Ka Nupepa Kuokoa, Volume XXXIX, Number 19, 8 November 1901 — NO KE KANAWAI UMU. [ARTICLE]

NO KE KANAWAI UMU.

Ke hoao nei na Home Rula Repupalika e hoike aku i ka lahui o lakou wale no kei ae ia e lawelawe i na hana ma ka olelo Hawaii iloko o ka Ahaolelo a mahele ia e na mahele olelo ma ka olelo Beretan;a e like me ka manao o ke Kanawai Kumu. He maU alakai lalau no keia. Ina ua hiki ina Home

Rula Kepupalika Pauaka ke . hana ia hana no Keaha e hiki ole ai i na Repupalika Oiaio ame na Demokarata? Ke olelo mai nei lakou ina kakou e koho ana i na Repupalika ame na Demokarata o nele ana kakou ina leo hooponopono ana i na kanawai, a e hoi ana i kuahiwi i ka mahiai. Ke hoike aku nei makou, o ka oiaio, ina kakou e homau i ka uhai ana i na Home Rula e hoi ana kakou i kuahiwL a i mea e maoI»opo ai keia, e 'nana i ka lakou hana i hana iho nei i ka ahaolelo- Mamua o ke koho ana aku o kakou i ua mau Home Rula Pauaka nei, e hoike mau mai ana lakou i ka nui o na pomaikai e loaa ana ia kakou, loaa keia poho, ame keia pono. a pau keia poe e noho nei ma na oihana aupuni o kakou aku malaila, a pela wale aku. Aia la i tea ua mau pono nei? Ke hoomaka hou mai nei lakou e olelo o lakou wale no ka kei ae ia e lawelawe i ka hana ma ka olelo Hawaii, a ina kaiiou e koho ' ana i Hepupaiika me na Demokarata alaila e lawelawe ia ana na hana ma j ka olelo Beretania wale no a nele kakou i ka leo ole. Ina no ua lawa ka kakou mau moho e koho ai i keia olelo heaha nohoi ka mea e kue aku ai i ke Kanawai Kumu? Ina aole i lawa elike me na Home Rula Hupo, ua hiki no ke hoohoio lakou e hana ia ma ka oieio Hawaii. . Aia kela mana ia lakou, a mai manao kuhihewa e like me ka keia Home Rula e hoike mai nei aia wale no ia mana ia lakou. E ka lahul, ua ike pono kakou i ka hana a na Home Rula, ua pau kuhihe- j wa, a oia ka makou e kau leo aku nei, mai punl hou kakou ia lakou. He aka- j mai hoopunipuni ko lakou mamua o ka manaAva koho balota, a i ka hikl ana aku i ka manawa o ka hana, haalele ia iho ko kakou pono, na bila ano ole, malaila iho la ka hooikaika, a no ke aha la? Malia paha ua ol ae ka pomaikai malaila? Hupo ke kanaka e puni wale ana ia lakou. Nolaāla mai maka'u oukou i ke koho i ka aoao Repupalika, ka aoao i ike ia ka naauao, ka aoao i hiki ke imi I pono no kakou ma Hawaii nei a ma Amerika. Ua ike ia na Repupalika ma Amerika aona Home Rula, mai ka aina pouli loa mai ia, he mea i maopopo ole ma Amerika.