Ka Nupepa Kuokoa, Volume XXXIX, Number 2, 11 Ianuali 1901 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

MA KE KAUOHA

_______________

 

MA KE KAUOHA

______

 

HOOLAHA WAI.

______

            I kulike ai me ka Pauku 1, o ka Mokuna XXVI. o na Kanawai o ke Kau o 1886:

            O na poe a pau e paa ana i na pono wai, a i ka poe hoi e hookaa ana i na uku wai, ke hoikela aku nei, o na auhau wai no ka manawa e pau ana i ka ia 20 o Iune, 1901, e ukuia ma ke Keena Oihana Wai o Honolulu nei ma ka ia 1 o Ianuari, 1901.

            O na auhau wai a pau e hookaa ole ia ana iloko o na la he 15 ope aku o ka wa e uku ai, e kauia no i ukukaulele o umi pa-keneta.

            O na Pono Wai a pau i hookaa ole ia ko lakou mau auhau ma ka la 15 o Feberuari, 1901. (30 mahope iho, e lilo ao he uku wai kaa ole). ua hiki no ke ekila ia mau Pono Wai me ka hoolaha hou ole ia ana aku.

            E ukia no keia mau auhau wai ma ke Keena o ka Oihana Wai malalo o ka Hale Kapitola.

            ANDREW BROWN

            Luna Nui o ka Oihana Wai.

            Honolulu, Dec. 21,23, Jan.4.

 

_____________________________________

Kela ame K'eia

_____________________________________

HOOLAHA I KA POE I AIEIA.

______

            Mamuli o ka hookohuia ana o ka mea nona ka inoa malalo iho i Luna Hooko Kauoha o ka Palapala Kauoha a Mrs. Anna uliette Farley, o Koloa, Kauai, i make, ke hoolaha aku nei i ka poe a pau he koi ka lakou i ka Waiwai o Anna Juliette Farley i oleloia, e waiho mai i ka mea nona ka inoa malalo iho iloko o na mahina eono mai ka la, aku o ka hoolaha ana o keia kauoha, o hoole mau loa ia.

            William O. Smith.

            Luna Hooko Kauoha.

            Honolulu, H.I., Jan. 2, 1901.

            1-4t Jam. 4, 11, 18, 25.

            _____________________________

 

HOOLAHA

____

            Ke kauohaia aku nei na poe a pau he mau pa ko lakou ma ka pa ilina ma ke Alanui Moi, Koula, e uku ae i ka auhau pahola o $5.00 ma ke Keena o ka Misiona Kakolika iloko o ka malama o Ianuari, 1901 nei. O ka mea e hooko ole ana i keia, e nele no ia i na pono a me na kuleana oia wahi.

            Na ka Misiona Kakolika no e malama i na "he" a pau.

            Ma ke Kauoha.

            H. Valentin.

            2-2t

_________________________________

Hoolaha Hooko Moraki

_____

            Mamuli o kekahi mana kuai i hoikeia maloko o kekahi palapala moraki i hana ia mawaena o Julia Kaumealani (w) a me Lukeia Kaaimanu o Punaluu, Koolauloa, Oahu, o ka aoao mua, a me W.R. Kakela, Kahu, o Honolulu, Oahu, o ka aoao elua, ma ka la 19 o Feberuari, 1897, i kakau kope ia ma ka buke174, aoao 38, a mamuli o ka ujaila ana o na kumu aelike o keia moraki, oia hoi, no ka uku ole ia o ka ukupanee i ka wa uku ai, nolaila, ke hoolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia ia aku, alila, e hoolahaia aku na aina i hoikeia ma ia moraki no ke kudaia ana ma ke keena kudaia o J.F. Morgan, ma Honolulu, ma ka la 1 o feberuari, 1901, hora 12 oia la.

            Aia ma kahi o W.R. Kakela na olelo hoakaka no keia mea.

            Hanaia i keia la 11 o Ianuari, 1901.

            W.R. Castle, Kahu

            mea Moraki mai.

            Penei na aina i morakila:

            1. L.C.A. 4355 no Kauai ma Waiono, Koolauloa, Oahu, 44-100 eka.

            2. L.C.A. 2755 R.P. 3512 no Kamohala ma Waialee, Koolauloa, 96-100 eka.

            3. L.C.A. 3808 no Laipo, ma Paumalu, Koolauloa, 75-100 eka.

            4. L.C.A. 3880 no Pukaloheau ma Paumalu i oleloia, 55-100 eka.

            5. L.C.A. 4369 no Kaahamoa ma Paumalu i oleloia, 2 6-10 eka.

            6. L.C.A. 4381 no Kalaiku ma Paumalu i oleloia, 67-100 eka.

            7. L.C.A. 4347 no Kuaiwa ma Waione i oleloia, 1 44-100 eka.

            8. R.P. 6705, L.C.A. 5808 no Kiamanu ma Punaluu, 5 eka.

            9. Pa-hale i hooliloia ia Lukela, Mea Moraki, ma ka palapala kuai a keawe, kona makuahine, i hoopaaia ma ka Buke 122, aoao 356.

            10.L.C.A. 4437 no Kaiwi ma Puheemiki, Koolauloa, 3 1/2 eka.

