Ka Nupepa Kuokoa, Volume XXXIX, Number 33, 9 August 1901 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, AUGATE 9, 1901                                         3

 

HOOLAHA KUMAU.

 

Ka Hui Alahoa ame Aina o Oahu

Mahope aku o Ianuari 1, 1901

 

Manawa Holo

 

WAHI HOOLULU, Mai Honolulu aku,        Waianae, kaa huikau   na la apau koe ko Sab@.         Waialua, kaa ohua, na la apau.       Waianae, kaa ohua ua la apau.            Wili o Ewa

                                                                A.M                       P.M.                      P.M.                      P.M

Honolulu.....                                       7:1                          3:10                        5:10                        5:10

Hanana.......                                       8:0                          3:43                        5:50                        5:50

Wili o Ewa...                                        8:@7                      4:06                        6:10                        6:10

Waaianae...                                        9:@                        4:43                        ....                           ....

Waialua......                                        .....                         2:00                        ....                           ....

 

WAHI HOOLULU, Mai waho mai ai Honolulu.)      W@ o Ewa, ka ohua, @ ke Sabati              Wailalua, ka ohua, ua la apau.     ua la apa @ huikau. a @p        , koo      esa, b@                                Waialua kaa lhua na la a pau        Wili o Ewa kao ohua

                                                                AM.                       A M.                      A.M.                      P.M.

Waialua.......                                       ....                           6:12                        ....                           2:39                        ....

Waianae.....                                        ....                           7:12                        10:09                     3:55                        ....

Wili o Ewa...                                        5:50                        7:47                        10:59                     4:32                        2:45

Manana......                                       6:15                        8:07                        11:3                                                        1:10

Honolulu.....                                       6:50                        8:40                                                        5:25                        1:45

                G. P. DENISON,

                                Luna,                                                                                                   F. C. SMITH,

Luna Kuai Palapala Ho

 

LYLE A. DICKEY

 

mai na Mokupuni mai.

                E hookoia na hana pili kanawai apa Kihi o Alanui Betela me Moi. Pah@

 

Metropolitan Meat         Co

(Hui Kuai Pipi @ropolitan.)

G. J. WALLER, (Waia) - Luna Na

@ 108 Alanui Moi.

Poe Kuai a Hoolako i na Moku

ME

@

na Io Pipi, Hipa a' pela'ku.

E loaa mau ana na Manu ame na Ke

mano i hoohu'ihu'iia iloko e

ka Hau.

Makepono ke Kuai i na I'o Pipi mae nei.

TELEPONA HELU.              -              -              @

@786-@

 

Ka Ayer

Laau Kunu

                No ke Anu, Kunu. Ma'i ma ka Puu Puu Eha, Anu ame ka Ma'i Ai Ake @oemaka hou. Aohe lua e loaa ai @ Laau Kunu a Ayer. O keia ka laau kunu kaulana loa i ikeia ka hololoa @ na lapaau ana maloko o ka Oihana Lapaau, a ua apono loa na Kauka lapaau ma keia ame keia wahi. E hoomahan@ ana ia i ka aai ana i ka pale lahilahi i pili aku ai ka ma'i, wawahi i ka male paakiki e kunukunu a e man@o ai ka puu, hoopau i ke kunu ana, a loaa hoi ka oluolu. Ma ke ano laau pale pilikia kokoke loa noloko o ka ohana o ka AYER LAAU KUMU ka helu ekahi Aohe lua o keia laau no ka hoola ana i ke Kunu Ho, Kunu Kalea, Puu Eha ame na ma'i apau o ke Ake-mama i loohia mau ai ka poe opiopio. Aohe ohana i palekana, ke ole e loaa ia lakou

KA AYER LAAU KUNU

-- OIA HOI --

KA AYER

CHERRY

PECTORAL,

I homakaukauia @

DR. J.C. AYER & CO.,

Lowell, Mass, U. S. A.

 

                E makaala loa no na laau hoohalikelike kumukuai emi. Ka inoa o kele laau, oia ka AYER CHERRY PECTORAL. E ikeia ana keia inoa mawaho o ka wa-hi, a maloko nohoi o ke kino o keia ame keia omole.

 

Ke pookela o na laau no ka malama ana, ka hooulu ana me ka hoenani ana i ka lauoho, oia ka

Ayer Laau

Hooulu Lauoho.

                Aole e kepia @poo, oia na ma'i puupuu, aole hoi helelei ka lauoho. @ maloohaha mai ka lauoho, hinawenawe a ano hina mai, alaila, na kele laau e ho'iho'i hou ae a kona ano m@a a hooulu lupalupa ae ia i ka lauoh@ Ma na wahi apau, o keia Laau Hooul@ Lauoho a Ayer ke pookeia, a ua Me ia i punahele a i hoapili no na le@ ame na keonimana.

 

Ayer's Hair Vigor

I homakaukauia @

Dr. J. C. AYER, Lowell, Mass., U.S.A.

 

He Modala @ mai @

 

Hollister Drug Co. Lt.

He Agena ma ka @ Hawaii.

 

KE KINOWAILUA

I KE

Kuluaumoe

 

                i ka pau ana o ka ai ana ia la. ua noi mai ia kahi makau kiu i ka Haku Opio e komo aku me ia iloko o kona lumi oiai ua makemake oia e kamailio pu me ia no kekahi mea ano nui. I ko laua hiki ana iloko o ka lumi ua hoike aku ia oia i ka Haku Opio i kona manao e haalele mai iaia a hoi aku no Ladana e huli ai ia Fa@ne. oiai ua manao oia @ loaa mai ana kekahi mau mea ana i makemake nui ai mai iaia mai. Hoike mai la ka Haku Opio i ka wahi e loaa ai o Fa@ne i ka Makai Kiu, a maho@ kekahi mau kuka kamailio ana ua haalele mai ia ka Makai Kiu ia Ketawina Hale a hoi aku ia no ke Kulanakauhale nui o Ladana.

