Ka Nupepa Kuokoa, Volume XL, Number 1, 3 Ianuali 1902 — Haule i ka Pali a Make Loa LOAA AKU KE KINO O NIULII MA WAENA O KAHAKULOA ME WAIHEE. [ARTICLE]

Haule i ka Pali a Make Loa

LOAA AKU KE KINO O NIULII MA WAENA O KAHAKULOA ME WAIHEE.

I ka Poaono o ka pule i hala i loaa mai ai ka lohe o ka loaa ana aku o ke kino make o Niulii, he Hawaii <illeigible> he 55 paha ka nui o kona mau makahiki. mawaena o Kahakuloa ame Waihee. Ua loaa aku kona kino make i kekahi o kona ohana i hele aku e huli iaia i ka Poakahi o ka pule i hala, a ua hoike koke ia ae la ka lohe i na ma na aupuni. Ma ka lakou hoike mai, he lawaia ka hana a Niulii. He mau la mamua o ka loaa ana aku o kona kino make. ua haalele mai la oia i kona home ma Wailuku a hoomaka aku la e hele no keia wahi e hana ai i kana hana. Ua manao ia i kona hiki ana aku i keia wahi ua hele aku la ola a hiki i kekahi pali nihinihi, a ua pakika paha oia a haule ma ka wahi i loaa aku ai kona kino make. Ua nana pono ia kona kino make aka aole mau hoailona e hoike mai ana ua kaili ia ae kona oia e kekahi mau enemi. Oiai he elemakule kona kino ua manao ia i keia haule ana no o ka pau ae la no ia o kona wahi <illeigible>. Mahope o ka nana pono ana ia o kona kino e ke kauka, ame ka huli ana ia o ke kumu o kona make. ua kanu ia ola ma ka wahi i loaa aku ai. E kuai ia ana ka Mikini eli lepo o ke awa kumokou ia Catton Brothers. <illeigible>