            11. L.C.A. 3734 no Maiahi ma Puheemiki i oleloia, 13-100 eka.

            12. R.P. 3053 (Gr) no Kaaimanu et a ma Puheemiki i oleloia, 45 38-100 eka.

            13. L.C.A. 4372 no Kaiulani ma Waiono i oleloia, 2 20-100 eka.

            14. L.C.A. 4352 no Koo ma Waiono i oleloia, 67-100 eka.

            15. L.C.A. 3878 R.P. 7359 no Puuwaawaa ma aWiono i oleloia, 2 58-100 eka.

            16. L.C.A. 3717 R.P. 6578 no Manela ma Waiono i oleloia, 3 62-100 eka.

            17. L.C.A. 5243 R.P. 3922 no kakaina ma aWiono i oleloia.

            18. L.C.A. 4353 R.P. 3922 no Kawai, ma Waiono i oleloia 3 71-100 eka, 3 apana.

            19. L.C.A. 8662 aina ma Kaaleo, he 703.3 anana.

            2-4t Jan 11, 13, 15, Feb. 1, 1901

_____________________

 

Ke hoao nei o Amerika Huipuia e kuai a lilo mai iaia na mokupuni o St. Thomas, St. John a me Santa Cruz mai a Denemaka mai no $7,500,000.00 I ka makahki 1865, ua hoololoia keia kuai e Peresidena Linekona, a ua kakauinoa ia ka palapala, aka, i ka waihoi ana ku i ka Aha Senate no ka apono ana, ua kuo ino loa ia a haule wale.

____________

            Ma Kamoiliilii. Dec. 28, 1900, i kipa ae ai na lima menemene ole o ka make a ahai aku la i ka hanu hope loa o Rev. D.K. Kaumiumi, kakahi o na kupa a kamaaina o na Pali Koolau ae nei. Ma Iao, Wailuku, maui, oia i hanau ai, a ma Kolau ae nei i hoonaauaoia ai. Aloha no ia kupa.

Hawila ke Koa

---A I OLE---

Magaritaka Ui.

___

            I ka lohe ana o Lomeliana i ka manao o kana keiki, ua hoike mai la oia imua ona, me ka olelo ana mai:

            Ua ike no au e kuu keiki, aole kou mau hoahanau me a'u i keia wa, a o oe hookahi wale no imua o ko'u alo nei.

            "Ua paa no hoi ko'u manao, o oe ko'u hooilina. Nolaila, e kuu keiki, e hana aku oe e like me kau i manao ai he pono.

            "Aka, e kuu keiki aloha, e oluolu oe e hai mai la'u, ola hoi, ihea la oe e mare ai i kau wahine?"

            Na keia ninau i hookulou iho i ke poo o Hawila, a liuliu loa kona kulou ana, ua aea ae la oia iluna, nana aku la hoi i kona luaui, a pane aku la:

            No kau ninau e kuu makua, ke pane aku nei au, e mare no au i ka mea a'u i aloha ai maloko o na paia o loko o ka hale i hoopunana mua ia ai ke aloha mawaena ona a me a'u."

            "Ua pono," i hooho ae ai o Lomeliana a hoomau mai la i kana olelo ana: "E Hawila, e hoomanao oe, o ka luaui o ua lede Makakila ia, ke noho nei oia nona iho.

            "He eono paha la i hala aku nei, ua hiki mai la oia iuka nei, a ua hui maua me ke aloha, a e like me na hoaloha oiaio ua hauoli like iho la ko maua mau waimaka e kanikau ana no olua.

            "O ko'u mau waimaka, e kahe ana lakou nou, a o kona no hoi no kana kaikamahine.

            "Mahope iho o ka maua uwe ana, ua hoomaka ae la maua e kamailio ana me ka waiohia, ua hiki ia'u ke hoomaopopo iho, aia au ke heluhelu la i na manao a pau o ua elemakule la imua o ko'u mau onohimaka.

            "Me he mea la hoi ua waiho mai oia i kona puuwai holookoa imua o'u, a e heluhelu ana ko'u mau maka i na huaolelo i kahakahaia maluna iho o ua puuwai la ona.

            "Ua hoike @ai la oia imua o'u i kona mihi kuhohomu no ka hewa nui ana i hana ai maluna ou a me kana kaikamahine.

            "A ma ia kamakamailio ana no hoi a maua ua hai mai oia ia'u ua ake loa oia e hui pu me oe a me a'u pu no hoi a hooike mai oia imua o kaua i kona manao mihi oiaio.

            "Wahi hou ana i hoike mai ai ia'u, aole oia i manao ik ua make oe maluna o ka hokua o ka lio ahiu, a iloko paha o ka ululaau, a peia no hoi kona manao no kana kaikamahine, aole no ona manao ua powaia oia, e like me na lono i lauahea ae mahope o kona nalowale kamahao ana mai ka halepaaho aku.

            "Aka, ua manao oia, ua mahuka maoli no ua kaikamahine la ana me kekahi mea i kamaaina a i ike hoi i kou wahi e noho ai.

            "A ua hai mai no hoi ioa ia'u, ua hauoli loa oia e mareia olua imua o kona alo, nolaila, e kuu keiki, ua pono kau i hoike mai nei imua, o ko olua wahi e mare ia ai maloko no ia o ka hale ana o ko olua mau aloha.

