Ka Nupepa Kuokoa, Volume XXXIX, Number 18, 1 November 1901 — MA KA HOME O S. K. KA-NE, He Anain Hoolauna i ke Kahu o Kaumakapili me Kona Hope Ka Hoike o na Kula Sabati o Mau na-Kiekie a me Waikahalulu-Na Olelo Paipai a me ka Haiolelo a ka Makua Rev. Lono. [ARTICLE]

MA KA HOME O S. K. KA-NE,

He Anain Hoolauna i ke Kahu o Kaumakapili me Kona Hope

Ka Hoike o na Kula Sabati o Mau na-Kiekie a me WaikahaluluNa Olelo Paipai a me ka Haiolelo a ka Makua Rev. Lono.

Ma ka hora elua me k;i hapa. o ka auwina la Sabati i hala i Haawi ae al o Mr. ame Mrs. S. K. Ka-ne i kekahi hookipa hoolauna ana i fca makua Rev. W. N. Lono ame Hev. H. K. Poepoe. kona hope. O ka maka mua loa keia o na hookipa hoolauna ana i kela makua, a he nui na makamaka i akoakoa ae e ike i na hana maikai d ka la.

O ka mea nana i haawi ae i keia hookipa aloha ana. oia no kekahl o na Loio kaulana loa q kakou. I ke kipa ana ma'kona home e Ike ana k4t malihini i ka maikai maoli o kona noho ana, he maemae na mea apau, alta aoie i hana ia keia mau nani apau i ka manawa hookahi, e like me k/.:kahi mau kanaka waiwai o kakou, me ka nee malia ame ka hoomanawanui hoi. Oia iho la ke ano o kela Hawali oialo, he akahai, he nee me ke akahele loa, a i kona nee ana, aohe emi hope hou ana. He haole maoli kona kulana ame kana hookele ana i kana mau hana, aka ma ka puuwai, ,he Hawail oiaio, he makua lokomaikai. He alakai kupono oia no ka lahui oiai he* kanaka hoopono. O Mrs. Ka-ne lrekali,i o na makuahine oluoiu o kakoū, a mamuli o kana mau kokua ana ua pii ae laua a lilo i mau Hawai} kuonoono. He nani ko laua home, a e like me ka'u i hoike mii'a ae nei he haole maoli ko laua noho ana, koe ko laua mau puuwai. ,

I ka hiki ana mai o na makamaka ua loaa mai la lakou i na lulu lim.a aloha ana ma ka piika, mai na makua. mai o ka hale a lawe loa ia aku la no ka lumi hookipa e hui me ka Makua Lono ame kona hope. Mai ka lumi hookipa aku ua lawe ia.na makamaka i ka lanai akea mahope o lea hale a lohe i ka hoike kula Sabati o ka apana o Mauna-kiekie ame Waikahalu\u. Mahope o keia lanai, e paa ann

