Ka Nupepa Kuokoa, Volume XXXIX, Number 7, 15 February 1901 — Page 2

                                                              Ka Nupepa Kuokoa                                                f

KE KILOHANA POOKELA NO KA LAHUI HAWAII.

 

NUPEPA KUOKOA, FEBERUALI 15, 1901.

 

MA KE KAUOHA

HOOLAHA MA KE KAUOHA.

            I kulike ai me na hoakaka a ka Mokuna @, Pauku 456, o na Kanawai Kivila o 18@7, ke hoo@aha nei au, ua hookaawaleia ae nei he pa aupuni no ka mokupuni o Lanai, ma Koele, Nanae@ @a no kahi ma ka aoao maluna o ke alanui aupuni e kokoke a@a i Kauhale Hanai Holoho@ona.

            Ua hookohula iho nei o David Steward, Esq., i Luna Pa Aupuni i keia @a, no ka pa aupuni i haila ae la.

J.A. McCANDLESS.

Luna Nui o na Hana Aupuni.

Keena o na Hana Aupuni, Honolulu, Feberuari 3, 1901.

 

Kela ame Keia

HOOOAHA HOOPAU HUI.

            Ke hoolaha@a aku nei o ka Hui i ike@a iho nei mawaena o Hermann W. Barth ame William H. Barth, malalo o ka inoa hui “Honolulu Sheet Metal Works,” @a hoopauia i keia la mamuli @ ka aelike.  Na Herman W. Barth e ohi aka ana i na ale a pau i ka hui a maluna ona na koikoi a pau o ka hui mai keia wa aku.  O na aelike hana a pau, na Hermann W. Barth no lawelawe aku ana, a nana no e hoomau aku ana i ke@a oihana.

Hanaia Feberuari 6, 1901.

HERMANN W. BARTH,

WM. H. BARTH.

2845-2t            Feb 8, 15

 

HOOLAHA LUNA HOOPONOPONO WAIWAI.

            No ka mea ua hoonoho ia au i Luna hooponopono waiaiw o Mele Malo (w) no Aleamai, Hilo, Hawaii i make, e ka Luna kanawai Kaapuni, o ka Apana Eha o ko Hawaii Pae Aina.  Nolaila ma keia ua kauohia na mea i aie i ka mea i make, e hookaa koke mai ia’u, ma Hilo, Hawaii, a o na mea a pau a ka mea i make i a@e aku ai, e hoike koke mai ia’u i na Bila aie @oko o a mahina eono mai keia la aku, o hoole loa @a aku ke hala @a manawa.

            A ina he waiwai ko ka mea i mak@ ma ka lima o kekahi e hoike koke mai ia’u.

S. L. LYMAN

Lunahooponopono Waiwai.

Hilo, Hawaii.  Jan., 25 ^th 1901

2845-4t@.

 

NO KA HOOLIMALIMA.

            He mau hale nunui hou ma ke alanui Pupule ma kahi oluolu maikai:

E ninau no malaila ia

FANNY STRANCH

 

@E MEA I AKE NUIIA.

Akahi @o a Loaa i Honolulu nei.

            He mea paakiki loa ka oluolu mau o ka nanaina i na wa a pau o ka p@e oluoia he loaa mau i na mea hoonaukiuki.  Ina oe i ike, aole paha oe e kanalua ana i ke@.

            Ua loaa no oe i ka maneo o ka ili? 

            Aole paha i ma’i loa e moe ai ma ka@i moe?  Aole no paha i o@a loa e nele ole ai i kahi mea?
            Aohe mea hoopii wela e ae e like me keia.

            Ka maaeo mau o ka ili.

            He paakiki loa ka alo ana ae i kana hana ino, a he paakiki no hoi ke oi.

            He mea hoa@a mau i ka hiamoe a hiki ole no ke moe i ka po.

            He hoonaukiuki ke hiki mai, a i kahi wa ano pupule maoli no ke kanaka.

            Aole anei o ke ola ke ola koke, he mea i ak@ nui la n@ kekahi wa loihi i hala ae?

            He mea loaa no keia i ka poe a pau e hamo ana me ka laau Hamo a Doan.

            Aole e ha@a ka loaa i ka Laau Hamo a Doan o na ano maneo a pau.

            Ka unahi pii o ka lima, he ola wale no, pe@a nohoi me na maneo e ae o ka ili.

            Eia ka hooia a kekahi mea no keia ola @o i ke@a laau:

            Na, Mr. Frank Leibly, o 326 S. Main St., Wilkesbarre, Pa., keia mau olelo: “Me ka hauoli au e hoike aku nei i ka waiwai nui o ka Laau wHamo a Doan no na mai hoouluhua i loaa mai ia’u iloko o na makahiki i hala ae nei.  Ua nui ko’u pilikia no keia maneo ino o kou ili.

