Ka Nupepa Kuokoa, Volume XXXVIII, Number 29, 20 Iulai 1900 — KE KAHUA A KA DEMOCARATA. [ARTICLE]

KE KAHUA A KA DEMOCARATA.

Ma ka hoike o ka Halawai a na Democarata ma Kansas City, ua ikeia iho la ka hooiaioia o ka mea i olelo mau ia ai no na Demokarata, oia hoi, ko lakou manaoio ole i ka hoihoi hou i ke kuokoa o na aina liilii a lakou i kokua pu ai i ka hapuku ana. Ma keia Kahua a lakou i hookumu mai nai a e kuahauaia nei e na haiolelo oia ahahui ma na kulanakauhale nui o na mokuaina a puni o Amerika Huipuia nei aole loa kekahi olelo e pili ana no Hawaii nei, e like me ka lakou i olelo ai e hana ana. Aole loa no hoi i hookomoia kekahi pauku e haawi ana i ke kuokoa o ka nohona makaainana ana o ka poe ili aiai ole, oiai, ma na mokuaina o ka Hema, ua ahai ae ua poe Demokarata nei i ka pono koho balota o kela poe i hookae nui ia e lakou. Ma ka pauku a lakou e kakoo ai i ka hoihoi hou i ke kuokoa o Porto Rico ame Filipino, ua kue hou no lakou i kela kumuhana a lakou e kaena nei, ma o ko lakou kakoo ana i ka pauku e kau ana i Kanawai hooponopono malalo o na Kanawai Amerika, no Arizona, New Mexico, Okalahama, Porto Rico, ame na wahi e ae a lakou e makee nei. He mea hololua keia a lakou a he mea hoi i kupono ole i ka makee pono. Ke kakoo nei lakou i na Bila Dala ekaeka wale i ka lepo, me ke Dala pepa popopo wale, a he kue loa i na hana hoowaiwai malalo o ka lokahi ma ke ano 'corporation' hui a i hoohuiia. O keia anei ke ano e ola ai kakou? Aole loa. O ka poe i kanalua i ka oiaio e aho e ku malie, a mai haawi i ka olelo paa, o hiki mai auanei i ka wa e kaakaa ae ai o ka ike, ua hala ka pono, hiki ole ke lawelawe me ke kuokoa. Ke hoino mai nei kekahi poe i ka Aoao Repubalika ma ke ano pilikino wale no. No ko lakou manao o ka 'mikanele, ke kakoo o keia ahahui ma keia Teritori. Pela nohoi i ka Demakarata, no ka mea, o ka Demokarata ka mea nana i hapai i ka hoohui aina. He mea makehewa paha ka hoonuinui olelo, o piha makehewa aenei hoi ka pepa i ka mea hoihoi ole a kekahi poe. E like me ka rula mau o keia Kilohana—o ka hoike aku i na aoao a pau e like me ka mea i ikeia a i hooiaioia. Ma ia kahua no makou e ukali ai a hiki mai i ke ko ana o ka wanana. "I lohe i ka olelo a hooko, e ola auanei a laupai. He kuli no ka make." E pale i ka manao hoomaau a inaina wale. Mai kaena wale o ko ole auanei, e like me ka mea i olelo ae penei: "Na'u keia puaa i kalua ia ai, aole ia e aiia ana a hoi mai au." I ka hiki hou ana aku ua pau. E ole ka 'wi' o na pa a kamalii liilii e ai ana, maona ai ua kaeaea nei.