            "A ma ko'u manao, e kuu keiki, e haale kakou ia uka nei, a e iho aku kakou e ike iaia maloko o kona hale kakela."

            I keia wa no i pa-e kolonahe mai ai kekahi leo nahenahe, e halihali mai ana i na huaolelo__"Aole, aole oukou e iho aku, no ka mea, eia ae oia a hoea koke mai."

            A iloko no hoi manawa, komo ana kekahi wahine, a i ko Hawila nana ana aku oia no ka wahine kamahao i halawai mai me laua i ko laua manawa i hiki mua mai ai.

            A o keia no hoi ka wahine au e ka mea heluhelu e hoohewahewa ole iho ai, oia no o Leidenala, ka hoahanau o ke kilokilo Sidia e luakaha mai ia maloko o ke kakela o Melodiana.

            I ua wahine ia i koma mai ai, ua oku ae la kona lima akau iluna me ka pane hou ana mai:

            "Aole oukou e hele aku e o'u mau haku, no ka mea. e i ae ke Kiaaina Benekona a hoea mai."

            Ua lilio keia mau olelo a ua Leidenale ia i hoopuka mai ai i mea e hoopuiwa ae ai i ko Hawila ma mau noonoo no ka mea aole lakou i manao e hiki mai ana ke Kiaaina Benekona ilaila, oiai aole lakou i manao e loaa ana kahi mea e lawe aku i ka lohe iaia.

            Aka, ku iho la ua Leidenale nei mawaenakonu o ka hale me ke kuhi ana o kon alima iwaho ma kahi o ka puka e hamama ana, me he mea ia e kahoahoa mai ana ia, e i ae ka mea a'u i hai aku nei ia oukou.

            Alaila, huil hou mai la oia a olelo mai la oia:

            "E hoomakaukau oukou, no ka mea, ua kokoke loa oia e hike mai."

            I kela manawa ku ae ia lakou nei iluna me ka hoomakaukau ana ia lakou iho.

            Ia lakou nei no e ku ana, malu ana ka puka komo, aia hoi, komo mai ana ua Kiaaina Benekona nei iloko o ka aahu piha, e ukali ana hoi iaia he mau aliikoa me ko lakou mau luhiehu o na ano panio a pau.

            Hele mai la ua Kiaaina benekona nei o Mamiona Kakela a haawi mai la i kona lima akau o ke aloha, a haawi pu ae la hoi laua i ka honi aloha maa mau mawaena o ka lahuikanaka Farani, oia hoi ka honi ma na papalina.

            Alaila, me ka ohohia ninau iho la ua benekona nei ia Lomeliana:

            "E kuu Lomeliana. ka me ahoi a'u i hana hewa loa aku ai, auhea ke keiki, ka oiwi opio a'u i kumakaia aku ai, ka mea ho ia'u i alana aku ai iluna o ka hokua o ka lia ahiu?"

            Ia manawa kuhikuhi ae a o Lomeliana iaia ma kahi a Hawila e ku ana me ka hiehie nui.

            I keia wa i lalau mai ai ua elemakule Benekona ia iaia nei, me ka olelo ana mai:

            "E honi aku au ia oe, me he keiki ia mai ko'u puhaka aku, a me he mea ia no hoi, o ka'u honi aloha ana aku ia oe, oia no ko'u honi ana aku i kuu Makalika aloha, ka mea a'u e olelo aku nei imua ou,  mai ka papaku ae o kuu puuwai, a lawe ae oe iaia a o kou waihona hoiia."

            Alaila, honi mai ia ua elemakule Benekona nei ia Hawila, me ka hoopuluelo ana iho hoi a kona mau waimaka i kona mau papalina.    

            A pau ae la keia ike aloha ana o ke Kiaaina Benekona me Hawila, ua huli ae ia ua Kiaaina ia a aloha aku la oia ia Oto Beriana, e like me ka Hawila mau kuhikuhi ana.

            Mahope iho o na kukai aloha ana mawaena o ke Kiaaina Benekona a me Oto Beriana ua noho iho la lakou maluna o na noho, a hoomaka ae la loku e kamailio.

            Ahe mea oiaio, e kuu makamaka heluhelu, ua huai ia ae la na mea a pau e pili ana ia Hawila, oia hoi kona moolelo mai ka mua a ka hope, mai kona wa i hookauia ai maluna o ka lio ahiu a hiki i kona haalele ana aku i na ululaau o Urania.

            Ua huai pau aku ia no hoi ua naita opio nei imua o ke kiaaina Benekona no ka mea e pili ana ia Makalika, oiai o Hawila e hoike ana ia moolelo walohia, ua ikeia aku la na kuluwaimaka eloelo e haule mai ana ma na papalina o Benekona.

            I ka hele ana no noi a pau pono ka hoike ana a Hawila i na moolelo e pili ana iaia a me kana aloha, ua hohola iho la ka lai papuhea maluna o na mea a pau.

            A hala ae ia noi kekahi mau minute o keia hoolai papuhea ana maluna o Hawila ma, ia wa i hoomaka ae ai ke kiaaina Benekona e kamailio me na hoopuka ana mai penei:

            "O ka mea i hala, ua hala ia, a nolaila, no na mea e hiki mai ana kakou e halia a e upu aku ai."

