Ka Nupepa Kuokoa, Volume XXXIX, Number 1, 4 January 1901 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA IANUALI 4, 1901,

 

KA NUPEPA KUOKOA

 

No Ka Makahiki         $2.00

 

No Eona Mahina         $1.00

 

Kuike Ka Rula.

 

 

PUKA ANA.       

                   1 Pule         .

1 Iniha--      $        1.50

2 Iniha--               2.00

3 Iniha--               2.50

4 Iniha--               3.00

5 Iniha--               3.50

6 Iniha--               4.00

 

                   2 Pule         .

1 Iniha--      $        2.00

2 Iniha--               2.75

3 Iniha--               3.50

4 Iniha--               4.00

5 Iniha--               4.75

6 Iniha--               5.00

 

                   3 Pule         .

1 Iniha--      $        2.50

2 Iniha--               3.50

3 Iniha--               4.5

4 Iniha--               5.00

5 Iniha--               6.00

6 Iniha--               7.00

 

 

 

 

                   1 Mal.        

1 Iniha--      $        3.00

2 Iniha--               4.00

3 Iniha--               5.00

4 Iniha--               6.00

5 Iniha--               7.00

6 Iniha--               8.00

 

                   2 Mal

1 Iniha--      $        5.00

2 Iniha--               7.00

3 Iniha--               9.00

4 Iniha--               11.00

5 Iniha--               12.00

6 Iniha--               13.0

 

                   3 Mal.        

1 Iniha--      $        6.75

2 Iniha--               9.00

3 Iniha--               12 .00

4 Iniha--               13.00

5 Iniha--               15.00

6 Iniha--               16.00

 

                   1 Mak.       

1 Iniha--      $       12.00

2 Iniha--               15.00

3 Iniha--               18 .00

4 Iniha--               21.00

5 Iniha--               24.00

6 Iniha--               27.00

 

          O na Olelo Hoolaha a pau e hoounaia mai ana no ka Hoolaha maloko o keia Nupepa, a hoouna pu mai me ka auhau, a i na aole, aohe e Hookhmoia [Hookomoia].

 

na Dala a pau o ka Pepa nei e hoouna pololei mai i ka Hawaiian Gazette Company.

 

HOOPUKAIA E KA

 

HAWAIIAN GAZETTE CO

Hookomoia ma ka Hale Leka o Honoluu, Pa nalaau o Hawaii, ma ke ano mea o ka Papa Elua.

 

A. W. PEARSON, Luna Nui.

 

W. J. Coelho, Lunahooponopono.

 

Honolulu, Oahu

 

POALIMA  IANUARI 4, 1901.

 

ALOHA MAKAHIKI HOU KAKOU.

 

          Ke pahoia aku nei ke Kilohana i ke aloha makahiki hou i na makamaka @ ia kakou a pau, e ka lahui.  Ua hala aku la ka makahiki a kakou i alo ai i na popilikia he lehulehu wale ka makahi hoi i wananaia ai he makahiki hookahe koko a me ke puhi ahi; a pela pu no hoi i hala aku ai ma keia kapa o ka kakou helu ana na makahiki he 54 o ka pulelo ana o ke Alakai o ka lahui ma na kau o ka hoololi lahui i kaa hope aku la.

          He nui a lehulehu wale na pua o ka oihana 'Ahailono' no a ka lehulehu i oili ae, aka, ua pokole na la, e like me ko na keiki i hoomehamehaia.  Mai ili mai no paha ia mau haawina maluna o ko oukou pailaka haahaa, ina i hoohemahema mai oukou, na makua o keia nohona.

          Nolaila, e like me ke aloha i pumehana iloko o kela a me keia puuwai no ka holomua o ka kakou milimili ia mau la i kaa hope aku la, pela no kakou e launa pumehana ai ma keia mua akua -- ia kakou, i na mamo a kakou a mau loa aku no.

          A me kakou pu ka malama ana a me na pomaikai a na Lani, i ola ai kakou a mau.

 

KE AU HOLOMUA.

 

          Me he mea la i ka hoomaopopo aku i na hiohiona o keia mau la e nee nei, e hoea mai ana he holomua i na oiwi o ka aina nei ma ka nohona, ka hana, a me na ouli e ae a pau o ka pomaikai; oiai, i keia wa, ke ikeia aku nei ke ohohia mai o na wahi aoo kakaikahi i koe ma ka ukal [ukali] ana i ka meheu o ka maiau o ke au kahiko, a ke ao nei i na pua ma na mea e pono ai keia nohona me ka oluolu.

          Iloko o keia mau alakai ana, ke ike pua ia aku nei no hoi ka aapo o na opio a pau i ka naauao hookele oihana me ka maalea, ua hiki no ke hoomaopopo iho i ka hopena holomua e hoea mai ana ma keia mua iho i keia poe opio.  O keia maalea iho la no ka mea nana i hapai ae i ka naauao o ko na aina e mai a noho alii maluna o kakou.

          A ke aui ae no hoi kakou ma kela a me keia pea o ka aina, aole e hala ka ike ana o na maka i ke ku mai o papai lawaia i ka lae kahakai o na kuaaina, ke kula hanai hipa o Kahoolawe, a i ke Kapitola o ke Kapitala nei.  E ikeia ana ka hooikaika ana o ke kanaka no kahi pono o keia noho ana.

          Ua hooikaika nui ka naauao o ke kanaka, iloko o na la hope o ke keneturia i hala, e kukulu ia na oihana hoomomona i ka aina nei, a ke hoomaka nei kakou, na mamo a Iseraela, e ohi i ka meli e hoohuaia iloko o ka aina.

          E like no me ke au i na Kaula--ma ka hoomanawanui e loaa ai na pomaikai a ke Akua, pela no ia kakou a pau.  Ua piha ka aina i ka meli, o ka lima ka mea e hiki ai ke ohi.

