Ka Nupepa Kuokoa, Volume XXXIX, Number 35, 25 August 1901 — Page 6

Ka Nupepa Kuokoa

KE KILOHANA PO Ka Nupepa Kuokoa

KE KILOHANA POOKELA NO KA LAHUI HAWAII.

  NUPEPA KUOKOA, AUGATE 23, 1901  

  PAU   KA HONOLULU  

  STOCK-YARDS I KE AHI.  

  Nui na Lio maikai Ame na Kaa i pau pu i ke Ahi i ka Wa Hookahi.  

  Ua Hoomaka Ke Ahi mai Kekahi Pahu mauu  

  Ai a Ka Lio me ka Maopopo ole o Ka a  

  Ana Aua hiki Aku ka Poho I ka $75,000  

                 Aole i loihi ae nei mahope o ka pau ana o ka Hale kuai maikai o E.O. Hall & Son  

  i ke ahi ua pau hou no ka Hale Malama Lio ame na kaa, ka Honolulu Stack-yards  

  Co.     O keia kekahi o na hale hana o keia ano i mahalo nui ia no ka maikai o na  

  lio ame ka mai kai o na kaa.  He nui na kanaka keia kulanakauhale i hele aku  

  malaila i na la nui, na Poaono, ame na lapule e hai ai i  kaa no lakou a loaa pu  

  mai me na lio maikai.  E pau ana ka ike hou ia ana o keia mau kaa maikai ame  

  kekahi o keia mau lio maikai a kakou e haaheo ai i na la i hala ae nei.  Aole o  

  keia wale na mea i nalo aku aka o kela hale maikai ame no lakou hale hou e  

  kukulu ia ana ua ai ia ae la e ka mana o ke ahi a koe ka lehu e hoike ana i ko  

  lakou wahi i ku ai i na ia i hala ae nei.  

                 Ua hoomaka ke ahi e ikeia i ka hora 1:45 o ka wanaao.  Ma ka Pahu Mauu ai a ka  

  lio ka ike mua ana ia a he hapa kakini kanaka iloko o ka hale ia ma nawa, ke  

  kiai po ame kekahi mau kana ka i kii mai i ko lakou mau kaa no ka lawe ana i ka  

  palaoa ame kekahi amu mea ai e ae e lawe ia nei i ka wanaao.  Ua ike aku la  

  lakou i ka ula o ke ahi a iloko o ka manawa pokole loa ua ikaika loa ka a ana.   

  Ua ike iho la lakou aole e hiki ana ia lakou ke hoopakele i na lio ame kekahi o  

  na kaa.  I keia manawa ua ike mai la kekahi makai mawaho i ke ahi a kelepona  

  koke aku la oia i ka Halewai.  Mai laila ae ua haawi ia ka lohe i ka Puali kinai  

  ahi a iloko o ka manawa pokole loa ua hiki aku la ia lakou i ka wahi o ke ahi.   

  Iloko oa eleu o ka hiki ana mai o ka puali kinai ahi, ua ike aku la lakou ua pau  

  loa o mua o keia hale i ko lakou hiki ana mai.  Ua maopopo ae ia ia lakou aole e  

  hiki ana ke hoopakele ia keia hale mai ke ahi mai a oiai e hoomaka ae ana na  

  hale e ku kokoke ana i keia wahi e a ua lilo aku la ko lakou nana ana ma ia mau  

  hale.  O ka Hokele nui e ku aku ana ma keia aoao kekahi i hoomaka ae e a a  

  mamuli o ka eleu o ka puali kinai ahi ua pakele mai kei hale mai ke ahi mai.  