                He mau pule mahope iho o kona haalele ana mai ua loaa mai la ka leka ia Monk mai kona mau hoa'loha mai e paa nei ia Bernice e hoike mai ana ua uluhua loa o Bernice i ka paa loihi ia iloko o keia wahi a e noi mau mai ana e ike ia Monk. Nolaila ua noi mai laua ia Gilibeta Monk e hele koke aku o imi mai auanei keia Bernice i mea no laua e poino ai. Ua makau o Monk i ka hoi aku no Ladana oiai ua maopopo loa iaia eia oia ke hakilo ia nei e keia wahi makai kiu. aka. me ka nui o kona ano maalea ame ka mui hoi o kona makemake e ike ia Bernice ua huli nui iho ia oia i wahi nona e hiki ai i Ladana me ka ike ole ia mai e keia wahi makai kiu ana i maka'u nui ai. Ua maopopo loa iaia eia keia wahi makai kiu ke kiaia nei i na kaa ahi a pau loa e hiki aku ana i Ladeana mai keia wahi aku, a o ka pono wale no ana e hana ai o ka hele aku a hapalua like. haalele i ke kaa ahi a hoolimalima i kaa pio e lawe loa aku iaia no Ladana. Ua holo iho la keia mea i kona noonoo. Hoomakau kau oia i kona mau wahi ukana kupono a kau aku la maluna o ke kaa ahi. Holo aku oia a hiki i ka Hale, Hoolulu maanei mai o ka hale hoolulu hope loa. lele oia a hoi aku no ka Hokele e hooluolu ai ia po. I ke kakahiaka ana ae ua hele koke aku ia oia a oki i kona umiumi apau loa. a he omolemole ke nana aku. Ua hiki ole iaia ke ike iaia iho. a aka malu ae ia oia. "Ina e ike mai ana keia wahi makai kiu ia'u aole loa oia e maopopo ana o kona enemi no keia. Ua hiki loa ia'u ke hoohoka aku iaia ina manawa apau loa a'u e makemake ai. Na'u o Bernice mai keia manawa aku a i ka wa mau loa."

                Ua hele koke aku la oia @ ka hale kaa kokoke loa i keia Hokele a hoolimalima aku ia i kekahi kaa maikai loa ame kekahi lio maikai loa no ka lawe ana aku iaia no keia wahi ana e makemake nei e hele. I holo wale ia no e ia a hiki wale no i kona hiki ana i ka hale. Ku mawaho o ka hale i hoike ia mai iaia ua hookani aku ia oia i ka pele a puka mai ia kekahi wahi kaikamahine kaua. I ka ike ana mai iaia nei ua ninau koke mai ia keia kaikamahine i kana mea i makemake ai a noi aku la oia e ike ia Mrs. Crowl ame Flack. Ua ae ia mai ia oia e komo koke aku iloko o ka hale. Lawe ia aku ia oia a waiho ia iloko o ka lumi hookipa. Kii loa aku la keia kaikamahine kaua i kona mau haku a lawe mai la ia laua e ike i keia malihini. I ko lawa ike ana mai ia Monk ua hiki ole ia laua ke ike mai iaia. Ua manao loa mai ia laua he malihini keia. Ua ano okoa loa mai ka helehelena mua mai a laua i ike ai. O keia oki @na o Monk i kona umiumi oia ka mea nana i hooano e loa ae i kona ano. Ku mai lawa a nana pono iaia no kekahi manawa loihi me ka pane leo ole. a ua 'ilo hoi ia i mea na Monk e mino aka aku ai. Aole oia i manao mua ua na@lowale loa kona ano, aka. i kona ike ana ua hiki ole i keia mau hoa'loha pili paa ona ke ike mai iaia ua ike iho ia oia ua makai loa keia hoonalonalo ana ona i kona ano.

                "O ko olua hoohewahewa koke mai la no ka ia ia'u?" wahi ana i pane aku ai.

                Ua lohe mai ia laua i ka leo. o ka leo o Monk. aka o ka helehelena he helehelena okoa loa. a laua i ike ole ai mamua. Nana aku kekahi i kekahi me ka maopopo ole o ka laua mea e hana ai. O Monk i'o paha keia aole paha?

                "Heaha keia? Ke alualu ia nei oe e na makai?" wahi a Flack i pane mai ai.

                "Aolhe pilikia. Ua hooholo way e oki i ko'u umiumi oia wale iho ia no." wahi a Monk. "Pehea o Bernice?"

                "Ua nui loa, kona inaina no ka paa ia. E hoao mau ana oia e uwa i keia a mekeia ia aka aole poe lohe mai iaia oiai he poe kane wale no ka poe noho kokoke i keia wahi a ua au loa lakou i ka hele i ka hana. He hookahi wale no wahine noho kokoke i keia wahi a he hoa'loha maikai loa oia no;u. Ua hoike aku wau iaia he kaikuahine keia nou a ua kauoha mai oe ia maua e hoopaa laia a hiki i kou kii ana mai oiai ua haalele aku keia kaikamahine i ka home maikai a hele mai e auwana hele amo a maanei ma ke ano he wahine hana keaka. Ua olelo pu aku wau iaia ina oia e kokua mai ana ia'u i ka malama ana i keia kaikamahine a hiki mai oe. e loaa ana ia maua ka uku maikai. Ua kokua loa oia ia'u me ka manao i'o loa o kou kiakuahine keia. I ka po haawi mau wau iaia i ka laau hoomoe iloko o kona @ i hiki ole ai iaia ke uwa a lohe mai na kanaka i hoi mai mai ka hana mai. O keia iho ia ke ano o ko makou noho ana e noho nei."