            “Ua hoao au i na laau a pau i hoike@a mai ia’u, a he o@e nae ka pala i loaa mai mamuli oia ai ana i na laau hoopau dala a’u i ai ai.  Aka, i kuu lohe ana no keia laau hamo a Doan, ua kuai koke au a hoao a he mea kamahao ke o@a i loaa koke @a’u.  Ua hoomau au i keia hamo ana a hiki i kuu ola loa ana.  Aole no i loihi keia hamo ana a’u.  He eha ae nei mahina keia, aole o’u @a hou i keia maneo.  He piha hauoli au e no@ nei no ko’u pakele ana mai ke@a ma’i ino mai.  A ke kaena nei au, he laau kupono loa keia no na poe apau e hoao ai no ko lakou mau poino a kinaunau.  Ke ae nei nohoi au e pai ia ke@a hoike a’u ma na nupepa apau e makemakeia ana no ka pono o na lahui kanaka a pau o ke ao nei.  Ina e makemake kekahi mea i lohe pono i ko’u leo, a’e ike paha i ko’u lima kakau, e @ka pololei ae ma ko’u helu, 326 S. Main St., a malaila no wau e loaa ai i na wa a pau.”

            Doans Kidney Pills (huaale a Doan no ke kika@a hu’i) he loaa ma na hale kuai laau apau: he 50 keneta ke kumukuai.  He hoouna leta ia no e Hollister Durg Co., na Agena ma Hawaii nei.

            Mai poina i ka inoa Doan, a mai lawe i na laau e @.

 

KAHEAWAI KA BIA O HONUAKAHA.

            I ka hora 7 o ke kakahiaka o ka Poakolu nei i hoomakaia ai ka hana ana o ka bia haole ma Honolulu nei makai o Honuakaha, iloko o kela hale pohaku hou e kiowea mai ia ma ka aoao makai o ke alanui Moiwahine, malalo o na hoohana ana a ka Luna Nui, Mr. E. J. Waterman (water—wai; man, kanaka).  Kohu no ka inoa o keia kaaka!

            Ha o@elo mai keia luna nui, aole ka e kupono ana ka bia no ka inu ana a pau ke pii ana o ka hope.  He 100 ka @a e waiho ai alaila kupono.  He kanahi-ku-kumamalima barela ka nui o ka pia i ka @a, a iloko o 3 mahina mai ka @a i hoomaka ai, e loaa ai ka bia o Hawaii nei ia “inubia ma.”

            A @

 

KA NUPEPA KUOKOA

No ka Makahiki          $2.00

No Eono Mahina         1.00

 

Kuike ka Rula.

Puka Ana        1 Pule  2 Pule  3 Pule  1 Mal.  2 Mal.  3 Mal.  1 Mak.

Iniha                $1.50   $2.00   $2.50   $3.00   $5.00   $6.75   $12.00

2 Iniha             $2.00   $2.75   $3.50   $4.00   $7.00   $9.00   $18.00

3 Iniha             $2.50   $@      $4.50   $5.00   $9.00   $12.00 $24.00

4 Iniha             $3.00   $4.00   $5.00   $6.00   $11.00 $13.50 $30.00

5 Iniha             $3.50   $4.75   $6.00   $7.00   $12.00 $15.00 $@

6 Iniha             $4.00   $5.50   $7.00   $8.00   $13.00 $16.50 $@

 

O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA.

O na Dala a pau o ka Pepa nei e hoauna pololei mai i ka HAWAIIAN GAZETTE COMPANY.

HOOPUKAIA E KA

HAWAIIAN GAZETTE CO

Hookomoia ma ka Hale Leka o Honolulu, Pa@aiaau o Hawaii, @a ke ano mea o ka Papa Elua.

A. W. PEARSON, Luna Nui.

W. @, Lunahooponopono.

@

 

POALIMA     FEBERUALI 15, 1901.

 

                        KIPE!  HE MAKE KE KIPE!  MAKE NO A MAKE LOA.

            Ke wawaia mai nei, ua lawe kahi mau moho i kala kipe.  Auwe ka mak@ e!  Ina he oiaio kei@ mau lono hoohaumia, poina kakou!

            O ka hana no ia a na ’@ii me na moho kau kanawai o ke au kahiko i lawelawe ai a lilo ana ko kakou aupuni.  A ke hoao hou mai nei no kahi o ka poe no i maa ia mau hana i na la i kaa hope aku.  Pela ka lono.

            Aole keia hoopu-a i manaoia no ke ino, aka, i lama no kela ame keia mea e alakai ai i kona kapuai ma ke ala e kuia ol@ ai me keia akeakea o ka popilikia.  A pela pu no hoi i manaoia ai, e loaa i ka lehulehu he anoano hakilo i ke kulana hoopono io o na moho, i pau ai kuhihewa o ka hoomaloka; i kulia hou aku ua kau, ua ikeia ka pono, he koho, ko laila.  O@a no hoi paha ua kanaka!

 

HOOLOLI KANAWAI A DOLE.

            Ma ke ku ana mai o ka mokuahi Kina i keia Poalima aku nei i loaa mai ai he mau lono koikoi mai Wakinekona mai, e hoike mai ana, ua kauoha aku nei o Kiaaina Dole ia J.F. Brown, ke Komisina o na Aina Aupuni, e noho aku malaila e hakilo ai i na hana kau kanawai pili ia Hawaii nei.  Ua a’oia aku nei no hoi oia e hooikaika ma na ano a pau, e like me ka hiki iaia, e hoololi mi ka Ahaolelo Nui i ka pauku o ke Kanawai Kumu o ka Panalaau nei, e pili ana i ke kaukani eka aina e onaia ana e na hui “corporations,” ke ike nae oia he wahi manaolana iki kahi o ka holopono o ia hana.