                 O ka mea aloha loa, oia no ka leo uwe o na lio lehulehu i hoopaa ia ma keia  

  hale malama lio.  He elua haneri lio ma keia wahi a iloko o ka enaena o ke ahi  

  ua lohe ia aku la ko lakou leo uwe oiai ke ahi e ai aku ana ia lakou.  Na keia  

  leo uwe i kono mai I ka manao o kekahi poe i hiki aku e holo aku me ka maka’u  

  ole ma ko lakou mau wahi i malama ia ai a hoao e wawahi i kekahi mau papa i hiki  

  ai ia lakou ke puka mai.  I ka naha ana ae o ka papa ua ike ia aku la keia mau  

  holoholona e akoakoa ana ma ka aoao ikaika ole o ke ahi, a o na lio i kokoke loa  

  aku i kahi ikaika loa o ke ahu ua haule iho i lalo I mea ai na ke ahi.  O na lio  

  i loaa ole mai i na alelo manamana o ke ahi ua pakele mai lakou a o kekahi maui  

  io i pakele mai ua moa ko lakou io ma ke kua a ma na wawae kekahi.  Aole o ka  

  wela wale o ke ahi ka mea nana i kaili ae I ko lakou ola aka on uwea uila i  

  haule iho maluna o lakou kekahi mea nana i lawe ae i ko lakou ola.  Ua ike ia  

  kekahi mau uwea i ka haule ana iho a a ia ke kino minamina ia o keia mau lio e  

  ke ahi. Laki loa aohe hookahi lio heihei iloko o keia wahi i keia manawa, a ina  

  e malama ia ana kekahi lio o keia ano me nei ua pau kona ike hou ia ana ma ke  

  kahua heihei ma keia mua aku.  

                 O na lio i lawe mua ia no ka haawi ana aku i ko lakou mau kahu i kii mai ia  

  kakahiaka no ka lawepalaoa ama kekahi mau hana oia ano o lakou na lio mua loa i  

  pakele mai keia poino mai.  Mahope aku o lakou i hookuu ia mai ai na lio i loaa  

  aku I kekahi mau maki ame kekahi poe kokua.  Ua ike ia kekahi o keia mau lio e  

  holo ana ma na alanui o ke kulanakauhale me ka makemake e kaawale loa mai keia  

  lua ahi mai a lakou i ike maka ai, a i loaa hoi i kona mehana.  He nui no na lio  

  i pakele mai a he nui no koi na lio i pau ae i ke ahi.  No na kaa ame na lio  

  wale no ua hiki aku ka poho o leia hui i ka $20,000.  Maloko o keia wahi i  

  malamaia ai kekahi o na kaa maikai loa ma keia kulanakauhale.   

                 I ka ike ana ia o ke ahi ua piha koke mai ia keia wahi i na kanaka.  O na pake  

  ame na kepani ka hapanui i hiki ae e ike i keia imu hoomoa lio.  Ua puka mai na  

  wahine me ko lakou mau holoku ame ko lakou mau maka e hoike ana aole i pau pono  

  ka makahiamoe, puiwa e i keia ahi,  O keia mea a lakou i ike ai i keia wanaao he  

  me ia na lakou e hoomanao ai no kekahi manawa loihi e hiki mai ana.  

                 Ua ike ia aku ia kekahi poe e noho kokoke ana i keia hale pau ahi e hapai naa i  

  ko lakou mau ukana i waho mamua o ka hiki ana aku o ke ahi a kaili ae ia mau  

  waiwai.  O na kepani ame na pake no ka hapanui ma keia hana a e hoike mai ana  

  hoi i na hiohiona i ike ia ma ka pauahi Bubonika.  O kela o keia opala ku ana i  

  ke alanui, a aole paha i ike kekahi o keia poe i ka nui o ko lakou mau wahi  

  ukana a hiki wale no i keia manawa.  

                 Ua hoao ia e loaa ka Luna Nui o keia hui aka aole oia i loaa aku.  Ua oki ia ka  

  uwea kelepona a hiki ole ke loaa  

 

 

Ka Nupepa Kuokoa

KE KILOHANA POOKELA NO KA LAHUI HAWAII.

 

aku oia ma ke kelepona.  O Charles E.O. Rice (Kale Laiki) o Lihue Kauai ka luna nui o keia hui a aole oia i loaa aku i keia wanaao.  Ua maopopo loa o Wili Laiki makua ka mea nui loa o na kea ma keia hui.  Mai kona aina hanai holoholona mai no ma Kauai ka hapanui o keia mau lia maikai.  Aia o W.S. Withers, ka Peresidena o keia hui i ka aina e. O T.B. Richards ka luna hoohana mua o keia wahi a i kona pau ana iho nei ua komo mai o Kale Laiki.

