Ka Nupepa Kuokoa, Volume XXXVIII, Number 19, 11 May 1900 — HE KANIKAU NO ESTHER KALAUKOA. [ARTICLE]

HE KANIKAU NO ESTHER KALAUKOA.

Ua oluolu i ka Makua Mana Loa Ka lawe 'ana aku i ka uhane o kuu milimili E hookipa i kona Paredaiso nani ma-o A waiho iho ia'u ke kupuna e noho u me ke kaumaha 0 paupauaho, aili, lele ka hanu hope loa 0 kuu lei 0 uina, owa, nei, nakolo ka pihe i ke kakahiaka 1 kaomi lima ia e ka aloha hue ka waimaka hanini mawaho Pulu elo a'u lehua i ,ka lihilihi a ka mAnu e—aloha Aloha kuu moopuna, kuu hoapili o ka po me ke ao 0 ka nohona mehameha hoolaukanaka 1 ko leo a Lei aloha no Esther Kalaukoa Aloha Nuuanu i ka Ua Popokapa hie ke Kawelu o aLnihuli Aloha Kahuailanawai i ka moani ala a ka pua o ka Awapuhi Aloha ka nuku o Nuuanu me Kaholoakeahole Kahi makaikai a na malihini e luana ai Aloha na pali hauliuli o Koolau Aloha ka paia ala i ka hala o Kekele Aloha ia iiiau wahi a kuu moopuna e hele ai Auwe kuu moopuna, kuu lei a-i, kuu lei e Kuu minamina pau ole ia oe—a.

E hoonana ae ana i ko aloha pehea Ia ia e pau ai Me he wai mapuna la ia e huai nei i kuu manawa E loloku nei a puni kuu kino kuu paumako e Kuu moopuna i ka la wela o ke kaona ke hele ia Mai ka ua Kukalahale la e o Honolulu Mai ka piha uwa-lua mauka makai—a AlohJi o Kanekina i ka uluwehi o na pua Aloha na puap ine omau kuka i ka umauma Aloha na lei hoohie kikepa o na ui holo Kaleponi Aloha na hoa luhi i ka ia uwahi ole Aloha na kini apau ke noho ia Aloha ia niau pili ana me kuu moopuha Aloha hoi ka Makeke i ka ia Mililima Aloha na uwapo i ka ihu o na Moku Kuū moopuna mai ka hale lana i ke . kai Mai na ale hulilua la o Pailolo Kuu hoa nana i na Hono a Piilani Me ka makani pa kolonahe a he Maaa Me ka Ua Paupili i ka Malu Ulu o Lele Aloha na Lehua o Lihau i ka pehia e ka noe Aloha na ale o Papawai i ka makani- a ke Kaumuku Kaalo Puuolai au ana Molokai i ke kai He kai aloha Aienuihaha a kuu lei e au au ai Ikea ka nani he kapa liau kahiko o na kuahiwi Me he kaupu aukai la Hualalai i ka maiie Kaha Hainoa me he Iwa la i ka lai e Ua hinu lai wale ke kai i ka lai malino a Ehu Aloha ka opua lei nalo hai ua ola na Kona Aloha na lae Makawalu oni ana i ke kai Aloha ka makani haliahli waa he Eka Aloha ka ulu niu o Makalawena ia wahi e luana ai Aloha Kapuulehu, ka heme o na kupunakane ou Aloha ke a Makahauliuli me ka wai Awilikai Aloha ka makani olau niu o Kekaha Aloha ke kai hawanawana o Kawaihae Aloha ka piina ikiiki o Puuhue Hoomaha aku kaua i ka wai hui o aWipuhi Aloha Waiakanana he alahele na'ka malihini Hiki aleu kaua i ka malu hale o Haleloke Ia home uluwehi o na pua like ole a pau •Ka home hoi o makou na kupunawahine ou Ame ou makuahine i hooneleia me ks hiapo ole Ua hala oe ka mua ka liko o na keiki i.auhi ia oopuna mai na pae - ' Mai ka makani Apaapaa o Kohala O ka aina kaulana i ka haaheo mai na kupun mai Kau maluna o Kinau-kaa, ala ka ilina no Mahukona Lawe o Kinau-moku ike i ka nani o ke Kaona Aloha ka piina ikiiki o Maemae Hoomaha aku i ka home noho i ka iuiu Kaiii hoi au e luana lai ai me ou mau "hoa Na hoa luhi hoi o ka imi naauao Aloha ka leo o ua kumu i ka ninau mai pehea oe j Pu-a ae ka leo me ka nahenahe oia mau no au [ Aole loaa mai o kahi oluolu, auwe at loha ino Ua hala kuu moopuna, ua nuha pane | ole mai Ua hoaikane me ka makani Kaiaulu o Waianae No lakou ka na hal.e i Puuokapolei E haele ana me na wahine o Kamaoe Aloha. mauna lahilahi au ana i ke kai Aloha ka ulu niu o Poka-i holu ana i ka makani Aloha ka ihu o Waialeale moku Ia hale lewa i ke kai a maua me kuu lei i au ai 'Au aku maua o na.ale o Kaieiewaho Ake aku kuu moopuna e ike i ka aina i ke komohana a ka la Hoomaha i ke one lai o nawiliwili Alaila, hoohihi kuu lei i ka lauae o Makana Ame kā, Mokihana paoa i ke ala o Kahikikolo 1 Kokolo waianuhea ko aloha i o'u nei ea Me he lima kanaka laia e holo nei i kuu puuwai He waiwai nui ka ke aloha e hana nei i kuu nui kino E hiaa nei o ka po ke'moe ia E ake aku ana ka manao o *a ike lihi aku Hopu hewa ana au o ke aka wailua Knu Mo.opuna mai ka wai ula iliahi o Waimea He wai iila kna ke kiu Waiahulu | E oko ana 1 ka poli o ka pohaku Me hoiie ala i ka houpo o ke kal j Ka aa lapalapa i ke one o Luhi e i Ua luhi ua eha loko o Kalanamaihiki Ke haale ae nei e hanini iluna o Hihimanu i Aloha ka pali o ahi o Kamaile Ke nihi leokolo ae la i ka lae o Makuaiki. • A aloha na kalo a ola kau i ka pall Aloha ke ahi o Aneki kau iluna Aia kuu lei me Kilioe wahine I uka E hooipo ana e lei i ka Pahapaha o Polihale % I Ia lei hoohilii a ka mallhini i Aloha ke one kanl o Nohili | Ia one aloha a kuu lei e hele ai | Aloha ka wai liula anapa i ke kaha o Mana | Aloha ka Ohai o Papiohuli i ka makani Aloha na niu a. Limaloa i ke kaha o Ainaike Ike aku i ka hale kal o lalo Hale kukui lau nui o Kona e—aloha e Ua hala ke ala ke onaona o ka pua Ua meha .na paia o Haleloke nei Ua oki kaua e ke «iloha. 0 wau no me ka haahaa LULIA WAIANUHEA MOOPUNAOLE; Maemae, Honolulu, Mei 2, 1900. I