            I ke kaana pono ana iho i keia mau hana a ke Kiaaina, me he mea la, ke ae loa aku nei kana mau hana pili oihana, mawaho o na palena oialo o ka hoopono; oiai, nana no i kuahaua ae i ke koho el@le o ke kau i hala iho nei, a ua loaa he elele no Hawaii ma Wakinekona, e ukula ana he $5000 i ka makahiki mai loko ae o ka waihona lahui o ke aupuni o Amerika Huipuia.  Ina no paha ua hoowahawaha oia i ka elele a ka hapanui o na makaainana koho ba@ota o keia Panalaau i koho ai, he hana hewa loa nana, ke kapae ana ae i keia kanaka, no ka mea, ua oi ae ke kulana oia mea, mamua ae o kona ma @a ninau pili lahui, i ka manawa e noho ana ka Ahaolelo Nui ma Wakinekona, a oia maoli no ka wahaolelo o keia Panaaau ma keia Ahaolelo mana.

            O kekahi hana hewa loa ana o kakoo nei: oia no ka hookuukuu ana i na kauwa “ilike@” e ukuia nei me na “ala” pokeokeo i kela ame keia mahina, e lalau hele i kahi e, a na ka Hawaii e pa’u i hope nei.  Heaha ke kuleana o ke Kiaaina e hookuukuu wa@e ai i keia haole e kakakii i Wainekona malalo o na hoolilo o ka Panalaau?  He hana okoa ka J. F. Brown i kauohaia mai ai e na poo ma Wakinekona, aka, ua @au i keia wa.  Heaha i@o ia ke ku@ e hoolalau wale aku ai me ka ho@ lilo i ka uku laia no na @a ana i ha@ ole ai?

            Aole no e lilo keia mea, i kumu hooulu hana iwaena o na makaainana, ina la hoi e hana ana keia Kiaaina i ka mea kaulike i na oiwi oiaio o ka aina nei—ia kakou Hawaii.  He o@e loa no.  I kau aeahaukae wale no e hoopuipui nei i ka loaa “a na Hawaii i hooulu ai.”  He nui a lehulehu wale na Hawaii i mo@i maoli i ko lakou kino malalo o ka @ana, aole he loaa iki o kahi hooma@ ka wa, mai keia Kiaaina aku.  A@a o Hon. J. W. Ka@ua, o Maui—aono makahiki keia o ka nohopaa ana i ka hana me ka he@o ole no kahi wa pokole.  A@a o Henry Smith, Esq., he 25 a oi makahiki ma kona kulana Hoko o ka Aha Kiekie, he hookahi no hoomaha ana i ka makahiki 1890.  Owai aku ka Hawaii hoomanawanui e like me ka opio puuuwai hokeo,—

            He maka-ha hoopua wai,

            Wai o@a no na kini maka lehua

            He ohu lau i ka na@

            Ua ola Hawaii i-a Kimo Poe.

            No ke aha i loaa ole ai iaia he wa hooluolu mai ka mauluulu o ka oihana ana i auamo ai no na makahiki he @ makahiki?  O ke@a ka Hawaii mua loa a keia Kiaaina no i nanakee iho ai,—aole i hookohula i Luna Nui no na Hana Aupuni, aka, haawi ae la ia kulana no ka enemi ona i mea e humuhum@ ai (paha?) i na lehelehe, i pio ka hauwalaau ana.  He nui a lehulehu wale aku.

            He hana hoehaeha loa keia i ka puuwai o na oiwi a pau o ka aina nei, a he hana no hoi e pio ole ai o ka mokuahana i waena o kakou, no ka makon@ loa o kana mau hana.

            E na moho oiaio!  E kupaa no ka pono!  E kaohi mai i keia mea e ahai nei i ka lahui oiwi iloko o ke opilopilo like me na alanui a lakou e hoohemahema mai nei.  (No ka nohoia paha e ka poe i komo ole iloko o kona poai!)

 

GEAR VS. WILCOX.

            Ma na lono hope loa i loaa mai nei e pili ana i na hana o ke Kapitola ma Wakinekona, ua ikeia iho la, i ka la 1 iho nei no i komo ai ka hoopii a Gear e kue ana i ka noho Elele o Wilikoki no keia Panalaau ma ia Ahaolelo.  I ka hoomaopopo ana i keia mau hana, me he mea la, ua hewa loa ka holokua ana ae o keia mea me kana hoopii mawaho o na rula ana a ka Aoao Kalaiaina e noho mana ana ma kela kahua kau kanawai; no ka mea, ua hoopuka ke Komite Hooko o ka Aoao Repubalika o keia Panalaau i ka Olelo Hooholo e hoole ana i ke kakoo ana i na hana a pau o keia ano; me ka i ana: “Ua loaa ia R. W. Wilcox ka hapanui o na balota ma ke koho pono ana, a pela no i pono ai kona lilo ana i Elele.”  O ka hana naauao maoli no keia; aole e like me keia mau hana alala a kamalii i ka hanini o ka waiu!

