Ka Nupepa Kuokoa, Volume XXXVIII, Number 23, 8 June 1900 — Halawai a na Elele Ahahui Kalaiaina. HOOKOMO PU IA ME KA HUI ALOHA AINA Hooholoia ke kukulu ana i Aoa Kuokoa Rula Home. [ARTICLE]

Halawai a na Elele Ahahui Kalaiaina.

HOOKOMO PU IA ME KA HUI ALOHA AINA

Hooholoia ke kukulu ana i Aoa[o] Kuokoa Rula Home.

PAPA INOA O NA ELELE. Apan[a] Ekahi: Aole i maopopo na Elele. Apana Elua: 1 J. P. Kaohi; 2, A. S. Keohoehu; 3, ....... Apana Ekolu: I. J. Hihio; G. P. Kauimakaole; B. Kamai; J. W. Naehu; Geo. Kipi, Wm. Edmunds. Apana Eha: D. K. Kalauokalani, Jr., J. W. Iona; J. Luahiwa; S. K. Kamai; R. N. Boyd; J. K. Nakookoo; J. P. Haiola; S. Meheula. Apana Elima: W. Mossman; B. S. Keliiheenalu; S. K. Mahoe; E. S. Kukaulalli; J. K. Paele; J. W. Holoua; Geo. Markham; H. K. Haole, S. P. Nainoa; Inoaole; Kaluapalaoa w. Apana Eono: J. Nakai; J. K. Pala, J. K. Malilekai; J. P. K. Leleiwi; J. A. Ma ke kakahiaha o ka Poakolu nei i kai ae ai na Elele o na Aha Hui i hai ia ae la, no Haimoeipo ma ka Hale Koa, i ka hora 10, a mahope iki iho o na haawi aloha ana, ua pii ae la o Peresidena Kalauokalani ma ka awai, a k[a]hea mai la i ke anaina e hoomalu. Mahope iho o ka hoomalu ana, ua kahea mai la ka Pereaidena ia J. P. K. Leleiwi e Hoomaikai i na Lani ma ka Pule. Me na leo eehia i uwalo aku ai oia i na Mana Lani e alakai i na hana a ka Lahui ma ke ala o ka hoopono me ka ewaewa ole. I ka pau ana, ua ku ka Luna hoomalu a hoakaka mai i ke kumuhana i kaheaia ai ka Aha Elele. M[a]hope iho o kona hoakaka ana, ua kahea aku oia i kona kokua Peresidena, Mr. Jas. K. Kaulia, e hoike mai i kekahi mau kumuhan[a] i kaheaia. Ua hoike mai oia, ua hele no oia e haiolelo ma kekahi anaina i malamaia e na Demokarata, aole nae oia i hoopaa iaia iho malalo o kek[a]hi Hui a Aoao e ae. Aka, ua kali ola a hiki mai i ka hora, "a o ua hora la, oia no keia a'u e kamailio aku nei i mua o oukou" wahi ana. "O ko'u aoao e ku nei e o'u mau hoa makaainana, oia keia: he Aoao Kuokoa." Mahope iho o na hoaka[k]a ana i keia manao ona, ua noho iho la ia ilalo. Ku mai ka Peersidena [Peresidena] a hoolauna mai la i ka Elele Nui, ia R. W. Wilcox. Hoike mai o Wilikoki, i kana huakai. NO KA NINAU HOIHOI MOI. Ua kaahele ia na wahi lehulehu; ua [haiolelo] imua o na anaina like ole, a hookahi no leo i paneia mai. "Ua pau loa ke Aupuni Moi." Ua hele aku e launa me na nupepa o na mokuaina ame na kulanakauhale like ole, a he hookahi no pane "Ua pau loa ke Aupuni Moi." Mai ka Akau a ka [hema], mai ka hikina a i ke komohana, hookahi no manao i hoikeia mai i ka Elele, aole manaolana i koe no ke Aupuni Moi. [Me] ka naau luuluu, ua ka'i aku na kapuai no Wakinekona, no ka paio aku no ka hanu hope i koe o kahi pono o ka Lahui. OIA KA MANA KOHO. Ua hooikaika e paio me ke kokua ana a Moreno, a hiki i ka hora hope, ua hooho ka Italia, a koe hookahi ka Elele e hakoko ana me na Elele o kekahi mau aoao. Ua komoia na Senate na Lunamakaainana ame [na] poe mana e ae o ka [Ahaolelo] o Amerika, me ka hopohopo ole, a hiki i ka loaa ana o ka manoalana. Ua kokuaia kana hana, aole e ka Repubalika wale, aka e ke Demokarata. No keia like ole o na aoao elua, ua loaa iaia nei he manaolana, aia, no he manawa e huli ai o ka poe ia lakou ko k[a] lahui pono. Nolaila, ua hoomau keia, a hiki i ka wa i kohoia ai ua loaa ke ola. Hooleia na keakea apau i ka mana koho o ka lehulehu. KA AOAO E KU AI. Mamua ae o ka huli hoi ana mai, ua

