Ka Nupepa Kuokoa, Volume XXXIX, Number 6, 8 February 1901 — KIPU KA LUNAHOOPONOPONO O KA NUPEPA HONOLULU REPUBLICAN. [ARTICLE+ILLUSTRATION]

KIPU KA LUNAHOOPONOPONO O KA NUPEPA HONOLULU REPUBLICAN.

I ka po Poakolu nei, mawaena o ka hora 9 ame hapa i kiia ai o Mortimer I. Stevens, kekahi o na haole kakau o ka nupepa Advertiser % ka lunahooponopono o ka nupepa ' Honolulu Republiean," E. S. Oill, a ke waiho nei oia ma ka halema'i me ka maopopo ole o ka hopena. Ua ulu mai keia mau hana mamuli o kekahi mana<%pepa i hoopukaia i ke kakahiaka Poakolu nei e pili ana i kekahi mau lede opio mai Kapalakiko mai, a e noho nei ma ka Hotele Hawaii; | Me he mea la, i ka auina la oia la jno, ua kipa mua aku ma ke keena o ua nupepa la, ka hoahanau ponoi o ua mau lede opio nei, a ua koi aku i kela lunahooponopono e mihi ma kana nupepa 0 nehinei no kana mau olelo hoinoino a pahenehene wale. No ka ae ole ana paha o ua mea kakau nei. nolaila, ua lalau aku ka haole malilĀni i kona ai, a hoomaka e umi. A e ole na lima kokua, ina ua nana ka pu-ana-i ona. Nolaila, i ka hoea ana aku o ka mea 1 kiia ia po, ua makaukau mua kela. (Mahope iho paha hoi o kekahi mau olelo hoopaapaa. ua ki mai la ua lunahooponopono nei iaia nei i ka pu a ku ma ka aoao malalo iho o ke kikala hema. Mahope iho o ke ku ana i ka poka. ua hele aku ka mea i ku a hiki ma ka puka, a malaila oia i haule ai i lalo, a na kekahi mea kakau o loko o ua halepai nupepa la i hapai iaia a kau maluna o ke kaapio; a hoihol a hiki i ke keena pai Advertiser. Mahope iho. ua lawe loa ia aku oia no ka halema'i.

| I ke teleponaia ana aku o na -makai, ua hoounaia ae kekahi mau makai e hopu i ua haole kipu la, aka, mamua ae 0 ko laua hiki ana i ke keena o ua haole nei, ua hoea aku la kela i ka hale|wai, a haawi pio iala iho. Aole nae i liuliu mahope iho, ua pelaia * oia, he $1000 .na ka luna hoohana o ka Hui Robert Grieve Co. A ke kali nei ka hihia a hiki i ka wa e maopopo ai o ke kulana o ka mea i kiia. Menemene ole no la! 1 No ka hoohemahema ona makuahine i ka lakou mau keiki, i ka hoouna ole i ke kula, ua piha loa na alanui i kamalii lulu. Nui ke akamai o keia poe keiki i na hana ino. A he mea maopopo, e hoea aku ana lakou i kela hale nui makai ae o ka hale kaa ahi e noho ai i keia mau makahiki aku.