Ka Nupepa Kuokoa, Volume XXXIX, Number 2, 11 Ianuali 1901 — DAVID LIMA NAONE. [ARTICLE]

DAVID LIMA NAONE.

I ka po o ka la 28 iho nei o Dekemaba I haalele mai ai o David Llma Naone i kela ola ana, mahope iho o kona kaapa ana I na ehaeha o ka ma'i iloko o na hora pokole wale no, ma kona home ma ke Alanui Beritania: a ke u nei nona ka wahine, na keiki, ka ohana a me na hoaloha ha nui wale. He mau la wale no hoi k<re o ka loaa no ia o ke 46 o kona mau makahiki. Iloko o kona mau la, ua nui kana mau hana ku i ka mahaloia, no kona hoopono me ka hooikaika maoli i na hana maikai a pau. He lala no hoi oia no ka Papa Kahu o ka Ekalesia o Kawaiahao, a he kokua Luna Kula Sabati no hol no ia ekaleaia, a mamuli o kana mau alakai baikai ua loaa ka holomua ma kana mau oihana i lawelawe ai. Ma ke kau koho balota iho nei, oia no kekahi hoa o ka Papa Hoopaa Inoa. He lala no hoi oia no ka Oihana Koa 0 ka Panalaau nel, a he Kakiana Hae oia,—pela oia i hoohiwahiwaia ai ma kona hoolewa. Ua hoomaka kona hoomalamala ana 1 ka ike ma Kahehuna. j Nui na makamaka me na hoaloha o ka inea iiele ae e ike I kona kinowailua i moeAku *a i ka opu o "mama hono.

OLELO HOALOHALOHA. He Hoalohaloha na ke Kula Sabati o Walanae a me Makua i Huiia ia Mrs. Ane L. Naone me ka Walohia. Omakou, o ke Kula Sabati i Hūiia o ka Apana o Waianae, Mokupuni o Oahu, ma o ko makou Komite la i koho pono ia, ke hoike aku nei imua o kou puuwai i hoehaehaia me ke kaumaha luuluu i )ā makou aloha ku-io no kau alii kane i pauaho mai la i keia ola ana. Oiai he Kahu Kula Sabati Nui oia no ka Apana o na Kona nei, a he kanaka no hoi i hilinai nui ia e kona mau Kula Sabati a me kona mau hoaloha, a waiho mai la oia i ka hana ana i lawelawe ai me ka maemae, a he mea hiki ke hoomanaoia iloko o ko makou mau puuwai pakahi no kana hana hope loa no ko makou Kula Sabati i malamaia ma ka la 16 o Dekemaba o ka A. D. 1900, a ma ia la i hoikeia, ua pane mal oia i kana olelo hope loa. "E lilo ana na ke Kula Sabati o Waianae e alakal mua i na hana hoike Kula no keia makahiki ae, A. D. 1901, i ka mahina o aMraki a mahope aku na Kula Sabati e ae o ko na Apana." Oia leo aloha ana i waiho mai ai ua lilo ia i mea na makou e hoomanao ai me ka manaolana e hui hou ana makou iloko 0 ke Keneturia 20, eia nae ua kikoo e | ia mai la oia e kona Haku aloha 1 Kahu Kula Sabati no kela Kula Sabati Lani maluna. Nolaila, mamuli o ka oluolu ana o ka mea mana loa ka lawe ana ;aku i ka hanu ola hope loa o kau kane 1 aloha nui ia, a ua ili iho maluna ou ka haawe o ke kaumaha a me ka luuluu, ke kumakena ana. ka paumako me ka walohia nui me ke kanikau ana no kau mea aloha. Nolaila, ke hooholo nei makou: 1. E hooholoia: Ke komo pu aku nei makou me oe e auamo pu i na ehaeha i kau iho maluna ou, a e kanikau pu me oe i na la o kou noho kanikau ana. 2. E hooholoia: Ke nonoi ae nei ka makou mau leo pule, e hoomama mai ko kakou Haku aloha i na ehaeha, na luuluu, a me na kaumaha i kau iho maluna ou a me makou pu kekahi. 3. E hooholoia: E hoounaia l hookahi kope o keia i ka wahine kanemake, a i hookahi i ka Nupepa Kuokoa, a hookahi i ka Nupepa Ke Aloha Aina, a o ke Kumu o ke Palapala Hoalohaloha me ke Kula Sabati. O makou no me ka yalohia: REV. S. P. KAAIA, S. MAPU, D. M. NAMEA, * S. K. PULE, D. KEAUHULIHIA, J. KEKAHUNA, 4 S. K. HUI, J. M. HALEMANO. I. N. HALUALANI, Komile.