Ka Nupepa Kuokoa, Volume XXXIX, Number 8, 22 February 1901 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

FEBERUARI 22, 1901

 

KA HAKU OPIO OF Kakelamaina

 

MOKUNA LXIV.

 

@@ ke Keiki C Ka Iini o ko @ Ao Nei C Ka Hooilina Ona Mili@ Ka Edena.

Ke Kihapai Nui C @ @ ia oe?

 

            @ @ paha he mea kino kanaka i ikea @ hihi-pea ana o na hiohiona uluku @ @ @ hoihoi, ma ke kakahiaka o ka ia @ ka po mamua iho a kaua i ike @ @ Naomi, ka Haku Opio o Kakelamaina @ Lede Valenatina, elike me @ @ mai oia e noho ana ma kona wahi @ hookipa uuku.

            @ @ Emepera wahine nei a ka Ui @ @ @ a keia kakahiaka, aia na @ @ @ ana ke hoholo pioo la @ @ iho ona.

Aia mai la na hoomaopopo ana iloko @ @ i kona ikeia ana e kana kane C @ @ ana o kona manao lilili no Leda Valenatina a pela pu hoi me na @ @ ole a Valenatina i pane aku @ @ ua ona.

@ @ mau mea a pau, ua lilo laketa @ @ kaun@ @ e ko ikaika ana i @ mau @ @ @ a iloko o ke ka@@kio.

            He mea @ @ @ @ oia i ike i kana @ @ @ @ a no ia mea i olelo iho @ @ iaia @.

            Makemake loa au ina e hoea mai ana @ @ anela mai ka lani mai, a hoike @ ka # u hana pono e hana ai i keia @.  @ ike nei au, aohe wahi noonoo @ @ @ iloko o # u i keia wa.  Ma ko # u @ maopopo iho, me he mea la, aole i @ ia # u ia mea he hewa ame ia @ @.  I keia la e hoea mai ai o Valenatina ia nei.  Heaha la kana mea @ @make ai ia # u?

            Ma ka wa i komo aku ai o Mr. Kiletona @ i ka nana ana mai hoi o Naomi @ @ makuakane hoahanau, ike mai a @ @ maoli aku o na helehelena ano @ @ pioo nohoi maluna o ua ma@ @ @ ona, a komo iho la ka hoo@ @ iloko iho ona, ma ka olelo @.

            “Heaha la hoi keia o ua elemakule @?”

            I kela wa nohoi i pane aku ai o Mr. Kilotona.

            @ @ loa au i ko # u halawai ana @ @ i keia kakahiaka.  Makemake @ kamailio pu me oe.  Aka, ke ike @ @ nae hoi au ma kou mau hele@ @ he mau hoike ana o ka noonoo @ ole iloko ou.  Ua ano like loa @ @ paha kou uhane i keia kakahiaka @ @ nei?  Pehea la, ua pilikia ia @ @ i keia wa, e loaa ole ai ia # u @ @ manawa e kamailio pu ai me @.

            “Uncle, aole o # u pilikia.  Nou ko # u @ @ pau i keia wa,” i pane mai @.

            @ @ la no nae o Mr. Kiletona @ @ @ kaikamahine a hoo@ @ @ la no ia, aia he mea ano @ @ ka noonoo o ua kaikamahine @ @ kahi i hana ai:  nolaila, @ @ kona kamailio ana aku imua @ @ mea i makemake ai e hoike @ @ aia hoi, pane aku la ia ma hoolalau:

            “@ keia a ke kakahiaka malie, @ holoholo aku ana anei oe?”

            “@ pane mai ai o Naomi me ka @ ana mai nohoi i ke kamailio @ @ noho ana no au i ka hale nei.”  @ nana pono loa aku ai o Mr. Kiletona i kana kaikamahine, a liuliu @ @ ia iluna, hele holoholo ae la @ o ka rumi, a liuliu ku iho @.

            @ aku la ia a nana hou aku la i kaikamahine, alaila, kokolo ae la @ na maohaoha o ke kuoo ma @ helehelena, a ninau aku la @.

            Ku # u kaikamahine, aole au i ike, @ la oe i manao ole ai e mare @.

            “Papa C Dear Uncle C kai no paha @ kou manao hoomaoe mai ia # u @ mea?  Aole anei ou hoomanao, @ ua hai aku au ia oe i na mea @ pili ana i ko # u manao no ia @ he kane?

            @ hai aku au ia oe, aole o # u makemake e mare i ke kane.  Aole o # u makemake e komo iloko o ka moana@ ke aloha C aole.

            Hookahi ponoi a # u iini nui e hiipoi @ iloko iho o # u, oia hoi, ko # u noho @ loa ana imua o kou alo.  O oe ko # u makua, a owau no kau keiki.  Ua lawa ka hauoli ia # u e noho nei me oe, me @ manao ole ana ae i kane kekahi @.

            Me ka mino aka ana ma na papa@ o Mr. Kiletona, pane aku ia ia:

            “Ua kuhi au, ua hoololi ae nei oe i ua manao la au i hoike mua mai ai @.  Kai no paha ua loaa iho nei ia @ Ladana nei ka waiwi kaulana i hu@ na opio o Helene, oi hoi, ka mea @ e ia poe, ka Iini a ko ke ao nei C The World’s Desire.

