Ka Nupepa Kuokoa, Volume XXXVIII, Number 11, 16 Malaki 1900 — AHAHUI EKALESIA MOKUPUNI. [ARTICLE]

AHAHUI EKALESIA MOKUPUNI.

I E noho ana ka Aha Hui Ekalesia o ka Mokupuni o Kauai, ma ka Luakini o Lihue. Ma ka Poakolu elua o Aperila, hora 10 a. m. 1900. E makaala mai na lala o keia aha i ka manawa i hoike ia maluna. G. L. KOPA. Kkauolelo. Waimea, Kauai, Mar. 6, 1900.

Ma ko makou pepa o keia la i pau ai ka Moolelo "Ke Aloha o kuu Makuakane," kekahi o na moolelo i ohohia, nui ia e ko makou poe heluhelu. Ua lilo ma ke kuai ka aina hana waiu o L. von Tempsky, ma Puuomaiei, Maui, ia W. 0. Aiken, ka luna auhau o Maui. He 300 eka ka nui o keia aina. Ma ke kakahiaka o ka Poaono i hala i loohia al o Albert Perkins, he lima paahana no ka hale hana hao o ,-Ulakoheo" ae nei i kekahi ulia poino mamuli o ka lele ana ae o kekahi apana hao a komo pono i ka onohi o kona maka. Ua laweia oia i ka halemai o na ma'i o ka maka ame ka pepeiao, a nanaia e Dr. Slogget. He kukonukonu no keia poino. | Puka hou ae la no ka Ma'i Bubonika ma Honolulu nei, ma ka aoao makai iho o ka Halepaahao o Kawa ae nei. He Pake no keia mea i loaa iho la i ka ma'i o Ah Jan ka inoa. Ua laulaha ae ka lono ma ka Poaono i hala aku la, ua powa ia kekahi mau kanaka Hawaii elua mauka ae nei o Nuuanu, a ua laweia aku mai a laua aku he wati gula ame kekahi mau dala. Ao'.e nae i maopopo, he oiaio paha, aole paha. Mauka ae nei o Puunui, i ala ae ai kekahi haunaele nui ma ke kakahiaka Sabati aku nei, a hou ae la kekahi haole i ka pahi i kekahi mau kanaka Hawaii ekolu. 0 ka inoa o keia haole o Charles Downing. E nana ae i ka moolelo o keia hou pahi ma kekahi wahl oka makou pepa o keia la. He ona a he wahine paha ke kumu o keia hou pahi ana. He hou pahi weliweli loa kai hanaia ma ka po Poaono nei, ma alanui Moi, a ua make loa o Toyo Jackson. 0 ka mea nana i hana i keia hana weliweli oia ka paele nona ka inoa o Wil- ' liam Ester. E nana ae i ka moolelo piha o keia hookahe koko weiiweli ma kekahi wahi o ka makou nei pepa o keia la. 0 na loaa o ke Kuokoa no na nupepa 1 pau i ka lilo ma ka Poalima ame ka i Poaono aku nei o kela pule, ua hiki aku i ka $23 a oi. Ua like me 920 pepa I i lilo ina i kuaiia ma ka 2% keneta e na kamalii kuai nupepa. He huina mahuahua loa keia. He hoike keia no ka nui o ke ohohia ia o ke Kuokoa i keia wa. Ua hoea mai nei i Hawaii nel o Mr. Hirai, he Agena kuikawa no ke Aupuni o lapana i Hawaii nei, no ka huli pono ana i na moohihia lehulehu wale a na lapana no ka poino o ko lakou mau waiwai.