          E like me ka lulu mahope iho o ke kikiao makani, pela no ke kau ai mahope iho o ke kau wi.  He ehiku makahiki a na oiwi i noho ai iloko o ka hune--he "iliili ka ai," me ka luku nui ia e na auna hapuku aina, hao ka lima ikaika o ka waiwai me ka hanohano malalo o ka pelo me ka hoomalimali i na home o kakou, hao hoi ke ahi i na wahi apulu hale me na wahi welu, a pau pu me na kino ola uhane.  O ka hana keia o ke kau wi a ka lahui i kaniuhu ole ai iloko oia mau la.

          Aka, i ka hoea ana mai o na kukuna o ka malamalama o keia keneturia maluna o keia paemoku i aloha nui ia, ua hoea pu mai la me ka ehu o na pomaikai e pahoia mai ana maluna o kela a me keia mea e ku ana a lawelawe me ka ikaika a pau.  Eia ae ke ko mai nei ke au o ka holomua, a e hoomoe ka upena a ka lawaia i ka maka-ha o ka pomaikai, oiai, i ka mikimiki ka loaa, i ka hemahema ka nele.

 

KA KAKOU MEA HOU.

 

          O ka wa pono keia e na makamaka e lawe ai i ka pepa a kakou, i loaa ai na mea hou a pau o keia mau la e nee nei.  Eia aku ka Ahaolelo a hoea mai, a ua ike no kakou, ma ka namu wale no e hanaia ai na kanawai, a e like no hoi me kela mau mahina aku nei, e ole ke KUOKOA nei, ike ai oukou i na kanawai o kakou nei.  E ole no hoi ia, oaa iki kahi malamalama i na lunamakaainana a kakou.

          O ka wa pono keia e lawe ai--i loaa na helu a pau o keia makahiki me na ono a ka makemake.

         

NA HUI HOOKUONOONO.

 

          E like me na manao alakai i hoopuka ia i keia pule iho nei, pela no i hapai ae ai kekahi mau keonimana koikoi o kakou nei i ke kumuhana i hoakakaia, a ke hoolala mai nei lakou no ka pono o na oiwi o keia mau la.

          He hana maikai loa keia, a e pono no kakou a pau e lokahi.  Mai kaukai kakou i na kokua ana a hai--he helu mai ka hopena.  E hoopuka mau ia aku ana na mea hou o keia hana maikai i maopopo ai i ka lehulehu ke kahua o ka pono io.

 

NO KE OLA O KA PEPA.

 

          E hoouna mai i na kauoha pepa me na Bila Dala Hale Leta ma keia inoa:  "HAWAIIAN GAZETTE CO," aole ma kahi inoa e ae.

          O na mea hou a pau, e hoouna mai i ka oukou kauwa haahaa.

 

KA LA MMKAHIKI [MAKAHIKI] HOU.

 

          Piha hauoli na mea a pau i keia makahiki hou, no ka hoea ana mai he la i ike ole ia e ka lehulehu, oiai, ua hoea pu mai me ka la mua o keia keneturia hou.  Ma na wahi a pau, ua ikeia aku ka imu a na Hawaii e a mai ana, a ua loheia aku no hoi ka alala pu mai o na puaa.

          Ua ai wale kahi poe a hiki ole ke hahao hou iho, a pela no hoi ka poe inu--ua noke wale a lewa ka auwae.  Ma na alanui no hoi i ikeia aku ai ke kikakaha ae o na kane a me na wahine, ua hele a 'haukake pia.'

          Ma kahi hoi o ka poe hoopono, ua ikeia aku na ohana e akoakoa ana no ka hoomaikai aku i na lani no ka loaa hou ana o keia maakhiki [makahiki] hou, a no na pomaikai i loaa i ka makahiki i hala.  He lehulehu wale ka poe i akoakoa ae ma na luakini no ka hoomanao ana.

          I ka hora 12 ponoi o ka po ua kani na pele, na oeoe, na pahupahu a me na mea kani a kamalii; lele no hoi na ahi kao, kani ke o a ka poe ona, huro no hoi ka poe i piha loa i ka olioli.

          Mai ke kakahiaka a po, ua piha o luna o Pauoa i ka poe holo kaa uwila, a ua nui no hoi na wahi "iliili" a ka haole i ohi ai la mai ia poe mai.

          O kahi mea nani loa, aohe nui o ka poe i kipa ae ma ka Hotele Halewai, a ua maluhia no na mea a pau ia la.

 

PALAPALA HOOMAIKAI.

 

          O makou o na ma'i lepera a pau e noho nei ma ke kahua ma'i lepera o Molokai, ma o ko makou komite la, ke haawi aku nei i na hoomaikai kiekie ia Mr. Wray Taylor, Mrs. Walter Hoffman me na poe e ae i kokua i ka aha mele no ka pomaikai o na ma'i a me na makaainana puuwai aloha o Honolulu no ka hoouna ana mai i na dala he $994 ma ke ano makana Karikimaka.  Na ke Akua e kokua ia oukou.

O makou iho no,

J. K. WAIAMAU,

JAS. ROSSER,

GEORGE KANIKAU,

THOS. K. NATHANIEL,

CHAS. M. BREWSTER.

          Kalaupapa Dec. 27th 1900.

 

          He hui malama i'a ke hoolalaia nei e na haole a me na wahi oiwi kakaikahi.

         

          Ua paa i ka hopuia o Kago, kahi Kepani i hou ai i ka wahine i ka pahi i keia Poaha aku nei.  I keia Kau Kiure ae e hookolokoloia ai kona hihia imua o ka Aha Kaapuni.

 

          Ua hoolaha ae nei kekahi nupepa o Wakinekona, ua olelo o Wilikoki, he mea hoonui auhau ke kanawai kulanakauhale.  A ua manao oia, he mea pono e akahele loa ka hanaia ana o keia kanawai.  "O na Hawaii no ke poino nui ana," wahi ana.

