Ka Nupepa Kuokoa, Volume XXXIX, Number 36, 30 August 1901 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

2   NUPEPE KUOKOA  AUGATE 30, 1901

 

Ma Ke Kauoha.

 MA KE KAUOHA.

 

HOOLAHA I KA POE E PAA NEI I NA BILA KIKOO I UKU OLE IA.

 

  Keena o ka Puuku.

  Honolulu, Augate 13, 1901

 Ke hoike ia aku nei ka lohe i na kanaka apau loa e paanei i na bila kikoo i ke aupuni i uku ole ia no lakou na helu mai ka 1 a hiki i ka 2009 ma ka helu pololei, e lawe ai i keia mau bila kikoo e uku ia aku ma ka la 23 o Augate 1901, ka la e pau ai ka uku ia ana o ka uku panee, a i ole mahope aku oia la, ma ke Keena o ka Puuku, ma Honolulu.

  W. H. WRIGHT,

 Puuku o ka Teritori o Hawaii.

(Aug. 16-23-30.)

 

HOOLAHA  AINA  AUPUNI.

 

 Ma ka la 21 o Sepatemaba, 1901, a mahope aku, ma ke Keena o W. O. Aiken, Paia, Maui, e loaa no ke noi ia, ka mana kuai hoolimalima i na aina aupuni i hooakaka ia malalo iho, e like me ka manao o ke kanawai Aina o 1895. 

 Apana Aina, Helu 7, ma Kaupo, Maui, nona ka nui he 35.50 eka aina.  Waiwai o ka aina, $340.00.

 Apana Aina ma Kapau, Wailuanui, Maui, nona ka nui he 92.46 eka aina.  Waiwai o ka aina, $924.50.

 No na mea aku i koe, e hele ae ma ke Keena o W. O. Aiken, Paia, Maui, a i ole ma ke Keena o NaAina Aupuni ma Honolulu.

  EDWARD S. BOYD.

 Komisina o na Aina Aupuni.

Augate 19, 1901.-(23-30 Sept. 6-13.)

 

HOOLAHA  AINA  AUPONI.

 

 Ma ka Poalua, Sepatemaba 24, 1901, i ka hora 12 o ke Awakea, ma ka puka komo mamua o ka Hale Aupuni, e kuai ia ai ma ke Kuai Kudala, kekahi apana aina Aupuni, nona ka nui i hiki aku i ka 3.21 eka aina, e waiho ala ma ka aoao Kona o ke alanui Aupuni e hele ala mai Waiohinu a hiki i Naalehu, ma Kau, Mokupuni o Hawaii, o keia no ka aina i noho ia e ka Anglican Church Mission.

 Kumukuai koho, $130.00.

 Kala kuike, ma ke gula o Amerika.

 Lilo o ke ana ia ana o keia aina, i ka mea kuai, $40.00.

 No ka pepa kuhikuhi ame na mea aku i koe e hele ae ma ke Keena o na Aina Aupuni, Honolulu.

  EDWARD S. BOYD.

 Komisina o na Aina Aupuni.

Augate 19, 1901.-(23-30  Sept. 6-13.)

 

TERITORI  O  HAWAII.

 

Keena o ka Puuku, Honolulu, Oahu.

 

 Hoopau noho hui o ka Royal Hawaiian Hotel Company, Kaupalenaia.

 Oiai, o ka Royal Hawaiian Hotel Company, Kaupalenaia, he hui i kukulu ia a e ku nei malalo o ka mana o na kanawai o ke Teritori o Hawaii, ua hooko i ka manao o ke kanawai i na mea e pili ana i ka hana, ua lawe mai i ka lakou palapala noi i keia keena, no ka hoopau ana i ko lakou noho hui ana, ma ka palapala i kauoha ia ma ke kanawai a e hoolilo ia nei i hapa no keia.

 Nolaila, ke haawi ia aku nei ka lohe i na kanaka a pau i kuleana mamua a i keia manawa, ma na ano a pau e pili ana i keia hui, e lawe ia mai na kue no ka ae ana ia o keia noi i keia keena, i ka la 30 o Aukake, 1901, a i ole mamua mai, a o kela ame keia kanaka i makemake e lohe ia no keia e hele ae i ke keena o ka mea nona ka inoa malalo iho, ma Kapikala Hale, Honolulu i ka hora 12 m. o ka la i olelo ia maluna ae, e hoike i na kumu, e ae ole ia ai keia noi hoopau hui.

  WM. H. WRIGHT,

 Puuku Teritori o Hawaii.

Honolulu, Iune 27, 1901.

June 28, July 5, 12, 19, 26.  Aug. 2, 9, 16, 23, 30.

 

KUAI A KA IKAMUKU.

 

Aina Waiwai Nui no ka Laiki ame Kalo

 

 Mamuli o ka mana o ka palapala ohi Waiwai i hoopukaia e ka Aha Hookolokolo Kaapuni Apana Ekahi Teritori o Hawaii ma ka la 9 o Augate M. H. 1901, ma ka hihia a Kwong Mow vs Kiliona.