 

            O ka hui laki loa oia no ka hui kuai pono hale o Porter Furniture Co.  Ua makemake loa lakou e hoi mai iloko o keia hale hou i pau iho la i kea hi a ua manao lakou e hoihoi ae i kekahi o ka lakou mau ukana i kela mau la aku nei, aka, no kekahi mau kumu ua kali iki lakou a keia mau ia aku.  Ina i pau ko lakou ukana iloko o keia wahi me nei ua poho like lakou.  O keia kekahi o na hale kuai pono nui loa ma keia kulanakauhale a ua hiki aku ko lakou waiwai i na kaukani.

 

            Ua ike ia ka hapai ana ia ae o kekahi wahine ma’i mai kekahi hale e ku kokoana i keia wahi.  Ua lawe ia oia ma ka Hale Kula kaikamahine o Kawaiahao a mailia oia i malama ia ai.  Ua maule kekahi wahine e ku kokoke ana i keia ahi a ua hapai ia aku oia mai keia wahi aku.

 

            I ka Poalima o ka pule i hala ua ike mua ia kekahi ahi ma keia hale hou i pau iho la i kea hi aka ua kinai koke ia no mamua o ka nui loa ana ae.  Ua manao mua ia i keia manawa na kekahi kanaka, a mau kanaka hana i hoopau ia mai keia wahi mai i hana i keia hana.  Aole i loihi loa ae nei mai ia Manawa mai ua hoomaka koke no e a hou kea hi a pau aku ia keia mau hale maikai.  Ke manao nei kekahi poe he hana keia na kekahi enemi, a ke manao nei hoi kekahi he ahi a wale ae no mamuli o ka nana pono ole o kekahi poe i kea hi, ame kekahi mau mea a hiki wawe oia ano. 

           

            Penei ka lilo: No na hale kahiko a me ka hale o na lio, $25,000; no na lio me na kaa, $20,000; no na hale hou, $30.000.  Ua Inisua ia kekahi hapa o keia mau poho, aka o ka hapanui aole in inisua ia.

 

            No ka hale hou i pau iho ia i kea hi, ke manao ia nei na ke kamana ana e uku ia poho oiai aole i pau kana hana, a eia no ka hale iloko o kona lima.

 

            He nui na kanaka i hele aku e ike i keia pau ahi i ka Poakolu nei, a ike aku la lakou i ka waiho mai o ke kino make o keia mau lio i hoopaa ia ma ko lakou mau lumi.  E ola ana no kekahi mau lio i ke kakahiaka ana kekahi ua pau ke kino i ke ahi, no keia kumu ua ki ia aku lakou i ka pu a pau ka ike ana i na ehaeha weliweli a ke ahi.

 

            O Joe Silva, ke kiai o keia hale kekahi pukiki Mahalo loa ia no kona hooikaika e hoopakele i ke ola o kona ohana ame ka ohana o kekahi pukiki okoa iho a me ka hooikaika pu ana e hoopakele i kekahi mau lio.  I ka manawa e ike ia ai kea hi e moe ana kona ohana iloko o keia mau hale i pau iho li i ke ahi.  Ua holo koke aku oia iloko o ka wela o kea hi a hoopakele mai ia lakou.  I ko lakou haawale ana mai ua holo hou aku ia oia e hoopakele i ka ohana o kekahi pukiki e moe ana me ka ike ole ai eia ka pilikia.  Ua paa ka puka i ka lala ia, a hoomaka oia e nounou i ka pohaku ma ka puka aniani i kumu no lakou e ala mai ai.  I ko lakou ala ana mai a ike i ka pilikia ua hoomaka koke lakou e hookaawale me ka eleu nui. 

 

            O Keoki Kaeo, he maki kaulio, kekahi Mahalo loa ia.  I kona ike ana i kea hi ua holo mai la oia me ka eleu nui a hiki i keia wahi.  O ka leo uwe o na lio iloko o ha ehaeha ka mea mua loa i loaa i kona pepeiao, a hoomaka koke oia e hoopakele i na lio i hiki iaia.  Ua nana ole oia i ka wela o ke ahi, aka ua lele aku ia imua o ka wela o kea hi e hoopakele i ke oia o keia mau holoholona iloko o keia lua ahi.  Ua hana aku oia e like me kana e hana ai ina o kona ohana keia ia ana e kea hi, a mamuli o kana mau hana koa i pakele ai ke ola o kekahi mau lio.