 

Pahikaua.

 

(Mai ka aoao 1 mai.)

 

          Nui ko'u noonoo ana no ke akamai o Dureske i na mea kaua.  He nui maoli no kona kaulana ma keia hana hakakalua, me k apahi a i ole me ka pu panapana, ua like wale no ia mau mea iaia; aka ua ulu ae no ka manao kanalua no kona makaukau lua ole me ka pahikaua, a ua oi aku no paha au.  Me keia mau noonoo like ole, ua hooholo iho la au, aole e hoopaa i ko'u manaolana maluna o ko'u ike ponoi, aka, e hilinai pu i ko'u ikaika.  E hakaka au me ia me ka pu.  Manao iho nei au, he mea pon oi [ponoi] hookahi pu i hoopihaia me ka poka, a o kekahi aole.  O ka mea e koho ana i ka pu i piha, e kaa ana iaia ke ki ana a make kona hoa paio.  O ke ku ana nae, e kau like na mea elua i na pu a pili i ke poo--ma ka lae.  Me keia au i manao ai, e pili ana na kokua ana a na Lani i ka mea hewa ole, a pela la hoi e lilo ai ka pu i piha i ka mea hala ole, i pakele ai kona ola.

          He hookahi hora mahope iho, hoea mai nei o Esaia a hoike mai nei i ka uluaoa o na hoa o ka puali koa, no keia hakaka, a ua nui loa ko lakou hoino ia Deviniski; ua oi loa aku ko lakou huhu iaia no kona hoole ana i ka hakaka me a'u.  Aole i hooholoia kela mea, oia kana i kipa mai ai i o'u nei e ninau ai.

          "Mai hopohopo iki oe," wahi ana i ole lo [olelo] mai ai.  "Aia no oe ma ka aoao o ka pono, a pela no auanei e pili mau mai ai ka lanakila mahope ou.  Aole loa e loaa he hookahi enemi nou mawaho ae o Deviniski iloko o ko kakou puali.  Nolaila, mai hopohopo oe."

          Hoike aku nei au i ka'u mau mea i noonoo ai.

          "I ka nana aku, he mea ino maoli no ka waiho ana aku i ke ola o kekahi mea maluna o ka niniu ana a ke kenikeni," wahi ana i hoopuka mai ai.

          "E aho paha ia mamua o ka make @@@le ana, me ka hoao ole e pale ae i @@@@ou a pahi a ke kanaka pepehi bipi.

          @ pili mau ana ia inoa "kanaka pepehi bipi" ia Dureske a hiki i knoa make ana," wahi a Esaia i olelo hou mai ai.  "He kupanaha maoli no kou makau ole iaia.  Aole anei oe i hoomaopopo i kou wa e kamailio ana ia Dureske, aole i hiki ia'u ke hanu pono, no ko'u maka'u loa o poino oe.  He lapuwale maoli no kela kanaka, he limakoko io no oia poina ano a pau."

          "Alaila, aole o Deviniski e aa ana e hakaka me a'u?"  a'u i ninau aku ai.

          "Aole, aole no kona maka'u; ua olelo mai oia, oiai o ka Dureske paio ka mua, a @@@ no e hakaka ai.  Na laua no i hoolilo pela e hakaka ai."

          "Ina pela, aole au e ae ana i ka laua hoonohonoho ana.  Ina nae e paakiki loa laua, alaila, o Dureske ka'u e hakaka mua ai.  Eia nae hoi ea, he mea hoomaalahi loa keia i ka kaua hana, a ua hiki ia kaua ke koi paakiki aku ia laua e hooko mai i ko kaua makemake.  Mae ae iki oe i ka laoku [lakou].  Ua hooholo ko'u manao i hookahi o maua e haule.  A na ke au o ka manawa e hooko mai ia manao."

          Hooikaika mai nei o Esaia ia'u e koi aku o Deviniski ke hakahaka mua me a'u; aole nae o'u ae.

          "Aole.  Aole o'u makemake e hoi aku kela ino i Sana Peteroboro, a i aku i ko laila poe, he maka'u wale ko Mose-kao nei poe, a he kukahekahe wale iho no ka ikaika."

          Ke manaolana nei au, aole loa oia e hoi ana i kona wahi me ia mau olelo," wahi ana i hoopuka mai ai, a kaha aku nei e hoi.

          Hoomakaukau iho nei au i kahi @@@ hana a'u i manao ai he mea pono no'u mamua ae o ka hakaka ana; kakau iho nei i wahi leka na'u ia Olino, a pela hoi Baestiar, e like no me mamua; a ia'u e makaukau ana e moe, komo hou mai nei o Esaia me kana hoike.

          Hoike mai nei kela i ka uluaoa o na koa a me na hoaloha o Deviniski no ka'u pane, i ko'u aa e hakaka mua me Dureske, a mahope aku me Deviniski, ke pakele au.  Ua hooholoia ka i ka hora 8 oia kakahiaka ae makou e akoakoa ai.  Hoike mai nei no hoi kela i kona hora e hele mai ai e kii ia'u,--he hapalua hora mamua ae o ka manao @ koi mai nei ia'u e noho malie loa, a o moe maikai i ole e nawaliwali ko'u mau aa a me ko'u mau au.

          Aohe nae o'u manao ae i keia ikaika o ko'u mau au, oiai, he ikaika mau no lakou.  O ko'u makemake nae, o ka ikaika maoli e hiki ai ia'u ke sila a paa i ko'u inoa hanohano--"Alexis, ka olali.  Ina no au e make, ua hiki no.

          Eia nae, aole i ko keia mau manaolana a pau o'u.

