Ka Nupepa Kuokoa, Volume XXXVIII, Number 11, 16 March 1900 — HE LAAU KUNU MAIKAI NO NA KEIKI [ARTICLE]

HE LAAU KUNU MAIKAI NO NA KEIKI

"Aohe o'u wahi kanalua iki no ka hoomaikeike ana aku i ka LAAU KUNU A KAMALENA (Chamberlain's Coug>h Remedy) wahi a F. P. Moran, he kanaka puhi pa'aoa kamaaina a kaulana nohoi no Petersburg, Va. "Ua haawi aku maua ia mea i ka maua poe keiki i ku lakou wa e loohia ai i'ke kunu inoino loa, a pela nohoi me ke kunu kalea. Ua hoikeia mai keia laau ia'u e kekahi kanaka kawili laau lapaau, ma ke ano he laau kunu maikai loa ia 'no na kamalii, oiai aohe opiuma a mau mea hoopilikia e ae maloko oia laau lapaau. E kuaiia ana e na poe kuai laau lapaau apau. O BENSON SMITH & CO., na Agena no Ko Hawaii i Pae Aiiia.

Ua loaa mai na lono ia nei, ua hoopuka ae la ke Aupuni o lapana i na kauoha i kona mau luna Aupuni. aole e ae hookuu hou mai i na kanaka lapana limahana no Hawaii nei, a hiki i ka wa maopopo ai ko keia mua aku. Ma ka Poakahi o keia pule iho la, i noho ae ai o R. D. Siliman, kekahi loio Opio o Honolulu nei, ma ka Oihana lunakanawai Kaapuni no ka Aha Kaa- [ puni o Oahu nei, a hiki i ka wa e poI hala mai ai o Lunakanawai Stanley mai kona nawaliwali e waiho nei i keia wa. Ma ka po Sabati nei a ao ae Poakahi iho la o keia pule, ua aihueia aku la he $125 mai keka'hi Pake maauauwa i'a o ka Makeke ae nei. He mau dala gula keia. Ua hoopaaia keia mau dala ma kekahi kaei lole ahinahina i kakuaia ae ma kona puhaka. Oiai hoi oia e hiamoe ana, ua okiia ae la ua kaliki lole ahinahina nei, a lilo aku la ke dala. Ua manao wale ia he Pake no ka mea nana i hana i keia hana. He keu mai nei ko kakou piha ino loa i na poe haole malihini i keia mau la, a ua 'huikau like kakou me na poe maikai ame na poe ino. O ka pono no ka makaala. Iloko o ke kulana o ko kakou noho ana i keia mau la, he pono loa ke makaala, moe ana ka po me ka laka i na puka apau me ka paa. pono, a no ka mea, ke nui mai nei na poe kolohe i o kakou nei i keia mau la; na haole ame na Pake pu kekahi e hoao mai nei e aihue ame ka powa. Aohe malama i pau i ka iole.