Ka Nupepa Kuokoa, Volume XXXIX, Number 18, 1 November 1901 — Untitled [ARTICLE]

Kanl ka aka a ko Hamakua poe, haule ka ua, pio ke ahi, nui ka wai, ulu na mea kanu, a hauoli na kanaka me na holoholona. ♦ Kokoke loa e oi ae ka nui a na hale kuai bia ma Honolulu nei mamua o na Hale kuai poi, a ma ka bia fK hoonuu waiho ka poi ka mea e maona ai. No ka ma'i nae paha o ke ka|o i keia mau la. » Ina aole kakou e hana ma na mahlko e mau ana ke komo ana mai o na lahul e ae a piha k'ui ka aina ia lakou. Aole oia wale, aka o keia mau lahui okoa ke pomaikai a mau n'o ko kak.)u noho ilihune ana. E imi i ka hana e ola ai keia noho ana.

Ma ke Sabati i hala i ike ia ai e ka lehulehu ka nui maoli o ka waiwai o ka hana a ka Papa Hawaii. Oiai eia keia papa lloko o ka aie he mea māikai no ia kakou, na Hawali e haawi e like me ka ka Haku i haawl m?ai al. -He hana keia e hapai ae ana ia kakou i luna a he hana maikai na kakou e kakoo mau aku ai.

E noonoo mai otikou e na makamaka o Hilo, Puna, ame Hamakua i ke koho ana i pani ma ka wahi o ka Hon. J. Ewaliko i hala. Ua ike ia ka hana hupo a na Home Rula a he makehewa ka hilinai ana i ka lakou moho. Eia iho ka aoao Repupalika, ka aoao naauao, ka aoao nohoi i ike ia ma Amerika. Koho ia ka lakou a ola kakou.

E koho ia ana i Senatoa ma ka wahi o Hon. Ewaiiko i hala aku, o Hiio. L-o--he mai makou o ka Hon. Loebenstein ka moho t> na Repupalika. He kanaka naauao. a ua maa i na hana pili kalaiaina. E koho i kanaka naauao me ka noonoo ole i kona aoao kalaiaina, a i kanaka hoi e alakai ana i ka lahui iloko o na pomālkal, aka, aole na pomaikai lalau a na Home Rula Huj>o.