            Kuhi au e lanakila ana na Naita @ o Pelekane nei maluna ou, e kuu kaikamahine, eia ka, aole.  Ua kuhihewa maoli ia au nou, e kuu keiki.

            Aka, e hoolohe mai oe, e ninau aku @ au ia oe i kekahi ninau, a nau e pane mai i ka haina.  E hiki ana anei @ oe ke koho mai i ka mea a ko # u naau @ noonoo nui nei i keia wa?”

            I keia wa i naholo ae ai he hiona hau@ ma na heehelena o Naomi, ame ia helehelena e olino ana maluna ona, pane mai ia ia:

            “E papa ina paha e hiki ana ia # u ke koho pololei aku i ka mea huna a kou naau e hoopulakaumaka nei i keia wa, alaila, heaha la kou manao a o kou makemake paha ia # u ma ka wai i pololei ai ka # u koho ana?”

            “Aole o # u manao e hiki ana ia oe ke koho mai i ka mea a # u i makemake ai @ hoike aku ia oe i keia kakahiaka?”

            “E Papa, nau ponoi no i hai mai nei ia # u i ka haina a # u e haawi aku ai ia oe, no ka mea nui a kou naau i makemake ai e hoike mai imua o # u nei, o kau kaikamahine.

            “Aole anei oe i hoopuka mai nei imua o # u i kekahi manao, a i ole, i kekahi nanehai hoi i hiipoi nui ia e na opio o Helen, oia hoi, Ka Iini a ko ke Ao nei C The World’s Desire?

            “E Papa, aole anei oe i makemake i keia kakahiaka e hoike mai ia # u, e mare ana oe me Lede Bela Chalmers, a ua makemake hoi oe, e Uncle, e hai mai ia # u ia mea, a e kamailio hoi kaua ma ia mahele o kou makemake.  Aole anei i pololei aku la ka # u koho ana?”

            “Ae C ua loaa pono mai la ia oe, ka mea oiaio loa a ko # u naau i makemake ai e hai aku ia oe.  Oia maoli iho la no.  Ua lilo keia manao a makemake mare wahine o # u i mea na # u e noonoo nui loa ai ma ka mea e pili ana ia oe.  E hai aku au ia oe, e kuu kaikamahine, ina e mare ole ana au i ka wahine, a make hoi au, me kou ola ana mahope o ko # u make ana aku, alaila, o oe auanei ko # u hooilina o kuu mau waiwai a pau, a ma ia ano e lilo ai oe i pookela loa no na wahine ma Pelekane nei a puni ma nei mea he waiwai.

            “Aka, ma ko # u mare ana aku i ka wahine elike me kau i koho pololei mai la, e hoemiia iho ana ka pomaikai e ili aku ana maluna ou ma ko # u wa e make aku ai.  Eia nae, e hoomanao oe, o keia hoemiia ana iho o keia pomaikai e ili aku ana maluna ou, aole ia he mea e hoano e ia ae ai kou kulana e noho nei i keia wa, oiai, e loaa ana no ia oe he puu dala mahuahua no kou mahele, i mea e kokuaia ai kou noho ana.  Manao au, aole paha e hoanoe ia kou noonoo ma keia mea?”

            “Aole C aole,” i pane mai ai o Naomi me ka nana ana mai nohoi me na maka oluolu a piha aloha nohoi i kona makuakane maikai.

            “Alaila, e kuu kaikamahine, he oiaio ka # u i hai aku nei ia oe no ka Iini a ko ke Ao nei.  E kuhi ana au, o ka waiwai, a o ka noho ana iluna o ke kuonoono oia ka pane poo o ko ke kanaka hauoli, aole ka.

            “Aole ka i hoolawaia ka Iini a ko ke Ao nei iaia, ei aku no ka.  A o keaha @ ia, e kuu kaikamahine?  Ea, aole au e hilahila ma ka olelo ana aku imua ou, o ua iini la a ko ke ao nei, oia no ke aloha.

            “E kuu kaikamahine, e hoolohe mai @ ua heluia au i keia wa mawaena o @ kanaka i pa-lua ko lakou mau lauoho, a he wa hoi heia e oleloia ai ke kanaka, aole oi i kupono no na hookau ana ma na poai hoohihimanu o Venusa, elike la me ko oukou me ko ka poe i pa-lua ole na lauoho.

            “Ma ka wa mua loa i loaa ai ia # u na hookamaaina ana me Lede Bela Chalmers, mai ia wa mai i loaa ai ia # u na loli ano e ana o ko # u noonoo.  I ka wa i komo ikaika loa mai ai na manao lamalama maikai o ko Lede Bela mau ano a pau iloko o # u, ua ulu mai la he hakoko ana o kekahi mau manao elua iloko o # u.  Nou kekahi manao, e kuu kaikamahine, a no Lede Bela kekahi.

            “Ia # u i hoomanao ae ai ia oe, hoao iho la au me kuu ikaika a pau e kinai i ko # u mau hoomanao ana ae no Lede Bela, oiai, ua olelo iho la au iloko iho o # u, o oe ka hooilina hookahi o kuu mau waiwai a pau.  Eia nae, ia # u e hana ai pela, ua pouho ae la no na hoomanao ana iloko o # u Lede Bela.

