Ka Nupepa Kuokoa, Volume XXXVIII, Number 51, 21 December 1900 — KAPIOLANI HOME. [ARTICLE]

KAPIOLANI HOME.

Ke waihola aku nei imua o oukou a pau e na makamaka, mai na poo nui a i na lala a pau o ka Ah&hui Hooulu a Hoola mai Hawaii a hiki 1 Kauai. oia keik: Ma ka halawai Kumau a ka Ahahui Hooulu a Hoola Lahui o Honolulu, i malamaia ma ka Home Hoohanau Kapiolani ma ka la 16 o Novemaba, 1900. ua hooholo lokahi ia ka haawi hou ana i Luau ma ka la 16 o Feb«ruari, 1901. no ka hoakea hbu ana aku I kela horrte. oiai ua n'ul na hanau e komo mai nei a nolaiia. e na hoaloha a me na hoa hooikaika pu o keia hana maikai I liu ai, me na lanl alii a kakou i hala aku me ke aloha poina ole iioko o ko kakou mau puuwai pakahi, a peia hoi au ka oukou kauya hoolohe. Nolalla. ma ke kauoha, ke nonoi aku nei au i ko oukou oluolu, a i ko oukou aloha, e lokahi like kakou ma ke kokua ana i keia hana a na lani & kakou i waiho iho nel na kakou e auamo me ka naau ahonui a i kakooia e n& kama'lii opio Kawananakoa a me Kalanianaole. Me ka oiaio, ke hoike aku nei au ela ka hana ua ku. a ke holomua nei ka 'Home Hoohanau Kapiolani" a ka Ahahui Hooulu a Hoola Lahui. Me ka mahalo, EUGENIA K. REIS, Kakauolelo.