Ka Nupepa Kuokoa, Volume XXXVIII, Number 32, 24 August 1900 — RULA KOHO BALOTA. [ARTICLE]

RULA KOHO BALOTA.

Mamuli o kekahi hemahema o ke Kanawai kumu o ka Panalaau i ka hookomo oleia ana he pauku e kapae ana 1 ka Pauku 55 o na Rula a Sidney M. Eallou i hana ai (Pakui Kanawai Kivila 1597) e pili ana i ka uku ana i ka Auhau Kino mamua o ka hoopaa Inoa ana, nolaila, 1 ulu mai ai he mau alakai pohihihi maluna o keia ninau. He mea oiaio, ua hooholo mai nei ka Ahaolelo Nui i ke Kanawal e kapae loa ana i ka hookaa auhau mamua ae o ka hoopaa inoa ana, aka, i ka hoopukaia ana o ua Kanawai la ma Hawaii nei, aole 1 komo kela hoololi ano nui loa. I ka hoomaopopoia ana o keia hemahema e ke Kiaalna, ua kauoha koke oia I ke Kakauolelo o ka. Panalaau, a pela pu hoi i ka Puuku Waiwai—e hoike aku i na luna auhau ame na Papa. Hoopaa Inoa. "aohe mana o ua Ruhv nei." Nolaila, e ka lahui! Mai ae wale a puni wale i ka pelo me ka hoopunipuni aka poe e alakai lalau ana. Ua hikl l kela ame keia mea koho ke hoopaa inoa a koho me ka hookaa ole i ka Auhau Kino. Ua loaa ia oukou na Kanawai Kumu 0 ka Panalaau nei, ame na Rula no hoi —ua hoopukala no ko oukou pomaikal maloko o ka oukou Kllohana nei, nolalla, e heluhelu pono, a e alakai i ka oukou mau hana a pau malalo o ke alakai a k?, "lunaikehala" me ke kulike 1 ke Kanawai ame na Rula i haiia ae la. No ka mea i nele i na kope o ke Kilohana nei i loaa kela mau Kanawai, e noi ae i ke Kakauolelo Nui o ke Keena o na Hana Aupuni, ia Mr. James H. Boyd (he Hawaii puuwai hamama) a e loaa no ke kope o ke Kanawai Kumu o ka Panalaau nei me ka auhau ole. Mal hopohopo. B hana "oi kau ka la." Mai kali ni.ai oukou a hala ka wa pono! Mai nana mao a maanei—imua a ola, imua a haule!