            “Hoomanao ae la au i kona ano oluolu, ku i ke ano Lede o kana mau kamailio ana, ame kana mau hana.  Elike me ka nui o ko # u hooikaika ana e kinai i na hoomanao ana nona pela iho la ka nui o ka oili ana mai o ua mau hoomanao la iloko o # u, a kau like mai la olua a i elua imua o # u.

            “Ma ko # u hoomaopopo ana iho, o oe ke kaikamahine a oia hoi ka makuahine, a owau nei nohoi kou makuakane.

            “Ae, e hai aku au ia oe, ua loaa ia # u ka ko ke Ao nei Iini iloko o Lede Bela a me he mea la nohoi, ua loaa ia Lede Bela ka Iini a ke Ao nei iloko nei o # u.  A, e kuu kaikamahine, aole anei au iini a ko ke ao nei, elike me ia i loaa iho nei ia # u?”

            Me ka nanaina i hoonenehiwaia e ka manao hauoli, pane mai la o Naomi:

            “Uncle, ua hauoli loa au no na mea au i hoike mai nei imua o # u.  He mea oiaio, o ke Aloha, oia no ka Iini a ko ke Ao nei.  Nou, e kuu makua, aohe a # u olelo ana.  E komo aku oe iloko o ka poai o ke Aloha.  No # u nei, e kuu makua, aole.  E hoolohe mai oe i ko # u manao:

            “If the World’s Desire is Love, then my heart’s desire is Peace.”

            (Ina o ka Iini a ko ke Ao nei o ke Aloha ia, alaila, o ka iini a ko # u puuwai, oia ka Maha.)

            “Nou nae, e kuu makua, ua hauoli loa au i ka lohe ana ame ka hoomaopopo ana e loaa ana ko kaua makua hou.”

            “Ke haawi aku nei au ia oe i ka # u mau hoomaikai ana.  Ea, o ko # u manaoio i keia wa, oia keia:  He mea pono ke kau ia kela kane keia kane, kela wahine, keia wahine e ka ohu o ke aloha, mamua o kona hina ana aku iloko o ka luakupapau,” wahi a Mr. Kiletona i pane aku ai imua o kana kaikamahine me ka hoomau ana nohoi i ke kamailio ana aku.

            “Ina paha au i make i kela makahiki aku nei, ina la, aole au e ike i keia pomaikai waiwai nui e loaa ana i ke kanaka mamua o kona make ana.  Pela no ka wahine i pa-lua ia kona lauoho.  Ina e loaa ana ka pomaikai o kona hoopiia ana ku e ke Aloha, he waiwai nui ia i loaa iaia mamua o ka hele ana aku o kona kino i ka make.

            “Ke ike nei au, elike me na kau ekolu o ko ke kanaka ola ana, pela no na mahele ekolu o ke aloha i pili i ka nohona o ke kane ame ka wahine.  Ke aloha o ka wa kamalii, ke aloha o ka wa kanaka makua a o ke aloha o ka wa oo.  O keia na anuu hookaulike ekolu o ke aloha, elike me na anuu ekolu o Sweet, oia hoi, Sweet, Sweeter and Sweetest.  (Nau no, e kuu makamaka, e hoopili iho i unuhina Hawaii kupono no keia mau anuu ekolu o “Sweet.” C Mea Unuhi Moolelo.)

            “Ua ike au i ke aloha o ka wa opio, e komo ana i ke au o ko ke kanaka ola ana, i kapaia ka wa ui, a hoea ae i ke aloha o ka wa kanaka makua.  O ka mua ame ka lua hookahi no ia.  Aka, o ke aloha o keia wa, oia ka # u e hoike aku nei ia oe.  A ke haohao loa nei nae au nou, e kuu kaikamahine, ka wahine i piha i ka ui, ka nani ame ka maemae C ka wahine i kapaia e ko Ladana nei poe, o ka mepera Wahine o ka Ui C ka nani hoi i kukuli mai ai na ‘lii ame na kanaka waiwai a hanohano o Ladana ne i me ke kulou haahaa ana, e ku ka oe, a hoowahawaha aku ia mea he Aloha?”

            “Yes, Uncle, Love is sweet, and Love is bitter,” wahi a Naomi.

            (Ae, e Papa, he wainohia io no ke aloha, a he awahia nohoi ke aloha.”

            “Ia wai la oe e hoopili mai nei i kena mamala olelo hope au i hoopuka mai la.  I ko # u aloha nei?  Aole pela.  Me ka oiaio o ko # u naau a pau i haawi aku ai au i ko # u aloha ia Lede Bela.”

            “Alaila, e Papa C Uncle C e hiki ana anei ia oe ke hoike mai ia # u i ka # u pane e hoike aku ai ia oe no ko # u aloha nei, ina paha he haawina kekahi oia ano i kupu iloko o # u?”

            “Manao au, aohe ia he mea pohihihi a # u e hana ai.  Ua ike au ina he wa kekahi ou, e kuu kaikamahine i komohia ai iloko o ia haawina, alaila, he wa ia i ike ai oe i ka awahia oia haawina elike no me kau i hoike mai nei.  You love unhappily.”

            “He oiaio ia, e hai aku au ia oe, e kuu Papa, ua ike au i kona mau haawina.  Ano, e kuu makua mai ninau hou mai oe ia # u ma keia mea.  Aole loa au e mare, a, aole loa au e hooulu hou i ke aloha iloko o # u.”