            "Mai kou wa i kaula aku ai maluna o ka lio ahiu a hiki mai i ka la a'u i, lohe ai ua hoopakelela ae la oe mailoko mai ola make mainoino e ka lima aloha o ka Mea aMna Loa, akahi no a hoi pono ohi ko'u noonoo maikai a hoalii iho la me ka maluhia iloko o ko'u noonoo.

            "Oiai, iloko oia mau la, e uluku mau wale ana no au no na manao hoinoino iloko o ko'u noonoo a me ko'u manao me he mea la e lapu maoli ia ana au e kahi akua lapu hooweliweli nui wale o ka po.

            "Aka, i ka la a'u i lohe ai ua palekana no oe, a pela pu hoi me ka'u kaikamahine aloha, aia hoi, ua hoohamamaia ae la la ko'u manao a poha olino mai ia na kukuna o ke ohohia iloko o ko'u puuwai.

            I kela wa, ninau aku la o Hawila i ua Kiaaina Benekona la:

            'O ka manawa hea la ia au i lohe ai no ko'u hoopakeleia ana e pela hoi me kau kaikamahine?"

            "he aneane elima la i @ ae nei, a ia wa i hoomaopopo koke @ ai o Hawila, o ka manawa hookahi n@ ia i lohe ai kona luaui, a hoomanao iho @a oia ,aohe mea e ae nana i haawi aku i ka lohe i ke Kiaaina benekona, aka, o ka whaine aahu eleele no ia e noho nei maluna o kekahi noho ma ka aoao o ka rumi.

            Alaila, ninau hou aku ia no Hawila iaia:

            "E ke alii, e kaia mai oe ia'u no keia wahi ninau a'u, na keia le@e pahaohao anei i hoike aku ia oe i keia mau mea a pau?"

            Aia no hoi kona lima akau ke kuhi la ma kahi a Leidenale e noho mai ana.

            Huli ae la ua Kiaaina benekona la a nana aku la ma kahi a ua wahine la a nana aku la ma kahi a ua wahine la e noho mai ana, alaila, huli hou mai la oia imua o Hawila a pane mai la:

            "Mai kapa mai oe ia'u e kuu keki, he alii, aka, e hea mai oe ia'u i makua au nou. A no kau ninau hoi la'u ina paha o kela lede ka mea nana au i hoike mai i na mea e pili an"E Perekila, hu mai ia ka hoi ko'u aloha no Hawila."

            "Ae," wahi a perekila, "nawai hoi e ole ke aloha, oiai he mau oiwika a ia olua no'u nei. E hoike aku au, oia no; a nolaila au i hoea kino iho la e ike ia oe, e ke noi ana aku hoi ia oe a haawi mai oe i ke kala ana ia'u no ka'u mau hana hewa loa i hana aku ai maluna o kou kino."

            Ia wa pane aku la o Hawila: "E ka makua, ua kala aku au ia oe me ko'u puuwai a pau, a e like no hoi me kau i olelo mai nei, e ka makua, o na mea i hala ua hala ia, a o na mea e hiki mai ana, oia ka kakou e halia a e upu aku ai." Alaila, hoomau nai la ua elemakule kiaaina la i ke kamailio no na mea e pili ana no ko Hawila a me ko Makalika marela ana, a ninau mai la hoi oia:

            "Mahea la oe i manao ai e kuu keiki malaila olua e mareia ai? Maloko anei o na ululaau o Urania, a i ole paha malaila, ma Rokenekai paha, ko olua aina hanau?"

            Pane aku la hoi oHawila: "E ka makua Benekona, ua hooholo mua au i ko'u manao maloko o Mamiona Kakela maua e mare ai, oiai, maloko o kona mau paia i hipuupuuia ai na maaweawe o ko maua aloha."

            "maikai! Maikai! Ua pono ia!" wahi a ua Benekona nei i hooho ae ai me ka leo nui.

            "A nolaila." i hoomau mai ai oia i ke kamailio ana, "a hea la ia manawa no ka mea e hiki koke mai ia wa mamua o ko'u hoi ana aku i ka opu o ka honua."

            Pane hou mai la o Hawila: "E hookoia ana no kou makemake e kuu makua, aole loa oe e lilo aku ma o, a hookoia no kou iini."

            Ano, e kuu makamak aheluhelu, maanei kaua e hoomoe iki ai i ke kamano ana no Hawila ma, a e kiola loa aku ka kaua mau papa lea ana ma na kaiaulu o ka hale kakela Melodiana, e ku kilakila o Hunegaria, a iloko hoi o ka poiulu o na ululaau o Urania.

            I ke kakahiaka nui wale o keia la a kaua e kamailio nei no Hawila ma aia k aui Makalika ke holoholo ia maloko o kekahi malapua ma ke kua aku o melodiana kakela. me kona hoapili koolua. oia hoi o Perekila.

            Ia laua e hele ana mawaena o ke kihapai pua e mapu mai ana ke ala like ole o na mea ulu oia kihapai.

            Aia hoi na welelau makani lahilahi o ke kakahiaka ke pa huihui aheahe mai ia maluna o ko laua mau hiohiona me he hoope ana ia hoi na ke kiu i kona wa e hoomahalahala ae ana i na pouu o na pua.