                "Pehea i loaa ai ia oe o Bernice?" wahi a Monk i ninau aku ai ia Flack. Ua hoike mai ia o Flack ina mea apau loa mai kona hele huli ana a hiki wale no i ka loaa ana iaia i kela po.

                "Manao wau o ka mea maikai loa e hele olua me Bernice i keia ahiahi. Aole hiki ia'u ke hele like me oukou. oiai eia wau ke kiai ia nei e kekahi makai kiu e hule nei i keia kaikamahne. O ka pono wale no e hele aku oukou me ka malu loa. Ina e noho loihi loa ana ma keia wahi e lohe ia ana ka kakou hana a e loaa mai ana ia kakou ka pilikia. A i ko oukou manawa e heleai e malama pono loa olua iaia. Mai hoohemahema olua o nele hou kakou."

                "Na mamu ia e nana pono aku." wahi a Mrs. Crowl.

                "Aia i hea oia i keia manawa? E kii aku iaia a lawe mai imua ou. E hoi olua ma kekahi wahi okoa e noho ai. oiai na makemake wau e kuka kamalilomalu me ia no kekahi mau minute pokole. E kii aku kekahi o olua iaia a lawe mai i keia manawa." wahi a Monk.

                Ua hooko ia keia kauoha ana, a iloko o ka manawa pokole ua hiki mai ia o Bernice imua o kona @. Nana pono mai ia o Bernice iaia me ka hiki ole ke ike mai owai ia keia kanaka i makemake e ike iaia. Aole oia i maopopo o Monk keia a hiki wale no i ka pane ana aku o Monk.

                Ua ike mai ia oia i kekahi helehlelena ku i ka hoowahawaha, i ahona iki no ka ua Monk nei i ka ulu o ka umiumi. I ka pau ana ae nei keia o ka umiumi pana i huna kona ano maoli. ua ike ia aku ia kekahi helehelena ku maoli no i kahoowahawaha. Ua emi mai ia oia hope me ka manao e hookaawale mai @ mai keia kanaka mai a ia manawa i pane koke mai ai o Monk.

                "Heaha hoi keia e kuemi hope nei? Aohe no ka paha ou ike mai ia'u? Ma kou nana ana ua like loa hoi oe me keia mau wahi mea aia ka ko oukou ike ia'u ma ka umiumi a aole.ma ka helehelena maoli." wahi a Monk.

                "A-ooe no ka keia e Gilibeta."

                "Ae, owau no keia. Aohe ka ou ike mai ia'u. Aia ka paha kou makemake ia'u ma ko'u umiumi. Ke ike aku nei au ia oe aohe ou makemake e hookokoke mai ia'u. Heaha hoi keia ou?"

                Ua nana pono aku ia o Bernice iaia @ ka pane leo ole aku. Ua ike aku ia oia aole keia he mea okoa aku aka. o Monk no keia, aka, o kona helehelena @ hoike mai ana i kekahi mau maka ana i ike ole ai mamua aku o keia manawa. He helehelena kona i ku maoli no i ka hoowahawaha a ua hiki ole ia Bernice ke hookokoke aku iaia.

                "Heaha mai nei hoi keia ou? E maka'u loa mai ana ka paha oe ia'u? E neenee mai oe maanei ua makemake wau e hoike aku ia oe i kekahi mau mea a'u i makemake nui ai e kamailio me oe."

                "E kala mai oe ia'u no keia hoao @ e hookaawale mai ia oe mai. Ua ano okoa loa kou helehelena i keia manawa. ua hoohewahewa loa aku nei wau ia oe. Ua hauoli loa wau i ka ike ana ia oe." wahi a Bernice i pane mai ai me kona leo oluolu. a waipahe hoi ke hoolohe aku.

                "E hoike mai ia'u i kou kumu i holomalu mai ai mai ia'u mai. Heaha ia hoi kou kumu i hana ai pela? Ua hana aku wau i na mea maikai apau loa aka ua lilo ia i mea ole ia oe."

                "Ua holomalu mai wau no ka mea ua ike wau ina wau e noi aku ana ia oe e hookuu mai ia'u e hoole loa mai ana oe. Ua mahalo nui wau ia oe, a ua ike hoi i kou lokomaikai. aka, ua hiki ole ia'u ke hilinai loa aku maluna ou no ko'u pono. Aole i pono keia i ko'u manao. kou malama ana mai ia'u oiai no he mau pilikia no kou. a ua hiki no hoi ia'u ke malama ia'u iho."

                "Ua ike no hoi oe he makemake loa wau e hana aku ina mea apau loa nou. Ua ike no hoi oe ua aloha wau ia oe, a o kona makemake a pau loa oia wale no ka'u e hooko aku ai," wahi a Monk.

                "Mai olelo mai oe no na mea e pili ana i ke aloha," wahi a Bernice. "Aole i kupono ia oe ke aloha mai ia'u ma ia ano. O ka pono wale no e hoopau loa ae oe i kena mau manao kuhihewa ou. Oiai e hoomaopopo iho oe he wahine wau ua mare ia, a eia no ka'u kane ke oia nei. O ka'u kane wale no ka mea i kupono e aloha mai ia'u, a oia wale nohoi ka'u mea e aloha aku ai. Nolaila mai noonoo hou oe no ia mea." wahi a Bernice me ka nana pono ana aku ia Monk.