            I keia wa i huli ae ai o Naomi i kahi e a nana aku la ma kekahi puka aniani, a mahope huli hou mai ia ia imua o kona makuakane hoahanau, alaila, pane hou mai la ia:

            “Ua maopopo aku la ia oe ko # u manao no ka mea e pili ana ia mea he mare, a ua pau kaua ma ia mahele.  Ano, e kamailio kaua no Lede Bela.  Pehea ia?”

            “Ua ae mai oia e lilo oia i wahine na # u.  Ua aloha oia ia # u me ka oiaio o kona naau a pau.  Ua hoike aku au iaia i na mea a pau e pili ana i ko # u ohana.

            “Ua hai aku nohoi au iaia, aole oe he kaikamahine na # u, aka, o ko # u niece oe.  I kona lohe ana, aole oe he kaikamahine ponoi na # u, ma ke ano hanauna ohana wale no kou pili ana ia # u, aole i kana mai kona piha pahaohao nou, eia nae ua hoakaka pono aku nae au imua ona i na mea a pau e pili ana i kou wahi i pili mai ai ia # u.  A mamuli hoi o keia mau hoike ana aku a # u iaia no kou pili ia # u a pela hoi au ia oe, ua pau ae la kona pohihihi ma ia mea.  Ua koike aku nohoi au iaia i ke kumu o ko # u kahea ana ia oe he kaikamahine (daughter) oe na # u, oia no ko # u lawe ana ia oe i kaikamahine hookama oe na # u, a ua ae nohoi oe ma ia ano iloko o kekahi mau makahiki loihi i kaa hope ae nei.

            “Ua nonoi aku hoi au iaia, aole oia e hoike aku i keia mea huna e pili ana i keia mahele o ko kaua ola ana, a ua ae mai oia me ka oiaio.  A ke manaoio nei au, aole io ana no oia e wawahi wale ana i ka ihi-kapu o kana hooia i haawi mai ai ia # u.

            “O ka # u mea nui i makemake ai e hoike aku imua ou i keia wa, oia keia.  Iloko o na makahiki lehulehu i noho pu ai oe me a # u, ua nana aku au ia oe, ma ke ano o oe hookahi ko # u hooilina, a maluna hoi hou e ili aku ai ko # u waiwai a pau ma ko # u wa e make aku ai, aka, i keia wa, ua loli ae nei ko # u kulana, oia hoi, e mare aku ana au i ka wahine, nolaila, mamua o ko # u mare ana aku i ka wahine, he mea pono ia # u ke hookaawale aku i kou haawina dala.

            “Ua manao au e hoana okoa aku au i kou haawina dala elike no me ka # u i hai aku nei ia oe, a mahope iho o ke kaawale ana aku oia puu dala, e hana ai au i kuu palapala hooilina hope loa.  E haawi aku nohoi au he haawina dala ia Lede Bela, me ko # u hana ole ana i mau kaupale no ia huina dala a # u e haawai aku ai iaia.  E lilo loa ia mau dala iaia a ili aku i kona mau hooilina ina he mau hooilina kekahi ona, ina aohe a maua mau keiki.

            “E hoomanao hoi oe, ina e make ana au, aohe hoi a # u keiki e loaa ana me Lede Bela, alaila, o oe ana no ka hooilina o kuu mau waiwai a pau.  Aka hoi, ina he mau keiki ka maua e loaa ana, alaila, e ili aku ke koena o kuu mau waiwai a pau maluna o ka maua mau keiki.

            “Nolaila, auhea oe, e kuu kaikamahine, ua manao au e haawi aku ia oe no kou haawina dala i huina o C

            I keia wa i huli ae ai ua Ona Miliona Amerika nei a nana ae la maloko o ka rumi, me he mea la e hoomaopopo ana ia ina paha he mea kino kanaka e ae kekahi e ku a e noho ana iloko o ka rumi ma ia wa, a e hoolohe mai ana paha i ka laua mau kamailio me kana kaikamahine, aka, nae, aole oia i ike i kekahi mea kino, alaila, kulou hou iho la oia i lalo a kamailio hou iho la ia Naomi me ka leo hawanawana, oia hoi, ua hoike iho la oia i ua kaikamahine nei ana he huina o ekolu miliona dala kana e haawi ai nana.

            I kela wa i ano e loa ae ai ko Naomi mau helehelena, a haloi ae la na waimaka ma kona mau maka, a olelo ae la ia:

            “My dear uncle, you are very generous.  What an enormous sum of money.”

            “E kuu makuakane aloha, aole i kana mai kou lokomaikai.  He puu dala nui hewahewa maoli keia.)

            Me ka mahiehie maikai ana ae o na mino aka ana ma na papalina o ua Ona Miliona Wiletona nei, pane aku la oia i kana kaikamahine:

            “Aole keia o ka pomaikai wale no e loaa ana ia oe, aka, e lilo ana oe i hooilina no kekahi o na kanaka waiwai loa o Amerika Huipuia, oia nohoi kou makuakane nei.  O keia huina dala a # u i haawi aku la ia oe, oia ke keehine mua o ka waiwai nui e loaa aku ana ia oe ma keia hope aku.