 Ke hoomalu nei au i ka waiwai paa o Kiliona i oleloia ma keia la 20 o Augate M. H. 1901.  A e kuai ia ana keia maiwai ma ke kudala akea a i ka mea koho kiekie ma ka Hale Hookolokolo ma Hauula Koolauloa, Mokupuni o Oahu ma ka hora 12 awakea o ka Poaha Sepatemaba 19 M. H. 1901, ke ole e uku ia mai ka Olelo Hooholo, i hiki aku ka huina i $1,314 me ka uku hoopanee na koina ame ko'u mau hoolilo apau.

 Eia ka waiwai i hoomalu ia penei:

 Aina waiwai nui no ka Raiki ame Kalo ke waiho nei ma Punaluu, Koolauloa, Moupuni o Oahu.

 Palapala Sila Nui Helu 3959, L. C. A. Helu 7694 ia Kahaleahu.

 He 8.15 eka oi a emi iki paha.

  FRANK PAHIA,

Hope Makai Nui o Koolauloa Mokupuni o Oahu.

  (Aug. 23-30  Sept.6.)

 

HOOLAHA  HOOPAU  NOHO  HUI.

 

 Ke hoolaha ia aku nei, o na mea nona na inoa malalo iho, T. Leslie De Cew ame John H. Thompson, e noho ana ma Honolulu, Mokupuni o Oahu, Teritori o Hawaii, ma ka la 15 o Iulai, 1901, ua hoopau ae laua i ko laua noho hui ana malalo o ka inoa o "THE UNION ELECTRIC COMPANY."

 T. LESLIE DE CREW.

 JOHN H. THOMPSON.

Honolulu, Augate 17, 1901.  (Aug. 23-30.

 

HOOLAHA NOHO HUI

 

 Ke hoolaha ia aku nei, o na mea nona na inoa malalo iho, John H. Thompson ame Daniel McKenzie, e noho n@ ei ma Honolulu nei, Mokupuni o Oahu, Teritori o Hawaii, ua komo laua iloko o ka noho hui ana no ka lawelawe ana i ka hana kuai waiona i hana ia ma keia Teritori, malalo o ka inoa hui o Thompson & McKenzie, a e lawelawe ia ana ka laua hana ma ke kihi o ke alanui Moiwahine ame Puowaina, ma Honolulu nei.

  JOHN H. THOMPSON

  DANIEL  McKENZIE.

Honolulu, Augate 17, 1901.  (Aug. 23-30.

 

Hoolaha Hooko Moraki.

 

 HOOLAHA HOOKO MORAKI.

 

 Ke hoolaha ia aku nei mamuli o kekahi mana kua, i haawi ia mai ia u ina kekahi moraki, kakauia Maraki 6, 1879, i hanaia e D. Malo ame Hilo, o Honolulu, Oahu, ia F. M. Hatch, o Honolulu i olelo ia maluna ae, a i kakau kope ia ma ke keena kakau o ke Aupuni, Honolulu, ma ka buke (Liber) 221, aoao 486 ame 487, a ua hoolilo ia mai keia moraki e F. M. Hatch ia Liliuokalani ma ke kuai, i ka la 21 o Iulai, 1881, a i kakau kope ia ma ka keena Aupuni i olelo ia maluna ae, ma ka buke 221, aoao 486 ame 487, a ke makemake nei o Liliuokalani i olelo ia maluna ae e hooko aku i keia moraki no ka uha'i ia o ka olelo aelike i olelo ia ma keia palapala moraki, oia hoi ka uku ole ia mai o ke kumupaa ame ka ukupanee i ka manawa i olelo ia.

 Ke hoolaha ia aku nei, e kuai kudala ia ana na mea apau loa, na waiwai o kela ame keia ano i olelo ia ma keia palapala i ka Poaono, la 31 o Augate, ma ka lumi kudala o James F. Morgan, ma ke alanui Moiwahine, ma Honolulu, i ka hora 12 o ke awakea o kala iolelo ia.

 O ka waiwai i olelo ia ma keia moraki, oia kela aina ma Kaahaloa, Manoa, Oahu, a i hoike pono ia ma ka R. P. helu 3485 ia Kuamoo, nona ka eria he .67 eka.

Kalakuike, na ka mea e kuai ana ka hoolilo o ka palapala kuai.

  LILIUOKALANI,

  Ka mea e Paa@nei i keia Moraki.

 No na mea aku i koe e hele ae ia Robertson & Wilder, no loio o Liliuokalani.

Kakauia i keia la 8 o Augate, 1901.

 (Aug. 9-16-23-30.)

 

HOOLAHA A KA LUNA HOOPONOPONO WAIWAI.

 

 O ka mea nona ka inoa malalo iho, oiai ua koho ia oia i Lunahooponopono waiwai no James Munden, o Koloa, Kauai, i make, ke haawi ia aku nei ka lohe ina poe apau loa ana i aie aku ai e hookomo mai i ka lakou mau palapala koi aie, me ka pepa kupono e hoike ana i ka oiaio, i ka mea nona ka inoa malalo iho, ma Kealia, Kauai, maloko mai o eono mahima mai keia manawa aku, a i ole e hoonele ia no lakou no ka wa mau loa, a o ka poe i aie iaia ke kauoha ia aku nei e uku koke mai i ka mea nona ka inoa malalo iho.

  J. W. NEAL.

 Luna Hooponopono Waiwai o Jas. Munden, Kealia, Kauai, Augate 6, 1901.