 

            Aole i loaa kekahi o keia mau lio i hookuu la mai keia la ahi mai.  Ua holo pupule aku lakou a eia paha lakou ke pee nei me ka maka’u o lawe ia mai lakou e hoomoa iloko o keia imu ahi.  Ua loaa aku kekahi o lakou a eia ia mau lio ke malama ia nei ma ka wahi e loaa ole ai i ke ahi.  O kekahi mau lio e ola nei ua wela i kea hi a na ke kauka malama lio e lapaau nei ia lakou.  O na lio i nui loa kahi i a ia ua ki ia lakou i ka pu.

 

            O kekahi mea nui oia no ka pahu kala i loaa aku.  I ka wehe ana ia aku o keia pahu ua loaa aku la he $1,000 a oi ae iloko o ia mau maikai no.  Mawaho ae o keia ua loaa aku na buke waiwai nui o ka hui ame kekahi mau mea ano nui.  O kahi pahu kala uuku ua hehee i ke ahi..  Laki loa no nae aole mea waiwai iloko oia pahu kala.

 

            He mau mahina pau ahi loa hoi keia o kakou.  Ua pau ae la keia mau hale maikai a o ko wai aku ana la koe?  E nana pono i ko oukou mau hale ina aole i insua ia, aohe i ike ia aku a pau ana i kea hi e like me keia mau hale.

 

NA HANA MAIKAI

MA PUULOA,

 

Holomua na hana iloko o ekolu mahina wale no.

 

Ala ka Ahahui Hooikaika Imi pono

Karistiano ma Puuloa

 

            Ua hookumuia keia Ahahui e na kamaaina oia ae kai i ka la 12 o Mei oia nohoi ka la i hoolaa ia ai o ka Hale pule o Puuloa.

 

            I ko lakou hookumu ana i keia Ahahui ua kohola o Mr. Maele i kakauolelo.  A mamuli o ka hoopaa ana o keia kakauolelo i ka nui o na pauku paanaau amen a mokuna a keia ame kela mea i hoopaanaau ai mai ka la 12 mai o Mei a hiki i ka piha ana o ka hapaha makahiki oia hoi ekolu mahina i ka la 12 iho la o keia mahina, ua loaa iho la ka huina nui o na pauku paahaau ke huiia ka na makuakane, na makuahine ame ka na pokii i ka 3,585: ka nui hoi o na mokuna o kahi i loaa ai keia poe pauku he 560.  Nolaila e aia e na Ahahui Hooikaika Karistiano e ae apau o ka Paeaina Hawaii nei e uhai mahope o ka meheu o keia poe hooikaika ma na hana pono.

 

            Aole paha he Ahahui e ae i loaa ia lakou ka huina o keia poe pauku paanaau a kakou e ka mea heluhelu i ike pu ae la no iloko o ekolu mahina wale no.  Ua hiki i ke kanaka hookahi ame ka wahine hookahi ke hai paanaau mai i na pauku he 10 ame 12 a malalo mai nohoi o ka 8 ame 9 i ka Manawa hookahi.  Aole no o lakou lawe mai i na pauku paanaau a lakou i hai mua ai no nap o mai mahope.  I na po apau he mau pauku hou ka lakou.

 

            He nui ka Mahalo o na makaikai i ike i ka lakou mau hana maikai, aka, aohe hoi he olelo Iana no lakou no ka mea ua ai lakou i ka ai paa, aia ka mui o ko makou Mahalo ana maluna o na pokii.

 

            Ua hiki i kekahi pokii kane ma kahi o ka eono makahiki ke hai mai i umi pauku paanaau, a pela nohoi me kekahi pokii wahine ma kahi o na makahiki he eha a oi ke hai mai i ekolu a i ole ia eha pauku i ka Manawa hookahi.

 

            He mau moopuna keia na kekahi mau kupuna i hooikaika i ke a’o ana i ka olelo a ke Akua iloko o ka laua mau moopuna.  He mau pokii liilii e ae no kekahi a ua hooikaika like no na poe makua mea keiki i ke a’o ana i ka lakou mau keiki i ka olelo a ke Akua, nolaila eia hou no ka Ahahui Hooikaika Karistiano o Puuloa ke a’o mai nei i na makua mea keiki amen a kupuna he poe moopuna ka lakou e hooikaika i ka hookomo ana i ka olelo a ke Akua iloko oia poe kamaiki.