            “O kekahi mea a # u i makemake ai e hoike aku ia oe, oia keia, o ko mau home e noho pu ai me Lede Bela, oia no auanei kou home e noho ai, e kuu kaikamahine.  Ua aloha o Lede Bela ia oe, a ke ole au e kuhihewa, e maikai ana ko olua noho ana elike me ka noho ana a ka makuahine maikai me kana kaikamahine.

            “Aole o # u wahi kanalua iki, e loaa ana no ia maua ka noho ana me ka maikai ame ka oluolu.”

            Ua ike no nae o Naomi ia wa, aole e like ana kona kulana e noho ana ma ia wa me ko ke kulana ana e noho aku ai ma ka wa e lilo ai o Lede Bela i haku wahine maoli no ka hale, oia hoi, o Lede Bela aku ana ka haku-wahine, a oia hoi, he mea noho hale wale no ia.

            “Alaila, e noho loa iho ana ka paha olua ma Enelani nei?”

            “Ae.  O ko Lede Bela manao keia.  Aohe ona makemake a kaahele hou.  Ua lawa ia no ia hana, a o kona makemake loa o ka noho mlie ma Enelani nei, o ka oi loa aku nae, ma Ladana nei no.  Ua lohe au, he aina kekahi e kuaiia aku ana ma keia mua kokoke iho, a ua manao au e kuai i ua aina la no maua, a o ko kakou wahi hoi ia e noho ai.  Ua manao au ina e lilo mai ana keia wahi iau, alaila, e hea no au i kona inoa o Kiletona Pa.  O ko kakou home aku ana keia e noho aku ai ma keia mua aku.”

            Ma keia wahi i hoomaha iho ai ua Ona Miliona Amerika nei i kana mau kamailio ana imua o kana kaikamahine.  He mau sekona paha o kona pane leo ole ana, aia hoi, hoomaka hou aku la ia i ke kamailio ana i ua kaikamahine nei ana:

           “Ua hauoli loa au i ko # u hoomaopopo ana, ua holo pono ka # u mau mea a pau i noonoo ai me ke pihoihoi nui.  Nou no, e kuu kaikamahine ke kumu nui o ko # u hopohopo.  Ua manaoio loa au, e ae ole ana oe i ko # u mare hou ana aku i ka wahine, a nolaila, ua kaomi wale iho no au i keia manao iloko iho o # u i na wa he lehulehu loa i kaa hope ae nei, a, akahi no au a hoopuka aku ia oe.

            “E hai aku hoi au ia oe, e kuu kaikamahine, mamuli o kou ae ana mai nei me ka maikai no keia mare hou aku o # u i ka wahine, he kanaka au i hoopihaia me ka uhane hauoli ma Pelekane nei a puni.  A o oe hoi, e ke keiki a ko # u wahi kaikuahine hookahi i hala aku i ka po, aohe ou pilikia, oiai ua haawi aku la au ia oe i haawina waiwai e lawa ai kou mau makemake a pau, me ko # u hoolilo ana aku hoi ia oe i hooilina oe no kuu mau waiwai a pau, ina e make ana au me ka loaa keiki ole ana me Lede Bela.

            “Ano, e kuu keiki, e haalele iho ai au ia oe, a e hele aku au a hoike aku ia Lede Bela no keia halawai ame keia kuka kamailio ana iho nei a kaua.  E hoike aku ana au iaia, o oe ka mea nana i kokua nui loa mai nei ia # u ma keia hoolala ana a # u no ka mare me ia.  He mau pule wale no mai keia la aku a mareia maua.”

            “O ka maikai loa no ia,” wahi a Naomi i pane mai ai i kona makuakane, me ka hoomau ana mai nohoi i ke kamailio ana, “aole au i ike i kekahi kumu kupono e hoopaneeia aku ai ko olua mareia ana.”

            “Ua pono oe, e kuu kaikamahine, i kamailio mai la.  Aohe kumu pono e hookaulua hou ia aku ai ko maua mareia ana.  A e C ”

            Maanei i hooki iho ai ua Mr. Kiletona nei i kana kamailio ana aku i kana kaikamahine, a liuliu mino aka iho la ia, a kamailio aku la:

            “Aole no au i ike i kekahi kumu kupono e hookauluia aku ai ko maua mareia ana.  He mea oiaio, a e kala mai nae hoi oe ia # u ke olelo aku au ia oe, o ka Iini o ko ke Ao nei ma ka # u helu, ua loaa iho la ia ia # u, a o oe e kuu keiki, ke ninau hou aku nei no au ia oe.  Pehea oe?  Ea, o ko # u makemake loa, a oia nohoi ka iini o kuu naau, makemake loa au e lilo oe i Duke Wahine no Pelenake nei.”

            Ma ka wa i pane mai o Mr. Kiletona i keia mau huaolelo hope ia wa i haikea pu ae ai na helehelena o Naomi, a olelo wale iho la no ia iloko iho ona, ua makemake no ka ua makuakane lokomaikai nei ona e mare oia i kekahi keiki alii o Pelekane, nona hoi ke kulana he Duke.  Ina paha ua makuakane la ona e ike ana, o kana kaikamahine a hooilina hoi, oia no ke Duke Wahine o Kakelamaina, pehea la kona noonoo.  Aka, pane mai no oia imua o ua makuakane nei ona:

            “Dear Uncle, ua lawa no au me ka inoa makaainana mai Amerika mai, oia hoi, o Naomi Kiletona.  It is good enough name for me.”