( Aug. 9-16-23-30,  Sept. 6.)

 

HOOLAHA.

 

 Ke papa ia aku nei na kanaka apau mai ka hele ana me ka ae ole ia maluna o ka aina o ka mea nona ka inoa malalo iho ma Kona Akau, Mokupuni o Hawaii, a oi loa aku no nae na apana aina i ikeia ma Kaumalumalu, Holualoa ame Kaupulehe.

  J. A. MaGUIRE,

Hueuhe Kona Akau, Hawaii,  Iune 1, 1901.

  Me ka Oiaio loa,

 THEO H. DAVIES & CO., LTD.

(Kakau inoa ia:)-

 E. H. WODEHOUSE.

(3 months.)-Iune 7, 14, 21, 28, -July 5, 12, 19, 26- Aug. 2, 9, 16, 23, 30.

 

HOOLAHA AINA AUPUNI

 

 Ma ka Poalua, Sepatemaba 24, 1901, hora 12 o ke awakea, ma ka puka komo mamua o ka Hale Aupuni e Kuai ia ai, ma ke kuai kudala akea, ka hoolimalima o ka aina i ike ia ma ke ano ka aina o Manuka, e waiho aia ma Kau, Mokupuni o Hawaii.

 Loihi o ka Hoolimalima-10 makahiki.

 Hoolimalima koho-$75.00 no ka makahiki.

 Penei ke ano o ka Hoolimalima:

 E paa ana ke Aupuni i ka mana e lawe ae i kekahi wahi a mau wahi paha o keia aina no ka pono ame ka pomaikai o ka lehulehu a e malama ka mea hoolimalima aole e ae e ilu ka mikinolia iluna o ka aina oiai oia e paa ana i ka hoolimalima o keina aina.

   EDWARD S. BOYD.

 Komisina o na Aina Aupni@.

Augate 20, 1901,  (Aug. 23-30 Sept.6.

 

OLELO HOOLAHA.

 

 Owau o ka mea nona ka inoa malalo iho, ke hoopau aku nei au i ko Hu Feast noho hope ana no'u ma ka malama ana i ko'u mau waiwai ma Waipouli, Apana o Kawaihau, Mokupuni o Kauai.  Aohe ona kuleana i koe e malama a hooponopono ai i ko'u mau waiwai ma kahi i olelo ia maluna.

  MRS. WAHINE KAIU,

Aug. 10, 1901.  Lihue Kauai.

 Aug. (23 30 Sept. 6-13-20.)

 

HOOLAHA.

 

 Ke papa loa ia aku nei ka hele ana ma na aina lawaia o Moanalua ame Kalaiwa.  Ke hoike aku nei ka mea nona ka inoa malalo iho e hoopii no oia ma ke kanawai i kela ame keia e hele ana ma keia mau aina lawaia me ka ae ole ia.  O ka i'a kapu loa oia no ka Amaama, ua hoolimalima ia e T. Heu.  E malama ia ana no nae ka kuleana o na hoa aina.

 Ke papa loa ia aku nei ke kiana pauda ame kekahi mau mea pahu e ae ma keia wahi.

 Augate 21, 1901   S. M. DAMON,

  (Aug. 23-30 Sept 6.)

 

  Honolulu, Oahu Aug. 22, 1901.

 Me ka ae maikai o ke Kiaaina Kuikawa o ka Teritori o Hawaii, ua hookohu aku wau ia,

   ELMER E. CONANT  ESQ.

i Luna Ohi Auhau Nui no ka Apana Auahu Eha o ka Teritori o Hawaii (Mokupuni o Kauai ame Niihau) ma ka wahi o J. K. Farley Esq., i waiho mai, a e hoomaka oia i ka hana mai ka la 24 aku o Augate 1901.

  WM. H. WRIGHT.

 Pu uku o ka Teritori o Hawaii.

(Aug. 23-3.  Sept.6.)

 

 Mai pau ka Hale o kekahi pake ma Waikiki mamuli o kekahi  uea uwila.  He paila mauu laiki kei a ia.

 

 Eia hou aku no kekahi moku koa me na kumukula no Filipino.  E kau mai ana lakou maluna o ka Moku-ahi Warren.

 

 KA

Nuepepa Kuakoa

No ka Makahiki - - $2.00

No Eono Mahina- -  1.00

 

 Kuike ka Rila.

PUKA   1   2   3   1   2   3   1

ANA.  Pule. Pule. Pule. Mal. Mal. Mal. Mak.

1 Iniha  $ 1.50 $2.00 $2.50 $3.00 $5.00 $6.75 $12.00

2 Iniha  2.00  2.75  3.50  4.00  7.00  9.00  18.00

3 Iniha  2.50  3.50  4.50  5.00  9.00  12.00  24.00

4 Iniha  3.00  4.00  5.00  6.00  11.00  13.50  30.00

5 Iniha  3.50  4.75  6.00  7.00  12.00  15.00  36.00

6 Iniha  4.00  5.50  7.00  8.00  13.00  16.50  42.00

 

O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A 1 NA AOLE, AOHE NO E HOOKOMOIA.

 

O na Dala a pau o ka Pepa nei e ho@un a po lei mai i ka HAWAIIAN GAZETTE COMPANY.