          Moe iho nei au ia po me ka maikai, a i ka wanaao, komo mai nei o Borlas, a hoala, a hai mai nei i ka mea hou ano e.  Ike nku [aku] nei au he mau koa e ku ana iloko o ko'u rumi hookipa, a na ke Kakiana i kauoha iaia e hoala koke ia'u, oiai, he wahi mea ano nui loa hoi kana.

          Kahea aku nei au i ua Kakiana nei a komo mai nei kela iloko o ko'u rumi moe, a ninau aku nei au i kona manao.

          "E hoomaopopo oe ia oe iho i keia hora malalo o ka malu o ke Kanawai koa.  Ua hopuia oe, e Lukanela Petero vichi, wahi ana i olelo mai ai me ka haawi ana i ke aloha koa.

          "Heaha hoi keia?"

          "Aole au i ike, e Lukanela.  Ua loaa mai ka'u kauoha mai ke Konela mai i keia po okoa wale; a e oluolu mai hoi oe, aole oe e haalele i kei a hale [keia hale], a e keakea aku ana au ia hana ma kou aoao.  E oluolu oe e haawi mai i kau olelo ma ka oiaio, e hooko ana i keia kauoha a ke Konela."

          "Aia mahea ke kauoha?"

          "Aole kauoha i haawiia mai ia'u ma ka palapala.  He kauoha leo wale no, e Lukanela."

          "Ea, ma ko kaua ano kanaka, e ninau aku ana au ia oe, aohe no hoi oe la i mahui iki i ke kumu o keia hopu wale ia ana?"

          "E loaa mai ana ia oe he leka mai ke Konela mai, pela ko'u manao e Lukanela, iloko o hookahi hora mai keia wa aku.  Ua houia no o Mekia Deviniski, a ke hoomaluia nei oia ma ke keena o kona hale, a pela no hoi me Dureske.  Ua lohe ae makou i ka halekoa i na mea a pau i hanaia i ka po nei ma ka hale Hui."  Ma kona helehelena au i hoomaopopo aku ai, iaia e kamailio mai ana i keia mea hou, a akahi no a mahui iki au i kahi hunahuna o keia mau hana.

          Pii ae nei ko'u wela no keia mau keakea i ko'u hanohano, a ua nui loa ko'u hoonaukiuki i ke Konela no kona hana pela.  Hoomaopopo iho la au, ina e hoi ana keia Dureske i kona wahi, aole loa e nee ana kona hoopuka wale i na olelo wahahee, hoinoino wale ia'u.  Hoomalimali aku nei au i ke Kakiana e hookuu iki ia'u mawaho i hiki ai ia'u ke hele i kah o [kahi o] makou e hakaka a; me ka i aku, e hoi koke mai ana no au iloko o hookahi hora; ua like nae kela me ka pali pohaku ke kulipaa.

          "He ae no au e Lukanela, ina he mea hiki; aka, aole loa au e aa ana e uhaki i ke kauoha.  Ua ike no oe, aole loa au e keakea i kekahi hakaka o keia ano, a ke nauki wale nei no au, no ka hiki ole ia'u ke ae aku ia oe, oiai, ua like no kou makee i ka inoa me a'u.  Aka, o ka hana, he mea nui la ia kaua.

          I ka hiki ana mai o Esaia, akahi no a maopopo ae na mea a pau e pili ana i keia mau akeakea.  He nui maoli no ka nune mamuli o keia mau hana uuku loa a'u.  I ka wa poeleele oia i kauoha ia ai e hele aku i kahi o ke Konela, a malaila i lohe ai i kekahi mau olelo lalau loa e pili ana i keia hakaka; nana nae i hoi aku i ka mea oiaio; ua telegarapa koke aku ke Konela i Sana Peteroboro i na mea a pau, i na 'liikoa nui, na lakou aku i ke Kuhina Kaua, a pela i loaa mai ai ke kauoha e hopuia makou ekolu.

          Aole i liuliu mahope iho o ke komo ana mai o Esaia, hoea mai nei ke koa me ka palapala kauoha a ke Konlea [Konela].  Ku ae nei makou a hele.  I ka hiki ana aku, e noho mai ana o Deviniski laua o Dureske ilaila, a e ninaninauia  o@ a e ke Konela.  Ma na ninau a ke Konela ua hoomaopopo aku la au i ko laua ano pilikia--me he la, e hoopaiia ana, i ka pau ana nae, ua kauoha like ia makou e noho hoomalu, me ka haalele ole i ko makou wahi pakahi--me ke kiai mau no nae o na koa ia makou aohe no he aeia o kahi poe e hele mai e kamailio ia makou:  no'u iho, he elua wale no o'u la i hookapuia ai aole e kammailio [kamailio] me kahi mea.

          I ka pau ana o na la hoomalu o'u kauoha hou ia mai nei au e hoi i ko'u puali, a i ka pau ana o ka paikau kakahiaka, kauoha mai nei ke Konela ia'u e kipa aku ma kona keena.  Ua hoike mai oia ia'u i na mea a pau.  I mai nei oia, nui ka hoahewa o na 'liikoa me ke Kuhina Kaua ma Sana Peteroboro no na hana a ko'u mau enemi.  Ua lawe lako ia mau hana a laua ma ke ano hoao maoli no e lawe i ko'u ola.  Ua hoohaahaaia o Deviniski e ole wale no ka ikaika o na kokua o ko Dureske mau hoaloha ina ua kau pu ia ia haawina maluna ona.  Eia nae, aole no ia i palekana loa,--ua ahai hou ia kona mau kulana kahiko ma ka oihana, a ua hoihoiia oia ma ka papa o na 'liikoa no na wahi mamao loa mai ke Kapitala aku.

