede lanasawela, “ua nui ko’u pilikia – eia ke waiho nei iloko o ka poho o kou lima ka hauoli o na loa he lehulehu.”

            “Aohe i maopopo ia’u kau mea e kamailio mai nei,” i olelo mai ai o Leone.”

            “E hai aku ana no wau ia oe,” i hoomau aku ai ke kaunawahine i ke kamailio ana.  “Aole anei oe e hele ana i Belina?”

            Ua ike aku la ua kaunawahine nei i ka loli ano e ana ae o ka helehelena u’I iaia i nainau aku ai i ka ninau.

            “Ae, e hele ana wau,” i pane mai ai o Leone; “ua kauoha’a mai wau e hele ilaila.”

            “A ua olelo mai ku’’u keiki, ka Haku Sanadoa i kekahi mea e pili ana no kona hele ana ilaila?”

            “Ae,” i pane mai ai o Leone; “a he manaolana ko’u e hele ana no oia: ua kamaaina oia i ka kalanakauhale, a he hauoli loa nohoi wau i ka ike mai i ekahi helehelena i m@a i ko’u mau maka.”

            “Ua noho maile iho la laua me ka pane leo ole no kekahi minute, oiai ka Lede Lanasawela i lawe mai i kona noonoo akamai a pau loa ame kona maka’u ole no ka hoomanawanui ana maluna o ka oihana ana I hiki aku ai imua o Leone.  Ua hoomau aku la no oia i ke kamalilo ana:

            “Aohe makemake o ka Lede Sanadoa e hele ku’u keiki i Belina.

            Manao wau aohe no ia he mea huna a’u e huna ai mai ia oe mai oia hoi ua hoahewa loa oia I keia launa hoa’loha ana ou me kana kane?

            Ia wa i kulou iho ai ke poo o Leone ilaio.

            A olelo mai la oia, “he mea ole wale no kena mau mea ia’u.”

            Ua pii koke ae la ka ula maluna o ka helehelena o ku’u lede i kona lohe ana aku I keia mau huaolelo.

            “E hai aku paha wau ia oe,” i olelo aku ai ka Lede lanasawela.  “oiai ka manawa a ka Lede Sanadoa i lohe ai i keia launa hoa’loha ana o olua, ua lilo ia i mea nona e hauoli ole ai.”

            “Aohe mea i manao nui mai i ka manawa o’u i hauoli ole ai.” i olelo mai ai o Leone; aohe nohoi mea I koi aku no’u?”

            “Ke hoi aku nei hoi wau no ka Lede Mariana,” i olelo aku ai ke kaunawahine, “elike paha me kau i manao ai e hana mai ia’u?”

            Aole oia i hoopoino wale aku la oe; no keaha oe i hana ai i kekahi hana kolohe mawaena one ame kana kane?”

            “A no keaha hoi oe i hana koloke mai ai mawaena o’u ame ka’u?” i olelo mai ai o Leone; a o ia ka wa o ku;u lede i k@emi hope aku ai iaia i hoopuka mai ai i kela mau huaolelo.

            “E hoolohe mai ia’u, e Leone.” i olelo aku ai ka Lede Lanasawela, “o pono oe e kokua mai ia’u, e pono oe e lilo i hoa’loha no;u.  Ina e hele ana ku’u keiki i @@lina me kona ku’@ ana i ka makemake o kana wahine, ua hai mai oia ia’u aole loa oia e ike hou ana iaia, a i ole ia kamalio hou iaia.”

            “Aohe o’u kuleana i kena mea au e kamailio mai nei ia’u.” i olelo mai ai o Leone.

            “No ka pono o no lani e hoolohe mai hoi oe ia’u.” a mai kamailio mai hoi oe ia’u me ke aloha ole.  Ina oia e hele ana i Belina e hoopii ana ka lede Sanadea i ke Duke o L@@a.

            Leone ina e uhai ana ku’u keiki mahope @@ i Belina e kaawale ana kana wahine mai iaia mai, e lilo ana kona inoa maikai, e kaawale ana kona launa ana iwaena o na kanaka kona kulana kona manawa kupono i haawela aku ai na hoohanahano ana, ame ke aloha o kona ohana po@o@.  E akaaka ia aku ana ola ma ke ano hoohenehene no kona uhai ana mahope o kekahi wahine hana keaka: a ina e hele i’o ana oia me oe he kanaka p@@o loa oia?” a haalulu ae ia ka leo o ku;u lede i kona olelo ana aku i kela poe huaolelo.

            “A heaha no kou mea o ka @@@ ole ana e kamalilo i ka Haku Sanadea i kela mau mea, i ike ai no oe i kana mea e olelo mai ai?” i ninau mai ai o Leone.

            “Ua pau ia’u kela mau mea I ke kamailio ia iaia, aka aole nae oia I hoolohe mai ia’u.”

(Aole I pau.)

 

 

KA LOKE KEOKEO

KA HOA PAIO O KA LOKE ULAULA

KA HAKU OPIO O KASEDILE, KA IPO HOOHENO A NA ROSE.

           

            I ko kakou haalele ana i ka Loke keokeo i ka pule i haia ua ike aku oia i kana kane e heluhelu ana i kekahi leka a ua noi aku hoi iaia e hoike mai i kela leka.