                Ua like keia mau olelo me ka kui ke'@eawe e houhou ana i ka puuwai o ua Monk nei oiai ua aloha loa oia i keia u'i lua ole. Ua manao loa oia ua lanakila oia. eia ka e lilo ana kona mau manao lana i mea waiwai ole. Ua nana pono aku @a oia ia Bernice me kona mau maka i piha i ka inaina a pane aku ia i keia mau huaolelo me ka leo oolea:

                "He mau hana hoohoka maoli keia au. Aole auanei ou ike he elua manawa a'u i hoopakele ai i kou ole, a ua kuleana wau i kou ola? No keaha ia oe e hoole mai nei i kahi uku uuku loa a'u e koi aku nei ia oe? E nana ae oe i ka puu dala nui a'u i hoolilo ai nou. a e ninau iho hoi ia oe iho i na aole oe i aie ia'u no ia mau lokomaikai palena ole. Ua hai aku wau i kaua hana nau. haawi aku ia oe ina mea apau loa au i makemake ai oiai oe ma ko'u kakela. ka kakela Mo. Ua kuai aku wau ina lole maikai loa. na mea nani. na buke himeni.@kau mau mea apau loa i makemake ai, a o ka uku iho @a ka keia au e haawi mai ai ia'u."

                "He oiaio no kau mau mea apau i olelo mai @a aka. e hoomanao iho oe ua hana mai oe i keia mau mea apau loa me ko'u noi ole aku ia oe e hana mai no'u. Nolaila mai helu wale mai oe @ kau mau mea i haawi mai ai me kou nei ole aku. Aole no wau e ae e lawe i keia mau mea i haawi mai ai me kou @oi ole aku. Aole no wau e ae e lawe i keia mau mea apau loa au i haawi mai ai ia'u ina wau i ike mua he mau manao okoa loa kou. E kala mai ia'u, aka, ua hiki ole ia'u ke ae aku i kou manao. Ke haawi aku nei nae wau i ko'u mahalo nui ia oe no kau mau mea apau loa i hana mai ai no ko'u pomaikai. Malia o hiki mai ka manawa e hiki ai 'a'u ke hoihoi aku i kekahi o keia mau lilo ou. O ka-u noi hope loa ia oe e kokua mai oe e huli@i hana na'u ma ke ano he malama keiki."

                Ua ike iho @a o Monk ua hoka hou no oia, a ohe ana hana e hana aku ai. Ua ike pu iho ia no hoi oia ina e hele ana keia kaikamahine e imi i kana loaa nona ponoi iho. e pau ana ka hiki ana iaia ke hoomalimali aku iaia a hiki i kona lilo ana i wahine nana. o ka hana pono wale no ana e hanaai o ka mare iaia i keia manawa, aka, o ka mea pilikia wale no aole he ae o keia kaikamahine e mare me ia i keia manawa. O ka hana hiki wale no iaia ke hana i keia manawa o ka hoao ana e lawe aku iaia i kona kake@a. ke kake@a Mo. A pehea ia ina aole e ae ana keia kaikamahine e hele aku no keia wahi? He mau mea nui keia nana e noonoo ai, aka, ua hooholo iho ia oia iloko iho ona e hele keia kaikamahine e pono ai. Aole mea nana oia e hoohoka mai ma keia manao ona. Ina oia e ae ana i keia kaikamahine e hele aku e imi i oia @ona ponoi iho. e loaa mai ana i ka@ makai kiu. a e haule pahu ana kona mau manaolana apau loa. Aaki ae l@ oia i kona mau niho. a nana pono ak@ @a ia Bernice me na helehelena huhu.

                "E Bernice." wahi ana i pane aku a@ me kekahi leo weliweli a Bernice hoi lohe ole ai mamua." ma ke ano he kai kunane wau nou. ua hiki ia'u ke ha@ aku maluna ou i ka mea a'u i mana ai oia ka pono. Nolaila o kau wale @ kauoha aku nei ia oe. a he mea @ oe e hoolohe mai, e hoi hou oe i ke Kakela Mo."
                "Aole loa wau e ae ana e hoi hou ak@ ilaila." wahi a Bernice me kona ma@ maka onaona e nana pono aku ana i keia kanaka e hoao mai nei e hoopaa@ao aku iaia ma keia wahi ana i makemake ole ai

                @ ko'u makemake ke hooko ia aole o k@u, nolaila o ka ae wale mai no kau. O kuu pono ka'u e imi aku nei. a aole o ko'u. Nolaila e hoomakaukau ia oe iho no ka huakai o keia po," wahi a Monk. A me keia mau olelo ua kahea koke aku ia oia ia Mrs. Crowl ame Flack e hele mai i mua ona. "E lawe aku ia Bernice i kona @umi. ae hoomanao oe e malama loa olua iaia. E hele aku ana oia me olua no Wales i keia ahiahi."

                Aole i makemake o Bernice e hoi hou iloko o keia lumi ona i hoopaahao ia ai aka, ua hiki ole iaia ke hoopupu iho. Ua hopu mai ia o Mrs. Crowl iaia a kau oloko aku ia a komo ana iloko o ka lumi. Pa@ ino ia aku ia ka puka, a ua hoi hou ka paahao iloko o kona lumi. Ua noho iho ia oia i lalo o ka papahele a hoomaka ae ia e uwe no keia hana hoomainoino ia ona, aka. @ua lilo kona leo uwe, i mea akaaka wale ia mai no e keia poe lokoino. I ka pau ana o kona leo uwe ua komo mai ia o Mrs. Crowl iloko o kona lumi a hoao mai ia e hoomama i kona noonoo. Aole i pane aku o Bernice iaia oiai ua piha kona poo i ka noonoo ana i kana mea e hana aku ai i ka manawa a keia poe e hoao ai e lawe aku iaia mai keia wahi aku a hoopaa iaia ma keia kakela Mo. ka wahi hoi ana i makemake ole e ike hou.