            He mea oiaio, he wahi mea hoehaeha naau maoli no ka haule ana malalo o ka mea i hoowahawaha ai, aka, ma na hana pili kalaiaina, he hana hewa loa ka lawe ana mai i ka manao pilikino a hoolilo i mea pili oihana.  I ka wa i pau ai o ke koho balota a maopopo ka moho lanakila, o ka wa no ia e pio ai na manao mokuahana a pau mamuli o ke paonioni kalaiaina; a @ auamo i ka “hoka” me ka naau haahaa a hoomanawanui.

            Ina no paha e ko mai ana no na hooikaika ana a Gear, a lele ae o Wilikoki mai kela noho ae, heaha ka pomaikai e loaa mai ana ia Hawaii ma ia hana ana?  Aole anei e loaa hou ana he mau hooluhi a hoopau manawa ana e like me ka kakou i ke iho nei: ke kuamuamu aku kahi i kahi?  Aole anei kakou @ komo hou ana iloko o ke kaumaha o ka hoonui lilo i ke kaahele mao a maanei a puni na moku, e hoohulihuli ai: me ka oiaio ame ka pelo i loaa na balota, a malia paha o haule hou aku i ka hohonu o ka moana a koo@u kahi pauku kino i ke anu?

            Ina no paha e hoi io mai ana o Gear me ka lanakila, a o Wilikoki me ke kaumaha, aole anei e kupu ana ka manao hoino a hoowahawaha loa iloko o ka naau o kakou a au loa, no keia mau hana niania a keia mea hopii?  O kela hana,ana e lawelawe mai la me kona ikaika a pau, he hana no ia e huli mai ana e nanahu iaia mahope aku.  He la ko na mea a pau, e like me ka maia; he la no ka laau a i ka la o ka hua, lolou ka auka. 

            O ka hana pono loa ia Gear e hana mai ai, o ka hooikaika a loaa koke ona mau lunakanawai kaapuni no ka Aha Kaapuni; i ekolu ma ka hoololi kanawai.  Oia ka waiwai loa.

 

KA OLELO HAWAII.

Kanawai Hoola i ka Olelo Makua.

            Ke hoomakaukau mai nei kekahi mau moho o ke@a Ahaolelo i ka lakou mau bila Kanawai no ka onou aku imua o ka lahui ke holo i keia kau ahaolelo iho.  I waena o na bila i hoomakaukauia, he wahi bila ku kaokoa loa kahi i hapaiia e e kahi oiwi, e kauoha ana i ka Papa Hoonaauao e a’ola ka Olelo Hawaii ma na kula aupuni o keia Panalaau.

            Nui ka nune o na poe naauao (hupo no) no keia wahi bila kanawai, a ke hooiloilo mai nei no kahi poe Hawaii ike @le no i ke kakau Hawaii, he mea hewa ka.

 

KA POINO O KE ANU ME KA LA GARIPA.

            O ka poino nui loa e loaa mai ana mamuli o ke anu me ka la garipa, o ka @onia.  Ina no nae e malama pono, a ke inuia ka LAAU KUNU A CHAMBERLAIN, @e ola wale no a e aloia auanei keia mau h@awina o ka ehaeha.  I waena o na umi kaukani i lawe i keia laau, ke ake aku nei makou e loaa hookahi i loohia i ka numonia, a he hooia kupono hoi ke@a no ka ikaika o kela laau i ke pale ana i keia ma’i luku nui wale.  He hiki loa i keia laau ke hoola i ke any a he hiki no hoi ke pale ae i ka la garipa iloko o ka wa poko@ loa i loaa ole i na laau e ae.  He oluolu no a he maikai no hoi ke inu.

            He kauiia ma kahi o BENSON, SMITH & CO., LTD., na Agena Kukaa.

 

E Makala i ke KUOKOA o keia pule iho,

 

GEAR VS. WILCOX.

KEENA AHAOLELO O NA LUNAMAKAAINANA, U. S.,

Wakinekona, D. C., 25 Ianuari, 1901.

I ka Lunahooponopono o ka Nupepa Advertiser, Honolulu:

UA POHA KE A@

            I nehinei, ka la 24 o Ianuari, @, ma ka auina la, iloko o ke Keena Komite ma ke Kapitola U. S., ma Wakinekona, D. C., a imua hoi o kekahi Senatoa U. S. (Amerika), o Loio Gear o Hawaii, a imua no hoi o ekolu mau keonimana e ae, au i haawi aku ai i kekahi mea k akau pokole i na hoike, na palapala ame na mea oiaio e ae a pau, e hiki ai ke ohiuia aku ai o ka Elele waiwai ole mai Hawaii mai, R. W. Wilcox, a ua hoopaa ko’u manao aole e kuemi hope mai keia hana mai.

            Aole no paha he hana aloha, aka, no ka makee oihana maoli no, no ka uha wale ia i keia ua.

            E lohe hou aku ana no oe i ka hopena o keia mau hana au e kue nei i kuu haumana o na makahiki he 21, ka opu lolelua a awaawa, R. W. Wilcox.