 

 HOOPUKAIA E KA.

HAWAIIAN  GAZETTE  CO

 

Hookomoia ma ka Hale Leka o Honolulu, Pa nalaau o Hawaii, ma ke ano mea e ka Papa Blua.

 

A. W. PEARSON,  Luna Nui

D. KANEWANUI,  Lunahooponopono.

 Honolulu, Oahu

 

POALIMA  :  :  AUGATE 30.  1901.

 

 Mahalo makou i ka manao o kela konelala e koho ia i mau koa Hawaii e malama i ka maluhia o Hawaii nei, a e uku ia lakou ma ke ano he mau koa ku mau no ke aupuni Amerika ma Hawaii nei e like me ka uku ia o na koa Amerika e malama ia nei ma Hawaii nei i keia manawa.

 

 Ua ko ke kanawai Auhau o na Loaa Makahiki, a ua loaa ia mau kala e hoopuipui ae ai i ka waihona kala o ke aupuni.  Ua manao mua no makou e paa ana keia kanawai oiai he Repupalika ka mea nana keia kanawai i lawe ae imua o ka Ahaolelo.  Ina na na Home Rula me nei ua haule.

 

 He manawa puhi ahi keia.  Aole o na hale wale ke pau nei i ke ahi aka o na mahiko, na ululaau kuahiwi i minamina nui ia, na mauu a pela wale aku.  Nui ke poho no ka pauahi ma keia mau pae moku iloko o keia mau mahina pokole.  He mau moku kekahi i pau ma ka moana, mawaho ae'o Mah@kona a me ke awa nei no hoi o Honolulu.  Nolaila ua hiki loa ia makou ke olelo ae he au puhi ahi keia.

 

 Mamua o ka hana hou ana ia aku o kekahi mau alanui hou he mea maikai e nana mua ia na alanui kahiko a e hanaia a maikai pono ae.  Eia kekahi o na alanui nui loa o ke kulanakauhale nei oia mau inoino no a he ku i ka hoowahawaha ke nana aku.  O na alanui waiwai ole oia ke hana ia nei a maikai.  Nolaila he mea maikai e nana ia ke Alanui Moiwahine, kekahi mau wahi o ke alanui Papu, ke Alanui Moi. ame kekahi mau alanui nui e ae mamua o ka hana ia ana o kekahi mau alanui hou aku.

 

 He nui na koi poho e koi ia nei i keia manawa i oi wale aku mamua o ko lakou poho maoli.  He hana waiwai ole ka hoao ana aku e kiki i ke aupuni oiai lakou e hoao mai ana e uku mai ia oukou i ko oukou mau poho.  O ka hana maikai a na lala o ka papa nana koi poho o ka hoonele loa ana i kela ame keia kanaka e loaa ana ua oi kana koi mamua o kona waiwai maoli.  O ka poe wale no e koi mai ana i na poho pololei me ke kiloi ana i na mea waiwai ole o lakou ke uku ia.  Ua lohe mai makou o kekahi poe i hiki ole aku na wahi waiwai i ka haneri aia ka lakou mau koi i ke kaukani a i ole he mau haneri.  He hana aihue kala maoli no keia a he pono e hoonele loa ia.

 

 He mea maikai ke hoopau ia ka ai ana o ka ohana mai loko mai o ka umeke poi hookahi.  He au naauao keia a he au nohoi i loaa i na ma'i i ike ole ia i ke au o na kupuna.  O ka hapanui o keia mau ma'i he mau ma'i lele.  Ina ua loaa i na makua kekahi o kela mau ma'i ma keia ai ana e kulu ana ko laua haae iloko o keia umeke mai ko laua mau lima aku a e ai mai ana na kieki a o ka loaa no ia i keia ma'i.  Aole keia he mau olelo haku aka he oiaio o ma oiaio. O keia ke kumu i laha ai ka ma'i hookaawale ohana ame kekahi mau ma'i lele e ae.  Aole he nui o ka lilo i ke kuai ana i mau pola kaawale na kela ame keia lala o ka ohana ua oi aku ka maemae.  E noonoo like mai kakou i keia a na kakou ia e hooholo like iho.

 

 Ma ka hoi ana mai o ke Kiaaina Dole ua hoopau loa ia ae ka manao koho hoi i Kiaaina hou o na Home Rula.  Mamua o kona hoi ana mai ua hoao ae lakou e olelo ua ma'i loa ia oia, ua pupule a pela wale aku, a ua hiki hou ole iaia ke lawelawe i ka hana.  Aka o ka kakou e ike maka nei i keia mau la ua maikai loa kona ola kino a ua hiki loa iaia ke lawelawe i ka hana nui ana e paa nei.  Ke lohe aku nei makou ua pau ka manao koho i Kiaaina hou o na Home Rula i keia manawa.  Oia ka maikai hoopau ae ia mau manao ino a noho me ka maluhia.  Aole he mau hana ina a Dole i hana mai ai ia kakou mai kona noho ana ma ka noho Kiaaina a hiki wale no i keia manawa.  Heaha ka hoi ka kumu o keia makemake hoopau?  O ka mea i hana ia i ka manawa i hookahuli ia ai ka noho alii, ua hala ia.  E nana ia mua.  Aole loa e loaa i na home Rula kekahi kanaka maikai e like me Kiaaina Dole e lawelawe i na hana o ke keena kiaaina.  Owai mawaena o lakou i hiki ke olelo mai ua oi ae kona ike mamua o Kiaaina Dole?  Owai mawaena o lakou i hiki ke lawelawe ina hana o keia keena a oi ae ka maikai mamua o ka Kiaaina Dole?  Aole hookahi.