                I ka hiki ana mai o ka aina ahiahi ua lawe ia mai ia ka Bernice mea ai a mawaena o na mea ai i lawe ia mai ua ike aku ia o Bernice i kekahi pola ti Bernice i ka hanai ia o kekahi poe i ka laau make me ke ti. a upu wale ae ia no oia, malia, ua huhu loa keia poe iaia no kona ae ole e hele me lakou i keia po. a e hoao ia ana oia e hooinu i kekahi laau make. a i ole laau hoohiamoe. paha, nolaila ua lawe malu aku @a oia i keia pola ti a ninini aku @a iluna o ka Moena weleweka mahope o kona moe, i ole e ike ia. I ka pau ana o keia hana akamai ana, ua hoi mai ia oia a hoomaka iho @a e ai i kona aina ahiahi. I ka pau ana o kana ai ana ua komo mai ia o Mrs. Crowl e hookaawale aku i ka mea ai a o ka mea mua loa a kona maka i nana iho ai o keia pola ti. Ua makemake oia e ike ina uainu ia. I kona ike ana aohe wai i koe ua mino aka iki ae ia oia. Ua hana ia keia pola ti eia me ka laau hoohiamoe, a ua ko kona makemake ua hiki loa ia lakou ke hana aku i ka lakou hana i makemake ai i keia po me ka ike ole o keia wahi kaikamahine i ka hana ana ia.

                Aole i lawe koke ia na pa ame na pola o loko o ka lumi o Bernice oiai ua hauoli loa keia wahine i ka holomua o kana mea i hana ai. Ua puka aku ia oia i waho a hoike aku ia Flack i ka holomua o na mea apau loa. Ua kau oha@ koke aku ia oia ia Flack e hele koke aku e kii i kaapio no ka lawe ana aku i keia kaikamahine i kona wa e hiamoe mai ai. Ua maopopo loa nohoi ia Mrs. Crowl aole e hiki ana ia Bernice ke ala loihi.

                No Bernice ua ike iho ia oia ua lanakila oia maluna o keia wahine, aka, i mea e maopopo ai kana mau hana i manao ai e hana aku maluna ona ua hoi koke aku ia oia maluna o kona wahi moe a hoomaka aku @a e hoomoemoe. Aole i loihi komo mai @a o Mrs. Crowl me ke kaua hana no ka hookaawale ana i na pa ame na pola. Ua nana aku ia ua wahine nei a ike aku @a ia Bernice e hiolani ana.

                "Ah, ua loaa pono aku ia oia i ka ai a kailua. O kou moe no kena a ala aku kou hiamoe ma ke kakela o Mo. E lawe aku i kena mau mea. Aole pilikia ke hoonakeke oiai aole oia e ala hou no kekahi manawa loihi. Ua hana wau a ikaika kona laau hoohiamoe i keia ahiahi a oia kekahi kumu o kona hiamoe koke. Ke pau kau hana puka mai no oe a hoomamama iho no kena puka. Ua hoouna aku nei au ia Flack e kii aku i kaa, a i kona manawa e hiki mai ai e hoouna mai ana wau iaia iluna nei e kii mai ia Bernice a lawe iluna o ke kaa, a o ko kakou hoomaka no ia ma ka kakou huakai.'.

                Ua nana hou aku ia keia wahine ia Bernice a i kona ike ana aku e moe maikai ana no oia ua haalele mai ia oia iaia e moe maikai ana a hou aku no kona lumi e hoomakaukau no kana huakai. Ia ia no a komo aku iloko o kona lumi ua aia koke ae @a o Bernice me ka eleu nui. hopu aku @a i kona mau wahi paiki e waiho kokoke mai ana, kau ka papale a i waho aku i hooponopono ai. Ua holo aku @a oia me ka eleu, a me ka hikiwawe nui. Ua lohe ia aku ka na keke o kona mau wawae e lelele hele ana iluna o ke alapii o ka hale. Ua maopopo koke mai @a ia Mrs. Crowl ua lele ka manu ana i manao ai he manu eheu ole. me ka maopopo ole o kana mea e hana ana ua holo pupule mai ia oia mahope o kana paahao aka, ua hala ka puulena aia i Hilo.

                Ia Bernice no a haule i lalo ua hoomaka aku ia oia e holo pololei no ka puka pa. aka. iaia i hoomaka aku ai e holo ua ike aku ia oia i kekahi kaapio e holo mai ana ua kokoke loa. Ua maopopo koke ae @a iaia aole kwia he kaa okoa aku aka o ka kaa no keia a Flack i hele ai e kii no lakou a eia oia iluna o keia kaa. Me ka eleu ua huli hou ae ia oia i hope a hoomaka aku ia e holo me ka mama ma ka aoao o ka hale a puka ma ka puka mahope. Iaia no hoi a kaalo ae ma ke kala o ka hale ua ike mai ia o Mrs. Crowl iaia. a me kekahi leo ua. ua holopupule mai la oia mahope o kana wahi manu nunu, aka, ua hiki ole i kona mau eheu luahine ke uhai aku i ka manu ahai wai o Puna. ua nalo aku ia o Bernice iloko o ka pouli o keia pa, a he pouli poele pakini wale no kaua Mrs. Crowl nei e ike aku nei.

                'Heaha hoi keia hana a olua i hookuu mai nei iaia e holo?" wahi a Flack i pane mai ai me ka inaina.