            I ka lohe ana aku o ka Haku Kasedile i kana wahine e ninau mai ana “Nawai mai nei kela leka?” ua makemake koke aku la oia e hoike hoopunipuni aku iaia, ak anoonoo hou ae ia oia i na e loaa ana i kana wahine kana mau olelo hoounipuni ma keia hope aku e lilo ana ia i mea e hoehaeha loa ai i kona naau, a noonoo pu ae ia nohoi oia ina ola e hoike aku ana i ka mea oia@o aole loa oia e ae ana iaia e hele aku e hui me Lola i keia ahiahi.  Ua noonoo koke iho la oia i kana olelo maikai e olelo aku ai @ hooholo iho la oia o ka olelo maikai loa ana e hoike aku ai, oia ka hoike ana aku i kana wahine he leda keia mai kekahi mai o kona mau hoa’loha e noi mai ana iaia e kokua aku iaia ma kekahi mau mea pilikia.  O keia iho lakana i hoi ke aku ai i kana wahine.

            “Na kekahi hoa’loha mai nei? Heaha nohoi kona kuniu i hele ole mai nei i ka hale nei? Hoike mai nei oe ua makemake oia ia oe e hele aku e hui me ia i keia ahiahi a e haawi aku i ka kokua ana.  Owai kela hoa’loha e ku’u aloha?  Aole anei i kihi ia oe ke hoike mai ia’u?”

            “Aole i keia manawa e ku’u Dolores.  E kali oe a mahope hoike aku wau ia oe.”

            “Aole anei i hiki ia oe ke hoike mai ia’u i kena leka?  Ina he leka kena mai kekahi mai o kou mau hoa’loha he mea maikai loa e ike wau iaia.  O kou mau hoa’loha o ko’u mau hoa’loha ia, o kau mau ieka he mea maikai e ike wau e ku’u aloha.”

            “Ke ae aku nei wau e ike oe i keia leka, aka aole i kela manawa.  E ka@@ oe a hoi mai wau i keia ahiahi alaila hoike aku wau ia oe.”

            E noho kokoke mai ana ka Haku Kali@edina ma ko laua nei wahi e noho ana i kela manawa, a ua lohe mai ia oia ia laua e kamailio ana no keia mau mea.  Haohao loa mai la oia i ka haikea ino o ka helehelena o ka Haku Kasedile.  O ka makamua loa keia o kona ike ana aku iaia pe@a.  Noonoo ae la nohoi oia i ke ano e o ka ae ole ana o keia keiki e hoike aku i keia leka i kana wahine, oiai he mea maa ia laua ka heluhelu ana aku o kekahi i ka leka a kekahi.  Manao ae la nae oia he leka pilikia keia mai kekahi mai o kona mau hoa’loha kahiko loa, a malia paha he hoa’loha ia nana i makemake ole i kana wahine e ike. 

            Ua ike like aku ia o Dolores i ke ano-e o ka helehelena o kana kane.  O ka makamua loa keia o kona hoole, ana aole oia e hoike mai i kekahi leka o keia ano i kana wahine.  Aka e like me kona aloha i kana kane, ua hoolilo ae la oia ia mau mea i ole, a oiai hoi ua olelo mai ia no kana kane e hoike mai ana oia i keia leka i kona hoi ana mai ua hoao ae la oia e hoopau i kona noonoo ina ana no keia mea.

            I keia manawa ua kani mai ia ka hele no ka hele ana aku i ko iakou aina ahiahi.  Hoi aku ia iakou no ke pakaukau aka aole he hiki pono i ka Haku Kasedile ke ai.  E noonoo ana oia i ka hiki mai o ka hora a Lola i makemake ai e ike iaia, ua makemake oia e maopopo heaha la ka pilikia o keia kaikamahine.  E noonoo ana oia i kana e olelo aku ai i kana wahine i kona hoi ana mai.  Na keia mau mea apua i kaili ae i ka ono o kana ai.  Ua haia aku ia na ia o ko laua noho hauoli ana, oiai ua hoi hou mai ia no ka Loke Ulaula.  E like me ka Lois i olelo ae ai, e hauoli ana no laua no ka manawa ka a ala no he ia e kaili ia ae ai ia mau hauoli ana mai ia iaua aku.  Aole loa oia i makemake e huna i kekahi mea mai kana wahine aku, aka ua hiki ole iaia ke hoike aku i keia leka iaia i keia manawa.  E paio ana keia mau noonoo elua iloko o kona poo, o ka hoike ana aku i kana wahine i na mea apua, ame kona noho ana iho i ka hale a hoo@e aku i ke ko@ a keia leka, a o ka huna ana hoi i kana wahine i keia mau mea apua a hele aku e hooko i ka leo kahea o kekahi kaikamahine opiopio, makuaole iloko o ka pilikai.

            “O ka ia ehia ia keia o ka mahina, e ku’u aloha?” wahi a Dolores i ninau mai ai.

            “O ka ia 10 keia o Iune, e ku;u Dolores, ke ole au e kuhihewa,: wahi a ka Haku Kasedile.

            “E hoomanao ana wau i ka ia 10 o Iune,” wahi a Dolores, “oia ka ia mua loa a’u i ike ai i kekahi mau hoailona o ke kaumaha maluna o kou helehelena, a oia, hoi ka ia mua loa au i hoole ai aole e hoike mai ia’u i kekahi leka.”

            “Aole wau i kaumaha e ku’u aloha.  E noonoo ae ana wau i ka’u hana maikai e hana aku ai no ke kokua ana i kekahi hoa’loha iloko o ka pilikia.  Mai ko kaua noho ma@@ ana a hiki i keia ia. o ka mua loa keia o ka hiki ana mai o kekahi noi ia’u elike me keia, a nola@@a ua hiki ole ia oe ke @uhu mai ia’u e kuu aloha.”

            I ka pau ana o ka lakou ai ana, ua hoi aku ia iakou no ka lumi hookipa.  Ke nee aku nei ka manawa  imua, a kekokeke loa nai nei hoi ka manawa