 Mai hoohemahema i ka hana .  O na kanaka Hawaii kekahi o na kanaka loaa o na hana maikai ina manawa a pau loa aka he hoohemahema mau lakou i ka hana a he kaniuhu no ka uuku o ka uku.  Ua manao kekahi poe o ka loaa o ka hana oia iho la no ka mea e pii koke ae ai o ka uku.  Aole pela. Aole e hoolei wale mai ana na haku i ke kala ina aole oe e hoike aku ana ia lakou he hana maikai oe i kau hana, he hooikaika ma na hana apau e haawi ia ana ia oe, he eleu, he kaniuhu ole, he hoomanawanui.  O keia mau mea a pau loa he mau mea ia e kaili ana i ka naau maikai o kou haku.  Aka o ka makou e ike nei ia kakou, i ka manawa no e loaa ae ai o ka hana ua paupauaho koke no.  Oi loa aku hoi a loaa ae i kekahi hoa ou he hana i oi ae ka nui o ke kala mamua o ka ua makemake koke oe e haalele i keia hana i loaa mai ai ka hana i oi ae.  Aka aole pela.  O ka hana maikai o ka malama i ka mea i loaa ma ka lima a hiki i ka loaa ana o kekahi mea i oi ae ka maikai alaila haalele i keia mea ma ka lima hema a paa i ka mea ma ka lima akau.  Oia hoi, mai haalele i ka hana i loaa a hiki i ka loaa ana o kekahi hana i oi ae ka maikai.

 Eia kekahi e nana ma na hana paa mau.  O na hana no ka manawa he mau hana hoomolowa ia ia oe.  O ka maikai o ka paa i ka hana i kela ame keia la.  Ina he nui ka uku o kekahi hana mau ole, a he uuku iki mai ka uku o ka hana paa mau ua oi aku ka waiwai o ka hana paa mau mamua o keia hana paa mau ole.  I kekahi manawa loaa nui ana ke kala a i kekahi manawa e nele loa ana.  I ka manawa loaa nui uhauha a mahope mai nele.  O ka hana oia no ka mea e ola ai o ka noho ana ma keia kulanakauhale, nolaila mai hoohemahema i ka hana.

 

 KE KAHUA HOOLE WAIONA.

 

  Pomaikai kakou i ka hiki hou ana mai o Francis Murphy, ke Kaula o ka Hoole Waiona.  He ehiku mahina i hala ae nei ua hiki mua mai oia ma Honolulu nei a hoomaka e lulu i na anoano o kana hana maikai.  I kona haalele ana iho e waiho ana no iloko o ka lepo, aka e hoomaka ae ana e ulu.  I keia ma nawa ua ulu ae kekahi o lakou a kiekie, ua ikaika, ua hiki hoi ke ku aku imua o na kikia makani ikaika.  Ua ano mimino iho nohoi kekahi o lakou, a ua make loa no hoi kekahi.  I keia manawa ua hiki hou mai la oia, a e hoo maka hou ana oia e kanu i na anoano o kana hana maikai.  Ke manaolana nei makou e nana aku ana oia i na mea kanu mimino, ame na mea i aneane loa e make, a hooikaika hoi e haawi aku ia lakou i ke ola ame ke lanakila.  Ua hiki loa iaia ke hana i keia hana.  Ua huki mai oia i kekahi mau kanaka ona kahiko loa i manao ole ia e hiki ana ke haalele a eia kekahi o lakou i kela manawa he poe hoole waiona oiaio.  Ua haule hou aku no hoi kekahi o lakou.  Ua hana oia i kana hana, aole me ka hookikina aka me ke aloha.  O keia iho la ke ki o ka lanakila ma kana hana.  Ua ike oia i ka mana o ke aloha, a ua lawe mai oia i keia mana nui a hoohana aku no ka pono ame ka pomaikai o ka lehulehu.  E nana i kana olelo ao i na wahine no ka huhu ana i ka lakou mau kane i ko lakou manawa e hoi mai ai me ka ona.  Ke a'o mai nei oia e kali ka huhu.  Haawi i manawa nona e hooluolu ai.  Hookupa aku iaia me ke aloha.  Hanai aku iaia i ka ai, a maona ka opu.  Kali a loaa ka manawa maikai, alaila hoomaka.  Aole me ka huhu e hoomaka ai, aka, me ka leo uwe o ke aloha.  Hoikeike aku iaia i ka poino e loaa mai ana i ka ohana mamuli o keia hana ana, hoikeike aku i ke aloha o ka wahine ame na keiki, a iloko o kona ona, e ike ana oia ua hewa loa keia mea ana i hana ai a e mau ana keia aloha, ame keia leo uwe aloha o kana wahine ma kona pepeiao e kani mau ana a hiki i ka pau ana o kona ona, aia manawa oia e ku ae ai a olelo "Aole loa wau e inu hou ana i ka waiona i mea e hoehaeha aku ai i ka noonoo o ka'u wahine ame ka'u mau keiki"  Ina e hoomaka aku oe e huhu e lilo ana ia i mea nona e huhu loa ai iloko o kona ona, a malia o haalele mai oia i kou hale a hele hou aku e inu a ona loa a hana aku i kekahi mau hana e poino ai kona ola ame ko ka ohana paha.  Aole anei pela?