                "Aole paha, ea-ea-ua moe hoi ia. hoi aku nei wau e komo aia! aia! aia o Bernice! Ike aku ia wau i ka maalo ana ae ia ma keia wahi e a mai ia ke kukui!              "Ua puana ae lia oia i keia mau huaolelo hope i kona manawa i ike aku ai ia Bernicei i ka maalo ana ae ia ma kekahi wahi malamalaa. Ua hoopau koke ae ia lakou i ka lakou kamailio ana a hoomaka aku ia e uhai mahope o Bernice, aka, ua lohi loa. I ka manawa no a Bernice i puka ai ma ka manawa no a Bernice i puka ai ma ka puka mahope o kona manawa no ia i holo aku ai me ka mama loa. Holo aku ia oia he mau kapuai. a hoomaka e huli oia kona manawa i ike ia mai ai. holo aku ia oia a huli hou. huli hou, a pela kaia nei huli ana a hiki i ka huikau loa ana o kona wahi i holo aku ai. a ina i hoouna ia na makai kiu akamai loa a Ladana e huli aku iaia aole loa e maopopo ia lakou ka lakou wahi e hele aku ai e huli @ loaa. Me ka eleu nui ua kau ae ia o Mrs. Crowl maluna o keia kaapio i hiki mai a hoomaka aku ia e ohai mahope o kana paahoa. i k@ laua hiki ana mai i k@ mahi ana i ike ai i ka huli ana o Bernice @ ike hou aku ia oia he mau kihi alanui a ua maopopo ole iaia o ke alanui @ea ia ka Bernice i huli ai. Ka pono huli aku @a no laua a hiki hou i kekahi kihi alanui. ku hou nana oiai keia manawa a laua e hoaa nei ua manao loa aku ia o Bernice mai ia lakou mai a ua pau kona maka'u ana o ka loaa aku i keia poe.

                I kona ike ana ua manao loa oia ua hoopau ae ia oia i ka holo ana ame ka hele wikiwiki ana a hoomaka iho ia e hele malie. Pela kona hele ana me ka hoomanawanui a hiki i kona hiki ana i kekahi alanui nui. e holo ana na kaa Buss ame na kaa like ole. Ua ike aku ia oia i kekahi wahi kihi pouliuli a hoomaka koke aku ia oia e hele no keia wahi. O keia wahi he alapii e pii aku ai i kekahi hale iluna a he wahi hele mau ia hoi e na kanaka i na manawa apau loa. Aole i loihi kona noho ana iho ma keia wahi ua ike aku ia oia i ka hele ana mai o kekahi haole. Aole i ike mai keia haole iaia a hiki i ke kokoke loa ana. akahi no a ike mai i keia wahi kino kanaka e noho aku ana ma ke alapii o kona hale.

                'E hookaawale koke oe mai keia wahi aku, e kena wahi wahine mahaoi. a mai manao oe o ke alapii o ko'u hale oia kou wahi e kali ai i na ilio hae. E hele koke aku oe mai keia wahi aku o kahea koke aku wau i ka makai e kii mai ia oe."

                Me ka pane ole aku ua ku ae ia o Bernice me kona mau wawae i hele a maluhiluhi a hoomaka aku @a i kana huakai hele hoaa maluna o ka ili o ka honua a iloko hoi o ke kulanakauhale nui o Ladana. O keia Alanui mua ana noho iho @a aole ia he alanui okoa aku o ke alanui Oxford no keia. Hele mai ia oia a loaa mai @a iaia kekahi wahi alanui ololi. me kona mau halelehulehu e aa like ana hoi na kukui. O ke alanui Soho keia. Hele aku ia oia me ka nana pono ana i kana mau mea e ike ana. Aole i loihi loa kana hele ana ua ike aku ia oia i kekahi wahi hale maikai. he hale aina keia, he hale inu ti ame Kope, Mawaho o ka ipuka ua ike aku ia o Bernice i ke kau mai o ka inoa o ka mea nona ka hale aina:

 

PIERRE BONGATEAU

 

Hale Aina Palani.

 

                Ua ku iho ia o Bernice a nana pono aku @a i keia inoa. Pau ia hele aku ia oia e nana pono ma ka puka aniani nu ina mea kuai o loko. Ike aku ia oia ina mea ono maikai loa, na palaoa, a me kekahi mau mea ai maikai e ono a hoi ka puu. Ua mopopo iho la iaia he wahi hele ia keia e ka poe maikai a aole hoi i maa i ka hele ia e ka po@ ino.

                "Ono ino ke kope, ame ka mea ono ame ka pai, ame ka paiaoa. Maikai nohoi ka hana ia ana. Ina he wah@ kenikeni ka'u o ko'u komo koke no i@ iloko e inu kope ai. Ua hele mai @ wau a pololi. Aole no wau i ai pono i ko'u aina ahiahi. no ka nui o ka noonoo i na hana lokoino a ke@a poe ia'u O Pierre Bongateau ka inoa. O ka inoa keia o ka makuakane o Fafine. O ka wahi ka paha keia o ka'u kauwa wahine. Ina keia o ka hale o Fafine, o ko'u komo no ia iloko."

                Iaia no e kamailio ana pela ua kom mai @a kekahi wahine nui me ka ie nu@ e paa ana i kona lima. Ike aku la ho@ o Bernice i ka hoomakaukau mai o loko no ka pani ana i ka hale aina.

                "E pani ia mai ana ka paha keia hale?" wahi a Bernice i olelo iho ai iloko ona. Ina e pani ia mai ana e kohookahi ana wau i keia wahi. Ina nohoi keia o kou hale e Fafine heaha lakou mea kono ole mai ia'u e komo aku Ua aloha wau ia oe a ua aloha no hoi oe ia'u. Ua hele wau a luhi, ua hele hoi a pololi. Pehea ia ina wau e komo ana iloko. Aole keia he mea okoa e ku mai'ia mahope o ka wahi kuai palaoa o Fafine no. Oh, pehea ia ina wau e komo ana iloko. E kipaku mai ana paha oia ia'u aole paha?"

