Ka Nupepa Kuokoa, Volume XXXVIII, Number 11, 16 March 1900 — HOOHOLO LOA KA AHA SENATE I KA BILA KANAWAI NO KE AUPUNI TERITORI O HAWAII. [ARTICLE]

HOOHOLO LOA KA AHA SENATE I KA BILA KANAWAI NO KE AUPUNI TERITORI O HAWAII.

Ma ka la 1 aku nei i hooholoia ai ka Bila Kanawai no ke Kulana Aupuni reritori o Hawaii nei, e ka Aha Senate ■> Amerika Huipuia. O keia ka Bila Kanawai i hoomakaukauia ai e ke Ko-

misina Hooponopono Kanawai Kumu j no ke kulana Aupuni hou o Ko Hawair Pae Aina nei, a i hooloii hou ia ai nohoi e ke Komite o ko na Aina E o loko o ua Aha Senate la, ame kekahi mau hoololi kakaikahi i hanaia e kekahi mau hoa o ka Aha Senate. I oka mea wale no i koe, oia ka hooholo ana o ka Hale o na Lunamakaainana i ka Bila Kanawai o keia ano hookahi no, a i hoolehulehu loa ia hoi kona mau hoololi ia ana. Ma ka wa e hooholo ia ai keia Bila Kanawai, eia mahele o ka Ahaolelo Lahui o ke Aupuni Makua, oia ka pau ana o na hana a na maheie elua o ka Mana Kau Kanawai o ua Ahaolelo Lahui la. A mamuli hoi o ka like ole ana o na kulana o na Bila i hooholoia e kela ame keia Hale o ua Ahaoielo la, e noho ai ke Komite Hul o ua mau Hale la no ka noonoo hou ana i na wahi i like ol© al na Bila Kanawai elua; a hana hoi i na hana apau e hoopauia ai keia mau like ole, a loaa hoi he kuikahi ana mawaena ona Bila Kanawai elua. Ua kapaia keia halawai ana he Komite Kukakuka a noonoo Bila Kanawai. Aka, ina e loaa ole ke kuikahi ana īnawaena o keia mau Komite elua, a ua ae ole kela ame keia Komite i ka manao hooponopono a hookulkahi like, a kela ame keia Komite 1 koi ai, alaila, aohe mea i hooholoia e ka Ahaolelo; a panee hou aku la ke kumuhana i liooholo lokahi ole ia iho la e na Hale elua o ka Ahaolelo no kahi wa hou aku. No ka mea e pili ana i ke kumuhana no ke kulana Aupuni hou o Hawaii nei elike hoi me ia i hooholoia mai la e ka Aha Senate, ma ka la 1 iho la o keia mahina, a i noonooia mai nei nohol e ka Hale o na Lunamakaainana, aole o makou wahi kanalua iki, e holo oleana ia ma keia kau e noho mai nei ka Ahaolelo Nui. Ke ole makou e kuhihewa, o ka mkkemake o ka poe hooholomua i ko Hawaii nei mau pomaikai, oia.ka hooholoia ana mai o keia kanawai, i akaka pono loa ai ke ano o ko kakou noho Aupuni ana ma keia hope" aku. He mea oiaio, eia ke nee nei ke Aupuni Hawaii i keia wa, ma ke kulana «'holo lolelole" mamuli o ka opaha o kekahi mau haawina dala e pono ai ka nee holopono ana o na hoohanaia ana o kekahi mau oihana Aupuni. Ei ae ka Oihana Leta ame kekahi mau hana e ae no he manuunuu wale. Ua ano "hapakue" ka lakou mau nee ana, mamuli o ka nele i na haawina daia e pau al ia kulana "paoioi" o ia mau hana. 0 ka hooholo ana mai nei o ka Aha Senate i ka Bila Kanawai i hooponopono hou ia no Hawail Aupuni hou, he mea ia e hoeueu loa aku ai i ko ka Hale o na Lunamakaainana awiwi ana e hooholo i ka lakou Kanawai; a ma ia wa aku hoi, e lawelaweia ai na keehina hana e moekahi ai na mea e hooholo ia ana e laua no ko Hawaii nei pono Aupuni, i hoopauia ai na hemahema kuloko i hoikeia ae nel e makou. A ke olelo ae nei makou ma keia wahi, oiai e wehe mai ana "kaiao" ame ke "alaula" o ka malamalama no ko kakou nohona Aupuni a hoea mal i keia mua kokoke iho, he mea pono ia kakou ke ao kanaka mai i keia wa, e, na kanaka Hawaii, a hookuonoono po- ! no iho i ko kakou mau noonoo ana no ka hana pono a kuhoi i ka naauao a kakou e lawelawe aku ai ma keia mua aku no ka hoopiha ana i na Hale elua i o ko kakou Ahaolelo kuloko ma kela mau mua aku.