Mekamahalo.   CELSO CAESAR MORENO.

 

            WAKINEKONA, Feb. 1.—I keia a iho ia i waihoia aku ai imua o ke Komite Koho Balota o ka Hale Helu i he palapala hoopii kue ia.  Elele R. W. Wilcox, ka wahaolelo i hoounaia mai nei mai Hawaii mai i ka Hale o na Lunamakaainana.  O na hoopii, ua kakauia e George D. Gear o Hawaii, ka mea hoi nana i waiho pu mai i na kope o kahi mau leka i kakauia e Wicox i na ’liikoa o Filipino.  He mau leka ano nui loa keia.  O kahi o na leka i kakauia e Wilcox, ua kakau paluaia me kona inoa pu i hoopiliia.

            Ma Honolulu i kakauia ai i ka la 31 o Ianuari, 1899, a ua hoounaia ia Dr. J. Joseph Losada, Captain Marti Burgos ame Senor J. Luna, a e hoolauna ana i kekahi “hoaloha maikai loa o’u i piha i ka makaukau loa no ke kokua ana i ko oukou kulana.”  Mawaho ae o kahi mau mea, ua hoike mai ua leka nei: “O Mr.— kekahi mea kupono loa no ke paio pu ana ma ka aoao o Filipino.”

            “Hookahi mea oiaio loa, he hiki loa ia oukou ke pale aku i kekahi puali koa nui e komohewa aku ana ma ko oukou mana,—ua loaa ia oukou he heluna nui o na kanaka i hiki aku i ka 12,000,000 i piha i ka makaukau e loaa ai no hoi he puali koa kumau o 30,000 koa i hoolakoia me na pu ano hou loa.

            “Ua hooholo iho nei ko’u ma@ao e komo aku e kokua ia oukou i ke pale ana ia Amerika, ke paakiki loa mai lakou i ke kapae ana ae i ka pono o ko oukou lahui.  Ua makaukau loa au ma na oihana pili i kou kulana iloko o na puali pua@u.  He kaawale loa ia mea he makau i ke ao holookoa mai a’u aku, i ko’u wa e hakoko ana no ka pono a’u i manaoio ai.  Me ka makee aina oiaio o Generala Aguinaldo ame a’u, ua lilo ka ikaika o na puali koa awaha wale a Amerika e hoouna aku nei i mea ole.  E hoike aku ia Generala Aguinaldo, ua haawi mua au i ko’u lima kokua no ko oukou aupuni, a ua makaukau au e hooko i ke kauoha e holo aku e hapai i ka hana e waihoia mai ana ia’u no ka lanakila ame ke kokua o ko oukou lahui kanaka, i na wa a pau.”

            Ua kakauinoaia keia leka e Robert Wilcox.

            He leka okoa iho no, no ka la 8 o Maraki, 1899, e olelo ana:  “Ke manao nei au e hele i Filipino e haawi i ko’u kokua ana ia Aguinaldo no ke pale ana i kona enemi—kela poe Yankee hookamani—kela wahi aeahaukae o Otis.”

            Ua hoole o Wilikoki i ka pane piha ana i keia hoopii a Gear.  Ke olelo nei no hoi, aole ona makau a hopohopo hoi.  Ua ae mai nae oia ua palapala aku no ia Dr. Losado, Captain Burgos ame Senor Luna e hoolauna ana ia C. Caesar Morena, @ he Italia o keia kulanakauhale, ana i kamaaina ai i kona mau la e haaheo ana ma Hawaii i na ’80.  O na la ia o Moreno e olino ana me he hoku welowelo la.  He mau la kona noho Kuhina Nui ana,  Ke olelo nei o Wilcox o kela leka i kakau ole ia ka inoa, ia Moreno no ia i hoounaia mai ai, aka, ua hiki ole iaia ke pane pololei mai i kona wa i ninaninauia ai, ina he kope oiaio ua mau palapala @a i waihoia aku ai me ka hoopii.

            Ua hoike mai ka hoopii a Gea, aole ka he “mekini” i hoohanaia ma ke ko@o Elele ana i Novemaba 6, 1900, iho nei, a he lehulehu wale ka na poe koho i manao, aole loa i mana keia koho ana, a oia no ke kumu i koho ole ai.  Mahope oia mau hoakaka ana, ua waihoia aku he mau kumu hoopii pilikino e hoike ana i ko Wilcox mare ana, ame ka@a mau hana malalo o ke aupuni Moi o Hawaii.  Ua oleloia no hoi, iloko ka o ka Wilcox mau haiolelo ana i ka wa holo balota iho nei, “ua hoopuka oia i kahi mau oleo kupono ole i ka Amerika” i mea e loaa ai iaia ke kohola, i ka i ana aku i na Hawaii ua aihue@a ka aina e k Amerika (**A pehea la ka hoi?**), a o ka balota e haawiia ana iaia, he balota ia e hoihoi hou mai ana i ka Moiwahine; a he “kipi” kona hewa e pili nei me ia i na wa a pau mamuli o keia mau olelo kue ia Amerika Huipuia, a ma kona hookikina ana, wahi a ka hoikeia i ka mea hoopii, a hoouna ana i na leka e hookikina ana e kipi aku i ke aupuni o Amerika Huipuia mahope mai nei no o ka hoohuiia ana o Hawaii, a ua haawi maoli aku no hoi i kona kokua ana ia Generala Aguinaldo me ka noho makaukau ana no ka holo i Filipino e komo pu ma ke kaua ana mai ia Amerika Huipuia, o na kope hoi o ua mau palapala la, ke hoopili pu ia nei.”

