Ka Nupepa Kuokoa, Volume XXXIX, Number 19, 8 Nowemapa 1901 — HE INO NAAUPO. [ARTICLE]

HE INO NAAUPO.

E hoolilo kakou i ka ana o Holopii ame Kaipo no ka inu naaupo i na waiona, i haawina e a'o mai ana ia kakou aole e uhaai i ko kakou mau ola ma ka inu naaupo ana. Oka lahui Hawaii kekahi lahui inu naaupo i na iama ikaika, a aole ia ano wale, aka i kela ame keia ano lama e loaa aku ana i ko lakou mau iima. Mamuli o keia ano ! hana ua inu keia mau kanaka i kekahi alakohola ikaika loa, a i kupono ole hoi e iawe la mai a inu. Aole keia o ka mua loa o na kanaka Hawaii i make mamuli o keia hana, a aole ana no paha keia o ka hope loa. Aoie nae keia o ka poiho nui ioa o kakou, aia ka poino nui i ka suaipa, ame na- waiona kupono ole oia ano. He make ka lakou aole e ike koke ia ana, aka, e nee mai ana me ka malie loa, a i ka hikl ana mai, he make ma'i ka oielo ana, a o ke kumu nae o keia ma'i oia no wa uha ai ia o.ke ola ma ka inu wale ana i kelā ame keia waiona i kupono oie i ke ola o ke kanaka. Minamina nohoi na maka ke nana aku i na Hawaii, ka i'o o na i'o a o ke koko hoi o na koko, e iu wale ana i ka lakou mau wahi dala i imi ai me ka luhi, ame ka hou o ka lae no ka hoowaiwai ana i na ona o na Hale inu Lama. Ke iho nui nei kakou i ka make a eia no nae ke ae aku nei, no kakou ina mea e pau loa aku ai kakou. O ka leo a'o keia e a'o ia aku nei, aka, ua hiki ole ke kaohi mai i ka ono a ka puu. Ea, ua loa aku ka maikai e ola puu-ole kakou, mamua o ko kakou ola ana me na puu ono lama, a pau loa aku kakou i ka make. Ke nui loa mai nei na Hale inu Lama, a e ikaika loa ae ana paha ka ono o ua puu nei. I ka manawa e ikaika mai ai ka ono e hoomanao ia Holopii ame Kaipo, a e lilo ko laua make ana i mea nana e hoopau i ka inu naaupo o ko laua lahui aioha.