            Pela hoi ua mau lau aheahe makani ia e hoomahalahala ma ana i ko laua ma uhelehelena.

            Oiai kela mau hoina nani o ke kakahiaka e launa ohohia mai ana me laua, aia he mau mapu onaona e. ae. a he welu makani kamahao e ae no hoi e kiani a e aupe ana hoi iloko o ko Makalika houpo, a oia paha kau e kuu makamaka heluhelu e ninau iho ai. "Heaha la ia mapu aala a me la welau makani e huini mao ole ana iloko o ko Makalika houpo?"

            Eia ka pane: "He waihon ana ke aloha kakia paa i ka iwi kuamoo."

            Ae-e kuu makamaka heluhelu a hoa haihaiolelo hoi o keia moolelo, o keia mea he aloha, oia ke ala onaona a me ke ala onaona a me ke koaniani makani kamahao e kuini ana iloko o ko Makalika houpo.

            Ia laua e hele ana. e luakaha ana no hoi laua iloko o na kukai kamailio ana. aia hoi e like ka mea kino kanaka i hoehaehaia kona uhane, a e ake ana oia e hoomaha ae i kona luuiuu, pela no o Makalika i kaohi mai ai i kona hanu ana, a mahope hookuu hou mai la oia, me ka olelo ana aku i kona kokoolua:

            "E Perekila, hu mai ia ka hoi ko'u aloha no Hawila."

"Ae," wahi a perekila. "nawai hoi e ole ke aloha, oiai he mau oiwi ka hoi laua i nakinakila ia mea he aloha iloko o na poino, na pilikia a me na ehaeha. Aloha no.

            "He keu paha ka mea pahaohao loa, a pehea aku nei la oia. Oiai i ka po nei, oiai no au'e noho ana maluna o ko'u noho paipai, a ua pili paha ko'u mau maka a aole paha, eia nae ua ike aku ia au me ka moakaka loa e like no me ka mea a'u e ike aku nei ia oe, i kahi mea kamahao loa.

            "Oia hoi, ike aku nei au ia Hawila a me Oto Beriana i ka haalele ana iho i ka hotele malaga, a hele aku ia ma ke ano e u haele ana i ka holoholo.

            "Aka, ia laua e hele ana mamua, e hookolo aku ana hoi mahope he mau lio nunui eleele. Peia ko laua hele ana a komo iloko o kekahi hale kakela ano kahiko, a o na lio eleele hoi keia a'u i ike mua ai ua naowale ae ia lakou.

            "I ka wa i komo aku ai o Hawila ma iloko o keia hale kakela, a liuliu mahope iho lohe aku ia au i ke koele a me ke o ana mai o na mea kaua iloko. a lohe pu aku ia au i kahi mau leo hooho weliweli e paiakuli ana iloko o ua hale kakela ia.

            "A ike aku ia hoi au e puhee mai ana he poe kanaka nunui he 10 paha ko lakou nui, a e kaualupeana lakou i kekahi kino wahine, a  ma ka'u hoomaopopo aku, o kuu wahi kauwa wahine no ia, oia hoi o Rose. A i nana hou aku auanei ko'u hana, ua nalowale ae la ia mau mea a pau, a i ko'u hoomaopopo ana iho, aia no au maluna o ko'u noho kahi i noho ai, a manao iho la au he hihio ka paha ka'u i ike ai, aka, ua noonoo nui iho la nae au no keia hihio, ua loohia paha o Hawila ma i ka poino mai na lima mai o ka poe ino a powa hoi.

"A i ole, ua pakela no paha laua, a e ike hou aku ana paha au i na maka o kuu wahi kauw aaloha, oi o Rosa, a i ole, lohe aku ana paha au i kahi lono e pili ana nona."

            I keia wa pane aku ia o perekila: "He keu io no hoi kau o ka hihio kupaianaha, a o ka oi loa aku o ka pono ia kaua e hana ai, oia ko kaua hoi ana aku a hai aku i ken ahihio au i na makuahine hookama o kakou, malia o laua na mea i ike i ke ano o keia hihio kamahao.

            Alaila, hoomau aku ia laua ma ke kamailio ana ma kahi mau mea e ae e pili ana ia laua iho a me ka laua mau ipo aloha.

            A i ka hiki ana mai o ka manawa no ka paina kakahiaka, ua hoi aku ia laua no ka hale kakela.

            Ia laaua i hiki aku ai maloko o ka hale kakela, ua noho iho ia laua maluna ma ka papaaina, aole hoi i liuliu ua hoea mai la na wahine luahine, oia o Monika a me Sidia.

            A ia lakou i noho iho ai ma ka papaaina, e hoonuu ana hoi lakou i na mea ai i paneeia mai imua o lakou, ia wa i huli mai ai o Sidia a nana pono ma la ia Makalika, a ike mai la oia i kona mau helehelena ano e, a ia wa oia i ninau mai ai:

            "E kuu kaikamahine, heaha ke kumu o ke ano e ana o kou mau helehelena i keia kakahiaka?"