            I keia wa i haalele aku ai o Mr. Kiletona i kana kaikamahine, a noho hookahi iho la hoi ia.  A iaia e noho ana oia wale no, ia wa olelo iho la oia iaia iho:

            “Aole ka hoi i kana mai ka mahuahua o na mea hoohihi mai ia # u.”

            I kela wa lohe aku la ia i ke koele ana mai o kekahi kikeke mawaho mai o ka puka, a ia manawa i komo mai ai kekahi kauwa me kekahi palapala ma kona lima.

            Lawe mai la ua kanaka nei a haawi mai la i ua palapala la ia Naomi, me ka olelo ana mai hoi o ua kauwa la:

           “Ua hoike mai nei ka Lede nana mai nei keia card, e hoike aku au ia oe, ua makemake loa oia e halawai me oe, oiai, he hana ano nui kana i makemake ai e halawai pu me oe.”

            Ia Naomi hoi i nana iho ai i ua card nei ike iho la ia i ka inoa o Lede Valenatina, a o kona wa no ia i pane aku ai i ke kauwa:

            “E hookomo mai oe i ka Lede Opio iloko nei, ua makemake au e ike iaia.

            E kuu makamaka heluhelu, eia o Lede Valenatina Arden ke komo nei e halawai me Naomi, ka Haku Wahine o Kakelamaina.

            A keia pule ae ike kaua i na kukai kamailio ana mawaena o ua Lede Valenatina nei ame ka Emepera Wahine o ka U # i.

 

(Aole i pau.)

 

Ka Mookuahuau

Elua o Hawaii.

 

            E nalowale ana o Manawahine i ka po o Muku o Hinaakaialoa, puka mai o Panahilani i ka po mua o Hilo o Hinaakaialoa, hora ehiku o ke ahiahi, ua hele no o Panahilani, me kona hoikeike hoailona na ia mea e maopopo ai i na kilohoku.

            Ua olelo ae o ka Kilolani i kona alii Kahuna ia Kapolo, me ka Haku alii Waikualiiloa o keia malama o Hinaakaialoa, he oi keia o ka malama nui o na noailona ouli lani ke hele mai nei kuu ike a Hulili e like me ka maka o Panahilani, ke kolili i ka maka o ka Opua.

            Olelo ae nei ke alii o Waikualiiloa e kuu kilalani, heaha na ouli o ka lani au i ike aku la, ia Panahilani ka Hoku alii, olelo aku la o Kekilalani, eia ke hoike mai nei ka Hoku alii, o Panahilani he malihini nui eia iho la a hiki mai i ka kakou mau pukana ekolu o ka kakou mau mamo.

            Eia he alii Kahuna o Paao kona inoa e lilo ana oia i mea nui i ka kakou mau mamo e puka ana nae kona inoa ia mamo aku ia mamo aku a hiki i kakou mau mamo hope loa.

            Ua nalowale ae o Panahilani i ka po o ka hora umi o Hilo o ka malalama o Hinaakaaialoa ia mahina, ua puka mai o Kealohi kekahi Hoku alii i ka hora o ka la o Hilo, kau i ka po iho o Hoaka ua po ala o na la mua no o Kaaona, o ua po ae la ka Hoku alii o ka Huilani, ua hele ka Hoku alii o kahi lani, ma kanalama o Kaaona a hiki i ka hora elua o ka wanaao o ka po o Hilo o Welehu nalowale ia Hoku alii o Kahuilani.

           Puka mai o Pamaele i ka la o Hilo, ahiahi iho o Hoaka, hora umikumakahi o ka la o Hilo, po iho o Hoaka ia po, ua hoike mai no kona hoailona alii (ua po ina paha oukou i ike i kela Hoku welowelo e kau mai ana i kela ahiahi o na po e ola na o Luka Keelikolani i ka make ana o Keelikolani, nalowale ka Hoku welowelo, o Pamaele no ia ka Hoku alii,) o Welehu no ia malama.

            Iloko o Kahinaeleele nalowale o Pamaele, o Muku ia po, ua oili ae o Pakonane ka Hoku alii, umikumamaha, ma kona ala hele hema o ka paepae honua.

            O Luahoomoe ka lua o ka Hoku alii e haaheo ana ma ia mau po, hele o Luahoomoe ma ka akau Hikina ua hele like keia mau Hoku alii elua ma keia mau po he kanakolu.

            I ke au hoonohonoho Hoku o ke kilolani me ka Polo ke Kahuna, o ka Moo-Hooulu Lahui, ua puka mai la o I # ei # e o ka Iwakalukumamaiwa o na keiki a Kapolo, mai ka puhaka maluhia mai o Kawaluonalani, ua kahea iho la ia no o Kapolo ka inoa o ka laua keiki hope, o Ka-i-e-i-e.

            Oili pulelo mai la no hoi ke ahi a ka Papala ia Wailoa ka Iwakalukumamaono o Kanakoloialni.

            Ekolu mau keiki me kana alii kane me Wakuaiialoa, ua kahea ia iho la ka inoa o ka laua mau keiki hope, o Wailoa ke Pukonakona o kona mau la opiopio.