komo aku ka Elele i waena o na poe i kokua iaia. Ua aoia mai oia, e hoi, a e kukulu i aoao Kuokoa Home Rula. A e hooikaika e kakoo i ka pono kuleana o na Mokuaina. No ia kumu, ua ikaika ka manao e hoi mai a e kukulu i aoao e like me ia. I aoao Kuokoa. Mahope iho o kana mau hoakaka ana i keia huakai loihi, ua hoomaikai aku oia i ke anaina no ka hoomanawanui ma ka hoolohe ana i kana haiolelo loihi. Mahope o keia, ua hoike mai ka Peresidena, aole i hiki mai ka Lua o ka Elele. oia o J. Heleluhe, no ka ma'i. Hoomaha, hora 1:30 p. m. Halawai hou. Hapaiia ka noonoo ana i na Elele i hiki mai. Kohoia i mau Komite nana @ @ @ @ Hookohu. Hoike mai ke Komite i na inoa i hoikeia mamua ae. Aponoia. Mahope o kekahi hoopaapaa ana no ke ano o ka noho ana o na Elele i ka e lawelaweia ai o na hana o ka Aha Elele, ua hooholoia, e noho like lakou @ o na makaikai, e kaawale ma kekah[i] aoao o ka lumi. Mahope iho o keia, ua hapaiia ka hoolohe ana i ka hoike a na Elele mai na Apan[a] mai o ka Pae Moku. Ma ka hoike a kela ame keia ua lokahi ka mano no ke kali ana a hiki mai keia Halawai Elele. O ka mea e hooholoia oia ke hanaia. (Ma keia wahi e na makamaka e ike iho ai.) KA WAHINE KOA HOOKAHI. No Laie mai o Kaluapalaoa, he wahine wiwo ole, a he Elele hoi i hoounaia mai e na Wahine oia aina. I ka hiki ana mai i kona wa e hoike ai, ua ua ku mai oia me ke koa, ame na elo piha i ke aloha i ka lepo o kona mau kupuna, ka aina o kakou, ua poha mai kona leo me ka moakaka a i mai: "E na Eiele, Aloha oukou! Ua hooounaia mai au i Elele mai ka Ahahui mai o na wahlne Aloha aina ma Koolauloa e hoike aku ia oukou e na kane a na wahine mai kela ame keia pe'a o ka aina o ka[k]ou, aia ma ko oukou mau lima he baloka hookahi. Aole i loaa ia makou ia pomalkai, nolaila, ua hooholo makou, e hoonee aku i ka makou poe kane a pau loa, e hele imua o ma ka pahu baloka e hoike i ko lakou aloha i ka aina makua. Aole makou e hooki ana a hiki i ko lakou hana ana ia mea. Oia la i lohe mai oukou. Eia hou no keia kauoha ua kanohaia mai au e haawi aku ia oukou i ke Aloha o na wahine a pau o ko makou apana." Aloha no! Mahope o na hoakaka like ole i wai hoia mai e kela ame keia Elele, ua ku mai o J. K. Kaulia, ma ke noi a ka Peresidena a hoike mai, ua kaheaia he Halawai Makaainana e malamaia ana mawaho iho o ka Halekoa i ka hora 7:30 o ka Poaono iho oia hoi i ka la apopo. I ke ahiahi. HOOPANEEIA KA HALAWAI A POAHA. Hora 10 kakahiaka Poaha. Hoomalu ka Halawai. Hapaia ke kumuhana o ka la, oia hoi ke kahua o ka Hui e ku ai. Heluheluia e Kaulia. Ma ka noonoo ana, ua hooholo lokahi ia. "O ke ano nui, oia no: ka hookumu ana i aoao no ka hooikaika ana e loaa ka pono kaulike i na makaainana o ke Teritori o Hawaii; ka pale ana i na ninau pili i ka ili o kela a me keia lahui kanaka ma keia Pae Moku a iloko hoi o ka Teritori; me ka hoomau ana i ka hookuonoono ma na home maluna o na aina Aupuni; ame ke kue loa ana i na hana

monopole o na ahahui hapuku. Hapaia he ole[l]o hooholo na Geo. Markham: "Ke hoopaanei makou ia makou iho e kakoo i na Kanawai apau penei: 1. O na hana Aupuni ap[a]u a ano e ae paha i hanaia ma ka aelike a ano e ae paha e hanaia ana e ka ike mekanika a ano e ae paha e lawelaweia no iloko o na hora hana i oi ole aku mamua o 8 hora i ka la. 2. O na hana aelike a ano e ae paha apau o ke Aupuni i loaa pololei a ano e ae paha, e lawelaweia no e na makaainana o ka Teritori o Hawaii. 3. E kakoo no makou i ka hoonee ana i ka hoopae limahana ma ka Teritori o Hawaii." Ma ka noonooia ana o keia Olelo Hooholo, ua waihoia ma ka papa. Mahope iho o keia, ua hapaiia ka noonoo ana i na Rula, a ma ke noiia ana, ua waihoia ua mau rula la ma ka lima o ke Komite. Hoopaneeia ka Lalawai [Halawai] no ka auina la. (Koe ia mea hou no keia puka ana aku.)