Ka Nupepa Kuokoa, Volume XXXVIII, Number 46, 16 November 1900 — R. W. WILIKOKI. [ARTICLE]

R. W. WILIKOKI.

Mamuii o ke koho ana a ka hapanul o ka poe kupono i ke koho balota i loaa ai ka hanohano o keia Kau Koho ia R. W. Wilikoki—oia ka Elele i ka Ahaolelo Nui e noho ana ma Wasinetona. No keia lanakila i loaa iaia, ua hoopihaia na lala a pau o ka Ahahui Home Rula me ka hauoli, a i ka o'o ana o ka moa i ka wanaao o kela |nau po aku nei, loheia aku la keia leo maialo iho e puana mai ana me he "ko-ko" ana la a ke kinana moa: • MELE NO WILIKOKI. "Kaulana e ka moho a ka lahui Ka Elele a na makaainana Noho mai Hawaii puni o Keawe Ua lawe i ka hae o ka lanakila Mikioi na hana a Maui'o Hina Noonoo kaulike me ka noeau Eia Molokai nui o Kama • Hiipoi mai ana ike aloha Aioha Wilikoki a mau loa Me na keiki a o ke kāona Kakoo mai Kauai o Mano I ka pua kaulana a Kamehameha Ku'i mai e ka lono lohe ke kaona Ua puka Wilikoki me ka hanohano Hanohano ke aloha ua kuniia Ma na welelau a o ka makani Ia oe e Oahu Kakuhihewa Malamaia iho ko milimili O ka mea kaunul a ka lahui Ma na Allana a o Hawaii ; Me oe ke aloha ua poniia Ma na puuwai o ka iehulehu E ola ka Eiele a ka lahui A kau i ka heke o ka lanakila Hainaia mai ana ka puana Wilikokl ka Elele i alohala." Hakuia e DAVID UMI, Honolulu.