            No keia ninau a Sidia ia Makalika, ua kulou iho ia kona poo iaio, a liuliu iki aea hou ae la oia me ka nana pono ana aku ho o kona mau onohi maka ia Sidia a mai iai aae a ia Monika, alaila, olelo aku ai oia:

            E ko makou makuahine hookama, e hoolohe mai olua i ka'u e kamailio aku nei ia olua, a na olua ia e ike iho i ke kumu o ke ano e ana o ko'u mau helehelena."

            Alaila, hoike aku la oia mai ka mua a ka hope o ka hihio ana i hoike mua ai ia Perekila maloko o ka mala pua.

            Iaia e hai ana, ke hiolo la no na waimaka ma kona mau papalina, a ua hoike mai hoi ia mau waimaka eloelo i ka puana o kahi mau wahi lalani mele  kahiko---

            "Huna i ke aloha e pee maloko,

            Haina ia mai e ka waimaka hanini mawaho."

            I ka pau ana ao o ka makaloka hoike ana i ka hihio ana ike ai imua o Sidia a me Monika. ia wa koke no i pane mai ai o Sidia:

            "E kuu kaikamahine e, mai hookaumaha ia kou naau no keia mea, oiai ke hoike mai nei ka puana oiaio o ka hihio au i ike ai, e i aku ko wahi wahine kauwa o Rosa a hoea mai, a o kau mea hoi i aloha ai, a aia oia ikeia wa ke hele la no Rokenekai, oia no a me kona kokoolua o Oto Beriana.

            "He oiaio nae ua hookoloia laua e na limakoko a puuwai eleele hoi i ka po nei me ka manao e pepehi ia laua a make: aka, o ko laua mau enemi nae ka i hoauheeia a o laua nae ua palekana no laua.

            "A ma ka'u ike, a pela no hoi me ko keia makuahine o olua, ke hookokoke aku ia laua ikeia wa i ke kulanankauhale o Rokenekai."

            Na keia mau olelo a Sidia, akahi no a akakuu iho ka manao pihoihoi e haulani ana iloko o ko Makalika puuwai no ka mea e pili ana i kana ipo aloha.

            A maanei hoi i ninau aku ai o perekila ia Sidia:

            "No'u hoi, aohe mau hoikena ano nui a ka po i hoike mai ia'u no ka mea e pili ana i ka'u aloha, oia hoi o Malavalia, aka, ua pahemo ia au iloko o ka nanea pu i ka po nei a ao wake ae nei no."

            "Ae;" wahi a Sidia. "he po kou a ka alaneo, wahi a makou a ka poe kilokilo, a o ke ano oia po, he maikai ke kulana o na hana e hoea mai ana i ke ao ana ae. A he elua no nae ano o na hana e hiki mai ana. O ka mua he waiwai. a o ka lua he nele.

            "Aka, nou nae, e hoike aku au ia oe, me he mea ia i keia po no oe e hui ai me kau aloha, a e hiki e mai ana oia ia nei i keia po, e like no hoi me ka mea i manao mua ia, e ke kane makua a olua.

            "A o ko'u manao e hai aku ia olua, oia keia: E kali kakou a pau ae ko kakou paina kakahiaka, alaila hoouna aku kakou i kahi mau nunu ahai leta a keia makuahine o olua, e like no hoi me ka kakou i hoonua ai i keia mau ia aku nei i ka halealii o Hunegaria."

            Ua holo like ae ia keia manao ia lakou, nolaila, awiwi iho la o Makalika i kana ai ana a pau ae la ia, a pela aku no hoi o Perekila, a ka panina hope loa aku no hoi oia kahi luahine kilokilo.

            I ka pau ana o kolakou paina ana ua haule aku a lakou a loko o ka rumi hookipa a noho iho ia.

            Ia wa haalele iho ia o Monika ia loko ka rumi hookipa a puka aku ia

iwahoo, a o kana hana o ka puka ana aku oia kona nana anaae i ka la.

            Alaila, komo hou mai ia ola iloko me ka olelo ana mai: O ka hora 8 no keia. a nolailai keia wa paha kakou e hoouna aku ai i kahi manu nunu i na owawa hauliuli o Rokenekai, a me he mea ia i ka hora 2 a 3 paha e hoea aku ai oia i Rokenekai a loaa aku no hoi o Hawila.

            "Nolaila, e Makalika, kakau iho oe i palapala nau i keia wa, a e kahea ae hoi au i kahi ahai leta a kakou."

            Ia wa, eleu koke iho la o makalika i ke kakau ana i kana palapala, a he keu no hoi a kapalapala loihi, oiai, ua aneane e hala hookahi hora okoa iaia a me ka hapa; a aole no paha keia he mea nau e ka makamaka heluhelu e hoohewahewa iho ai, no ka mea, ua oleloia, o na palapala e kakauia ana e na wahine aole auanei o lakou hopena, oia hoi, o k ahoea mai hoi ia i ka hopena o ka palapala i manaoia, me he mea la ua pau ka manao o ke kakau hou aku la no ia, a malia pela keia a Makalika e kakau nei.

            I ka paa ana o ka Makalika palapala, me he mea ia, o ka hora 9 ia me ka hapa, ala hoi kahi manu nunu ahai leta ke kau ia ma ke kipoohiwi akau o Monita, ua haawi aku la hoi o Makalika i kana palapala i ke kilo Monika.