          "Aohe manao hou ana no Deviniski iloko o ko kakou puali." wahi a ke Konela i olelo hou mai me ka hoihoi.  Ma kona mau hiohiona, ua hoomaopopo aku au i kona hauoli maoli no i ke kaawale ana aku o Deviniski, a ma kona mau olelo nae, ua hooili mai oia ia'u i ke kumu oia mau mea a pau.  I ko maua lulu lima ana ia'u i ku ae ai e hoi mai, i mai nei kela ia'u:  "Ua aie nui ka puali ia oe no keia kaawale ana aku o ko kakou enemi."

          "He wahi manao ko'u e makemake nei e ninau aku ia oe, ke oluolu ia," wahi a'u i panai aku ai.

          "He mea hou ia no ka lehulehu e kuu keiki,--nolaia [nolaila], mai niele oe."

          Eia nae, aole no i liuliu mahope mai ua maopopo iho la ia'u na mea a pau.

          O ka'u hana mua loa i ko'u wa i hemo ae ai, oia no ko'u holo ana e ike ia Olino, i hoike aku iaia i na mea a pau.  Ua loaa no iaia kahi hunahuna o keia mau lono, eia nae, he mau olelo huikau kana i lohe ai, me ka maopopo ole o ka oiaio, a i kona ike ana mai ia'u, nui loa kona hauoli; a me na waimaka e haloulou ana oia i hookipa mai ai ia'u.  Ua loihi no ka maua kamakamailio ana; ua nui no hoi kana mau olelo paulele maluna o'u me ke aloha piha maoli no, mamuli o kana mau olelo ua hoomaopopo au i ka nui maoli no o kona kaumhaa [kaumaha] no ko'u paa ana i ka halekoa iloko o na la o'u i hoomaluia ai, a pela no hoi au i ike aku ai i ka maha o kona naau no ke kaawale loa aku o Deviniski me kana mau hoowalewale ikaika loa.

          No'u iho, nui ko'u kaumaha i ka haalele ana aku iaia--e ake ana kahi manao e pili mau aku me ia, oiai, oia hookahi kahi mea iloko o Mosekao holookoa i hoolilo mai ia'u i mea pilipaa.

          Ua molehulehu, haalele aku au iaia, a ia'u e hoi ana, nui ko'u noonoo i ka maua haihaiolelo ana.  Nui no ka nanauki o ko'u naau no ko Olino pono.  E like me ka pinepine o ko'u ike ana iaia, pela no ka uluku o ko'u manao, me ke ake nui e kaawale loa oia mai kahi aku o na popilikia; a pela no hoi au i hoomaopopo ai i kona komo pu iloko o ko'u poino, ina au e loaa pono ana--ke maopopo ko'u kulana oiaio.  E ulu mau ana keia mau ninau iloko o ko'u noonoo ana, me ka pio ole.  He ekolu pule i kaa hope ae mai ka po a'u i hele ai i ka halawai a ka poe Nihilisi, a ua maopopo ia'u e uluhua ana kuu poe hoa Nihilisi ia'u.  Malia paha ua ike lakou aole au i hoao iki e hana i kahi mea e pili ana i ka'u aelike.

          Aole no hoi oia wale ka poino, aia no hoi o Paula Tueska.  Ua loihi loa ae nei ko'u kaawale ana, a ua kau mai ka hopohopo me ka maka'u iaia.  He elua no a'u ike ana iaia iloko o ekolu pule:  he hui mau no oia me Olino, aole nae au i ike aku.

          Ua ahewa no au ia'u iho no keia pahemahema.  No ko'u manao maoli no e hoohala manawa, eia nae, aohe no he wahi mea ano nui a'u i hana ai iloko oia manawa no ka holomua o ka'u hana nui, koe wale no ke komo mau iloko o na hakaka, me ka nui maoli no o na popilikia i ka maha o ka noonoo.

          He oiaio no hoi keia no Deviniski a me Dureske.  Ia'u, haule ke kulana kiekie, hanohano o keia mau koa kaulana loa o Rusia.  Ua ike no au he nui a lehulehu wale ko Deviniski mau hoaloha koikoi iloko o Rusia, a no'u iho he wahi Lukanela wale iho no au,--he wahi kulana e hiki ole ai ke alo ae i ka inaina oia poe.  I ko'u noonoo ana nae, ua lilo ia kulana a pau i mea ole, aka nae, i ko'u noonoo ana ae i ka hopena oia mau hoohemahema a pau a'u e ili mai ana maluna o Olino, ua nui ino ko'u kaumaha.

          Hookahi no mea nui i hoea mai i keia noonoo ana a'u,--he mea pono loa no Olino e haalele ia Rusia i ka wa pono.

          Ia'u no e noonoo ana i keia mau mea, kahea mai nei kekahi kaikamahine opio a'u i ike mua ole ai, a haawi mai nei i keia leka:

          "Kahi hoolulu mau, ano.  Mai hoohakalia.  P. T."

          Ninau aku nei au ia ua wahi kaikamahine nei, nawai ia haawi mai iaia keia leta a me kahi a ia mea e kali ana ia'u, a no kona pane pono ole mai, haawi aku nei au i mau kenikeni a hookuu aku nei e hele.

          Nana aku i ko'u lalau@  hiki ole ke noonoo ae i ka mea e hana ai.  Manao no au na Paula Tueski, aole nae he hiki ia'u ke koho iho i kahi e hui ai.  Haupu ae nei au, malia paha he wahi hana hui, a i ole ia, he wahi mea hou ano nui loa kana i makemake ai e hoike mai ia'u.

          E like no hoi me ko' uano mau, o ke kali ole no ka wa loihi i ka'u hana, pela no au i haehae koke ae ai i ua leka nei a hoolei aku nei, a huli ae nei a hoi.