            E like no me ka lula mau o na lii Hookalakupua, a noii hoomakaleho e hoomakaulii ana i na pono oia au ka lilo no na kau mea iini nui ai e hanai na keiki a ka poe kiekie a hanohano lilo aku la na ka Lahui alii ka hanai ana o na alii opio.

            Ma keia mau hanauna Lahui he Iwakalukumamaha, ua puka pono ae lakou maluna o keia poe Moku, keia mau Lahui, kanaka, Hawaii, Maui, Lanai, Kahoolawe, Molokai, me Aoahu, Kauai, Niihau, a Nihoa.

            Eia na Lahui kanaka ke ulu mau nei ke holo aku nei holo mai na waa maluna o keia mau moana, ei hoi na lii me na Kahuna ke hookala mai nei i ka lakou mau mana kipikipi e kue aku ai kekahi me kekahi, o ka hopena o ia mau mea he kaua.

            E waiho iho kakou i na alii opio e hanu ana i na ea oluolu o keia ola ana, ia Wailoa ke alii o Kai # ei # e ke kaula wanana pololei, a kahuna Hooulu Lahui, ma-na ouli hoopaha # oha # o o ka ike Kilokilo.

            E nana aku kakou i na kilokilo Hoku, ia Kekilolani me Kapolo, ke kahuna kilokilo wanana pololei a kahuna hooulu lahui; me na kilokilo e ae a pau e noho ana ma ko laua alo, eia lakou ke kau lona aku nei ko lakou mau maka iluna i na ao eleele o ka lewa, me ka maopopo loa o na hoku a lakou i manao ai, o mea kela hoku, o mea kela hoku.

            Ua olelo ae o Kapolo, o na Hoku alii he umi kumamalima o lakou no na alii o na hoku makaainana, o na hoku kahuna, he mau alakai lakou no na hoku aina me na hoku o ka malama, o na hoku ekolu o ke Akua, oia na hoku e poai mau ia ana e na hoku a pau, a puni ka makahiki.

            Olelo hou ae la o Kapolo, ke kaula kilokilo, ia Kekilolani, ka pukana kilokilo hoku, e wae pono ia na hoku kahuna, i maopopo i na pukana hope loa o na mamo ke nana ia kahi e kau ai an hoku kahuna.

           Ua ae aku o Kekilolani me na kaalalo kilokilo hoku, me na kaula, o Mau # a # ekilokilo, kaikuaana o Kekilolani, kai olelo mai i ke alii kahuna hooulu lahui ia Kapolo, he mei hiki loa keia hana ia kakou ke pualu like i keia, he pohihihi na lena ike o ka poe akamai ke nana ia.

            Aia noi, o kakou wale no ke hoomahelehele i na hoku a pau, ua ike ua lewa, ua ike ua maopopo ia kakou na hoku a pau aole wahi o lakou wahi e pee ai, e nalo i ko kakou mau maka, e hiki ke noii ia lakou maloko o ke ao eleele o na paia lani e ko kakou mau maka.

            E ou mau makamaka heluhelu moolelo, mai uluhua, mai moloa oukou no na wehewehe ana no keia Mookuauhau, o kona kuleana no ia, o ka lahui, nona ka Mookuauhau, o ka lakou mau hana kupanaha, e hilinai a paulele kakou ma ia wahi, i hoomaopopo iho ai kakou i ka lakou mau oihana, me keia a kakou e ike nei.

            Kilokilo lani, nana ouli o ka manawa, ke kaua huliamahi, hookahe koko maluna o ka aina, na mea nui e ae e koko no ia ma keia Mookuauhau, na na opua kilokilo hoku, me na mea e ae a pau.

            E haliu ae kakou maluna o ka moolelo lahui ka mea nona ke kuleana e hiki ai keia moolelo he hapai ae a kau pono maluna o ka moolelo pololei, a hiki i ka hopena o keia mookauauhau, e kilohi a halo iho kakou i na keiki alii me ko laua mau makua hanai.

            Eia na # lii opio ua welawela ke kai o ka moa, ua nunui mohaha maikai ko laua mau helehelena, o Wailoa ke alii, me Kaieie ke kaula opio, ka mea nana e olali aku na kahua nana ouli lani, me ka hooulu lahui, ua olelo aku o Kualiloa ia Kapalo, ke alii kahuna hooulu lahui:

            “E hoohui ia na ‘lii opio me ko laua mau hanau mua, ua ae aku na papa kahuna i ka leo alii ia Waikualiialoa, ua hoohui ia o Wailoa me Kealalani, ke kaikuahine mua ae o Wailo, hui no hoi o ka Ieie me Keonoonalani, kona kaikuahine ponoi no, ua hoao na lii me ko lakou maluhia, aole o lakou olena ana, ua kau pono i ke aki na # lii opio.

            Ua noho na papa alii iloko o ka hauoli me ko lakou mau makaainana, me ka manao ole ae e kau mai ana he haawe kaumaha maluna o lakou, eia nae, ua kii malu mai la ke Akua nui o Kane, a lawe aku la i ka hanu ola o Kapolo, ke kahuna hooulu lahui, a kilokilo pololei.

            He elua haneri me kanaono makahiki o ke ola ana o Kapolo a make aku la iloko o ka maluhia, me ka haalele iho i na maluhia o ka noho ana i na inea o keia ao mauwale me ka noho aku o na ohana ma keia noho ana me ke kaumaha.