            Nikiikii iho ia o Monita i ua leta nei me kekahi lipine ulaula, a omau ihola ka a-i o kahi manu, me ke kaukau leo ana iho hoi iaia:

            "E Sesilia, ka ahai leta kamahao o melodiana kakela nei, e lawe oe i ka palapala o ko haku wahine opio a loaa aku ko haku kane ma kekhi awawa o na pali hauliuli o Rosenekai.

            "E lele oe me kou hoomanao ana aia ke kahoaka o ke ke'a o ka welau hema mamua ou, a ke ike ia no hoi oe i ka pa ana mai o ka makani ma ko aoao hema, e hoomanao oe, o ka makani kamaaina no ia o kou aina hanau nei, nolaila, aole oe i kaa aku mawaho o na kaiaulu o ko one oiwi; aka, ina nae oe e ike ana ua huli mai ka pa ana a ka makani a kou poo ka ikaika loa me he mea la e hoohuli pu ia ana kou kino, alaila, e hoomanao oe e huli ana kou alo i kahi e kau mai ana ke kaie o Oriona mamua ou, alaila, o ka aina auanei ia o Austro, a o kou alahele no ia a hoea oe i ka aina o Romulo.

            "Ke hiki nae oe i ka palena o Austro, a me ka aina o Romula, alaila, e huli ae oe i kahi e kau mai ana ka huihui hoku o Peleiade. Penei nae oe e ike ai i kou hiki ana i ka palena ponoi o Austro me ka aina o Romulo (oia o Ita lia), e ike ana oe e huli lua ana ka makani a e amio ana ma kekahi pe'a o na kakai mauna a hookahi e huli ana i ke kukulu aina e waiho ana ma kou aoao hema.

            "A ke huli oe i ke kukulu e kau mai ana o Peleiade imua ou, alaila, e lele aku oe a hiki i ke kau pono ana o ke kahoaka lani o ka huina-ha like o Pigasa, alaila, o ka pae kuahiwi uliuli e waiho ae ana malalo ou o na kuahiwi iu ano ia o Rosenekai.

            "Alaila, o kahi hale mua loa au e ike ana ma kekahi owawa e moali ia ana umauma e kekahi muliwai nui e hoea aku ai i kekahi kulanakauhale nui, oia auanei kau wahi hale e lele iho ai a komo aku iloko, a me he mea la ua ike no oe i kou haku kane a'u e hoouna aku nei ia oe."

            Ia manawa honi iho la o Monika i ua wahi manu nei a olelo iho la: O hele, a mai hoi nele mai oe me kahi puolo ole."

            Ia wa o ka lele aku ia no ia o ua wahi manu nei, e ahai ana hoi i kana ukana makamae i ka hina o Rokenekai.

            Nolaila, e kuu makamaka, ua ike ae nei kaua i na mea i hanaia ma ke kakahiaka o ka la i hoea ai o Hawila ma i Rokenekai, maloko o na paia o ka hale kakela Melodiana, a ua ike pu aena nei no hoi kaua i ka hoounaia ana mai o kahi manu nunu Secilia mai laila mai me ka palapala a Makalika ia Hawila.

            A oia keia, i ko kaua manawa i haalele aku ai ia lakou oia paha ka hora 2 ponoi o ka auina la, a oiai no hoi ke kiaaina Benekona a me Hawila ma e lualai ana no ma na hookaau kamailio ana.

            Oiai lakou e nanea ana ma ia ano, aia hoi, ua ku ae la ka lede me ka aahu eleele, oia hoi o Leidenale a kau ae ia oia i kona lima akau iluna, me he mea la e papa mai nan oia ia Hawila ma e like paha me ka olelo a na lalani mele malalo iho---

"Hamau e na hoa,

Ke kani nei ka pu,

E hea mai ana,

E hui kakou."

            I keia manawa ua hoopuiwaia ae la o Hawila a me ko loko no hoi o ka hale a pau i ke kapalulu ana mai o kekahi mea mai waho mai, a haule ana ma kealo o Hawila.

(E nana ma ka aoao 6.)

___________________

Kakelamaina

(Mai ka aoao 4 mai.)

o Naomi, ke Duke wahine Opio o Kaaku, a i ole, ua hehena maoli ia no paha oe?"

            "Aole au i hehena, aole hoi i pupule, aole no hoi au e hana ana i keia hana i mea haiolelo akea na'u ma keia hope aku e like me kau i hoike mai ia, aole; aka, ke hana nei au i keia no kuu ike maopopo ana o oe no ka wahine i kaawale aku mai i a'u aku aneane umikumamalua makahiki i kahope ae nei. Ae, he umikumamalua makahiki kulolia i hala ae nei i nalowale aku ai oe mau a'u aku. O oe ka wahine a'u i hooikaika ai me kuu ikaika a pau e loaa oe ma ka aina a ma ke kai paha. O oe no ka wahine a'u i kanikau ai me ka paumako loa iloko o umikumamalua makahiki i kaahope ae nei."