          I ko'u hiki ana aku i ko'u rumi, aohe kuu kauwa--a he mea e ko'u pahaohao i keia lalau ona.  Ua ulu koke ae ka manao iloko o'u, malia paha he kanaka oia o ke kulana haahaa loa o ka Rukini, a he mea pono no'u ke kipaku ana iaia.  Aole nae hoi au i manao iki o ka wa pono loa keia e hana ai ia mea.  Komo aku nei au a noho maluna o ko'u noho paipai.  Noonoo iho nei au, he mea pono loa no Olino ka haalele koke ana ia Rusia, me ka hakalia ole.  Ua i mai oia e hele ina he mea ia no'u e palekana ae ai mai kahi luuluu ana.  Ina oia e kaawale aku ana, he mea maopopo, e hiki ana no ia'u ke hoao e holo me ka pilikia ole.

          Ia'u nae e walea ana me keia mau noonoo, koele ana ke kikeke ma kuu puka o mua, a i ka wehe ana aku, mea e ko'u kahaha i ka ike ana aku ia Paula Tueski.  Komo ino mai nei kela a loko, me ka pukalaki a ninau mai nei:

          "Ea, auhea ko kauwa?"

          Ma kona hiohiona au i hoomaopopo aku ai i kona kaumaha no kekahi mea ano nui.  Pane aku nei au:

          "Aole au i ike la.  Ua hele aku nei, aole nae--"

          "E Alexis!  O kona hele ana, he mea pono loa io no kona.  Heaha la kou mea i hooko koke ole ai i ka'u kauoha ma ka leka?  Heluhelu no oe a pau, ninau i kuu elele, a haehae a hoolei iloko o ke kahawai; a ua hana oie i keia mau mea a pau me he la, he mea ole i kou naau; aole no hoi oe i hoomaopopo he hiki wale no ke ikeia mai oe mai ko'u puka aniani mai.  Pela anei oe e hookae mai ai iau?"

          Ike iho la au, ua poino, nolaila, aole au i hoike aku i ko'u hoka; a hoomaopopo iho la au, aole no ka i kaawale loa kahi "hui" i kahi i loaa ai ia'u o ua leka nei.

          "No ka hiki ole ia'u ke hele koke aku ke kumu o ka haule ana.  I hoi koke mai hoi au no kahi hana a'u.  A i--"

          "Ka!  Mai wahapaa mai oe e like me kela.  Aole anei oe i lawa i kou paahao ana no elua la?"

          "Alaila, ua lohe oe i ka mea hou?"  wahi a'u i ninau aku ai, me ka manao e hoolalau iaia.

          "O oe ka i ike ole i ka mea hou.  Auwe no hoi oe e Alexis!  he oi aku a kou hooluhi ia'u mamuli o keia ano hou ou--aohe no e loaa aku kou kulana mua.  Aole no au e manao ana ina no--"

          Hooki mai nei kela a nana pono mai nei i ko'u mau maka:  "Ea, aole oe i honi iki mai nei ia'u; ua ike no hoi oe, eia hou no wau ke maunauna nei ia'u iho no kou pono iloko o kou rumi nei."

          "Heaha ke ano o kau olelo no ko'u kulana hou?"  a'u i ninau aku ai.  Ua ulu ae nei ko'u maka'u maoli no kana olelo no ko'u kulana hou.

          "He oi aku ko'u makemake ia kulana--pa kaukani.  He maikai maoli aku no ka 'Aleix [Alexis) Kepolo' mamua o ka Peterovichi kolohe.  Eia nae i na wa o pau a'u e noonoo ae ai, aole loa he hiki ia'u ke hoomaopopo i ke kumu o kou loli ana.  I kekahi wa no hoi, ua hiki loa ia'u ke hoohiki, aole no oe o Alexis.  I kahi wa no hoi, mihi loa au i ka loaa ole ana o ka ike ia'u e hiki ai ke hoomaopopo i na mea huna a pau loa iloko ou.  Aka, aia iloko o'u ke aloha oiaio loa nou, e Alexis, a o ka hoopokole ana i kou ola i keia wa, he mea oi loa aku ia o ka nani loa no'u.  E honi hoi kaua e kuu 'sia.'  (Auwe-se no ka hoi--mukiki laua nei, pehea hoi kaua?)

          Kuemi hope mai nei au, me he la ua ku i kahi mea ooi.

          "Alaila, ua o oe no kekahi iloko o kela--" a no ko'u ike ana aku i kona helehelena, ua pio wale iho la no ko'u manao ma ia wahi.  Mino aka mai nei kela, a i hou mai nei:

          "No'u kou ola.  E Alexis, manao anei oe e hookuu ana au i kela kanaka ilmakoko [i maloko] ia Deviniske e awe aku i ko'u momi?  E noho aku oia ma kona wahi.  Ae, na'u i na uwea telegarapa a hiki i ka haulehia [hauleia] ana o kahi mea, me ka hoohaahaaia ana o ke kulana o kona pili.  A o kou ola hoi, ua hookoeia mai no'u.  O ka poe e enemi ana ia oe, ia'u pu no hoi lakou i enemi ai.  Ua hanauia kaua kahi no kekahi, o oe me a'u; a pela kaua e ola a e make ai."

          "Ua nui loa ka hewa o kau mea i hana ai no'u," wahi a'u i olelo koke aku ai me ka okalakala.  "Ua hoohaahaa oe i ko'u kulana; ua hoolilo oe ia'u i mea kukahekahe wale iho no,--he mea imi kumu hakaka, a he hoohe wale nae.  E manao ana anei oe e hoomaikai aku ana au ia oe, no ia mea?"

          "Aole no au i kaukai mai i kou manao.  Mai make oe i keia kanaka ino.  He kanaka limakoko oia ma na ano a pau.  A e noonoo ana anei oe, e ae au iaia e hana pela ia oe, oiai, he mea hiki ia'u ke pale aku ia make mainoino?  A aole anei oe i nuku ia'u no ko'u hoao ole ana e hoopakele ia oe mamua, me ko i mai, he mea huihui ke aloha o ka ipo?  Manao oe e, e hookuu aku ana an ia oe e nuku hou mai ia'u pela?  No, no,--wah [waha] ia ka haole; aole loa.  No'u kou ola, a no keia mua aku, aohe a'u hana e ae, he malama wale no, me ka nana ole i kou manao.  Oia ke aloha a'u i ike; a pela no a mau.  I hele mai nei au e hoike aku ia oe, he mea pono pono nou, e makaala ia oe iho.  E!  Heaha mai la la ia?"