 

            He apana o Puuloa i ala ole ma keia mau hana maikai i na makahiki lehulehu i kaa hope ae nei, aka i keia la ei oia ke holomua nei ma ka hana ana i na hana pono.

 

            I ka po o ka la 16 o keia mahina no, ua malama iho ia lakou he wahi paina o na mea ai mama oia hoi ka wai momona ame ka mea ono no ka hoomanao ana i ko lakou malama ana i ka halawai i keia po i keia po a hiki i ka piha ana iho la o na mahine ekolu.

 

            Nolaila ke haawi nei makou na makaikai i ike i ka lakou mau hana o ia po i ko makou Mahalo piha i ka Ahui Hooikaika Karistiano o ka Apana o Puuloa no ka holomua o na hana Karistiano malaila, a pela pu nohoi ia Mr. Henry T. Waterhouse i kona haawi mua ana i ka $100 no ke kukula ana i Hale-pule, a mamuli hoi o kona haawi i kokua manawalea ana , ua lehulehu mai la hoi na lima kokua e ae i pahola mai ko lakou lokomaikai ma ke alu pu ana e kukulu i heiau no na uhane o ia kaha e auwana hele ana ma o a maanei.

 

            Nolaila e na makamaka ame na kini o Puuloa e paa ia ka pono a e hoi aku hoi i kona holo ana imua  i keia hapaha ae, i ike hou mai no na kanaka e hoopaleleha ana i ka hana maikai i ka oukou mau hana maikai e hana nei mai lawe hou mai hoi oukou i ka olelo kaulana o Keawalau o Puuloa oia hoi keia:

 

            “Mehameha Puuloa he Helena na Kaahupahau,” aka i keia Manawa, “O huohu Halemano i ka lau lehua,” no ka mea e piha mau ana ke anaina halawai i na ahiahi apau.

 

 

            O ka hele mau i kea nu, am eke kawau ka mea e loaa ai i kea nu am eke kunu.  Ina e inu oe i ka Laau Penikila a Perry Davis o loko o ka wai wala a i ole wau paha, e pumehana ana o loko a pau ka pilikia.  E nana pono i na laau okoa.  O ka Perry Davis ka maikai.  He 25 ame 50 keneka.

NA LAAU HAWAII

(Mai na helu i hala mai.)

 

            A ina pela ka manao ana iloko o ke aupuni a o ka Papa Ola paha, alaila, he mea pono no ia’u ke hoike maoli ae i ko’u manao no ka pono o keia lahui, a na ka lehulehu ia e kaana iho me ka manao maikai a penei no ia: ma ka mokupuni o Hawaii, i umi kauka lapaau ma ka mokupuni o Maui Molokai a me Lanai i umi kumamalua kauka lapaau no ka mokupuni Oahu elima, koe nae no kekahi mau kauka oia hoi ka Hale Ma’i Moiwahine am eke kauka o ke awa no Kauai a me Niihau elima, aole no e oi aku mamua o kanaha kumamalima rausani dala ka lilo i keia a me keia makahiki.  Aka, o keia hoolilo ana nae ma keia ano, aole au i manao, ua makehewa, a ua lilo pono ole, aka, ua kupono no ia lilo ana i ka malama ana i ke ola o ka poe  no nana e huli a e haawi mai, a i hookupu mai i ke dala no ke Aupuni, a o kana hana mua no ia o ka malama, aka aole i hana’iki ke aupuni pela e noho nei a hiki i keia Manawa, a pela mau aku no paha auanei ka noonoo ole ia ke ola o ka lahui a me na mea no hoi a lakou e ai ai, ua ane makehewa wale no ka hilinai nui loaana ma ka lapaau i na laau haole a e hoopau i ka lapaau ana i ka laau Hawaii nei, no ka mea, o na laau haole he nui ko lakou kumukuai e loaa mai ai aka, o ka laau Hawaii me ke kumukuai ole e loaa no ia mau laau e ulu koke ana no ma ke kala o ka hale o ka mea ma’i a i ole ia alaila, e huli koke aku no me ka lilo ole no hoi no ka mea ua lako ka aina a pau i na laau lapaau.  Aole au i manao, e hole loa i ka lapaau ana i na laau haole, no ka mea, ua hoakaka mua ae nei au i kou manao maoli e pili ana i keia kumuhana, aia iloko o ke kanaka maoli e noho nei i keia Manawa na ano mai elua, oia hoi na ma’i kahiko o Hawaii nei no na ai a me ka noho ana , a me na mai hou hoi kekahi ma kea no hou o ka noho ana i awili pu ia, no ka mea, ua ike no au i’u iho, eia au I ke kanalima makahiki a oi, a iloko oia Manawa, ua ai a ua inu no hoi i ka laau lapaau a ka haole, a pela no hoi i ka laau Hawaii a ua lapaau ia no hoi au i na laau Hawaii he lehulehu na ano a ua ike no au i ke kupono oia mau laau, no ka mea eia no au ke ola nei no ia mau laau.