                O keia ka Bernice mea e noonoo ana iloko iho ona. Ua makemake loa oia e komo iloko aka ua hilahila oia o kipaku ia mai. He mau makahiki aole oia i ike hou ia Fafine. a ina paha e ike hou mai ana iaia e kipaku ia mai ana oia mai loko mai o ka hale, me ke kuleana ole. No keia mau kumu ua hiki ole iaia ke komo aku iloko nolaila ua ku aku @a no oia mawaho a nana @ i ka hana mai o Fafine ina mea @ on@.

                Aole i loihi mahope iho o keia @ wa ua hoi mai ia kekahi puulu kamalii mai ka hale hana keaka mai. a i ko lakou ike ana mai i keia kaikamahine e ku ana mawaho o ka hale kuai i keia mau hora o ke aumoe ua holo koke mai la kekahi o lakou.

                "Halo, my sia. @aha ana oe maanei. Mai neenee aku hoi paha oe. E honi hoi kaua." a me keia mau huaolelo ua lele aku ia keia keiki e honi ia Bernice. Me ke kali hou ole iho ua lele aku @a o Bernice a poholo ana iloko o keia hale aina. Ala koke ae ia oia mai ka papahele ae a ku aku @a nana i keia poe keiki mahaoi.

                "E noho ma ka noho. Aole e @oihi ka lakou ku ana mai malaila o ko lakou hele aku no ia." wahi a keia lede opio Palani i pane mai ai. Ua lohe koke aku ia no o Bernice i ka leo o kana Fafine aka ua nui loa kona maka'u ia manawa. I ka hele ana aku o keia poe keiki keia wahi aku ua ku ae ia o Bernice a wehe ae ia i kona uhi maka a nana pono aku i keia lede opio."

                "E Fafine! Pehea ia oe i hoohewahewa mai ai ia'u. Owau no o Bernice kou haku wahine au i manao ai ua make."

                Ua nana mai ia o Fafine iaia me kona mau maka i hele a aa pono ole. "o Bernice no oe? Ua make o Bernice a o kona Akua lapu keia. Ua lohe mua wau i ka olelo ia o ke Akua lapu aka aole wau i ike maka a hiki i keia manawa. Hoi iho owau hookahi wale no koe." O keia ko Fafine manao iloko iho ona. Ua maopopo loa iaia ua make o Bernice aka eia i mua ona i keia manawa ke ku mai nei kekahi kino kanaka. a kino Akua paha i like loa me kona. Ua hele keia kino a haikea e hoike mai ana hoi aole ne kino kanaka aka he kino Akua. Ua nui loa ko Fafine maka'u a hoomaka koke aku ia oia e nana i wahi nona e holo ai me ka mama nui.

                Kali aku ia o Bernice a o ka pane ole mai o Fafine, ua maopopo loa iho ia iaia aole i ike mai ia iaia. Ua manao iho ia oia e nee aku oia a kokoke i ike pono mai o Fafine i kona helehelena a ma lia o pau ae kona hoohewahewa. Nolaila ua nee aku ia oia imua me kona mau lima i maka'ukau e apo aloha aku i kona kauwa o na ia i ha@a.

                "Come, Fafine, aohe ka paha @ ike mai ia'u." wahi a Bernice.

                I ka nee ana aku o Bernice imua ma oi loa ka maka'u o Fafine. Aole hiki iaia ke holo mai oiai aia ka puka ma ka wahi a Bernice e ku aku nei. Ua haawi ae ia oia hookahi leo uwa umi. a waiho a make aku ia i kau ua mea he maka'u. Ua maule koke aku ia oia. no ka mea o ka manawa mua loa keia ana i ike ai i kekahi Akua lapu.

                Ua maopopo aku ia ia Bernice ua ma ka'u loa keia Fafine iaia no ka mea ua manao loa oia ua make. a aole hiki i ka mea ua make ke hoi hou mai. Kii koke aku ia oia i wai mai loko mai o kekahi pika e ku kokoke ana a ninini iho ia maluna o Fafine. Hoomaka iho ia e lomi iaia a hiki i kona hoomaka ana ae e onioni. Mahope mai ua kaakaa ae ia kona maka, aka, i kona ike ana ae eia no ua Akua lapu nei ke kiai iho nei. ua pani hou iho ia oia i kona make.        Ua noho malie loa iho ia o Bernice no kekahi manawa me ka nana pono ana hoi ia Fafine. Kali iho ia o Fafine a loihi. manao ae ia oia ua hele ua Kiabalo nei nolaila ua kaakaa hou ae ia kona maka. Ike hou ae ia no oia eia no ke nana iho nei iaia, hoomaka ae ia oia e ua hou. I keia uwa ana ua iho mai ia ka makuakane ame ka makuahine o Fafine e nana pono heaha ia keia pilikia. a ike mai ia laua i kekahi kaikamahine opio u'i e lomi ana i ka laua kaikamahine.

                "Owai oe, a heaha keia pilikia." wahi a ka makuahine o Fafine i ninau mai ai.