          Ia hoolono ana aku o'u lohe aku nei au i ka nakeke me kekahi rumi.

          "O Borlas, akahi no a hoi mai.  Ku ae nei au, a wehe aku nei i ka puka, a hea aku nei.  No ka loaa pane ole mai, kahea hou aku nei au a nui; ia wa hawanawana mai nei ko'u malihini mua, e hoi hou aku.  Aole nae au i hoolohe aku, a hele aku nei he mau kapuai i ka rumi o ua kauwa nei a'u.  Aole i ma mao [mamao] aku, lohe aku nei au i ke kamumu mai o kahi poe--ekolu i ka'u hoomaopopo e holo mai ana e hopu ia'u.  Ua komo mai keia poe ma kahi wahi, me ka manao paha e hoopoino ia'u, lohe e ia no nae, oia ke kum u [kumu] ipahua [i pahua] ai ka lakou kumuhana.

          Aohe no a'u mea eha ma kuu lima ia wa, a ua maopopo no hoi ia'u, he mea makehewa oa ka hoao ana e hakaka me ekolu kanaka ma ia ano.  Me ka hoopalaimaka ana--me he la e kui aku ana i ke kanaka mua o lakou, Iele ino ae nei au ma ka aoao, a hala hua kana pahi ma kuu lima.  Holo hou aku nei au i k arumi [ka rumi] hookipa a pani mai nei maua o Paula i ka puka a paa.

          Ia wa huli aku nei au a ninau iaia, i keia mea.

          Malia paha o ka poe kiu o kuu kane.  No ka mea, ua hoohuoi oia nou a me a'u.  Nana paha keia hana, no ka manao paha, ina oe e make ana, alaila, e hooiliia ana na na hoaloha o Deviniski ma.  No keia mea ko'u kumu i hele mai nei.  Ina au e loaa pono ana ia nei he mea oiaio e poino ana kaua mamua o ka mea hiki ke alo ae."

          "Ina pela, aole loa e hiki mai ia haawina.  Aole loa kaua e loaa pono.  Ina e loaa ana, aole loa e ola ia mea, no ka hoike ana i kana mea i ike ai;"  a hoomaka iho nei au e hooko i kekahi wahi kumuhana i ulu ae ia wa no.

          Mok. X11.            (Aole i pau.)

 

MENEMENE OLE KA HANA A KA MAKE.

 

LOAA KA MAHA I KA LAAU MAKE.

 

Loaa aku o William Horace Wright

ua make ma kona keena.

 

          Ua hoopuohoia ae ka hoolaulea ana o na makamaka maikai o ke kaona nei i kamaaina ia William Horace Wright Esq., ka Hope Lunahooponopono o ka Nupepa Indepent e onaia [ona ia] nei e ko mako umakamaka [makou makamaka] hanohano, F. J. Testa, mamuli o ka loaa ana aku o kona kinowailua maluna o kona noho ma ke keena hana--me ke 'ea ola o ka uhane ua hala' me na hora hope o ke keneturia i hala aku la.

          Ua hala oia me kona naauao, a ke u [keu] nei kona mau hoaloha nona, oiai, ua lawe ae oia i ke kuleana o ka Makua Mana Loa e hookuu aku la i ka uhane o ke ola ma ka inu ana i ka laau make.  Maluna o kona pakaukau hana i loaa pu aku ai he mau omole laau make i inuia a koe iki.  He hapa omole lama no hoi kekahi.  A i ka hoomaopopo ana i ke woewoe o kona kino, me he la i ke ahiahi Poakahi nei kona make ana.  Ua hiki no ke olelo ae, ua loihi @ kona kali ana i keia hora hope loa wa nona e hoomaha ai mai na luuluu, mai a pau o keia ola ana, oiai he elua ana wahi i kuai ai i ka laau make--me ka hoike ana aku, i mea holoi pahahehe.

          Mahope iho o ka hora 4, ua hui @@@ a kamailio me kekahi hoaloha mawaho o kona wahi hana.  Ia wa ua hoomaopopo ua hoaloha la i ka hele a haik@ kona mau helehelena,--me he la ua @2 kona noonoo maikai.

          I ka haalele ana aku o kekahi o na keiki hana o ka halepai, ua ike aku @@ ia Mr. Wright e noho ana maluna kona noho--ua hiamoe nae.  No ka ma@ i kona moe mau pela i ka ona, aohe walaau aku.

          I ka hora 11 oia po, komo aku nei Hoke (F. J. Testa) i ke keena, e noho mai ana  no kela me ia ano no.  Ua manao no keia he ona, aohe mea aku.  Ua ike aku nae keia i ka omole whiskey aole nae i hoomaopopo i na wahi @@@ laau make.  O ka manao wale ia no, make o Wright mamua o kela manawa.

          Mhope [Mahope) iki iho o ka hora 5 o ke kakahiaka Poalua nei, ka la Hapenui komo aku nei o Joe Rosa,-- ka luna na keiki hoonoho hua i ko lakou @@@.  Iaia nae e kualo ana mawaho o ka puka aniani, ike aku nei oia ia Mr. Wright e moe mai ana no maluna o ka @o@.  Nolaila, Hape Nuia aku nei keia.  No ka ia la pane ole mai, ua hoonakeke aku nei keia nui--he ole nae ko iaia @@ ae.  Ia wa ulu ae nei ko ia nei w@@, a holo aku nei i ka halekuai o Camarine e telepona i makai.

