Ka Nupepa Kuokoa, Volume XXXIX, Number 19, 8 Nowemapa 1901 — KA LAAU TUATUA. [ARTICLE]

KA LAAU TUATUA.

Aole i loihi loa ae nei ua hoouna ia I mai Wakinetona mai kekahi laau no ka hoola ana i ka ma'i hookaawale ohana. O keia laau ua kapa i ahe Tuatua a he kumulaau ulu kel hoouna ia mai. Ua kanu ia keia kumu laau ma ka wahi hooulu mea kanu hou o ke aupuni a ke ulu 'maikai nei aka aole i kii aku ka Papa Ola o kakou nei i keia laau a hoao aku i kona maikai ame kona maikai ole. O Kauka Camp kekahi o na kauka o kakou i hoao i keia laau, aole nae i Hawaii nei, aka ua hiki loa aku la hoi kana hoao ana i Tahiti. Aia ma Tahiti keia\ma'i i keia manawa a ke e laha nui maiaila, a o ke keiki a keia kauka o kakou i hoao ai he umikumamaiima makahiki, a ua lohe mai makou ke pH ae nel kona maikai, a ua manao lana loa hoi kona kauka e loaa ana iaJa ka oluolu. Ina ua hiki ke ola keia ma'i he mau tausani mile ka mamao mai Honolulu nei aku, pehea ia hoi i hoao ole ia ai maluna o na ma'i i mua o ko kakou alo? He mea maikai loa keia na ka Papa Ola e lawe mai ai a noonoo a ina he waiwai i'o ko keia laau no ka hoola ana i ka ma'i nana e hoehaeha nei keia lahui he mea maikai e hoao nui ia. Ke ulu nei keia laau me ka manao ole ia, a ua lohe mai makou ua makemake ka luna o ka wahi kanu o na mea kanu e kiola aku i ka laau a, Amerika i hoouna mai ai no kana mau keikl e noho nei iloko o ka ehaeha. Pehea la keia e ka Papa Ola.