            O Kualiloa aku no hoi ma ia meheu hookahi, hookahi o laua alanui i hele aku la, me ke ke # ake # a ole ia aku o ka makemake o ke Akua, elua no haneri me kanaono makahiki o ke ola ana o Kualiloa a make aku la oia.

 

MOKUNA XXVI.

 

            O Wailoa ke alii.

            O Kaieie ke # lii Hooulu Lahui.

            O Kauhi ke Kilokilo Hoku.

           

            O Wailoa ke alii kiekie e noho ana ma ke poo o kona lahui kanaka, me Kaieie ke alii kahuna hooulu lahui, o Kauhi ke kilokilo hoku, ua paa like na hana i keia mau alii, o lakou no na poo nui maluna o na alii, me na kahuna a puni ka aina.

            Ua oleloia na mea a pau e Kaieie, ke kaula, e hoike aku ana i ka lahui, e imi ia na pono no ka aina me na # lii ma ke au o ka manawa o ka pomaikai, o ke Akua no ke poonui oia mau mea, a kau aku i na mamo hope loa.

            Olelo mai la o Kauhi, ke kilokilo hoku, e mawehe ia ae na ike o ka poe akamai ma ke ano o ka poe akamai i like ka ike me ke Akua; na lakou e koho na mea a na kaula e wanana ai, i pololei ai na mea e koho aku ai.

            Ua loli ae la na hana hooponopono ana a ka poe i ike ma ka lakou ike hooponopono no ka pono o ka aina me ka lehulehu lahui, ua hooko ia na olelo e wanana ia ana e na kaula oiaio a ke Akua i koho ai.

            Ua ike o Wailoa, ke alii, i na hooponopono ana a kona mau kahuna, o Kaieie oia ke poo maluna ae o ka olelo a # o, e hoolohe ia ana no kana olelo e

 

HOOLAHA KUMAU.

 

Ka Hui Banako hoahu

Malama Dala o Hawaii

[KAUPALENAIA.]

 

Huina i heahuia ...................................$250,000.00

 

Peresidena..........................................Kikila Barau@

Hope Peresidena.................................W. P. Rubikana

Puuku...................................................W. G. Cooper

 

 

 

 

Keena Hana Nui:

 

Alanui Papu, kokoke i Alanui Kalepa

Keena Lala ma Hilo, Hawaii

 

@ LAWELAWE ANA I KA

 

Oihana Banako Hoahu Dala

ma Honolulu ame Hilo

 

            E laweia mai no na huina hoahu me ka haawiia o na ukupanee no na hoahu makahiki ma ka huina o 4 ½ pa-keneta no ka makahiki.  E loaa no na Rula a me na hooponopono ana ke ninau ae ma ke Keena Hoahu.

2228-1yr.

 

DR. L. F. VALAREZ.

Keena Oihana a Wahi Noho.  Helu 16 ame 20, Alanui Emma

Na Hora Hana:   8 a 10 a. m.

                                                                                    3 a 5 p. m.

                                                                                    7 a 8 p. m.

Telepona 644. 

2798 C 1yr.

 

DR. T. TIMAMURA

Keena Oihana 534, Alanui Nuuanu

Telepona 152.  Pahu Leta 842.  Wahi noho, 524, Alanui Nuuanu

Na hora keena: 8 10 a. m., 1 a 3 ame 5 a 8, p. m.

 

LYLE A. DICKEY

@ @ Mokupuni mai.

@ hookoia na nana pili kanawai apo Kihi o Alanui Betela me Moi. 

KAKELA ME KUKE

(KAUPALENAIA.)

Poe Kalepa ma ka Homisina

A HE

Poe Lawelawe Kopaa.

AGENA

 

HOIKE AKEA!

            O KA HUI I IKEIA IHO NEI MAWAENA O ROBERT LEWERS, CHAS. M. COOKE A ME F. J. LOWREY, MALALO O KA INOA HUI O LEWERS & COOKE (LUI MA), UA HOOPAUIA IHO NEI I KEIA LA MAMULI O KA AELIKE ANA, A UA HOONEEIA AE NEI KA OIHANA MALALO O KA HUI NONA KA INOA LEWERS & COOKE, LIMITED, (LUI & KUKE, KAUPALENAIA).

            O NA KOI A PAU I KA HUI KE AUAMOIA NEI E KA HUI HOU, A O NA AIE A PAU I KA HUI KE HOOLILOIA NEI A E UKUIA I KA HUI HOU.

            KE PAHOLAIA AKU NEI NA HOOMAIKAI ANA I KA POE A PAU I HAAWI MAI I NA KOKUA ANA I KA HUI I PAU IHO LA, A KE NOIIA AKU NEI NO HOI E HOOMAUIA IA LAUNA OIHANA ANA ME KA HUI HOU.

 

LEWERS & COOKE

 

LEWERS & COOKE, LIMITED

(Lui & Kuke, Kaupalenaia.)

 

Peresidena...................................F. J. Lowrey

Hope Peresidena..........W. W. Harris

Kakauolelo me Puuku.........W. A. Hadden

Luna Hooia.......................C. H. Cooke

Luna Hoohana............................Robert Lewers

Luna Hoohana...................................Chas. M. Cooke

Honolulu, December 31. 1900