 He nui na poe hoole waiona e kaa hele nei, aka mawaena o lakou o keia makua ka oi kelakela o ka lanakila ma kana hana.  He nui a lehulehu na ohana i hoohauoli ia e ia.  He nui a lehulehu na kanaka i hiki ke nana mai iaia ma ke ano he hoopakele no lakou.  He nui na wahine i kukuli aku imua ona a mahalo aku i kana hana maikai.  Ua ike like ae la kakou i kana mea i hoike mai la ma kekahi kolamu o keia pepa i ke aloha o kekahi wahine i hele mai a honi i kana kane i kakau i ka palapala hoole waiona imua o ke anaina nui.  Ua nui loa kona hauoli a nana ole ae oia i na maka lehulehu e nana mai ana.  Ah! he nui a lehulehu na wahine, ame na keiki e honi aloha mai ana i ka lakou mau kane, ame ko lakou makuakane, ina ia e haalele ana i ka lama, a haalele hoi i na ino oia hana, a nana aku ia lakou me ke aloha a olelo aku, "Ua lawa wau i ka hana a waiona."  O keia ka mea nana e huki nei he tausani kanaka mai ke kulana kiekie a i ka lepo' Ke pule nei ma kou e lanakila ka hana a keia Kaula ma Hawaii nei, a e ala ae ka lehulehu a mahalo ae i ka Mea Mana Loa, a i keia kaula no na pomaikai i komo mai ma ko lakou mau home like ole.

 

I KA HOAHANAU J. M. MAHUKA

 

 Aloha kaua:-He malihini au imua ou a ua hookamaaina ia mai au ma kau mau mea i kakau ai, ma ke Kuokoa o ka la 16 o Augate 1901.  No na mea e pili ana no ka Hopena o keia ao, aka aole ae e kamailio nui aku ana no kau mau mea i kohokoho ai, ooe no kou kuelana e kohokoho ai ma na ano apau.

 E pane aku ana au, ma kela wahi e olelo ana "o Josepa Smith ke kaula ka paahana hope loa o ka hora 11 o ka hoounaia ana mai, ona paahana e hana i ka mahiwaina"  Ma keia wahi i kukulu iho ai au i ko'u manao, a ninau iho la au ia'u iho no Josepa Smith anei ka hora 11?

 Aka, i ae la ko'u lunamanao aole pela.

 Nolaila ma keia ke lawe wale nei oe a hoopili aku i keia hora i ka mea i kuleana ole ka mea hoi i loaa ole ka mookuauhau, ame na wanana ma ka Baibala ke kahua ona oiaio a pau, ke hai aku nei au me ka oiaio, elike me ka malamalama ana o ka la, o Iesu Karisto no ia, puka oia i keia ao, ko na mea apau a na kaula i wanana ai, a e like hoi me ka hookahi wale no hora i koe, pela ka pokole o ko kakou mau la ma keia ao a o ka hopena hoi o na mea oia kino apau, a hiki i ka hopena o keia ao (o keia hora 11 he helu Iudaio ia a o ka hora 5 paha ia ia kakou)  Aeia hou kekahi, ka hoolilo ia ana o Iosepa Smith me kona poe paahana e hana i ka Mahiwaina.  Ma keia ke ike nei au ia oe e ka hoa'loha, ua kiekie loa kau mau keha ana "elike hoi me ka mea i palapala ia ma Isaia XIV -13."

 Oiai ua palapala ia ma Ioane XV-1.

 "Owau no ke kumuwaina, a o ko'u makua no ka mahiwaina."

 Nolaila ke ike maopopo le'a nei kakou i ka olelo o keia pauku, o Iesu Karisto no keia e olelo nei imua o kana poe haumana, a oia nohoi ke kumuwaina, a o Kona makua, ke Akua, ka Mahiwaina A pehea la ke kanaka i haakei loa ai, a hoolilo iho la o Iosepa Smith ma ka, kamakua ke Akua ka mahiwaina "a kokoke loa mai hoi keia pauku i palapala ia ma Isaia XIV-12"

 Ano kela kukui manao ou ma, Samuel VII-16 a e hookupaa mau loa ia aku kau ohana ame kou aupuni imua ou, e hoopaa ia hoi kou noho alii a mau loa aku."

 Nolaila e ka hoaloha, e alawa ae oe maluna ae ma ka pauku 12 ame ka 13 oia mokuna no a e heluhelu ia me keia.

 Aia apau kou mau la, a moe iho oe me ou poe kupuna, e hooku ae au i kau keiki mahope ou, i ka mea e puka ana mai loko ae o kou opu, a e hookupaa hoi au i kona aupuni.

 Nana no e hana i Hale no ko'u inoa, a e hookupaa hoi au i ka noho alii o kona Aupuni, a mau loa aku a e nana hou ae ma ka wanana a Isaia XXII-22-23

 E kau no wau i ke ki o ka hale o Davida ma kona poohiwi, a nana no e wehe aohe mea nana e pani.

