Ka Nupepa Kuokoa, Volume XXXIX, Number 26, 27 December 1901 — I KAHUA PAANI NO KA LEHULEHU E Kuaiia ana i Aina Iwawaenakonu o ke Kulanakauhale [ARTICLE]

I KAHUA PAANI NO KA LEHULEHU

E Kuaiia ana i Aina Iwawaenakonu o ke Kulanakauhale

Xo ka Hoomanao Ana ia Peresidena Makinale—E Hanaia i Pio me Kona Kii ma ka Ipuka Pa e Komo Mai Ai. No kekahi manawa loihi, mai ka make ana mai o Peresidena Makinale a hiki wale no i keia manawa. e noonoo ia nei ka iulu ana i kekahi huina dala mai waena mai o na kupa Amerika apau e noho ana ma Hawaii nei, ame kela ame keia nohoi e makemake mai ana e kokua no ke kukulu ana i kekahi kiahoomanao, a mau mea e ae paha e hiki ai ke mau ka hoomanao ana ia o keia kanaka i aloha nui ia e kona lahui, ko kakou Peresidena mua loa hoi. He nui na mea i manao ia no ka hoomanao ana iaia. Ila manao keleahi poe ina e nui ana ke kala e loaa mai no keia hana ua oi loa aku ka maikai e kukulu ia kekahi kiahoomanao nani ma kekahi wahi, ua manao hoi kekahi poe o> ka mea maikai loa o ke kuai ana ia i aina iwaena konu o ke kaona nei, a hooiilo i keia wahi i malapua nani a i wahi hoi no na wahine kuai lei e hana ai i ka lakou harta. Manao hoi kekahi poe o ka hana. maikai loa o ka hoouna i na kala e loaa ana ia kakou ma Hawaii • nei no ka hoohui ana aku me na kala i loaa ma Amerika no lee kukulu ana i kekahi kiahoomanao nani ioa ma ke kulanakauhale nui o Wasinetona. O kekahi mea i makemake nui loa ia oia ke kuai ana i kahua paani no ka lehulehu iwaena konu nei o lee kaona, kukulu i mau hale maikai no ka lehulehu e noho aku ai nana i ka paani ana ia mai o keia māu paani, e kuai ia i kahua nui e hiki ai ke paani ia na paani iike ole, a mahope aku paha e hana ia i lua wai a,uau no na keiki. O ka makemake oia ka haawi ana i na keiki a kakou i kahua maikai loa no lakou e paani af. oiai oia kekahi mea piiikia loa o nn keiki i keia manawa. • Ma ka noonoo ana a na komite ua nianao lakou ina e lawelawe ia ana keia hana lulu kala me ka hoike"*pu ia aku i ka lehulehu e hoolilō ia ana keia mau kala no ke kuai ana i kahua paani maikai no ka lehulehu e nui ana ka poe ae mai e haawi i kekahi mau kala no keia hana, aka ina no ka hoouna ana i Amei'ika e hoohui pu ia me ko laila, aole loa e nui ana ka poe kokua. O ka-makemake o keia komite 0 ka loaa o kekahi mea i kulike me ka makemake o ka lehulehu ōiai ua ma•kemake lakou e lilo keia hana i hann 1 kukuluia e ka lehulehu a aole hoi na kekahi mau kanaka kakaikahi. I mea e maopopo ai he kahua hoonianao k«ia no ka Peresldena i hala ua makemake ia e hinaia kekahi. pio nani loa.mai loko mai o na pohaku Hawaii ma ka ipuka pa e ieomo mai ai iloko o keia kahua paani, a iluna o keia pio e kukulu ia kekahi kii pohaku 0 Peresidena Makinaie. Malalo iho o keia kii ua makemake ia e kakau ia kekahi o kana- mau olelo hope loa, kela mau olelo e hoike ana i ke ano Karistiano o keia kanaka me kekahi mau olelo e paa mau loa ai, Ma keia hana ana e ike ana kela ame keia l kona ma nawa e komo aku ai iloko o keia kahua paani, ua kuai ia, 'a ua kukulu ia hoi keia kahua paani no ka hoomanao ana ia Peresidena Makinale. Ma ko makou ano he wahaolelo no ka lehulehu, ua manao makou he hana maikai ioa kela oiai o kekahi mea keia 1 makemake nui loa ia e kakou. Ua nele loa na keiki a kakou i ka wahi maikai ole e paani ai. olai he hookahi wale no kahua paani i hoomakaukau ia e ke aupuni i keia manawa oia ke kahua ma Makiki. I' kekahi manawa ua piha ioa keia wahi a heie loa kekahi poe e makemake ana e paani i Waikiki, i Kapiolani Paka. a i Moanalua e paani ai. Ina e ana kekahi mau kala mai keia hana e lilo ana ia kahua paani i mea nui i na keiki a kakou, a aole oia wale aka e lilo ana ia. i mea na kakou e hoomanao mau ai i ka Peresidena mua loa o Amerika i rula mai maiuna o Hawaii Aioha. Ma ka haawi ana i na kala no keia hana t e haawi ana kakou no ka hoomanao ana iaia, a no ka pomaikai hoi o na keiki a kakou nolaila ua makepono loa keia mau kala i ia. Ina no ka hoouna i Amerika ame kekahi mau hana okoa aku alaila ua kue loa makou, oiai aole e loaa ana kekahi pomaikai ia kakou, aole mea maanei na kakou e ike mau ai a hoomanao i ka Peresldena >a aohe hoi he pomaikai i loaa mai i ka lehulehu, e poina ia ana kakou a lilo na pomaikai ia Wiisinetona. Nolaila, ke hiki aku na komite imua 0 oukou no, keia hana maikai, e hoomanao mai -kakou, mawaho ae o ka hoomanao ana ia Peresidena Makinale e pomaikai ana na keiki a kakou i ke kahua e paani ai, a e hooholo ai i ko lakou mau koko opiopio. O ka paanl oia ka mea e maikai ai ke ola kino o na keiki, a ina aohe wahi e paani ai, aole e hiki ana ke. paani, koe pa'na ina lakou c hoolilo ana i na alanui aupuni 1 kahua paani no lakou.