 

            He mea pono no ia kakou ke nana aku i kahi mau apana, i noho ia e ko kakou mau makamaka, i noho ole ia hoi e na kahuna haole, a e ninau iho, “Ehia la Kauka haole e hana nei i ka oihana lapaau ma ia mau apana Kuaaina?”  A e maopopo ia ooukou auanei ka laau e lapaauia ma na apana kuaaina o ko kakou mau mokupuni, a e maopopo auanei ia oukou ke nana pu iho oukou i ka nui o ka make ma kahi e lapaau nui ia ana na laau haole i waena o kakou.

 

            Nolaila, mamuli o kela mau kumu manao a’u i hoakaka ae nei, ke lana nei ko’u manao, ina he mea pono i ke aupuni a i ka Papa Ola, e hooponopono hou ae i kea no o ka lapaau ana ma ka laau Hawaii, a i ole hoi ia e imila na kahuna akamai a kupono ma ia ano lapaau, a e ninaninau ia hoi ko lakou ike a me ka makaukau ia hoi ko lakou maopopo la ka moolelo pololei kea no o ka ma’i a me ka laau i kupono no ia ma’i a e kakau ia ia mau mea a pau a e waiho aku i ka Peresidena  o ka Papa Ola no ka pono o ka lehulehu, a i hiki ai hoi kekahi poe e hapai ia Oihana.

 

            A o kekahi hoi, i mea e ola ai na kahuna lapaau maoli i akamai, i hiki ai ia lakou ka lapaau me ka polo me ka hoopunipuni ole, a i mea hoi e hooki ai ina hana lapuwale, a i mea hoi e hooki ai ina hana lapuwale, a i mea hoi e loaa ai ko kakou mau laau kumu mai ko kakou mau kupuna mai i aneane e nalo wale loa i keia Manawa.  Ina he mau kumu keia e kaohi ia mai ai ka holomoku ana aku o ko kakou lahui uuku i koe i ka make, a e lilo hoi oia kekahi kumu e hoomahuahua hou ana a eke hooko ia na mea a pau.

 

            E o’u mau hoa aloha, e noho ana mai Hawaii a Niihau, ua kau aku ko kakou anoi nui i na hoa hanohano o ka Alaolelo o keia kau e noonoo ana lakou no ka Ola o ka lahui ame ke ki hoi e waiwai ai ka aina a me ke aupuni, ana ua hoohemahema ia keia pono nui a’u hoi i iini nui ai no ka pono o ka lahui, me ka manaolana hoi, e noonoo ia ana keia pono e ka poe a oukou, a kakou pu hoi i koho ai, oiai ua lilo ia oukou ka lanakila, a pela i lana ai ka manao e loaa mai ka noonoo maikai no ka imiana i na kumu e kaohi mai ai i ka holomoku ana aku o ko kakou lahui aloha e nalowale, aku nae hoi aole pela ka manao o ka Makua Aloha.  Ke nonoi aku nei au ia oukou, elawe aku i ko’u aloha a me ko’u aloha a me ko’u hoomaikai ana.

 

                                                            D.W.KAMALIIKANE

                                                            (E hoomau aku ana no kela)

 

E hele ana kekahi o na Keiki hana o keia Keena no Waialua i ka la apopo a hele loa aku no Waimea.  He wahi paina lua ka lakou malaila.