            Ma keia wahi i hoomaha iho ai ua Haku Opio nei o Kakelamaina i kana mau kamailio ana, a ke ike aku ia ooia i na helehelena o Miss Kiletona e aahu mai ana i na nanaina hoowahawaha iaia. A ma ia no hoi i pane mai ai ua Miss Kiletona nei:

            "Aole au i hehena, aole hoi i pupule, aole no hoi au e hana ana i keia hana i mea haolelo akea na'u ma keia hope aku e like me kau i hoike mai ia, aole: aka, ke hana nei au i keia no kuu ike maopopo ana o oe no ka wahine i kaawale aku mai a'u aku aneane umikumamalua makahilki i kaahope ae nei. Ae, he umikumakumalua makahiki kulolia i hala ae nei i nalowale aku ai oe mau a'u aku. O oe ka wahine a'u i hooikaika ai me kuu ikaika a pau e loaa oe ma ka aina a ma ke kai paha. O oe no ka wahine a'u i kanikau ai me ka paumako loa iloko o umikumakumalua makahiki i kaahope ae nei."

            Ma keia wahi i hoomaha iho ai ua Haku Opio nei o Kakelamaina i kana mau kamailio ana, a ke ike aku la oia i na helehelena o Miss Kiletona e aahu mai ana i na nanaina hoowahawaha iaia. A ma ia no hoi i pane mai ai ua Miss Kiletona nei:

            "E hookuu mai oe ia'u. Aohe o'u wahi kuleana iki me ka wahine i haaleleia e oe. O kou huli ana iaia. kou imi ana paha i ua wahine ia a me ka nui o kou mau waimaka i hookaheia nona, aole loa o'u wahi kuleana ma ia mau mea a pau. E hookaawale ae oe i hele aku ai au mai keia wahi aku."

(Aole i pau.)

E OLE KA LAAU NELE AI IA MEA

I KONA HAAWINA UKU

HOOMAU.

__________

            Ua hoolaha ae nei kekahi koa o ke kaua me Mekiko, oiai oia he Lunahooponopono no kekahi nupepa, penei: "I ko'u ike ana i ka hoolaha o ka CHAMBERLAIN'S COLIC, CHOLERA AND DIARRHEA REMEDY (Laau Nahu. Kolera a me Hi a Chamberlain). hoomanao ae ia au i ko'u mau la e hele ana i ke kaua i Mekiko i ke '47 a me '48, ko'u wa ia i loaa ai i ka hi, a e ole keia laau, nele ai au mai ka hoonui ia ana ae o ko'u uku hoomau, no ka mea, i na wa a pau o'u e loaa ai i ka hi. hookahi no inu ana o ka pau no ia."

Aohe lua o keia laau ma ka hikiwawe o ke ola o ka hi. a he oluolu no hoi ka inu ana me ka poino ole. He kualia ma kahi o BENSOB< SMITH & CO., Ltd., Agena Kukas.

 

HE ILI NANI, LIMA A'IA'I

ME KA

LAUOHO ULIULI

KA HUA O KE

KOPA CUTIKURA

HE MILIONA A OI ka nui o na wahine e auau mau nei me keia KOPA CUTICURA no ke malama ana, hoomaemae ana, a no ka hoonani ana i lo lakou ili, i pau ai ka papaa o ke poo, ka unaku-pii, a i mea no hoikekahi e pau ai ka helelei ana o ka lauoho, a i hoopalupalu, hoa'ia'i a me ka hoou'u-tu'i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha, ma ka holoi ana i na wahi eha me keia, kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau. O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku, ke koiiamai; ina no e oleleoa ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki. Ua loaa mai keia waiwai nui o ke KOPA CUTIKURA mailoko mai hoi o keia laau hoola ikaika loa i kapaia, KUTICURA, oia ka laau ikaika loa ma ka hoola ana i ka ili, a pela aku. Pela hoi i ka ili oke poo, ka lauoho a memna wahi e ae.

            Aole no i lihi launa mai na kopa ona aina e me keia, no ka auhau ana a me ka hana o na keiki liilii. Pela ihoia i lilo ai ka waiwai o na kopa a pau i HOOKAHI no ke KUMUKUAI hoo-kahi. a he Helu Ekahi keia Kopa no na poino o ka ili a me kahi auau, a helu.ekahi no hoi no na kamaili a puni ke ao nei.

            NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA i mama ae ai ka akiaki ana a ka hu'i a me ka ehaeha, a peia hoi e hoohana ai ka laau i kana hana a ola ka eha, alaila, e inu i ka Laau Inu CUTIKURA i mea e maemae ai ke koko maloka. Ke kuaila nei keia lau ma na wahi a pau o ka honua nei. Ma Aukekulia: o R. Towns & Co., o Sydney, N.S.W. ko laila Agena; ma Aferika Hema Depot: lennon, Ltd. Na "Hoakaka no ka Hoola nana i na Bebe a e ko lakou mau kinaunau," he loaa wale no me ke kuai ole.

            O POTTER DRUG AND CHEM.COMP., Boston, U.S.A., na Ona o na laau CUTICURA a pau loa.

______________________________________________________________

 

BAIKIKALA HOU

$25.00 a i ke $75.00

E kuaila nei ma ka uku liilii.  $1.00 i kinohi, a he $2.50 i kela pule kela pule

Pearson & Potter Co Ltd.

312 Alanui Papu      Telefone 317

_______________________________________________________________