 A nana no e pani aohe mea nana e wehe.

 A e hoopaa aku au iaia me he makia ala ma kahi paa, a lilo ia i oho alii nani loa no ko ka hale o kona makua.

 Ma ka wanana hou no a Isaia VII-14

 Nolaila na ka Haku ponoi no, e haawi mai ia oukau he hoailona.  Aia hoi e hapai ana no kekahi wahine puupaa. A e hanau mai hoi ia i keiki, a e kapa aku no ia i kona inoa o Emanuela.

 Nana hou no ma Isaia IX -6-7."

 No ka mea, ua hanauia mai he keiki no kakou no kakou i haawiia mai ai he keikikane maluna o kona poohiwi ke Aupuni, a e kapaia kona inoa, o Kupaianaha, o Kakaolelo o ke Akua Mana o ka Makua Mana Loa, o Keliikamai.

 Aole e pau ka mahuahua ana o kona aupuni ame ka malu, ma ka noho alii o Davida ia, a ma kona aupuni nohoi e hoala hou ia mea, a e hookupaa iaia, me ka hooponopono ame ka maikai mai keia wa aku a i ke ao pau ole.

 Na ka ikaika o Iehova o na kaua e hana i keia," Nolaila e ka hoa'loha, e nana i ka mookuauhau o Iesu Karisto ma Mataio I-1-16."

 E nana hou ma Isaia XI-1-2.

 E kupu mai no ka lala mailoko mai o ke kumu o lese, a e hua nui mai kekahi oha a kana aa, maluna ona e kau ai ka uhana o Iehova, ka uhana akamai, ame ka ike, ka uhane kakaolelo me ka mana ame ka ike, ka uhane e ike ai a e makau ai hoi ia Iehova.

 Nana iho no hoi ma ka pauka 10 oia mokuna no a hiki ak ia la, e puka mai no kekahi lala no Iese, a e k noia i hae nona lahui kanaka, a e imi no kona aina ma ona ala, a he nani nohoi kona wahi hoomaha.

 Ma Isaia no mokuna XIV-1-2.

 Alaila, e aloha mai no o Iehova i ka Iakopo, e olioli hou noia i ka Isaraela, a e hoomaha ia lakou a ina hoi, a e hui pu ia na malihini me lakou, a e hoopili lakou i ko ka hala o Iakopo.

 E lawe na lahui kanaka ia lakou, a e hoihoi ia lakou i ko lakou wahi iho, a e noho no lakou mamuli o ko ka hale o ka Isaraela, i kauwakane a i kauwawahine, ma ka aina o Iehova a e lawe pio lakou i ka poe i hoopio ai ia lakou: a e noho alii lakou maluna o ka poe nana lakou i hookaumaha.

 E nana hou aku ma Luka XII-29-30.

 A e hele mai no ko ka hikina, ame ko ke komohana ame ame ko ke kukulu akau ame ko ke kukulu hema a e noho iho a e ai iloko o ke Aupuni o ke Akua.  Aia hoi o ka poe hope, e lilo lakou i poe mua a o ka poe mua e lilo lakou i poe hope nana hou ma Isaia XVI-5.

 Alaila ma ka pono e hoopaa ia ai ka noho alii, a e noho no kekahi maluna oia me ka pono ma ka hale hoi o Davida he lunakanawai e imi ana i ka pololei e hooponopono koke ana no hoi.

 A o Iesu Karisto nohoi ka pua mai a Davida mai a e nana i kona olelo ma Mataio V-34-35, eia hoi ka'u e olelo aku nei ia oukou mai hoohiki ike, aole i ka lani, no ka mea o ko ke akua noho alii ia.

 Aole hoi i ka honua o kona keehina wawawe ia, a aole hoi i Ierusalema no ka mea o ko ke alii nui kulanakauhale ia.

 Nolaila ke ike ae ia kaua e ua hoa'loha nei i ka noho alii ame ke aupuni oia mau o kona keehina wawae ma ka honua nei, na haumana he 12 me ko lakou poo i hookohu pono ia mai e Ia, kona panihakahaka ma ka honua nei, mai ke Kenekuria ekahi mai a hiki i keia hora, he pona linahao moku ole.

 O Iesu Karisto ka heleuma a o Petero ka pona lina hao mua i ku'i i ka heleuma a halawai ia k'ui aku no ua pona lina hao hou a pela aku a hiki i keia wa a hiki loa aku i ka hopena o keia ao.

 A o ka Ekalesia olelo hou au e ka hoa 'loha.

 "Ma o ke alakai ana'la o ka uahane hemolele.

 He oiaio anei ua alakai io ia anei oe e ka Uhane Hemolele ma ko'u manao ua kaena kuhihewa oe, ma ka lawe wale ana i ka inoa laahia loa, manao au o ka uhane paha i palapalala ma Mataio XXI-24.

 Nolaila e ka hoa'loha ke kokoke mai nei ko'u wa e hooki ai o ka'u maka peni, ke aloha aku nei au ia oe a nui.

 A i makemake oe e ike i ka hopena o keia ao e nana ma Mataio XXIV-36.

 Me ka Lunahooponopono ko'u Welina.

