Ka Nupepa Kuokoa, Volume XXXVIII, Number 41, 12 October 1900 — Jesso P. Makaina ia Demokarata. [ARTICLE]

Jesse P. Makaina[i] ia Demokarata.

(Mai ka Loea Kalaiaina mai.) Ua lohea ka leo o na Demokarata e olowalu ana owau kekahi o na Moho Lunamakaainana o ka Apana Elima i waeia ae e ua aoao la, a ua loaa pu mai la ia'u he pane e hoike mai ana no ia mea, a penei hoi ua leta la: Honolulu, Sept. 25, 1900. Jesse P. Makainai, Esp., Honolulu. Aloha oe:— Ua loaa ia'u ka hanohano e hoike aku ia oe, ma ka halawai makaainana a na Demokarata i malamaia ma Honolulu, Sept. 24, 1900, ua hooholo ia e kakoo na Demokarata ia oe ma ke ano Kuokoa i moho Lunamakaainana no ka Apana Elima. Me ka oiaio, (Signed) C. J. McCARTHY, Lunahoomalu. Hoike: (Signed) EDMUND HART. Ua hoomaopopoia ma keia leta, e kakoo ana na Demokarata ia'u ma ke ano Kuokoa, a oia ka'u e pane nei, aohe au he "Demokarata, a ua hoike mua loa aku au ia manao i kekahi o na lala o na Demokarata, oiai he Aoao Kuokoa Home Rula ko'u, a o ka ia aoao wae ana ae ia'u i moho, oia ka'u e ae ai a e hana aku ai, nolaila, o ka'u pane i haawi aku ai ia lakou, oia keia: C. J. McCarthy, Esq., Lunahoomalu o ka Halawai Makaainana o na Demokarata Honolulu. Aloha oe:—Ua loaa mai kau o ka la 25 o Sept., 1900. Ke haawi aku nei au i na mahalo ana i na Demokarata no ka hanohano i loaa ia'u mamuli o ko lakou hilinai a hooholo ana e kakoo ia'u ma ke ano he aoao Kuokoa Home Rula ko'u, ina e waeia au i Moho Lunamakaainana e ka Aoao Kuokoa Home Rula no ka Apana Elima. Kou oiaio, JESSE P. MAKAINAI.