          I ka hiki ana aku o ka makai a @@teepono koke aku nei kela i ke Koronero--ua make o Wright.  He mau @@nute mahope iho ua lawe ia aku kona kino i ka Halewai, a mailaila i kaha @ ai e ke kauka.

          Mamuli o ka hoike a ke kauka a @@ na poe e ae i ninaninauia ai, ua hooho@ ka Aha Koronero ua make oia i ka @@ ana i ka laau make.

          He nui kona minaminaia no kona piha naauao, oiai he loio piha oia @ na Aha Hookolokolo o Pelekane.  He iwakalua ae nei ona makahiki ma Hawaii nei, a ua lawelawe oia i na oihana koikoi o ke aupuni me ka hanohano ke au ia Kipikona ma a hiki wale mai nei no i na la o ka hookahuli aupuni.

          Mamuli no hoi o kona noho poo ana ma ke Keena Hoopae Limahana, ua hilinai nui loa na Pake a pau i hui me ia, no kona mau hana kokua a me kana mau alakai kupono loa.

          Hala oia, hala ia makamaka maikai o kakou no a pau.

 

ELUA PAA MARE KARISIMAKA.

 

I ka Lunahooponopono o ka Nupepa Kuokoa.--

 

          Aloha oe:--E noi aku ana au i k@@ oluolu e hookomo iho ma kahi kaawale o ka kaua Kilohana i kela poomanao e kau ae la maluna, i ike mai ai na kini makamaka o kaua i na mea hou o ka la Karisimaka ma Halawa, Molokai nei.

          Ma ka hora 12 ponoi o ua po ia, ua awaiauluia ae la ma ka berita mare Rev. Mr. Kaalauahi o Master Mokulewa Kupanaha, Master Hiwa Komokeo me Miss Ane Waiwaiole, Miss Mele Waiwaiole o ka Rain Tuahine o Manoa.  O na kane a elua he mau keiki kupa ia no Halawa nei, a o na wahine hoi he kaikuaana a kaikaina laua no ka Rain Tuahine o Manoa.  Ma ka hora 12 o ua po ia ua kani ka bele hoomakaukau no ke kahea ana i na mea a pau e naue ae no ka halekula aupuni ma Halawa nei.  I ka hiki ana ae i ka hora i makemakeia ua hoopihaia o loko o ka hale me ke anaina kanaka nui o na kane a me na wahine, na keiki.  Ua ku mai la o Rev. Kaalauahi e wehe i ke anaina halawai haipule hoalohaloha no ka @@nau ana o ka Haku Iesu.  I ke kuu ana iho ua komo mai la na paa mare i uk@@ ia e ko lakou mau ohana ponoi a ku ma kahi i hoomakaukauia no lakou.  Ia wa ua huli ae la o Rev. Kaalauahi a hooko aku la i ka ihiihi o ka oihana iaa [ia a] maluna o lakou me ke kahoahoa @@ ana ae i ka makua lani.  Mahope iho ua hoohalaia he manawa ike i na paa mare a me ke anaina holookoa e ai i ka papaaina nui i paholaia mai me na k@hi kelekele a ka puukolu, e pii ana ka akau a e iho ana ka hema.  Ua ai a lawa, ua inu a kena a kou ka puu i ka wai a ka naulu.  Ua haawiia he aha hulahula a me na lealea hula ku'i me ka maluhia o na mea a pau.  He mea maikai ka mare no na mea a pau.  O ka keia makapeni e olelo ae nei e hahaiia ko lakou mau la me na pomaikai he nui ae i lilo lakou a pau i poe @@laupai i ka aina o Halawa nei no @@@ mua aku.  Me ke aloha.

          Owau iho no me ka oiaio.

K. P. ONE WALI O MAALAEA

Halawa, Molokai.  Dec. 27, 1900.

 

E OLE KA LAAU NELE AI IA MEA I KONA HAAWINA UKU HOOMAU.

 

          Ua hoolaha ae nei kekahi koa o ko kaua me Mekiko, oiai oia he Lunahooponopono no kekahi nupepa penei:  @@ ko'u ike ana i ka hoolaha o ka CHAMBERLAIN'S COLIC CHOLERA ANTI DIARRHEA REMEDY (Laau Nahu Kolera a me Hi a Chamberlain).  @@ manao ae la au i ko'u mau la e hele ana i ke kaua i Mekiko i ke '47 a @@ '48, ko'u wa ia i loaa ai i ka hi. a @ ole keia laau, nele ai au mai ka hoo@@ ia ana ae o ko'u uku hoomau no @@ mea, i na wa a pau o'u e loaa ai i @@hi, hookahi no inu ana o ka pau no ia.  Aohe lua o keia laau ma ka hikiwawe o ke ola o ka hi [kahi], a he oluolu no hoi @@ inu ana me ka poino ole.  He kuaiia @@ kahi o BENSON, SMITH & CO., Luna Agena Kukaa.

 

NA HALAWAI O KA HEBEDOMA HAIPULE, IANUARI, SABATI LA 6.  A HIKI I KE SABATI LA @@ MA NA EKALESIA O KAWAIAHAO A ME KAUMAKAPILI.

 

          E malamaia ana na halawai ma na ahiahi a pau, hora 7:30.

          O na halawai o ke ahiahi Sabati la 6, Poakahi la 7, Poalua la 8, ka Poakolu la 9, ma ka luakini o Kawaiahao.  O na ahiahi Poaha la 10.  Poalima la 11 a me Sabati la 13, ma ka luakini o Kaumakapili ma Kapalama.

          E haioelo [haiolelo] ana kekahi mau wahine haole Haiolelo Euanelio ma kekahi mau halawai o keia mau halawai.  Mai Auseteralia mai kekahi o laua, a mai Amerika mai kekahi.

          Ua noa i na makamaka a pau keia mau halawai.