Ka Nupepa Kuokoa, Volume XXXIX, Number 23, 7 June 1901 — Hoike kula o Kawaihao. [ARTICLE]

Hoike kula o Kawaihao.

Piha ka halekula o Kawaiahao i ka Poakolu nei ho ka ike ana i ka hoike kula o keia makahiki. Ua hoike mai na haumana i ka waiwai o ka ike i a'o.ia ia lakou 4 keia makahlki ma na hana maikai a lakoo i hana mai ai i keia la. Maikai na himeni a me na haiolelo. Moakaka pono ka lakou olelo ana i ka olelo Beritania. Ua ninaninau ia lakou e Miss Chamberlain no na mea e pili ana i ka Baibala a ua hoike mai keia mau kaikamahine i ko lakou ike i kA olelo a ke Akua. Aole o keia wahine kekahi o ka lakou mau kumu nolaila aole i maopopo 1 na keiki kana mau mea e ninau aku ana. O kahi kaikamahine uuku a Kiwini Desha kekahi o na mea mahalo loa ia no ka maikai o kana mau haiolelo. Ku tio keia wahi kaikamahine i kona makuakane i ka ike haiolelo. Ua hoi mai na kanaka a me na makua mea keiki me ka hauoli no ka maikai o na mea i a'o ia i ka lakou mau kelki. Ua hooikaika maoli no na kumu o keia kula i ka hookomo ana aku i ka ike iloko o ke poo o na'keiki. O Miss Pauldingr ke poo kumu o keia kula a me ia ko makou mahalo a me na kumu no na hana maikai o keia la.