            Eia na olelo hope o ua palapala hoopii la:

            “Oiai, mamuli o keia mau kumu hoike oiaio koa i waihoia aku la maluna ae, ke olelo hou nei ka mea hoopii, aole loa i kuleana o Wilcox i ka noho Elele iloko o ka Hale o na Lunamakaainana i ke Kau Kanalima-kumamaono, a i ole ia, i ke Kau Kanalima-kumamahiku, a e kipakuia hoi oia mai laila mai no na kumu penei:

            “Ka mua—No ka mea, aole he koho balota i malamaia malalo o ke kuhikuhi ana a ke kanawai e pili ana i ke ano, kahi, ame ka manawa e malama ai ia hana, i hoomakaukauia e ka Ahaolelo o Hawaii.

            “Ka lua—Ina i kulike ua koho la i ke kanawai, e kipakuia no o Wilcox no ke kumu, aole ia he kanaka kupono a makaukau no ka malama ana i na pono o ka Panalaau o Hawaii, a no kona kue a ua hewa hoi ma ka hana karaima ana,—no ka mare lehulehu.

            “Ke kolu—E kipakuia ua Wilcox la no kona kakau ana a hoolaha ana i na olelo kipi i ke aupuni o Amerika Huipuia iloko o na makahiki elua i hala ae nei.”

 

OWAI KA ONA O NA HALE AUPUNI!

Pau ole ke Paonion ona Poo Aupuni no keia Ninau!

            Iloko o na ma@ i ha@a ae nei, ua nui ke pa@ mawaena o na luna aupuni o ka Panalaau nei ame na Luna Federala, mamuli o ka hukihuki o na mana e hoomaopopo ana i ka ona oiaio o na waiwai aupuni a “lakou” i hao ai, a ke noke nui mai nei i ke aumeume me he “niuhu hihiu la no ke kaiuli.”  I ka wa o kaninau pili kuleana i na hale aupuni, ua koho like keia mau mana ia, a i ka onouia ana aku o na bila no na lilo o ka hoomaemae ana i na keena a na luna Federala e hookano mai nei, o ka wa iho la ia e hooleole like mai ai, oiai nae, na na luna Federala i kauoha ia mau hoomaemae ana.

            Ma ka halawai a ka Aha Kukamalu a ke Kiaaina i keia mau la iho nei, ua hoea kino aku o Lo@o Baird o ka Aha Federala ame ka Luna Dute Awa, Mr. Stackable.  Ua hoike aku ka Luna Dute Awa i kona hemahema, mamuli o ke kulu o kona hale oihana ma Ainahau. 

            Ua hoike pu ia ae no hoi, aole loa ka he ae o ke Keena Waiwai ma Wakinekona, e uku@a na lilo o na hooponopono ana a pau i na keena oihana o na mahele malalo o ia poo oihana, a ua i mai ka, na ka Panalaau no e hooponopono ia mau hemahema a pau, me ka ui ole aku i laila no ke kala.  Ke i mai nei hoi na poo aupuni o ka Panalaau nei, aole loa he kuleana i koe o ka Punalaau maluna o ia mau waiwai i paaia pahola mai ai o ia mana maluna o keia paeaina, ma ka la 14 o Iune, 1900, oiai, malalo o ke Kaanawai Kumu, ua lilo pau na hale aupuni a pau.

            I ka wa o Lunakanawai Estee i pae mai ai i Hawaii nei, ua miki ae no oia a noho ana, me ka hookohu, iloko o ke Keena o ka Aha Kiekie i Mililani Hale, me ka i iho, ua kuleana oia e lawe a hoomau i na hale oihana aupuni a pau.  I ole ai hoi e ulu ae @e kuee mawaena o na luna aupuni ia mau la, ua panai aku ka Panalaau i kahi keena kupono i manaoia: aka, ua pinana ae no kona ike maluna, a lawe ae i ke keena ahaolelo kahiko.  No keia hana, ua hoao ka Panalaau e kaki i hoolimalima, “he ole nae ka loaa mai.”

            I ka pau ana o na hana pili i ka hoomaemae me ka hooponopono hou ana i ua keena nei, ua lona ka huina nui o na lilo i ka $@.  Ua waihoia aku keia bila i ke Kiaaina, a he “neo” ka i loaa mai i kinohi.  No keia nele, ua hoouna loa ia ua bila @a i Wakinekona, a he ole no ka uku@a mai, me ka ole@oia mai, aole loa e ukuia kahi oia mau hoolilo a hiki i ka wa e maopopo lea ai o ka ona oiaio o ia mau keena.  Eia nae, aohe mea iki a neeu ae o keia poe mai loko ae o “kauhale a Hawaii” i kukulu ai.  O ka hooleole i na kuleana ke loheloheia aku nei i ka wawa mai, a o ka io nae, aia no mao kahi i pulelo ai o ka palu.