i kn, ikaika o ka la e kau ana kekahi mau Hae Hawaii, e hoike mai ana hoi no Hawaii ke aloha. Oiai na jnaka>maka i haalele aku āi i ka luml hooklpa a hele mai no ka lanai mahope. ua ike ia aku la ke kakau mai o na mea al ono iiuna o ke pakaukau iloko 0 ka lumi aina a o keia kekahi kumu 1 hoholo ai na hana, oiai ua waiho ia ka āikilima a mahope loa. , Nui ka mahalo o na kanāka i akoakoa ae i ka maikai o ka hoike a.keia mau kula sabati elua. O ka mea oi loa aku oia ka lokahi o keia mau kula sabati, oiai no ka Ekalesia o Kawaiahao kekahi a no Kaumakapili hoi ker kahi. Ina e like ka lokahi o keia mau Ekalesia me keia mau kula sabatl o nomaikai kakou a oi ae hoi ko laua ikaika ma ka hana, oiai ma ka lokahi ka ikaika. • Pau ka hoike kula sa.bati ua haawi ia mai kekahi mau olelo paipai maikai e Mr. R. H. Oni, Moses Nakuina, Hon. .T. Kumalae, OhaK. Lake, Rev. E. S. Timoteo ame L. B. Kaumehoiwa. Pau ka laknu ua ku mai ka Makua Lono a h'oiko i kona mau m«nao mahalo no kela hooklpa aloha. Penei kana mau olelo: « "Aole o I.ono ka oukou e hookipa nei. aka o Va Haku lesu Karlsto. 'ōiai ua olelo ma! Ola. E Hke me ko oukou hana ana aku i keia mau hana maik&i i kekahi o ko'u mau kanaka, ua hana mai oukou īa'u. Oia ka wai o ke Ola a lie wahi lawe wai wale no wau. Ke noi aku nel wau ia oukou e hoomau i ke kahea <na i kona inoa a hiki i kona lohe ana mai i knu leo. Ke hoomanao nei Wau i ko'u hele huli ana i ko'u makuakane i kekahi la ma na l*>'i kanu kalo. Hoi mai wau mai ke kuia mai. ike aole oia o ka hale a manao ae la wau ua hele aku oia ma na kuauna lo'i kalip e kau kālo ai. Hele aku wau, a hiki ma kekahi lo'i I maa ka ike ana iaia, a aole oia. kahea wou iaia | me ka leo nul. aole pane. Hoomau no j wau 5 ko'u kahea ana a hele Tsou aku wau ma kekahi lo'i aole no. Aoie •,vau i hoooau I ko'u kahea ana oiāi.ua nui loa ko'u aloha no ko'u mAkuakan* a honmou aku no' wau i ka huli ana jaia. me ko'u kahea mau ana iaia. Peia ko'u heie ana a mahone lohe wau i k;o---na leo e o mal ana. Ua lohe aku la oia i ko'u leo kahea. Hookolo aku i ka wahi o kona leo i puka mai ai a hiki i Uona loaa ana ia'u. Pela no kakou i ka Haku. Ina aole oia e lohe i ko fcakou leo kahea mua, hoomau no i ka huli-ana iala me ke kahea mau ana i kona inoa. a e hiki mai ana no- ka manawa e lohe ai ola i ko kakou leo, a hui aloha me ia ma-o. Mai wae oukou. Ina e komo mai hē poe no kekahi hoo-

mana okoa aku me oukou hanai aku ia lakou i ka ai o ka uhane, a i ka laka ana kuni aku i ka hao, a o ka lilo mai la no ia. Ua like na kula sabati me na moku kolo e kolo ana i na moku kalepa o kela ame keia ano iloko o ke awa. Nui ko'u mahalo i keia honkipa maikai, a ke noi ia aku nei hoi oukou e na keiki e hana llke kakou i ka hana, a lilo ko kakou hauoli malaila." Mawaena o ka lehulehu i akoakoa ae ua ike ia aku o Rev. ame Mrs. E. S. Timoteo, Mr. ame Mrs. S. M. Kanakanui, Mr. ame Mrs. Moses Nakuina, Mr. ame Mrs. Moses Kaulunahele, Hon. a me Mrs. Jonah Kumalae, Mr. ame Mrs. D. Hoapili, Mr. ame Mrs. Chas. Coney, Mr. ame Mrs. D. Keliiokamoku, Mr. a me Mrs. Paikuli, Mr ame Mrs. Liftee. Mr. ame Mrs. M. Spencer, Mrs. Rickard Messrs. Enoka Johnson, J. H. Hakuole, Abraham Kaulukou, A. Kaulia, Chaa. Lake, Chun Hoon, S. H. Oni, David Murray, Kepuluna, Mr. ame Mrs L. B. Kaumeheiwa, Rev. W. Leleiwi, he mau haumana mai ke kula kahunapule mai, na kula sabati o Maunakiekie ame Waikahalulu. O Mr. MoBes Kaulunahele ke alakai o na hana a he nui kona ike i ka hoolealea ana 1 ke anaina. He mea maikal e haawi ia ka malialo ia Miss Elizabeth Kahookano, ame Chas. Lake na alakal o na ku'la Sabati, a ia Mr. ame Mrs. S. K. Ka-ne na makua o ka hale. Ua hoi mai ka lehulehu me na manao hauoll, ame ka mahalo i na hana maikai a keia mau makua o kakou.