Ka Nupepa Kuokoa, Volume XXXIX, Number 20, 17 May 1901 — KA HOOILINA MOI O PELEKANE. Kanahuakai Makaikai ma Aukekekulia me Kanawahine. NUI KO LAUA HOOKIPA MAIKAI IA E NA MAKAAINANA O KEIA PANALAAU O PELEKANE. [ARTICLE]

KA HOOILINA MOI O PELEKANE.

Kanahuakai Makaikai ma Aukekekulia me Kanawahine.

NUI KO LAUA HOOKIPA MAIKAI IA E NA MAKAAINANA O KEIA PANALAAU O PELEKANE.

! O ka hooilina Moi o Pelekane kekahi kanaka punahele lon i kona lahui kanaka. Aole oia i like me kona makuakane ka puni lealea, aka, he hookanaka makua kona ano a ua makemake nui ia iho nei lilo oia ka Moi i ka wa e make ai ka Moiwahine a aole o kona makuakane uhauha. O kana wahine e noho nel ikeia manawa ola no ka wahine hoopalau a kona kaikuaana i hala aku ma kela ao. He kanaka u'i kona kaikuaana a ua olelo ia o keia wahine a laua oia kekahi o na kaikamahine u'i loa ma Enelani holookoa. I ka make ana o kona kaikuaana ua lilo koke iaia ka wahine a kona kaikuaana a oia kana wahine mare e noho nei i keia manawa. Eia laua ma Aukekelalia kahi i makaikai nei i keia mau la. Ma ke kii ua ano like loa no kona helehelena me kona makuakane. He kanaka optopio !oa oia eia nae ua oi ae kona punahele i na Pelekane mamua o kona makuakane. Na kekahi o na mokukaua o Pelekane i lawe aku ia laua a hiki loa aku i Aukekelalia. I ko laua pae ana aku i ka aina ua ike Ja aku la na hoowehiwehi nani i hoomakaukau ia no ka hookipa ana mai ia laua. Laina ia na koa mai ka uapo aku a hiki i ka Hokele kahi hoi i hoomakaukau ia no ka hookipa ana mai ia laua. Na kekahi o na koa i hoi mai nei mai ke kaua mai ma Aferika i lawe hoohanohano aku ia laua a hiki i ka Hokele kahi hoi i hoomakaukau la no ka hookipa ana ia laua. Nui ka huro o na kanaka ma na wahl a pau loa a laua i heie ai. Alualu aku na kanaka mahope ona no ka makemake nui e ike i ka hooilina Moi o ko lakou aina makua. Haawi ia na paina nui no laua ma na hale Hokele nui o kela wahi. O ka maka mua loa keia o ko laua kaahele ana a ua nui maoll no ko laua ohohia ia. Aole i maopopo loa ka loihi o ko laua manawa e noho ai ma keia huakai a laua.