                "O ka Lede Bernice wau, o Ketawina hale, ka haku hoi o Fafine. I kekahi mau makahiki ae nei i hala ua maule wau mamuli o kekahi laau ikaika i hanai ia ia'u e kekahi o ko'u mau enemi, a i keia maule ana o'u ua manao kau kane ame ka ohana ua make wau a ua lawe ia aku wau ma ka hale waiho kupapau o ka ohana. Ua hoopakele ia ko'u oia. a i ko'u mohala ana ae ua palekana mai ka pilikia mai. I keia ahiahi ua kalohe ia mai nei wau e kekahi poe kamalii ino. a holo mai nei iloko nei e pee ai a hala aku lakou. Oiai wau iloko nei ua ike aku nei wau i ka'u kauwa mua, kuu Fafine aloha. Ua we he koke ae nei wau i ko'u uhi maka a hoomaka aku nei e kamailio iaia, aka, ua manao loa mai nei oia he mea okoa loa paha wau a i ole he Akua lapu. Ua ua ae nei oia a maule aku ia."

                Aole i maule o Fafine aka. he moe hoololo wale iho no keia no ka nui o kona maka'u. I kona lohe ana ina olelo a Bernice ua wehe iki ae a oia ikona maka a nana malu mai ia ia Bernice. Akahi no a pau mai ia kona maka'u oiai ua hiki mai ia kona mau makua. Ina e hoao hou ana keia Akua e lapu iaia e holo ana oia e puili i ka a'i o kona makuahine a hookahi ka uwa like ana. I kona nana pono ana mai nae ike mai ia oia aole keia he kino uhane aka he kino kanaka maoli. Hoomaka koke mai ia oia e hilimai i keia olelo a Bernice. Nana pono hou mai ia iaia. a me ka leo uwe, ua lele mai ia oia e puili i ka a'i o kona haku wahine.

                "E kala mai oe ia'u e Bernice no keia hana hupo a'u. Aka, ea, ua nui maoli no ko'u maka'u ia oe. Ua manao loa aku nei wau ia oe he Akua lapu. Ua ike pono iho ia wau i kou make ana a pehea ia oe i oia hou mai ai. Ina aole wau e hili@ai he kino kanaka i'o kou. Aka ua hala ia mau manao hupo. E hoike mai i kou moolelo o ka hiki ana mai nei i keia wahi i na hora o ka po."

                "He moolelo loihi kena au e koi mai ia eFafine aka, i mea e pau pono ai kou makau he mea popo paha e hoike aku' wau. "Ua hoike aku ia o Bernice i kona moolelo mai ka mua a hiki i ka hope a i ka pau ana ua nana pono mai ia o Fafine i kona haku wahine me na maka e haloiloi mai ana me na waimaka o ke aloha.

                "A Pehea ua ike no kuu Haku. ka Haku Opio o Ketawina i keia haawina ehaeha i kau mai maluna ou?" wahi a Fafine i pane aku ai.

                "A@a, e ae mai oe, a e hoohiki mai hoi aole loa oe e hoike aku i keia mea ia hai. Aole wau i makemake e ike ia ko'u wahi e noho nei. Ina oe e ae mai e hoohiki aole oe e hoike wale aku i keia mea alaila e ae no wau e hoike aku ia oe," wahi a Bernice.

                O laua wale no ko loko o ka lumi i keia manawa. I ka pau ana no o ka maka'u o Fafine ua haalele mai ia kona mau makua ia laua a hoi aku ia no ko laua lumi. Nolaila ua hiki loa ia Bernice ke hoike aku i kekahi o kana mau mea huna me ka maka'u ole o lohe ia mai e waho.

                "O ka mua aole wau i hoike aku nei ia oe i ko'u mea nana i hoopakele. Aole ia he mea okoa aku aka o Monk no ia. Oia hookahi ka mea i manao aole wau i make i'o, aka, ua maule wale no a mamuli o keia ike ona i pakele ai wau mai ka make mai."

                "Alaila na Gilibeta Monk oe i hoopakele?" wahi a Fafine.

                Ua hoike aku ia o Bernice ina mea a pau loa, ka makemake o ka Haku Opio e mare me Silivia. ka hoike mai o Gilibeta i kona aloha ia Bernice, ame kona pilikia. Penei kana mau olelo hope loa, "Ua hoao aku nei wau e loaa ia'u ka hana ma ke ano he malama keiki aka, aole i loaa. He wahi ha@aumi wale no-ko loko o ka'u eke dala i keia manawa. Ua nele wau i ke dala a nele puhoi i ka home."

                "Aole oe i nele oiai oe me a'u. Ua hana maikai mai oe ia'u oiai wau me oe. Ua hoohalike mai oe ia'u me kou kaikaina ponoi, a o ko'u manawa keia e hoike aku ai i ko'u aloha ame ka'u mau hana maikai. E noho oe me au a nau e haalele mai. Aole loa oe e nele oiai oe me au. He Haku wahine hou ko'u i keia manawa, he lede maikai no oia. aka, ua oi aku no ko'u aloha ia oe. E huna ana wau i keia mau mea a pau loa au i hoike mai nei. E hoike aku ana wau i ko'u mau makua he aikane oe na'u o Miss Guana, a e noho no oe me a'u oia@ wau e ole ana."

                "Ke mahalo aku nei wau ia oe a nui loa no ke@a mau olelo oluolu au i pane mai @a. Ua pomaikai wau i kou loaa ana ia'u i keia po. Ua manao mai nei wau e moe ana ia wau i waho. I keanu ame ke koekoe i keia po. eia ka e loaa ana ia'u kekahi hoa'loha oiaio."

                "Ua hauoli loa wau i kou hele ana mai nei a loaa wau. Ua hauoli hoi wau i ka loaa ana ia'u o keia manawa e hoike aku ai ia oe i kekahi mau hana maikai i @amai no kau mau hana maikai he @ i hana mai ai ia'u. Ina ua makemake loa oe e hele i ka hana. ke manao nei wau ua hiki loa ia'u ke huli aku i ka hana nau. Ua lohe wau i kuu haku wahine e olelo ana ua makemake oia i hoa noho nona. makemake oia i kaikamahine ike i ka hime-