            I ka pau ana nae o na kalakalai olelo ana o na “mamo a Dole” ua hooholoiho la ke Kiaaina e ae i ka Aha Federala e noho wale iloko o ke keena e paaia nei, a pela pu hoi me na keena e nohoia nei e ka Ilamuku ame na luna e ae o ia Oha, a hiki i ka wa e loaa ai he wahi kupono e ae no lakou.  Ua ae pu no hoi ke Kiaaina e uku i ua bila nei o $@85., a ua ae pu no hoi i ka @o o k aHale Dute—“koe hulu ole,” a i keia mau la iho ka e paa ai ka Palapala Umi-a-puaa a “lakou.”  Ahu ka neo!

 

KA POINO PAUAHI.

            Ua hookohu ae nei ka Home Rula i Komite no ka hoolohe ana i na koi poho pauahi a pau loa o na Hawaii.  O na lala o keia Komite, oia no o James K. Kaulia, J. K. Prendergast ame F. J. Testa.

            Ua hoike ai nei keia Komite, e hoolaha aku ana lakou e akoakoa ae ka poe a pau i hoopoinoia ko lakou mau waiwai e ke ahi bubonika a ka Papa Ola ma ka Opiuma i ka po Poalua o keia pule iho.

            Nolaila: e ka lehulehu!  O ka wa pono keia e akoakoa nui ae ai, i maopopo pono i ka poe i poino ke ala e hiki ai ke hoomaopopoia ka poino.

           

            Pakele mai pau kekahi hale mawaho o Makiki i ke ahi, mamuli o ka hoohemahema o ke Kepani kuke i ka ninini ana i ka aila i kuna o kapuahi.  Ua la@apa ke ahi aole nae i a kaupaku.  O ka mea kupanaha loa, oia no ka a ole ia ana o ke kini a@a mahu e ku kokoke ana mamua pono o ua kapuahi nei.

 

            Nui no ka hoi ka ike ole o na kauka i ka oiaio o ka lakou mau mea i a’o ai e pili ana i na ano ma’i,  I kela makahiki aku nei, ua nui ko lakou hakaka no ka bubonika.  I keia makahiki no hoi, hoopaapaa hou no keia ano ma’i e nee hele nei iloko o ke kulanakauhale nei.  I mai kahi mau kauka, he mala@a, hoole mai hoi kai poe, aole,—he anu maoli no, no ka nui o ka ma’u.  O ke aha la ka mea oiaio?  Me he mea la, o ke a@.

 

Kopa Hoola—Ili

 

            Aole mea i oi aku ke kupono ma ka malama ana i na keiki liilii mamua o ka hoauau pinepine ia, me ka lawelawe nui ana i kopa maikai.  Aole @ kupono na kopa holoi lole no na pepe.  He mau mea aai’ko loko oia ano kepa. O kona lawelawe ia ana he mea ia e ulu mai ai na puupuu.  Ina he ho@a ma wahi eha ame puupuu, he mea ia e hooi ae ai i ka poino.  Aole he mau mea hoopoino a maikai ole iloko o ke Kopa.  Hooia Ili.  E hoemi mai no ia a @ hoopau loa no hoi i na puupuu, a oia kekopa maikai loa no ka hoomaemae ana kekahi mau mea lapaau nana o h@a.  Aole loa e loaa kekahi poino i ka @ mamuli o keia kopa.

            Ua oi loa aku kona waiwai no ka lawelaweia ana iloko o ka wai auau o na bebe.  E holoi i ke poo o na bebe me ke Kopa Hoola Ili a aole loa e loaa iaia kekahi pino mamuli o na puupuu ma ke poo, a i ole @a na mea ola liilii i pi@ i ka poe opiopio.  Mamuli o k@a an@ laau, ua hoopau loa ia a pale loa ia aku na ano ma’i lele he nui.

            O ke Kopa Hoola Ili oiai he mea maikai loa no na kanaka makua.  O kona lawelawe mau ia ana ka mea e l@a ai ka helehelena maikai a e hoopa@upa@ a e hoomaikai ai ka Ili.  He pomaikai ke ola mamuil o kona lawelawe ana.  Mamuli o kona hoaoia ana e maopopo ana no i kela ame keia mea noonoo i kona ano maikai maoli ma ke ano he kopa lapaau ame auau.

            E loaa no ma ka halekuai o

            KA HUI KUAI LAAU O HOBRON.  Mea Kuai Laau Kukaa a K@ai L@, Honolulu.

 

O LI HUNG CHANG UA MAKE.

            Ma ke ku ana mai nei o ka Rio de Janeiro i kela mau la iho nei, i loheia mai ai ka make o Li HungC hang, ke@a Kalaiaina kaulana o Kin@.  Ua loaa mai keia hoike mai a Wildman mai, ke Kanikela Amerika ma Hong Kong.  Aole i maopopo loa ka ia i make ai ame ka ma’i; aka, ua lohe wale no oia, he l@o me ka huki. H@ ma’i el@akule maoli no paha hoi kahi!