 

 

Rudolf Rasenedile

 

Ka U’i Nana iKaili ka Puuwai o ke

Kaikamahine-alii

 

(Mai ka aoao 4 mai.)

 

No Mr. Abota ua nui loa kona hauoli i ka loaa o kekahi mea nana e kuai keia lua eli gula ana.  No Virgie hoi ua nui loa kona kaumaha i ka hele loa ana o keia malihini ana hoi i makemake nui ai.  E like me ka mea maa mau iaia, mamua o ka hiki ana mai o keia keiki ka hele mawaho e heluhelu ai i kanamau buke malalo o ka malu o ka laau ua hele mau aku ia oia malaila e hoohala ai i kona manawa.  I kekahi ia oiai oia e noho ana malalo o ka malu o ka laau ua puiwa oia i ka pane ana iho o kekahi leo maluna iho o kona poo.  I kona huli ana ae ua puiwa loa oia i ka ike ana ae i keia malihini ana i manao ai ua hala no ka wa mau loa.  Aole oia i manao e ike hou ana oia i keia malihi aka eia oia ke ku nei ma kona kua.

 

            “Heaha kena moolelo au e heluhelu nei? Wahi a ka malihini i pane mai ai.

            “He moo-heaha hoi keia moolelo,” wahi a Virgie me ka mino aka pu ana ae.  “Aole wau i manao e hoi hou mai ana oe.  Pehea aku nei kau huakai?”

            “Aohe nui o na holoholona ahiu o keia wahi a i hoi hou mai nei wau e kuai i ka lua eli gula a Mr. Abota.  Aole ka paha oia i hoike aku ia oe i keia mea?”

 

            Ua ike kaua e kuu makamaka heluhelu i ka hoi hou ana mai o keia malihini a laua mai kana huakai uhai holoholona mai me kona makemake e kuai i keia lua eli gula o Mr. Abota.  I kona hoi ana mai o ka mea mua ana i ike aku o keia Virgie e noho ana malalo o ka malu o ka laau e heluhelu buke ana.  Ua hele aku la oia me ka ike ole ia mai a hiki i kona ku a na ma kona aoao a pane aku i na olelo i ike mua ia aku i ka pule i hala.  I kona huli ana ae a ike i keia malihini ana i manao nui loa ai ana hoi i manao ai aole loa oia e ike hou ana iaia, ua nui loa kona hauoli.  Ua maopopo ole iaia kana mea e pane mai ai.

 

            “Owai kena moolelo au e heluhelu nei wahi a Mr. Heka (Heath) i olelo aku ai.

 

            “He buke keia e pili ana no na rula o ka noho ana i waena o kekahi anaina kanaka nui.  Ua kuai o papa i keia buke ae i mae heluhelu na’u a malia o hele aku maua imua o kekahi anaina kanaka nui ma keia mua aku ua maopopo ia’u ka’u mea e hana ai me ka hilahila ole,” wahi a keia u’i i pane mai ai me ka mino aka pu ana iho.

 

            ‘A, he buke maikai loa kena.  He mea pono paha o kaua like ke hoopaa aku i kena mau mea.  Aole no he maopopo loa ia’u ke ano o ka’u mau mea e hana ai imua o kekahi anaina kanaka,” wahi a keia keonimana me ka hoohai pu ana iho, e like no hoi me ka mea maa mau, ua ike no hoi oe e ka makamaka heluhelu.

 

            Oiai laua e aka ana e hooha’i ana hoi kekahi i kekahi, ua puiwa laua i ka pa ne ana mai o kekahi leo.

 

            “Virgie, Virgie, aia oe i hea.”

 

            “Eia no wau maanei, e papa.  E hoikeike ana wau ia Mr. Heath i keia buke rula.  Makemake oe ia’u e papa?”

 

(Aole i pau.)

 

The Hawaiian Realty and

Maturity Co.,. Ltd.

 

            Na Lunanui: L.K. Kenewela-Peresidena, W.J. Robinson-Hope-Peresidena, L.Ahlo-Puuku, P.H. Burnette-Kakauolelo.