  J. A. KEPOOKALANI

 Halemano.

 

KASTOL.

 

O KE KASTOL  ka inoa @

AILA HOONAHA maikai lo @

kaukauia me ka maemae i@

ai ke inu me ka paku'i ole.  Ua@

no no na meteria o ke ola @

aila.  He hiki loa i na keiki i@

me ka hakalia ole, a he o@

kou makemake i keia laau k@

no ka like me ka hone.

 O ka lepo paa kekahi mea n@

oulu mai i na mea inoino a@

Ina e mele i ke koko maema@

e hiki i kekahi mea ke mau @

ke ola loihi.  Oia iho la no ka@

no ke ola kino.  O ke KASTOL @

nana e hookaawale i na mea@

a pau o ka naau.  I na e @

lanakila i na paahana i hookui@

ia iloko o ke kino, alaila. ik@

nei ka holomua o ke ola.  Pela@

e hoopihaia ai na mea i hoop@

e ka ma'i.  He elua ano o na om@

STOL e kuaiia nei, he omole @

a he omole 50 keneka.

 Hoomakaukauia e ka Hui wa@

  HOBRON DRUG @

 King & @

 

HOI HOU O KUMALAE

 ME KA WAHINE @

 

Hoopau wale ia ka Hoo @

pii Oki a ka Wahine

a Hui hou Laua.

 

Ua hoopau wale o Mrs. Jonah K. @

lae i kana hoopii oki mai kan@

mai.  Ua komo ae keia hoop@

lua mahine mahope mai o ko la@

ia ana a maloko o keia palapala @

i ike ia ai ka hanaino maoli o @

naka opio i kana wahine. @

mina na kanaka lehulehu i keia@

mahine opio a ua loaa aku ho@

kokua mai waho aku.

 Mahope, o keia noho kaawale@

nei ua ae ae oia e hoi hou ak@

me kana kane, a i keia maa@

pau wale ae oia i kana @

ka makou e pule nei e maik@

noho ana a e waiho loa ia ka @

ka pauku laau i kahi e loaa ol@

no e hoikeike ia ana ka pah@

hou ana no malalo o ka uluna@

nui hou mai no ia o ka pilikia @

  He nui na mea i olelo ia no@

wale ana o laua.  Ua olelo@

poe ua hana kahuna ia oia @

ka huhu ino a kaawale, a h@

ka kekahi.  Aka, he mau mea@

ia ua pau ae la no ka pilikia @

na makau a ka lawai'a.

 

HE MEA PONO E IKE OLE K@

 

 He mea maikai ke ike ole k@

puuwai ko kakou.  he mea m@

hoi ke ike ole kakou he mau ak@

kou.  Aohe maikai ke ike kak@

mikini hana kekahi o kakou @

ole kakou e ike ina he maikai@

ana o keia mau mikini. @

mua loa e ike ai kekahi h@

hana kekahi iloko o kona@

mai ana iaia ua hewa ka h@

kekahi o keia mau mikini@

ia hoi kona kino i kekahi ma@

ninau mua loa e komo mai ana@

keia, heaha la ka pilikia a pehea@

ole ai keia ma'i?  O ka hapanui@

ma'i e loaa nei no ka inoino mai @

ko koko.  O ka laau maikai loa@

hoomaemae ana i ke koko oia @

laau a na Ilikini, Sagwa.  He laau k@

i hili ia e ka noeau o na Ilikini @

kahi mau makahiki loihi a hiki @

ana a ua hiki loa ke olelo ia ae@

kekehi o na laau maikai loa@

i keia mau la.  Aole hookahi la@

ia i keia mau la i oi ae kona @

mamua o keia laau, a e hoike @

ka poe i hoao i keia laau i kaia@

mea ia oukou.  O ke koko oia k@

ulu ai ke kanaka, a ina ua ma@

koko aole loa e loaa ana kekahi k@

i ka ma'i.  O keia laau Sagwa he @

hoomaemae keia i ke koko, a i ka @

mae ana o ke koko o ka pau loa @

no ia o keia mau ma'i like ole @

mai i ke kanaka.  O keia iho la k@

mu lanakila o keia laau i ka ho@

i na ma'i i ola ole i kekahi ma@

maikai e ae.  Ua hanaia keia laau@

loko mai o kekahi mau lau laau @

aa laau i huli ia e keia poe Ilikin@

a make lioko o na ulu laau.  @

lakou i kela ame keia lau laau@

loko mai o lakou i koho ia ai k@

lau maikai no ka hoomaemae@

koko o ke kanaka.  He laau k@

luna loa mai, a ina aole oe i h@

laau he mea maikai e hoao o k@

nawa.  O kela ame keia kanaka@

ana i keia laau e pau ana kona@

make ana i na laau okoa aku @

wale no kona laau.  Aole hoo@

i like ka maikai ame ka hiki w@

hoola ana e like me ka Indian @

o Hobron Drug Co., na Agena@

Laau, ame na laau Kikapoo @

Hawaii nei.

 

 E hooemi ia mai ana ka nui @

kai ma Manila, hookahi hapa @

na makai o keia manawae makemake@

ana.

 

 Ua hookipa maikai ia na kumu@

i holo aku maluna o ka moku koa@

mas i ko lakou hiki ana ma Manila@