 

NA NINAU PILI I NA AINA AUPUNI O HAWAII NEI.

            Ma ka hoike a ka mea kakaa o ka nupepa namu “Advertiser” mai Wakinekona mai o ka la 27 iho nei o Ianuari, ua ikeia iho ka hapa@a o ka ninau pili i na aina lepo momona hoowaiwai “kolea” o kakou nei, a ke haka mai nei na maka o ka makaulii aina @ane@.  No keia kumu, ua waiho aku o Senatoa Hansbrough i kana bila kanawai e pili ana i keia mea, e noi ana e paholaia mai na Kanawai Aina o Amerika Huipuia i Hawaii nei.

            O ke@a Senatoa Hansbrough, no ka mokuaina mai no ia o Dakota, a hepiha ike maopopo oia i na Kanawai aina a pau o kona aupuni makuahine.  Mamuli o kona kulana he lunahoomalu no ke Komite o na Aina Aupuni, ua loaa aku he mau paila leka lehulehu mai kela wahi keia wahi a puni o Amerika e ninau ana no na aina o Hawaii nei.  Mai Hawaii aku nei no kahi mau noi hoololi “makee aina.”  O ka Hui Home Hookuonoono Amerika k@kahi e hooikaika a@a e loaa ke@a kanawai i Hawaii nei, i hiki ai i na lala oia hui ke hao ae i na wahi hunahuna lepo i koe o Hawaii nei, a holo wale na oiwi i ke kula oneanea o Kalepolepo.

            O kahi mea nani loa, ke makemake nui ia mai la e hookohula i mau Komisina malihini e holo mai @ei @ hooponopono ai i keia ninau, i loaa ai i na makaainana a pau ka pono kaulike @ kela kanawai ke holo.  Ua manaoia, ina ka e kaa ana malalo o na @ponopono ana a na luna aupuni o keia Panalaau, alaila, e nele ana na oiwi o ka aina i na pono ame na pomaikai @ keia kanawai.

            Nui ka mahalo i ka noonoo maikai @ kela S@ Aka, e akahele mai no @ i aho palanaiki a lele loa

 

LOAA KA HOOLA KUPONO IA LAKOU.

            O ke kaena a kekahi mau laau kunu no ka maikai e like me ka Chamberlain, ua lilo i mea o@e mamuli o ke@a hoike malalo iho, a Mr. C. D. Glass, kekahi paahana malalo o ka hui o Bartlett & Dennis Co., Gardiner, Me.  I mai oia: “Ua loaa mau ia au i ke Kau anu o ka makahiki 1897 i ke anu me ke kunu, a ua hoao no hoi i na laau kunu a pau a’u i lohe ai, i mea e loaa ai o ke o@a, aka, ua nele ia mea.  A i kekahi la, komo aku nei au iloko o ka halekuai o Mr. Houlehan, a ua a’o mai oia ia’u e inu i ka LAAU KUNU A CHAMBERLAIN, a ua olelo mai, ina e pahua ke ola, nana no e uku hou mai i kuu ka@a i lilo ai no ka laau.  Ua hele maoli n@ kuu akemama ame kuu umauma a eha i ke@a manawa, aka, mahope iho @ kuu inu na i ua laau kunu nei, ua pau loa ia mau haawina ehaeha, a ua o@a loa au; a i na wa a pau o’u e loaa ai i ke anu, e inu mau ana au i keia laau, a o ke ola no ia me ka hakalia ole.  Ua hoike aku no au i ko’u mau hoaloha, a pau, a ke hauoli nei au i ka hoike aku, @ keia no ka laau helu ekahi no ke kunu.”

            He hua@a ma kahi o BENSON, SMITH & CO., LTD., na Agena Kukaa.

 

PAKE I POWAIA E PIKPAUIOLE.

            I ka po Poalima iho nei, mahope iho o ka hora 9, oiai hoi ke alanui ua kohu inika ka opuli, ua palukuia kekahi Pake kupakako o ka Pa Kuai Papa o na Pake, o Ah Ching ka inoa, e kekahi mau haole a hina i laio,  Iaia i hina ai, ua kuhea ae oia me ka leo nui, “@ kokua,” a ia wa koke no i poila ai kona waha a paa me ka hainaka.  Ua nanao ka powa i kona eke puliki a lilo he $4 keokeo.  A ina paha i liuliu loa iho, ina ua pau na dala ulaula iloko o ke eke lolewawae.

            E hoi mai ana keia Pake mai Leleo mai ma ke alanui Hotele, a iaia i kokoke ae ai, i kauhale Pake ma ia aianui, maluna mai o ke alanui Maunakea, ua loaa iho la iaia ke@a haawina.  E ole i holo koke aku kahi mau Pake kokua, pakele ai na mea lelo o k@na pakeke.

            Aole oia i ike pono i ka helehelena o na powa, aka, ua maopopo lea iaia, he haole.  No keia kumu, ua hiki ole i na kiu o ka oihana makai ke ho@ hanu aku mahope o na meheu o ke ko@h@.