 

            Ke haawi aku nei ka Hawaiian Realty & Maturity Co., Ltd. I ka lehulehu i kekahi hana maikai loa no ka malama ana a hoululu ana hoi i na wahi kenikeni i kela ama keia mahina.  E kukulu no makou i hale nou a hoopuka i $200 ma kou inoa a haawi aku makou ia oukou i 75 mahina e uku mai ai i keia mau dala, me ka loaa pu aku o kekahi mau pepa no lakou ka waiwai pakahi he $50 ua like ia me 19 mahine e uku ia ai o ka pepa hookahi, alaila kaa keia mau dala.  He elua wale no au dala e uku ai i keia ame keia mahina a i ka pau ana o 75  mahina ua uku ia e oe he $150, oiai no nae, he $200 i loaa aku ia oe.

 

            He 45 apana aina i kupono no ka kukulu hale a makou i keia manawa.

 

            No na mea aku i koe e hele ae i ko makou keena.

 

THE HAWAIIAN REALTY & MATURITY COMPANY LIMITED.

 

Maluna ae o Kakela ame Kuke

                                                Alanui Moi

 

Aia kekahi Keena o makou ma Hilo.  O M.E. Silva ko makou Agena.

 

S.OZAKI.

 

Ka Hale Kuai Emi o na mea Kuai

Like Ole.

 

            Malaila e lawa ai ka makemake o na Lede Makaonaona aia malaila na iini o na Keonimana, aia i laila ke koi a na Keiki.

 

E HELE NUI AE E IKE MAKA

HE EMI HOI KAU!

 

            Aia Kona Hale Kuai ma Alanui H@@@@ mawaena o ke Alanui Belela me Nuuanu ma ka Aoao Makai.

 

UA PAU KA WELI I KA NOHO HUKI NIHO

 

            HE HIKI KE HUKI A HOOPIHAIA NA NIHO POPO ME KA ELA OLE malalo o na paahana ana o keia au naauao e kapililia ai i ka io o ka papa niho.  Aohe hanaia i ka laau hoohiamoe.

 

            O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a puna paha e hiki ole ai ke i keia ke ano e mai ka niho maoli ae, a e paa ne ia no umi makahiki malalo o ka hoopaa ana me ka LOAA OLE O KEKAHI HUNAHUNA O KA EHA.  HE POE WALE NO I HOONAAUAO A HOOKUU MAKAI IA na poe lawelawe, he poe i lawelawe mua ma keia oihana mai ka 12 a i ka 20 makahiki a he loea ma ke poo o na mahele like ole o keia oihana.  E kipa mai io makou nei a e ike no auanei oukou i ka oiaio o ka makou e hoolaha nei.  E hoike mua aku no makou ia oukou i ka nui o ko oukou lilo i ka wa e NANA MUA AI ME KA UKU OLE

 

            PAA NIHO KU’I……………………….$5.00

            NIHO GULA…………………………….5.00

            HOOPIHA IA ANA ME KE GULA…….1.00

            HOOPIHA IA ANA ME KE DALA……..  .50

Ua lawa ko makou inoa i ka hoola ana i ka maikai o na hana a pau.

 

NEW YOUR DENTAL PARLORS,

                        Room 4 Elite Building

                        Alanui Hotels.

HE MAU WAHINE NO KAHI NO KA WAHINE.

8a.m.

 

 

He Mau Olelo no ka

LAAU PENIKILA

 

            Wahi a Rev, James H. Dixon, kekahi o@ kahunapule kaulana o Montreal, a kahuna pule hoi o ke St. Judes, a me Hon. Canon a ka halepuleo Christ Church Cathedral: “E ae mai i’au e kaena iki aku i ka laau @@@@@ eha a Perry Davis.  No kanakolu kumamalima makahiki ko’u hoao ana i keia laau.  He laau i kupono e hoaola e na poe a p@@@@.”

 

Penikila

 

            Laau hoola eh@ ka Puu, Ku@@ Anuanu, Eha @@ Opu, a pela ulu.

 

Elua ano 25 keneta a me 50 keneta

 

            E noho ana ka halawai a na keiki o Kamehameha ma ko lakou Hale Mai ma Alanui Papu.

 

            Ua makana ae ka hui o Lui ame K@@@ i na keiki kinai ahi he $250 me ka mahalo pu ana ia lakou no ka eleu ma ka lakou hana i ka pauahi o E.O. H@@ & Son.