Ka Nupepa Kuokoa, Volume XXXIX, Number 26, 27 December 1901 — Aole e Haalele ana i ka Hana. [ARTICLE]

Aole e Haalele ana i ka Hana.

UA HAEHAE OIA I KANA PALAPALA WAIHO HANA I IvAKAU lA. I kekahi mau pepa i hala aku nei ua hoike aku makou i ka makemake o kahi Lunakanawai Humepere e waiho mai i ka hana, a ua kakau hoi oia i palapala e waiho aku ana i ka hana. Mahope.mai nei oia manawa lohe hou mai la makou. no kekahi kumu i maopopo ole ia makou, ua haehae ia ua palapala nei e ua wahi Lunakanawai nei, a e noho ana no oia ma keia kulana no kekahi manawa hou aku. O ka iini 0 na loio o kona pau ae, a ma ka manao o kekahi poe i ike, aole no oia e loihl ana ma keia wahl. Ma ka nana aku e hiki mai ana ka manawa, ina aole oia e waiho koke mai ana i ka hana e kauoha maoli ia mai ana oia n,ai Wasinetona mai e waiho i keia hana a e koho hou ia hoi i kanaka okoa ma kona wahi. Ua manao ioa kekahi poe ua hoolala mua ia kona waiho ana amg ka mea ana i makemake ai ma kona wahi aka 1 keia manawa ke ike aku nei makou ua pau ua pepa nei i ka haehae ia a aole e waiho mai ana. Maiia nae paha he pepa okoa no kana i haehae iho nei, a ua hoouna aku nei no oia i ka paiapala oiaio, a he mau mea wale no' keia e hoohuhewa ana i kekahi poe okoa ae e makemake nei e ioau keia hnna ia lakou?